Барселона - Манчестер Јунајтед 3:1 (1:1)
Педро 27', Меси 54', Виља 69' - Руни 34'

Фудбалерите на Барселона се нови шампиони на Европа откако во финалето одиграно на "Вембли" го солвадаа Манчестер Јунајтед со 3:1. Погодоците за Каталонците ги постигнаа Педро, Меси и Виља, додека единствениот гол за Јунајтед го постигна Руни.

Англичаните мечот го започнаа со многу агресивна игра и високо поставени играчи кои Барса ја нападнаа уште на нејзината половина. Тоа меѓутоа потраа само десетина минути, по што Барса ја превзема апсолутната иницијатива. Со кратки и многубројни пасови Каталонците ја предеа мрежата околу голот на Ван дер Сар, се до 27. минута кога Чави идеално го вработи Педро кој му донесе водство на шпанскиот тим.

Јунајтед дури тогаш малку како да се разигра, но голот падна по еден од ретките напади на екипата на Алекс Фергусон. Барса изведе аут во висина на својот казнен простор, не успеа да ја исфрли топката која Руни ја украде, ја додаде до Гигс кој за половина чекор беше во офсајд, а овој му ја врати за шут покрај Валдез и израмнување.

Така првото полувреме заврши со нерешен резултат, а се чинеше дека Јунајтед добро и мина, со оглед на апсолутната доминација на играчите на Гвардиола. Наместо дополнителен ангажман во продолжението од дуелот, играчите на Манчестер продолжија со повлечената игра.

Тоа остави доста простор Барса да ја гради својата игра, па веќе во 54. минута Меси ја искористи неодлучноста на Евра и Видиќ кој не му го изблокираа шутот, совладувајќи го притоа немоќниот Ван дер Сар. 15-тина минути подоцна во слична ситуација се најде и Виља, кој исто така шутираше непречен од врвот на казнениот простор и го совлада Ван дер Сар. Пред тоа Меси и Бускетс се прошетаа во казнениот простор на Манчестер, што доволно говори за тажниот ден на одбраната на Јунајтед.

Барселона на крајот заслужено триумфираше и дојде до својот четврти пехар во Лигата на Шампионите.

Сосема заслужено за најдобар играч на финалниот меч прогласен е Аргентинецот во редовите на Барселона, Лионел Меси.

Откако ждрепката во Нион ги вкрсти прваците на Македонија и Србија, капитенот на Шкендија, Ферхан Хасани истакнува дека Партизан може да падне во реваншот во кој белградскиот тим гостува во Македонија.

"Партизан е многу тежок противник. Тој секако ќе биде фаворит, но нема да се предадеме. Напротив, на ждрепката и го посакувавме Партизан. Предноста која ја добивме во Нион претставува фактот дека првиот меч го играме на гости. Посакуваме да постигнеме гол во Белград, а потоа пред нашата публика, да направиме подвиг. " - изјави фудбалерот на Шкендија, Хасани.

Фудбалскиот шампион на Македонија, Шкендија квалификациите за Лигата на Шампионите нема да игра во Тетово на својот 'матичен' стадион, туку на "Арената Филип Втори" во Скопје, со оглед на фактот дека стадионот во Тетово не ги исполнува стандардите на УЕФА па и нема лиценца за меѓународни мечеви.

Првиот меч Партизан - Шкендија ќе се одигра во Белград на 12. или 13. јули. За реваншот на 20. јули Партизан во Скопје ќе може да доведе 2.000 навивачи.
 
Веднаш по ждрепката, српските медиуми запрашаа дали мечот во Скопје треба да биде прогласен од висок ризик. За ваквото размислување, српските медиуми, како што наведуваат, се потиткнати од честите меѓуетнички немири помеѓу навивачките групи во Македонија. Сепак, во интервју за српската агенција "Бета", водач на навивачката група на Шкендија, популарните "Балисти", кој сакал да остане анонимен, изјавил дека навивачите од Тетово околу мечот со Партизан ќе се консултираат со управата, но дека не сакаат инциденти.
 
"Сметам дека нема да има инциденти, и ние не сакаме провокации, а исто се однесува и на гостувањето на навивачите на Партизан овде." - рекол тој навивач.

токму така

Извлечени двојките за плеј-оф колото во Лигата на шампионите

Денес во Нион беа извлечени двојките за четвротот, плеј-оф коло во Лигата на шампионите. Од плејоф колото ќе се дознаат последните 10 учесници во фазата по групи на Лига Европа.

Како што претходно објавивме 20. тимови беа поделени во две главни групи: Шампиони и нешампиони со што нешто послабите тимови ќе имаат поголема шанса да се пласираат во фазата по групи.

Првите натпревари од четвртата фаза од квалификациите за пласман во Лигата на шампиони ќе се одиграат на 16 и на 17. Август додека реваншите ќе бидат одиграни на 23/24 Август по што ќе бидат познати сите учесници во фазата по групи на Лигата на шампионите.

Шампиони:
Висла Краков - Апоел
Макаби Хаифа - Генк
Динамо Загреб - Малме
Копенхаген - Плзен
БАТЕ Борисов - Штурм

Нешампиони
ОБ - Виљареал
Твенте - Бенфика
Арсенал - Удинезе
Баерн Минхен - Цирих
Лион - Рубин Казан