Тортата послужете ја топла со мезе од кулен, пршута и колбаси.

Потребни намирници

300 грама брашно, 80 грама пармезан, 40 грама рендан кашкавал, 150 грама моркови, 60 грама црни маслинки без семки, 1 сув квасец, 3 јајца, 1 лажица млеко, 1 кафена лажичка шеќер, семки од тиква, масло, сол, црн пипер.

Подготовка

Морковите излупете ги, измијте ги и изрендајте ги. Брашното измешајте го со квасецот, малку сол, малку шеќер, 40 грама пармезан, и постепено додадете 100 милилитри млака вода. Јајцата изматете ги и додадете ги во тестото. Потоа додадете ги и изренданиот кашкавал, преостанатиот пармезан, маслинките и изренданите моркови. Замесете тесто, формирајте топка, засечете крст на површината и оставете да стасува 1 час на топло место. Преместете го тестото во намрснет калап, покријте го со кујна крпа и оставете го да стасува 1 час на топло. Површината намачкајте ја со жолчка изматена со млеко. Одозгора наросете семки од тиква и печете 1 час на температура од 200 степени.

• Состојки
  200 гр брашно
  90 гр нишесте
  170 гр шеќер
  400 гр рендани моркови
  60 гр дробени фстаци
  6 големи лажици вода
  100 мл масло
  1 пакетче прашок за пециво
  рендана кора од лимон
  
  1. Сите состојки се ставаат во длабок сад и се мешаат. Смесата се става во подмачкан правоаголен калап (30х11).
  2. Се става да се печи во загреана рерна на 180 степени 45-50 минути.
  3. Откако убаво ќе се олади, се наросува со шеќер во прав и се сервира.
  
  
  

Морков торта

Состојки
За кората
250 мл. масло
180 гр. кафен шеќер
3 јајца
1 ванила
250 гр. брашно
1 лажичка пециво
1/3 лажичка сода бикарбона
1/4 лажичка сол
1 лажичка цимет
1/2 лажичка мускатно оревче
1/2 лажичка мелен ѓумбир
350 гр. рендан морков
150 гр. ореви
Крем
250 гр. крем сирење
60 гр. шеќер во прав
1-2 лажици сок од лимон
За посипување
1 шака сецкани или толчени ореви

Состојки
За кората
250 мл. масло
180 гр. кафен шеќер
3 јајца
1 ванила
250 гр. брашно
1 лажичка пециво
1/3 лажичка сода бикарбона
1/4 лажичка сол
1 лажичка цимет
1/2 лажичка мускатно оревче
1/2 лажичка мелен ѓумбир
350 гр. рендан морков
150 гр. ореви
Крем
250 гр. крем сирење
60 гр. шеќер во прав
1-2 лажици сок од лимон
За посипување
1 шака сецкани или толчени ореви

Љубител сум на ваквите колачи или торти. Подеднакво ги сакам и со тиквички и со моркови. Во врска со поставената тема, јас ја направив, а вие проследете го рецептот. Впечатоците ќе бидат воодушевувачки - почнувајки прво од аромата по кујната додека се печи, а после - после- јас знам колкава вкусотија е, оставам сега вие да кажете откако ќе ја спремите. Во дилема бев дали да напишам Торта или пак Колач.
Постапка
- Морковот изрендајте го. 
- Измешајте ги брашното, пецивото, содата и ароматните мелени состојки и сецканите или толчени ореви.
- Во сад за матење изматете ги јајцата и шеќерот, додадете го маслото и продолжете да матите додека се спојат состојките.
- Исклучете миксерот, додадете го брашното, со шпатула добро измешајте, додадете ги морковите и измешајте да добиете компактна смеса. Излијте ја во модла постелена со хартија за печење, а ѕидовите премачкајте со масло. Ставете да се пече во претходно загреана рерна на 180 степени. Нека се пече околу 50 мин. Извадете од рерна, ставете на решетка и дозволета да се олади.
Додека се лади вие ќе го спремите кремот кој е готов за чинам секунда време.
Крем
- Измешајте со миксер крем сирењето и шеќерот во прав, пробајте и овкусете додатно со исцеден сок од лимон 1 или 2 лажици. Доколку сметата дека не е потребно не мора да ставите.
- Оладената кора пресечете ја хоризонтално, половина од кремот ставете на едната кора, поклопете со другата, премачкајте со останатата половина, посипете со сецканите или толчени ореви.
Нека одстои неколку време као би се споиле кремот со корите, потоа ви предлагам само да уживате. Неверојатен вкус!
Напомена
- Модлата пожелно е да биде бр.20-21 см. Јас ја печев во 24 бидејки немав помала.
- Би ви предложила да навистина користите кафениот шеќер иако може и бел, но има разлика, а не ги изоставајте зачините, ако тоа го сторите нема да го добиете тој бајковит вкус кој потсетува на Божиќните празници.
- Морквот треба да биде рендан 350 гр. Јас еден дел изрендав на поедрата страна, а другиот дел на ситната страна.

Состојки:

3 средни моркови
3 јајца
100 кафеав шеќер
100 г брашно
1 лажица какао
1 лажичка прашак за пециво
1 лажичка цимет
½ лажичка ѓумбир
Прстофат ѓумбир
Прстофат сол
Џем од малини
За кремот:
200 г крем сирење
2 лажици путер
2 лажици мед
Екстракт од ванила

Приготвување:

Матете ги јајцата 3-4 минути па додадете и го шеќерот и матете уште 1-2 минути. Соединете ги сувите состојки па додадете ги јајцата и се добро измешајте.

Додадете ги ренданите моркови и ставете ја смесата во калапот за печење кој претходно сте го намрсиле или сте ставиле хартија за печење.

Печете 10-тина минути во претходно загреана рерна на 200 степени.

За кремот е потребно со помош на миксер да се соединат сите состојки.

Единствено внимавајте путерот да биде на собна температура за да не останат грутчиња.

На бисквитот намачкајте слој мармалад од малини (или било кој друг мармалад по ваш избор) и ставете слој крем од сирење.

На кремот ставете мали купчиња мармалад и раширете ги со помош на чепкалка за да го декорирате колачот.

Филувана торта со морков

Состојки
5 јајца
1 чаша шеќер
1 и 1/2 чаша масло
1 чаша млеко
1 пециво
1 ванила
2 чаши брашно
ПОСИП
100 гр шеќер во прав
2 ванили
Слатко од моркови во средишниот дел
Јајцата ги матиме пенесто со шеќерот откако ќе ја добиеме посакуваната смеса, додаваме масло, млеко, пециво, ванила и брашно.
Миксерот го исклучуваме уште кога ќе ги изматиме јајцата и шеќерот, а се останато се мати со вилушка. Пола од сместа ја префрламе во плех за печење кој претходно сме го намастиле со путер.
Печеме и проверуваме дали е печено со чeпкалка.
Кога е печено, ги цедиме морковите од шербетот и ги редиме врз печениот пандишпан. Врз него постиламе уште еден ред од преостанатата смеса. Продолжуваме да печеме додека не се испече убаво цела торта.
Кога е готова ја вадиме од рерна и попрскуваме шеќер во прав врз целата торта. Оставаме да се излади, па сечеме коцки по желба.
Многу ни се допадна вкусот на оваа брза торта.
Вистината е дека ова не е оргиналниот рецепт, туку моја идеја за комбинација торта - слатко.
Забелешка
Оргиналниот рецепт вели дека треба да се стават вишни од компот наместо моиве моркови, ама немате престава колку е убава на мојов начин.
На здравје

Дукати од морков

Состојки
400гр моркови
1 јајце
1 лажица гриз
2 лажици брашно
1-2 лажици презла
1 лажица пармезан
1 главица сецкан кромид
сол, бибер, зачин по вкус, масло

Едноставни за припрема, а краен ефект одличен и за око и за непце.
Прво морковите се чистат и се ставаат во касерола, се налеваат со вода во која има малку сол и се варат на тивко да омекнат.
Се процедуваат (водата може да се искористи за подготовка на домашна чорба)и се пасираат со вилушка.
Се ставаат во ситна цедалка да одстојат 10 минути.
Потоа се ставаат во сад, се додаваат зачините, кромидот, јајцето, пармезанот, гриз, брашно и лебни трошки по потреба, за да се добие смеса од која ќе може лесно со влажни раце да се формираат дукатите.
Се редат на чинија и се пржат на многу малку масло во загреана тава од двете страни по 2 минути, благо да заруменат.
Сервирајте со кисела павлака, сирење, кајмак........