Монотонија во врската??

Кога врската ја задушува монотонија

Една врска која е на почеток не познава монотонија, таа најчесто доаѓа кога се работи за подолга врска или брак. Ако постои и кај двајцата заинтересираност да се надмине таквата состојба, тогаш таа може да се надмине и врската да стане уште поцврста од претходно.

Никој не може да гарантира дека се работи за моментна монотонија, но може да биде таква ако и двајцата се трудат да биде надмината. До крај на врската или на бракот за време на ваквата состојба би дошло ако едниот не покажува знаци дека сака да се средат односите, ако одбегнува разговори и не прифаќа компромис. Доколку завладее ваквиот вид криза, не мора да значи дека неминовно ќе се случи „почеток на крајот". Сè зависи од тоа што сакаат двајцата. Еве неколку начини како да ја надминете монотонијата:

ЗАМEНЕТЕ ГИ УЛОГИТЕ

Внесете нешто ново во своите секојдневни активности, како на пример, за почеток- заменети ги улогите. Ако вие сте тие што секој ден по работното време готвите, тогаш дозволете му и тој да се проба во кујната. Макар и да не е успешно, сепак ќе биде интересно и смешно, бидејќи тој никогаш досега не го правел тоа. Заменувањето на улогите и должностите внесува одредена свежина во врската или заедничкиот живот, а ви помага и да ги согледате своите разлики.

ВНЕСЕТЕ АДРЕНАЛИН

Почнете редовно да го користите слободното време за да направите нешто интересно и за обајцата што тотално ќе ве исполнува. На пример, можете секое неделно попладне да го користите за да отидете на планинарење или, пак, да отидете на некое место на кое никогаш не сте биле и кое ви нуди простор за дополнителна возбуда од непознатото што ве очекува. Така ќе се почувствувате како повторно да сте во почетна фаза од врската и ќе ја добиете истата возбуда и занес како и на почетокот.

ШЕГУВАЈТЕ СЕ

Смислете некој интересен ритуал за кој знаете дека сигурно ќе му се допадне и ќе го изнасмее, а потоа применете го. Исто така можете да смислите некоја шега која никој нема да ја знае додека сте со друштвото, освен вие двајца. Заедничката тајна уште подлабоко ќе ве врзе и ќе направи да почувствувате дека делите нешто навистина особено, а тоа чувство ќе ви помогне да ги оживеете старите пеперутки во стомакот.