Елката од тестенини е едноставна и евтина декорација што можете лесно да ја направите заедно со своите деца. Најдобро е да започнете да ја правите елката малку порано затоа што изработката е долготрајна.

Можете да залепите два реда панделки на картон и да ги оставите да се сушат еден ден, а потоа да продолжите со следните слоеви. За среќа, колку што е помал обемот на конусот, толку и работата оди побрзо.

Потребни материјали:

• Картон или стиропор
• Тестенини (можете да изберете форма по ваша желба)
• Лепило
• Златен или сребрен спреј
• Украси
• Стаклено шише со зашилен врв (на него ќе го ставите картонот)

Исечете полукруг од картон – колку што е поголем полукругот, толку поголема ќе биде елката. Залепете го во форма на конус и ставете го на шишето. Почнете да ги лепите тестенините колку што е можно погусто за да не се гледа картонот и продолжете така сè до врвот. Откако ќе се исуши лепилото, нанесете спреј. Потоа, откако ќе се исуши спрејот, залепете ги украсите.

Погледнете ја постапката чекор по чекор.

Зелениот венец потекнува од евангелската традиција, но на почетокот на дваесеттиот век бил усвоен во сите земји и без оглед на религијата, тој е симбол на исчекувањето на Божиќ. Четирите поставени свеќи го симболизираат времето на исчекување за Божиќ – по една свеќа се пали секоја недела.

Овој венец обично се прави од зимзелени гранки (сребрена смрека, ела или бор). Покрај тоа, се додаваат и махагонија, ловор или смрека. Католичката традиција најчесто користи свеќи со виолетова боја, кои ги симболизираат адвентистичките литургиски фустани, или црвени – како симбол на радоста на исчекувањето за празниците.

Погледнете подолу како сами да направите украсен венец.

Потребни материјали:

• Стиропор во форма на прстен со дијаметар 15-20 см
• Свитлива зелена жица
• Силиконско лепило
• Градинарски ножици
• 4 мали, дебели свеќи
• Гранчиња ела, бор, смрека
• Сушени портокали
• Стапчиња цимет
• Мали медени колачиња
• Sвездест анасон

Постапка:

1. Започнуваме со правење зелена основа. Прикачете борови гранки во круг и завиткајте ги со свитливата жица околу стиропорот. Додадете неколку гранки ела и повторно прицврстете ги со жицата.

2. Повторете ја постапката со останатите гранки. Потоа додајте и од останатите растенија, завиткувајќи ги со жица. Правете го тоа со клешти, за да си олесните.

3. Наредете ги растенијата цврсто и малку под агол, така што следните групи гранки да се преклопуваат со претходно поставените. Ова ќе ги сокрие жиците. Обидете се да ги врзете гранките не само одозгора, туку и од страните од кругот, создавајќи густ, рамномерен венец. Нежно поставете ги последните растенија прицврстувајќи ги под гранките поставени на почетокот.

Проверете дали сите гранки се рамномерно распоредени и гледајте да нема празнини.

4. Следниот чекор е да ги поставите свеќите на венецот. Користете градинарски ножици за да исечете жица или чепкалки за заби со должина од околу 5-6 см. Ќе ви бидат потребни 4 вакви парчиња за секоја свеќа. Потоа, ставете ги свеќите на венецот на дванаесет, шест, девет и три часот. Притиснете нежно за да ги набиете жиците на зелената основа и стиропорот.

5. На крајот останува само да го украсите венецот. Избраните украси залепете ги со силиконско лепило.

Готовиот венец традиционално се става на видливо место – на пример, на масата или може да го прикачите со лента на плафонот.

Шишарките може да се најдат во различни облици и големини, а се одлични како предмети за декорација. Тие се интересни и изгледаат прекрасно доколку ги изложите на некоја полица или пак ако се дел од некој занимлив аранжман. Одговараат за обликување, па од нив може да се направат различни украси.

Соберете шишарки и инспирирајте се преку овие неодоливи новогодишни украси. Лесно можете да ги избоите и украсите, само погледнете ги идеите коишто ги нудиме во продолжение.

1. Бели шишарки

Белите шишарки изгледаат прекрасно, дури и ако се само изложени во кошница или во некој стаклен сад. Бидејќи тие се дрвени плодови, може да ги побелите во неколку чекори. Белите шишарки лесно ќе ги вклопите во вашиот дом, каков и да е вашиот амбиент.

2. Шишарки обоени со спреј

Спрејот во боја е идеален за фарбање на нерамни површини, меѓу кои спаѓаат и шишарките. Изберете јаки бои и испрскајте ги. Кога ќе се исушат изложете ги во омилените садови и украсете го вашиот дом.

3. Шишарки во вид на мини елка

Бидејќи премногу наликуваат на елки, шишарките се идеални за аранжман. Избојте ги во зелена боја, поставете ги во саксија и украсете го врвот со ѕвезда или со друга форма по ваш избор.

4. Шишарки обоени со восок

Восокот во боја е уште еден начин да ги обоите шишарките. Изберете интересни бои и поиграјте си со комбинациите.

5. Свеќници од тегли украсени со шишарки

Ако сте сочувале некои поголеми тегли, еве еден прекрасен начин да ги употребите. Свеќниците украсени со малку вештачки снег и пар шишарки врзани со конец, делуваат неодоливо и празнично.

6. Ѕвезди од шишарки

Ако сте љубители на природните материјали за новогодишни украсувања, оваа ѕвезда од шишарки е идеален проект за вас. Дополнително, за да изгледаат свечено, можете да ги обоите во сребрена или златна боја.

7. Омбре шишарки

Омбре начинот на боење е популарен веќе подолго време. Па, искористете го овој тренд и обојте и украсете ги шишарките на овој начин, како дел од новогодишниот аранжман.

8. Шишарки на прозорецот

Украсете ги вашите прозорци или врати така што ќе ги закачите декорираните шишарки на нив. Изберете во што повеќе уживате – дали природни или обоени, но како и да е, нема да погрешите.

9. Аранжмани со шишарки на вашиот влез

Не заборавајте да го украсите и влезот од вашата куќа или зграда. Одберете големи шишарки и аранжирајте со некои слични предмети за празнично добредојде.

10. Мини елка од шишарки

Уште една мини елка којашто е прво обоена, а потоа е украсена со машнички, ленти, цветчиња и бисерчиња. Неодолива е било да е сама или како детаљ со други празнични декорации.

11. Венец од шишарки

Ако имате доволно шишарки, од нив можете да направите венец и да го поставите на средината на масата или да го закачите на ѕид. Малку декорирајте го и тоа ќе биде одличен детаљ во вашиот дом.

12. Шарени шишарки

Ако сте вешти во шиењето и имате парчиња шарени материјали, направете ги овие занимливи мини елки од шишарки. Овие шарени шишарки се прават на тој начин што малите топчиња од материјал се ставаат во празниот простор и се залепуваат со малку лепак.

13. Елка направена од деловите на шишарките

Оваа занимлива елка можете да ја направите на тој начин што ќе ги залепете поединечните делови коишто претходно ќе ги исечете од шишарките. На конусна основа залепете ги овие делови и дополнително украсете ги со малку светкави бои, а на крај на долниот дел ставете и машна во боја по ваш избор. Ова е прекрасен детаљ за декорирање на вашиот дом во претстојните денови.

14. Шишарки кои ги красат свеќите

Класичните дебели свеќи украсете ги со ребраст картон и шишарки, па ќе добиете одличен украс за вашата полица.

Автор: Зорица Тодорова

Ако имате креативна страна и љубов спрема рачните изработки, зошто не си го пружите задоволството сами да си ги направите украсите овој Божиќ? Со нив може да го украсите домот или да им ги дадете на вашите најблиски како Божиќни подароци. Сѐ што ви треба се неколку празни тегли, слободно време и празнично расположение.

1. Најпрвин измијте и исушете ги празните тегли, а доколку имаат налепници отстранете ги. На дното ставете зелени листови и гранчиња од растенија по ваш избор, а потоа додадете дланка бобинки кои ќе испливаат на површината откако ќе ја налеете теглата со вода. За крај додадете мала свеќичка.

2. Шишарките се најочигледниот избор кога станува збор за зимска декорација. Теглите наполнете ги со морска сол која ќе заменува снег, во средината ставете обични бели свеќички, а околу теглите украсете со шишарки и зимзелени гранчиња.

3. Уште една идеја со шишарки. Едноставно наполнете ги теглите со шишарки а свеќичките ставете ги одозгора.

4. Прво теглата обојте ја со спреј во бела боја на дното и на врвот, а потоа внатре додадете малку „снег“ и мала елка. Елките во различни големини може да ги најдете во поголемите продавници и дисконти за украси.

5. За ова и не ви се потребни големи тегли, може да употребите и помали. На средината ставете свеќичка а останатиот дел од дното наполнете го со жерави, ореви или друго јаткасто овошје. Прелесно!

6. За ваква декорација може да употребите и празни шишиња. Однадвор обвиткајте ги со декоративна лента а во нив ставете свежо сезонско цвеќе и гранчиња. Овие Божиќни украси може да ги поставите на полиците или над каминот.

7. Зошто да не ги изненадите колегите на работа со една ваква тегличка? Направете домашни колачиња со чоколадо или бадеми, употребете интересен материјал а на лентата закачете картичка со името на секој или некоја лична порака и желба за Новата Година. Сите ќе се израдуваат.

8. Може да бидете креативни и да употребите буквално сѐ што ви се допаѓа и ќе ви падне на памет. Купете украсни мрежички, ленти и свеќи, наберете гранчиња и плодови, наполнете ја теглата со камења и добивате ваков прекрасен украс.

9. Толку едноставна, а толку досетлива идеја. Ако очекувате гости, украсете ги скалите или дворот со вакви тегли во кои ќе ставите по една убава, голема свеќа во боја. Веднаш ќе ги развесели сите и ќе го поттикне Божиќниот дух.

10. Овие слатки облечени теглички кои седат удобно во вашиот дом, криејќи се од зимските студови лесно може да ги направите доколку знаете или имате волја да научите да плетете. Само сплетете ги како обични капчиња за бебиња и облечете“ ги.

Доколку сте љубители на снежни кугли, ова е дефинитивно одличен и едноставен „направи сам“ туторијал за вас. Со малку труд, оваа интересна занимација ќе ви донесе симпатичен новогодишен украс во вашиот дом, на кој сите ќе му се восхитуваат.

Потребни материјали:

• Тегла со капаче
• Дестилирана вода
• Течен глицерин
• Светки
• Украс – мала новогодишна елка
• Лепило

Начин на изработка:

Со силно лепило залепете ја елката за капакот од теглата и оставете го еден ден, за убаво да се зацврсти. Потоа, наполнете ја теглата до врвот со дестилирана вода. Додадете малку глицерин кој можете да го побарате во аптеките, со цел светките да паѓаат побавно. Потоа додадете одредена количина светки според ваш вкус. Затворете ја убаво теглата со капакот и протресете. Готово. Благодарение на овој едноставен туторијал, сега имате домашно направена снежна кугла, која ќе го внесе празничниот дух во вашиот дом.

На сите нас празничните денови ни се најубавиот период во годината, бидејќи тогаш владее посебно расположение, посебна атмосфера во домовите, но и во целиот град. Меѓутоа, целата таа еуфорија нема да биде комплетна доколку не се грижиме за декорациите кои го красат нашиот дом, а особено кога на прагот се божиќните празници. Денес за вас имаме неколку одлични идеи за празнични декорации кои со сигурност ќе ве воодушеват, а вие ќе можете и самите да ги направите. Најдоброто од сè е тоа што нема да ви бидат потребни многу материјали, ниту пак време, туку само повеќе фантазија и креативност!

1. Купете од некоја цвеќара или продавница мали саксии со занимлив изглед, и во нив засадете жито кое пораснало или некој друг цвет кој го сакате. Околу саксиите заврзете сатенски панделки, а околу саксиите можете да наредете мали шишарки или свеќи кои претходно ќе ги бојадисате со спреј во боја. Оваа декорација е одлична за некоја мала маса или пак полица.

2. Ова е уште една занимлива идеја. Ставете ги краевите од свеќата во топла вода, а откако тие малку ќе омекнат, заглавете ги во грлото на стакленото шише од вино или некој друг пијалак. На шишињата ставете сатенски панделки и вашата декорација е готова.

3. Доколку немате саксии, наместо нив можете да ги искористите шолјите со различни мотиви и различни облици, кои ќе изгледаат доста убаво и одлично ќе го украсат вашиот дом.