БРОЈАНИЦА

Пред да се започне со целта на бројаницата треба дпрво да се објасни потеклото на бројаницата.
Бројаниците за првпат се појавуваат меѓу монасите кои се повлекувале во египетските пустини. Нивниот обичај практикувал секојдневна молитва која ги вклучувала сите 150 Псалми. Меѓу тие монаси имало многумина кои искрено верувале во Бога и го сакале, но не знаеле да читаат па затоа или успевале да запомнат дел од Псалмите или пак се молеле на друг начин. Така започнала традицијата секојдневно да се кажува молитвата: Господи Исусе Христе, Сине Божји помилуј ме, грешниот. Монасите за да бидат сигурни дека 150 пати се помолиле фрлале мали камчиња во сад. За да им помогне на монасите во молитвите Свети Пахомиј ( со Божја помош ) ја измислил бројаницата. Бидејки монасите не можеле да ги бројат молитвите надвор од своите ќелии, бројаницата им овозможила да се молат постојано со таа молитва и надвор од нив.
Истотака се мисли дека методот на врзување јазли при молитвите потекнува од таткото на правлославното монаштво Свети Антониј Велики. Тој започнал да врзува јазли при изговарањето на молитвата Господи Помилуј, но Сатаната доаѓала постојано и му ѓи отплеткувала за да го збуни при неговите молитви. Но тој откако добил визија, почнал да врзува јазли кои би имале форма на крст, кои ѓаволот не можел да ги отплетка. Токму затоа и денес јазлите се врзуваат така да формираат крст.
Значи со бројаницата секојдневно се кажува молитвата до Исус иако може да се кажуваат и други молитви.

Еве одлична статија од Митрополитот Пимен во врска со бројаниците и иконите.