Состојки:

• 230 г пченкарен гриз
• 230 г пченкарно брашно
• 1 прашак за пециво
• 3 јајца
• 1,25 дл млеко
• 1,25 дл зејтин + зејтин за подмачкување на тепсијата
• 150 г шунка
• 150 г младо сирење
• 1 дл минерална вода
• 500 г спанаќ
• 100 г пченично брашно
• сол

Приготвување:

1. Во соодветен сад се матат јајца, млеко, зејтин и минерална вода.
2. Потоа постепено се додава мешавина од прашак за пециво, пченкарно брашно и гриз и се меша додека не се добие изедначена смеса. На крај се додава сол по вкус и се промешува.
3. Спанаќот се бари во солена вода, а потоа се цеди од вишокот течност и ситно се сечка.
4. Сирењето се дроби, а шунката се сече на коцкички.
5. Калапите за мафини се подмачкуваат со зејтин и се поросуваат со пченично брашно. Потоа во нив се става една третина од приготвената смеса за проја. Се поросува со младо сирење, шунка и спанаќ и се прелива со преостанатата смеса.
6. Се пече во загреана рерна на 180 ºЦ додека не порумени.

Состојки
2 чаши пченкарно брашно
1 чаша пченично брашно
3 јајца
неполна чаша дробено сирење
1 пециво
1/2 чаша зејтин
2 чаши газирана вода
на вкус сол
по ваш избор микс на семиња

Полесно - здравје,
Чаша = 250 мл.
Во сад скршете ги јајцата и лесно разматете ги (а и не мора) додадете ги двете врсти на брашно измешани со пецивото, зејтинот, водата, сирењето, овкусете на сол, измешајте - добиената смеса истурете ја во подмачкано со зејтин плекче, посипете со микс од семиња, ставете да се пече во претходно загреана рерна на 200 степени.
Напомена
- Во оваа пита наместо сирење можете да ставите ситно сецкан праз, може и комбинација - праз и сирење, може спанак, може да посипете со било какво семе или микс на семиња... тоа ваш избор.
- Јас питата ја печев во мала Ростер тава, не ја подмачкував со зејтин и висината на истата е таа што ја гледате, доколку сакате пониска - тогаш ставете во поголема тава.
- Доколку ставите сирење, ако е многу солено - сол нема потреба да додавате, затоа внимавајте на солта.

Состојки
4 јајца
1/2чаша зејтин
3чаши јогурт
2чаши обично бело брашно
3чаши пченкарно брашно
1,5 чаша сирење дробено
1 пециво
1/2пакетче ким
1чаша сецкани чварки


Жолчките се матат со зејтинот и постепено се додава јогуртот, брашното, пецивото, сирењето, чварките и на крај снег од белките. Се додава сол по вкус, кимот и се истура во плех, па се пече околу 25мин на 180
Ова е многу брз и едноставен доручек. Сирењето е подобро да се издроби низ прсти затоа што ако е рендано брзо се топи, а вака се чувствува неговиот вкус. Чварките се ставаат по вкус на готвачот, а јас често ги менувам и со некое суво месо, колбаси или што ќе се најде дома. Пројата е рецепт кој трпи промени и секогаш може да ја подготвите со различен вкус