Честит 23-ти Октомври

KAJ STE VMR - OVCI .... parite e polesno da se potrosat na skapi kokteli i proslavi ...kakva kvazi drzava so kvazi praznici...SRAMOTA

Во куќата на Ѓорче Петров се чува магаре

Во Прилеп никој ништо не прави да биде заштитено некогашното живеалиште на македонскиот револуционер

Кога пред многу години новиот сопственик Илија Шук*роски сакал да ја реновира куќата, не му дозволиле да помести ни една ќерамида

ПРИЛЕП - Родната куќа на македонскиот револуционер Ѓорче Петров е штала за магарето на сегашниот сопственик. „Во оваа куќа се роди во 1865 година Ѓорче Петров, идеолог и еден од организаторите на ТМОРО. Убиен е на 28 јуни 1921 година во Софија од непријателите на македонската самостојност - врховистите“, пишува на спомен-плочата која пред 26 години е поставена на ѕидот на родната куќа на македонскиот револуционер во прилепската населба Варош. Од тој ден до денеска никој ништо не направил да биде реконструирана родната куќа на Ѓорче. Во неа сегашниот сопственик, Илија Шук*роски, го чува своето магаре.

Вчера делегации од локалната самоуправа и политички партии од опозицијата положија свежо цвеќе пред спомен-плочата на првото одбележување на Денот на македонската револуционерна борба. Сопственикот на родната куќа Шук*роски за оваа состојба ја обвинува државата. Тој вели дека најмалку двапати годишно делегации од локалната самоуправа или политички партии доаѓале да положат свежо цвеќе и тоа било се'. „Пред пет-шест години добив покана од Општинската организација на Сојузот на борците. Тие покажаа интерес за изградба на куќата. Во замена ми беше понудена една од социјалните бараки во Варош. Не се согласив. Порано им предлагав да го уредат и просторот пред куќата зашто овде ништо не е направено, најверојатно, од времето кога Ѓорче Петров живеел овде пред да замине во Софија. Тогаш оваа била најубава куќа во Варош, која била продадена на мојот дедо“, вели Шук*роски. Тој објаснува дека пред многу години кога сакал да ја реновира куќата, му било забрането, како што вели, не му дозволиле да помести ни една ќерамида. Од локалната самоуправа велат дека секоја иницијатива ќе ја поддржат, но поголем придонес за санирање и заштита на објектот треба да даде прилепскиот Завод и музеј и Министерството за култура.

„Преку МНР и Министерството за култура сметам дека треба да се поведе иницијатива за враќање на моштите на Ѓорче Петров од Софија во неговиот роден Прилеп. Ако го реализираме тоа, ќе бидеме пресреќни и како Македонци и како прилепчани. Сепак, тоа не зависи само од нас“, вели градоначалникот Марјан Ристески. И во прилепскиот Завод и музеј велат ќе ја поддржат секоја иницијатива, но објектот не е споменик на културата. „Во Заводот од поодамна има техничка документација за куќата, но со оглед на фактот што не е прогласена за споменик на културата, не се преземаат конкретни активности“, кусо вели директорот Рубин Белчески.