Жените во политиката

   Германското општество, иако денеска ја има Меркел (која бај д веј е од источна Германија - значи дете на комунизмот) е по-мачо општество отколку македонското. Особено во професионалниот живот.
Ќе дадам само мал пример: во Германија се уште жена на иста позиција со маж е помалку платена од него. Не ви се верува? И мене не ми се веруваше, ама така е. Се уште има такви случаеви и затоа постојат посебни инспекциски институции за проверување на таа работа. 
Поради фактот што мажот секогаш имал предност пред жената во конк*рирање за работа, сега по закон во германија има позитивна дискриминација - од два кандидати за работно место - жената има предност, но тоа не е одлучувачко (значи, може сепак мажот да добие, ако е покомпетентен).

Јас во МК или во Франција (кадешто минував еден подолг период во животот) никогаш не се чувствував „различна“(во негативна смисла) затоа што сум жена. За прв пат во животот понекогаш се случува да почувствувам дека некој не ме зема озбилно само поради тоа - тука, во Германија. 

Ако имате проблеми од било каков јавен тип (во продавница, со пошта, струја, било што од јавен сектор) е секогаш препорачливо МАЖ да се јави и да разговара - бидејки него го земаат посериозно. Да, ова го знам од германци!

Во Германија нема детски јасли, градинките почнуваат од 3годишна возраст и тоа само до пладне. Има многу малку градинки, па родителите се ставаат на листа за чекање уште кога детето ќе се роди. И пак не е сигурно дали ќе има место. Така да мајката е присилена да седи дома 3 години со детето, бидејки во Германија ретко баби чуваат внучиња. Па дури и имаат посебен израз “Мајка - гавран“ (што никаде го нема!) за оние мајки кои после една година (или не дај Боже помалку!) го завршуваат породилното.Демек, не била добра мајка. Значи, жената практично е приморана да седи дома (според мене затоа и имаат толку слаб наталитет), да направи голема професионална пауза, ако има дете.
Ова се однесува пред се на западна Германија која иако една од најцивилизираните земји е се уште мачо култура и прилично конзервативна. 
Пред еден месец имаше огромна статија за овие работи во „Штерн“ - за жената во ДДР и БДР. И вели: жената од ДДР бара партнер во животот, додека жената од БДР „снабдувач и грижач(така да го наречам)“. Слично како нашите баби, поточно прабаби или чукун-баби од турско време. 

Така да, Европа треба прво дома да си ги реши тиа проблеми, па после да суди како е во туѓите дворови и куќи.

Изменето од chuchuliga - 17.Декември.2009 во 22:12