Не мораш да се согласуваш, на крај краишта јас зборувам од женска гледна точка како изгледа да стартуваш кариера каде мажите се мнозинство. Уште на самиот старт сите ќе се потрудат да ти го направат животот помизерен. Стално се дофрлуваат коментари од типот- што бара жена таму, наместо да работи женска работа и да чува деца? не си има попаметна работа.....За среќа 21 век е и немора да се покорува повеќе на туѓите размислувања, но сепак уште голем број на народ нема разбирање.

Германското општество, иако денеска ја има Меркел (која бај д веј е од источна Германија - значи дете на комунизмот) е по-мачо општество отколку македонското. Особено во професионалниот живот.

http://www.dnevnik.com.mk/?ItemID=315B38C402B60E419A57B4FC969711B5 -

novace напиша: Дека жените се доминантни (за) насекаде..е тема на која и не треба (да има) полемика.. И доказ дека матријахатот..владеењето на жените е излез за повеќето општества ..е и животот кај најстарите семејно организирани заедници..пчелите.. Се се знае и е одредено..со самото раѓање

http://www.dnevnik.com.mk/?ItemID=85A9FA8390B56C4FB35A2FB36BCC53E9 -

Рекорден избор на дами

Политичките партии имаат повеќе доверба во жените на предвремените парламентарни избори.
За разлика од минатите, кога имаше само две носителки на кандидатски листи, Шеќеринска и Јанкуловска, овојпат жени под број еден на листите има дури 10.
Со исклучок на Рада и Гордана, сите други носителки првпат се борат да ги освојат гласовите на граѓаните за својата партија.
Без жени-носители на листите на овие избори од поголемите политички партии останаа ВМРО-Народна партија, ДПА, Достоинство и Нова демократија.

Министерката за внатрешни работи Гордана Јанкуловска е единствената жена - носител на листа на кандидати за пратеници од ВМРО-ДПМНЕ. Под нејзино водство ВМРО-ДПМНЕ ќе се бори за освојување што повеќе пратенички места во втората изборна единица.
Јанкуловска е мажена, има 37 години. Таа е правник, магистер и од 2000 година е во државната администрација. Во 2004 година станува генерален секретар на ВМРО-ДПМНЕ, а од 2006 година е на чело на Министерството за внатрешни работи. Оваа функција ја добива повторно во 2008 година.

Радмила Шеќеринска - Јанковска е носител на листата на кандидати за пратеници од СДСМ од првата изборна единица и противкандидат на премиерот Никола Груевски, односно кандидат од СДСМ за иден премиер на Република Македонија. Родена е во Скопје, во јуни ќе полни 39 години. Има едногодишна ќерка, Ада. Шеќеринска е дипломиран електроинженер и магистер по меѓународни односи. Од 2002 до 2006 година беше вицепремиерка, задолжена за европски интеграции. Таа е добитник на наградата "Глобален лидер" на Светскиот економски форум.


Ана Павловска - Данева е носител на втората изборна единица на кандидатската листа на СДСМ. Таа е родена во 1973 година во Скопје. Мајка е на Никола (13) и на Виктор (6). Професор е на Правниот факултет "Јустинијан Први" во Скопје. Таа е потпретседател на СДСМ нецела година и е единствениот доктор на науки меѓу жените - носителки на листи на овие избори.





Ермира Мехмети од Демократската унија за интеграција, пак, е единствената жена Албанка, носителка на кандидатска пратеничка листа. Ја предводи листата на ДУИ во втората изборна единица, каде што се и Јанкуловска и Данева. Ден по одржувањето на изборите, магистер Мехмети ќе наполни 32 години.



Највозрасната меѓу политичките противнички кои ги предводат кандидатските листи на своите партии, и една од најискусните парламентарки во Македонија е Роза Топузова - Каревска од Прилеп, која ја води кандидатската листа на ЛДП во шестата изборна единица. 57-годишната Каревска, магистер археолог, е семејна жена, мајка на Стефана.
И Обединети за Македонија довербата за да предводат листи ја даде на две припаднички на понежниот пол во битката за гласови од граѓаните.



Биљана Јовановска ќе ја предводи кандидатската листа на ОМ во првата изборна единица. 34-годишната носителка е сопруга и мајка на 20- месечни близнаци Константин и Елена. Со семејството живее во Аеродром.
Таа е портпарол на ОМ.




Весна Трајковска е носител на листата на ОМ во петтата ИЕ. Професорка е по македонски јазик во битолското училиште "Таки Даскало". Во политиката е од 1994 година. Сопруга е и мајка на две деца. Претседател е на Организацијата на жени на Обединети, на републичко ниво, претседател на Општинската организација Битола и член на Претседателството на Обединети за Македонија.



Партијата Демократска десница е рекордер со жени-носители на кандидатски листи за пратеници, и тоа во третата, четвртата и во петтата изборна единица. Сите носителки се сопруги и мајки.



Елизабета Ристовска-Петровска (1965) е машински инженер и магистер по бизнис администрација. Таа била сопственик на фирма, член на Надзорен одбор во Сојузот на стопански комори на Македонија, има сертификати за разни бизнис менаџирања.





Ана Гигова од Демократска десница 10 години работи како професор по македонски јазик и книжевност, во приватниот сектор. Таа била на одговорни функции, секогаш во приватниот сектор, како што вели, пробивајќи се сама со свое знаење и квалитети. Носителка е во четворката.




Во изборната единица број пет, десницата ќе биде предводена од битолчанката Ангелка Велјановска - Ристовска. Завршила средно образование и приватно училиште за англиски јазик и компјутери. Моментално работи во ОНЕ Телеком Словенија. С. К. Делевска