Најдобрите суперглупави вицови!!!

Лекар прегледува пациент.
На крај, после деталниот преглед, лекарот го прашува пациентот:
- Како си со пробавата ? Одиш ли редовно по надвор ?
- А, - вели пациентот - за тоа нема проблем ! Секое утро, во 7 и 30, точно како часовник, одам по надвор !
- Добро, - вели лекарот - ништо страшно. Имаш малку инфекција, и ќе ти дадеме пеницилин, но, денеска пеницилинот ни заврши, дојди утре, ќе ти дадеме пеницилин, и, нема проблем, ќе оздравиш.

Три бактерии во организмот на пациентот го слушаат тој разговор, и, целите испреплашени, си велат една на друга: а бе, овој ќе прима пеницилин, ќе не отруе !
Едната бактерија вели:
- Јас ќе одам во мозокот, таму послабо доаѓа пеницилин, можеби ќе преживеам !
Другата бактерија вели:
- Јас ќе одам во слезината, и таму послабо доаѓа пеницилин, можеби ќе преживеам !
А третата бактерија вели:
- Вие како сакате, а јас го фаќам експресот во 7 и 30 !

На некој лекар му завршува работното време. Он ја заклучува ординацијата, излегува од болницата, и оди кон својата кола на паркингот.
Таму го чекаат десетмина пациенти, и, кој како, му се жалат: докторе, јас имам покачена температура, докторе, мене ме боли грлото, докторе, мене ме боли главата, и сл.
Лекарот ги гледа, и им вели:
- Гледам дека меѓу вас нема итни случаи. Мене ми заврши работното време, дојдете утре.
Тогаш, на лекарот му приоѓа еден средовечен селанец, и му шепнува на уво:
- Докторе, а што да правам со печењево ?
"А, печење !" - си помислува лекарот.
- Добро. - му вели лекарот на селанецот - дојди со мене.
Лекарот и селанецот се враќаат во болницата, лекарот ја отклучува ординацијата, влегува во неа со селанецот, и седнува на својот стол.
- Па, - го запрашува лекарот селанецот - каде е печењето ?
- Докторе, - му вели селанецот - кога мочам многу ме пече !