Љубителите на природата особено ќе бидат воодушевени со тоа што максимално ќе уживаат на отворено. Ова е главното место за планинарење, нуркање, риболов и набљудување на китовите. Некои од најдобрите знаменитости кои можат да се погледнат се кратерите Лагоа дас Сете Чидадес и Лагоа дас Фурнас, островот Пико, каде можете да се искачите на највисоката планина во Португалија. Сао Мигел е најголемиот и најнаселениот остров, а таму има премногу куќи, ресторани, хотели и продавници. 

Иако, Сао Мигел е најпопуларното место за посета и престој, островите Азори секако вредат да се посетат. Најјужниот остров е Санта Мариа, кој располага со прекрасни плажи, а се пристигнува со траект.

На овие острови најразвиено е винарството како земјоделска гранка. Пејзажот од винарската култура на островот Пико се наоѓа на листата на УНЕСКО за светска природна градина. Винаријата е поделена на неколку парцели и е заштитена со ѕидови, а потекнува од 15 век.

Азори се преполни со заливи и мали кратерски езера, а Лагоа дас Сете Чидадес е најубавиот пример за недопрена природа. Заливот се состои од вулкански езера со слатка вода во сина и зелена боја.

Она што мора да направите е да се искачите на планината Пико и да уживате во пет часовната авантура додека да пристигнете до врвот. Истражете го светот од 300 видови на птици кои живеат на овој остров и прошетајте во градот Ангре кој датира од 15 век за да се запознаете со локалната историја.

Кедрос е мал град на островот Фајал на кој живеат околу 1000 жители, но она што овој град го прави посебен е единствената култура и традиција. Бројните знаменитости како етнографскиот музеј, црквата Нос Сењора де Фатима привлекуваат голем број туристи секоја година.

Плажите се неверојатно убави, но иако водата не е секогаш топла, таа е кристално чиста. Плажите имаат црна песок, која е последица од вулканските ерупции. На островот Санта Мариа се наоѓаат прекрасни плажи со бела песок, кои се сместени помеѓу карпите и малите заливи. Најпознатата плажа е Праја Формоса, а сите плажи се скриени зад карпи и заливи, што е одлично за искусите една вистинска авантура.

Иако, водите на Атлантскиот океан понекогаш се прилично студени, капењето во термалните води е незаборавно искуство, па Ви предлагаме да се релаксирате во Поца Дона Беја, Калдеира Велха или Тера Ностра, природни бањи кои се опкружени со дивина и палми.

Овие острови никогаш нема да Ве остават рамнодушни, а капењето со делфини е една од многубројните активности која исто така мора да ја искусите. Ова е ултимативна дестинација за уживање.

Палаван: Ѕирнете како изгледа најубавиот остров на светот за 2016

Списанието Travel + Leisure го прогласи Палаван за најубав остров на светот за 2016 година. Прекрасниот остров на Филипините застана на првото место на листата, победувајќи ги останатите рајски острови на нашата планета.

Чиста тиркизна вода, бели песочни плажи, бујни шуми, високи планински предели... Палаван е уште еден доказ дека мајката природа нè дарувала со фасцинантни места на кои можеме да им се одушевуваме, да се релаксираме и да уживаме.

Читателите на Travel + Leisure го опишуваат Палаван како „дестинација за која сонува секој љубител на плажа“.

На овој филипински остров се снимани бројни филмови, меѓу кои и „Bourne Legacy“ и познатиот филмски проект на Леонардо Дикаприо „The Beach“.

И во 2013 година Палаван беше на врвот на листата со најубави острови на познатото списание.

World Travel Awards повторно го прогласи Мадеирa за најубав остров во Европа заради неверојатната природа, природните базени од магматски карпи, прекрасните карпи кои гледаат на океанот и шармантните градчиња. Погледнете зошто е ова желба на многу туристи.

Мадеира, која се наоѓа во Португалија, е најголем остров  на истоимениот архипелаг, во кој се наоѓаат и Porto Santo и Desertas. Просечната температура тука изнесува 22 степени во лето и 18 во зима, што значи дека тука владее вечна пролет.

Тука постојат и природни базени од магфматски карпи.

Мадеира е преполна со прекрасни плажи, како што е Калета. Водата е чиста и мирна – совршена за пливање или нуркање и истражување на морските длабочини.

Најдобар начин да го истражите островот, е да го обиколите со брод. Секако, и погледот кој се шири од највисоките делови на островот е спектакуларен.