Предвидувања

Старите честопати знаат да кажат дека топлата зима значи неплодна година. Или пак, ако се појават муви во февруари – март ќе биде снеговит. Со климатските промени, некои работи се измениле но, еве некои интересни старински претскажувања за секој месец...

ЈАНУАРИ
Ако има трева во јануари, ќе ја нема во мај. 
Ако нема зима во јануари, ќе ја има во април или мај.
Зелен Божиќ носи Бел Велигден.

ФЕВРУАРИ
Ако мачката во февруари се сонча, во март пак ќе се „залепи“ за печката.
Ако на Св.Ефтимија (2.2) има цут, на Цветници ќе има мраз.
Ако на Св.Харалампије (23.2) е студено, зимата подолго ќе трае.
Ако на Св.Трифун падне дожд – ќе се родат многу сливи.

МАРТ
Колку што ќе има роса во март, толку мразови ќе има во мај. 
Снежниот март е лош за лозјето.
Ако во март се појават штрк и кукавици, пролетта ќе биде топла.
Ако на Тодорица има јак ветар, годината ќе биде родна.

АПРИЛ
Ако времето е убаво во април, во мај ќе се расипе.
Април во дожд значи мај во цут.
Влажен април значи сув јуни.
По априлските грмотевици, нема веќе да има мраз.
Ако Благовец е сончев, годината ќе биде родна.

МАЈ
Ако дабот се раззелени пред Ѓурѓовден, годината ќе биде плодна.
Ако е убав денот на Летен Св.Никола (22.5), годината ќе биде полна со жито.

ЈУНИ
Дождливиот јуни ќе го расипе цело лето.
Сув јуни носи добро вино.
Каков јуни, таков и декември.
Ако на Видовден (28.6) врне, ќе врне уште седум недели.
Ако на Видовден кукавицата долго кука, тоа е лош предзнак.

ЈУЛИ
Ако на Св. Прокопие (21.5) врне, цела година ќе биде лоша.

АВГУСТ
Ако на Преображение е убаво времето, ќе има добро вино.
Каков што е август на почетокот, така ќе биде и на крајот.
Ако мравките во август повисоки кули градат – претскажуваат остра зима.
Ако загрми на Св.Илија (2.8), ќе се расипат оревите и лешниците.
Ако на Голема Богородица има ветар, претстои зима полна со снег.

СЕПТЕМВРИ
Ако Крстовден (27.9) е наоблачен, в зима ќе има снег. Ако е ведар, ќе има мраз.

ОКТОМВРИ
По народното верување, во октомври мора да има 10 топли денови.
Ако на Св. Тома (19.10) не паѓа дожд, тогаш мора да биде ветровито.
Ако на Св.Лука (31.10) на стоката им се свиткани нозете, тоа е предзнак за студена зима.

НОЕМВРИ
Ако грми во ноември, тоа значи дека идната година ќе биде плодна.
Ако има снег на Св. Архангел Михаил (21.11) – идната година ќе биде бериќетна.
Ако падне снег во ноември и остане повеќе денови, тоа е подобро за земјата отколку да се ѓубри.
Ако е на Митровден (8.11) ведро, зимата ќе биде сува и мразовита.

ДЕКЕМВРИ
Ако на Вoведение на Пресвета Богородица (4.12) е ведро, годината што следи ќе биде плодна.
Ако на Св. Андреј (13.12) паѓа снег, ќе ги „однесе“ посевите и овошките.