На само 2.045 квадратни километри живеат 1.200.000 жители. На 90% од земјиштето се сади шеќерна трска, но љубезните жители на островот се занимаваат и со туризам и со текстилна индустрија.

Главен град е Порт Луис, кој мора да го посетите и да уживате во мирните вечерни прошетки, а ако сте повеќе за забава и за тоа има предвиден кварт полн со продавници, ресторани, барови, кино сали и луксузни коцкарници.

Климата е тропско-океанска, но пријатна преку целата година. Зимите се топли и суви, а летата влажни и жешки. Се разликуваат две сезони - од декември до април трае летото, а од мај до септември, зимата. Идеално време за посета е јули.

Овој вулкански остров познат е и по изумрената птица додо, чие име е синоним за глупост.

Тешка околу 23 килограми, птицата додо изумрела набргу по доаѓањето на португалските истражувачи на островот.

Се смета дека неможела да и се спротивстави на агресијата на ловците и нивните кучиња, но и на останатите животни кои го населувале островот со новите народи.

Нешто што секогаш асоцира на Маурициус и нешто за што особено се зборува е тиркизното море, белите песочни плажи, како и коралните гребени кои никого не го оставаат рамнодушен.

Сигурно сте чуле за џиновските листови на водениот лилјан во местото каде што живеат стогодишните желки; тоа е најголемата ботаничка бавча на светот - Sir Seewoosagur Ramgoolam.

Повеќето жители зборуваат англиски, па комуникацијата не би требало да е проблем.  Храната е разнолична и има по нешто за сечиј вкус, што и не е чудно со оглед на разноликоста на жителите (Африканци, Азијци и Европејци).

Квалитетот никогаш не е под знак прашање, но за да се уверите во тоа морате да го пробате нивниот специјалитет, Camarons – рак во пикантен сос. Властите на Маурициус не сакаат островот да се претвори во масовно туристичко одредиште, туку да ја задржи ексклузивноста. На островот има многу хотели и вили и тоа ексклузивно опремени.

Овде е годишен одмор од сништата за повеќето Европејци, но и за туристи од другиот дел на светот. Има бројни атракции како - одење по морското дно, возење со полуподморници, крстарење, нуркање, сурфање, риболов, тенис, голф, па дури и крокодилска фарма... и уште многу, многу работи кои вреди да се видат.

Летувањата во Египет, Тунис, Сицилија или Шпанија се веќе "потрошени" дестинации и се сврталиште на повеќето деловни луѓе од стариот континент. Затоа, речиси е невозможно да ги "наполните батериите" онаму каде сосема сигурно ќе сретнете некој од своите соработници или деловни партнери. Но, постојат неколку места каде единствениот контакт кој ќе го имате е егзотичната природата и љубезниот персонал, кој ви е 24 часа на услуга - секако за добра сума!
Опуштање на Корално Море

Приватниот остров Хајман, кое се протега на 295 хектари во североисточното австралиско Корално Море, припаѓа на архипелагот острови познат како Голем Гребен. Дури 500 вработени се постојано на услуга на гостите кои тука доаѓаат на одмор. А во одморалиштето со 5 ѕвездички можете да добиете буквално се! Врвната хотелска услуга вклучува луксузно сместување, спа-центар, кристално чиста вода, песната на егзотичните птици заокружена со цена од 360 до 2.390 евра, во зависност од видот на сместување.

И покрај астрономските цифри на сместувањето, интересно е дека голем број од гостите, опиени од климата и рајските мириси на морето, знаат по вечерните прошетки да преспијат на хотелската плажа наместо во прескапите хотелски соби. Сепак, хотелиерите во зимскиот период даваат единствен попуст. Тогаш на Хајман можете да престојувате за само 550 евра, што вклучува три ноќевања со појадок во ресторанот со поглед на Коралното Море, сауна, едрење, билијард, џакузи и останати радости.

Во рајот на Колумбо
Вирџин Горда прв го "посетил" Кристофер Колумбо уште 1493 година, на сега веќе легендарната "американска" турнеја, но за пошироката јавност тоа станува интересно дури во 1964 година кога филантропот Лоренс С. Рокфелер тука го изградил одморалиштето Литтле Диџ Баѕѕ. Четири децении подоцна, тоа станува дел хотелската империја Росењоодд, која вложува 5 милиони долари за реновирање.
Гостите тука треба да издвојат помеѓу 395 и 4.500 долари за ноќевање. Во цената влегуваат и дополнителни услуги како масирање со специјален гел од алое одгледувано во хотелскиот спа-гарден центар, третман со маса од жолт шеќер, манго и ананас, масажа на телото со козјо млеко со мед и банани. За менаџерите кои доаѓаат тука со своето семејство осмислен е специјален програм "Детска шума" - хотелски беби-ситери и аниматори кои ги забавуваат децата во 2.500 квадратни метри голема махагони шума со читање на книги, редење сложувалки и игри во песок, пижама-забави, пиратски забави, како и "Пица вечер" и лов на игуани. За постарите деца достапни се ДВД плеери, книги, ЦД-а, видеоигри и бесплатен интернет. Тука има и тениски терени, крстарења и кајаци, "Јога програм" забави и приватност во 16 јуниор апартмани.

На Антилите како дома
Одморалиштето Цап Јулуцаа сместено на југозападниот брег на Антилите, во архипелагот на британските Западноиндиски острови е место кое нуди врвен ексклузивитет и приватност. Хотелскиот комплекс има 18 вили со поглед на песочни плажи, а секоја вила има по 6 соби. Во зависност од периодот, цените се движат помеѓу 400 и 7.825 долари. Гостите се пречекуваат со рум, континентален појадок на тераса и мини бар збогатен со шише рум на кое стои името на гостинот, утринско кафе, попладневен чај, шербет на плажа и коктели. Тука ќе уживате во сите водни спортови, дневниот и ноќниот тенис, фитнес. А додека вие уживате, за вашите деца се грижат бебиситери.

Бахами за посебни гости
Островот Мистик важи за најубав и најексклузивен остров на бахамскиот архипелаг, па не чуди што уште од 1960 година е сврталиште на англиската аристократија и што поради зачувување на недопрените природни убавини, екстравагантноста и приватноста има еден единствен ултра-ексклузивен хотел. Цоттон Хоусее или "Куќа на памукот" изградена во 18 век и била резервирана исклучиво за богаташите со кралска крв. Таа практика е сменета во 80-тите и 90-тите години од светските музички ѕвезди како Дејвид Боуви и Мик Џегер.
Сепак, високото општество со колонијални гени тешко се менува. Иако и онака е мал процентот на светската популација, која е спремна да издвои помеѓу 995 и 3.860 долари на ден за соба, неопходно е да се има "врска во хотелот". Затоа, ако еднаш успеете да влезете во овој хотел, воспоставете пријателски контакт со некој од вработените за следниот пат да можете повторно да летувате во овој рај.

Барбадос
Релативно новото летувалиште Клуб К Барбадосс е елитно одморалиште кое не се издвојува само по својот луксуз, туку и по екстремноста. Во овој хотелски комплекс каде дневните цени се движат помеѓу 950 и 3.300 долари не е дозволено да се носат деца. Хотелското правило е наметнато за гостите да бидат поштедени од секаква врева, па и онаа која ја создаваат децата. Освен дискриминаторскиот став кон децата менаџментот покажал сличен став и кон послугата во хотелот. Тука вработените масери не се локалните жители, туку се донесени од Италија. Инаку, најголемиот број гости тука пристигнуваат со своите приватни авиони.

http://www.crnobelo.com/zivot/patuvanje/12874-ostrovot-villingili-ubavina-na-maldivite" rel="nofollow -

Природата на фрегата е уникатна. Можете да уживате во речиси недопрената зелена џунгла, тиркизното море и белите песочни лагуни. Ретките птици, огромните желки и неверојатната вегетација го прават ова место вистински рај!

Заштитата, конзервацијата и грижата за единствена флора и фауна на островот е главен приоритет за Frégate Island Private.

Островот располага со 16 вили и една главна Вила кои им нудат на гостите можност да го доживеат луксузот на просторот, приватноста на тропскиот остров и прекрасната природа. Вилите на островот можат да  сместат само одреден број гости и тоа помага за целосен мир. Секоја од нив е изградена од африканско дрво, па на тој начин тие хармонично се спојуваат со околната природа.

The Rock Spa е вистински рај, кој се наоѓа на карпеста висорамнина и обезбедува панормски поглед кон морето. Спа центарот ги опфаќа традиционалните елементи – воздух, вода, оган и земја. The Rock Spa е уникатен – тој ги отфрла комерцијализацијата на брендирање на  спа производите. Тоа му дава можост да понуди вистинско спа искуство кое е инспирирано целосно од природата.

Фрегата е обвиткана  и во мистичност – се претпоставува дека тука има  закопано бројно  пиратско богатство. Не се знае дали постои,  но сигурно се чувствува вкусот на пиратската тајна.

Ова земјиште, кое е дел од англискиот дел на Девствените острови, се покажало не толку „приватно”, колку што изгледа на прв поглед.

Имено, располагањето со островот на Ричард Бренсон  значи дека неговите 74 хектари се опкружени со убави тиркизни води, корални гребени и прекрасни плажи. Некер обично се изнајмува за максимум 28 лица.

Шесте уникатни куќи се наоѓаат низ островот и се совршени за оние кои бараат осаменост. Bali Hi, Bali Cliff и Bali Beach се изградени на карпите, со цел гостите да уживаат во прекрасната  глетка, интимноста и природата. Трите куќи делат еден базен.

Bali Lo, Bali Buah и Bali Kukila можат  да се видат на  средината на островот, обезбедувајќи  прекрасен поглед и голем базен.

Голф кабриолетот, е предвиден за да може гостите да се движат до различни делови на островот.

Некер е создаден за да биде вашата скривница – местото се наоѓа далеку од стресот и проблемите на секојдневниот живот кои го диктираат ритамот и расположението.

Без разлика дали вашата страст е да уживате во кристалната вода или да се релаксирате со книга на осамена плажа, за вас ова е рајот. Се организираат и казино ноќи во The Great House, пријатни коктел забави, скара на плажа, гала вечери, каде што храната никогаш не завршува!

НА ОДМОР НА ОСТРОВОТ МИСТИК!

ИДЕАЛНО ВРЕМЕ ЗА МАУРИЦИУС?

КОЗУМЕЛ – МЕКСИКАНСКИОТ ОСТРОВ НА СТРАСТА …

По повод годишната на Conde Nast Traveler читателите избираат Топ 25 острови во светот, во кој Мауи излезе на врвот, и на кој е исто така последните 20 години. Исто така се врати на врвот на ранг листата Топ 10 Острови во САД.

Како еден остров би можел да остане популарен толку долго? Погледнете зошто!

ОСТРОВ СИЛУЕТА – СЕЈШЕЛИ

Островот Миконос е светски познат. Не случајно е најкосмополитскиот остров во цела Грција кој привлекува многу посетители од целиот свет. Со своите златни плажи, градчиња со бели куќички, космополитски живот и забавна атмосвера островот Миконос е навистина еден автентичен допир до романтика на грчките острови.

Островот се протега  на површина од 85,5км2 и се издига до височина од 341 метри (1.119 метри) во својата највисока точка. Островот е составен главно од гранит. Живеат 9.320 жители (2001) од кои повеќето се населени во најголемиот град  Mykonos, исто така познат како Chora кој лежи на западниот брег.

Полека почнуваат жешките летни денови и настапува оној период во годината кога сите почнуваме да поставуваме тропски и егзотични фотографии на нашиот десктоп.
Некои едвај чекаат да отидат на одамна испланираниот одмор, некои сеуште не се сигурни околу терминот или дестинацијата…Доколку припаѓате на втората група, еве неколку интересни и егзотични предлози, кои ќе ви овозможат фотографијата од десктоп да ја замените со фотка што сами ќе ја направите. Ви ги претставуваме десетте најдобри тропски дестинации кои секако нема да ве остават рамнодушни:

1. Heron Island, Австралија

2. Piha Island, Нов Зеланд

3.Shikoku Island, Јапонија

4. Belize, Америка

5. Koh Tarutao, Тајланд

6. Bazaruto Island, Мозамбик

7. Vieques, Порторико

8. Scrub Island, Британските Девствени острови

9. Mabul Island, Малезија

10. Zanzibar, Танзанија

Еве зошто е ова најубавиот остров во Европа!

http%3A%2F%2Fboza.mk%2F2014%2Feve-zoshto-e-ova-najubaviot-ostrov-vo-evropa%2F&locale=mk_MK&sdk=joey" rel="nofollow">

http%3A%2F%2Fboza.mk%2F2014%2Feve-zoshto-e-ova-najubaviot-ostrov-vo-evropa%2F&locale=mk_MK&sdk=joey" rel="nofollow">

http%3A%2F%2Fboza.mk%2F2014%2Feve-zoshto-e-ova-najubaviot-ostrov-vo-evropa%2F&locale=mk_MK&sdk=joey" rel="nofollow">

http%3A%2F%2Fboza.mk%2F2014%2Feve-zoshto-e-ova-najubaviot-ostrov-vo-evropa%2F&locale=mk_MK&sdk=joey" rel="nofollow">

Островот Палаван е рајот е на земјата

Тешко е да поверуваме дека Филипини е едно место кое што не е доволно истражено, а поседува неверојатна убавина. Иако има многу острови, ние би рекле дека островот Палаван е рајот на планетата Земја.

До стариот остров од 50.000 години, може да се стигне со брод или авион, а идеално време е од октомври до мај. Ова значи дека доколку имате добар буџет, а се уште немате испланирано каде ќе одите за новогодишните и божиќните празници, островот Палаван е совршеното место.

На островот живеат разни диви животни кој може да се најдат на сите острови на Филипините. Овде може да сурфате, да нуркате и да го истражувате океанското дно.

Ако не се осмелувате да се спуштите под водата, можеби возењето со кајче по една од најуникатните реки низ светот на Палаван или пак да се возите меѓу островите со брод е идеален начин за истражување. Штом се вратите на копно, може да изнајмете трицикл, омиленото превозно средство на жителите на овој остров.

Сигурни сме дека по пливањето, возењето, нуркањето и истражувањето – никогаш нема да сакате да го напуштите овој рај.

Покрај класичната грчка сино-бела бајка, Санторини е единствениот остров на кој портокаловите и црвени земјени нијанси се мешаат со жолтото сонце, зелените површини и пастелните фасади.

Санторини е некогашен вулкан, и тоа многу активен, сместен 300 километри југоисточно од Атина.

Самата мешавина од карпи и сол ја создала фантастичната палета од бои и нијанси по кои е препознатлив овој грчки остров.

Тука грчката култура на живеење е доведена до хедонистички врв. Нешто што не се пропушта е дегустацијата на врвни локални вина, бројни салати и морски плодови.

Дури и плажите на Санторини доаѓаат во многу облици и бои. Всушност, мапата на плажи е распоредена по боите - Црвена плажа, Бела плажа, Црна плажа...

Санторини е едно од ретките места каде можете буквално да лежите на лава. Плажите со црн и топол песок се туристичка атракција која не смее да ја пропуштите, а воедно се и неверојатно мирни и тивки дури и во врвот на сезоната.

Што се однесува до урбаната страна и самата градба, ако се упатите кон Санторини и прошетате низ најпознатото туристичко место Оиа, сигурно ќе искачите неколку илјадници скалила за само неколку дена.

За крај, пронајдете си го омиленото место и дозволете му на зајдисонцето да го финишира ова прекрасно патување.

НАЈУБАВИТЕ ОСТРОВИ ВО СВЕТОТ

КУКОВИ ОСТРОВИ: ТРОПСКИ РАЈ ЗА ДУШАТА

Погледнете зошто ова е најдобриот остров на светот

Во споредба со многу островски дестинации, Азори не се туристички острови, ниту бучни или загадени. Односно, Азорските острови се магичен регион во Португалија, кои се состојат од девет вулкански острови на Атлантскиот океан. Тие се зелени или сини, прекриени со камена лава, ендемска или вулканска, кријат езера и денес постојат кратери, водопади, плантажи со чај, вулкански пешетери, термални природни извори и базени, многу видови на делфини и китови за кои никогаш не сте чуле, вода која испарува...

Љубителите на природата особено ќе бидат воодушевени со тоа што максимално ќе уживаат на отворено. Ова е главното место за планинарење, нуркање, риболов и набљудување на китовите. Некои од најдобрите знаменитости кои можат да се погледнат се кратерите Лагоа дас Сете Чидадес и Лагоа дас Фурнас, островот Пико, каде можете да се искачите на највисоката планина во Португалија. Сао Мигел е најголемиот и најнаселениот остров, а таму има премногу куќи, ресторани, хотели и продавници. 

Иако, Сао Мигел е најпопуларното место за посета и престој, островите Азори секако вредат да се посетат. Најјужниот остров е Санта Мариа, кој располага со прекрасни плажи, а се пристигнува со траект.

На овие острови најразвиено е винарството како земјоделска гранка. Пејзажот од винарската култура на островот Пико се наоѓа на листата на УНЕСКО за светска природна градина. Винаријата е поделена на неколку парцели и е заштитена со ѕидови, а потекнува од 15 век.

Азори се преполни со заливи и мали кратерски езера, а Лагоа дас Сете Чидадес е најубавиот пример за недопрена природа. Заливот се состои од вулкански езера со слатка вода во сина и зелена боја.

Она што мора да направите е да се искачите на планината Пико и да уживате во пет часовната авантура додека да пристигнете до врвот. Истражете го светот од 300 видови на птици кои живеат на овој остров и прошетајте во градот Ангре кој датира од 15 век за да се запознаете со локалната историја.

Кедрос е мал град на островот Фајал на кој живеат околу 1000 жители, но она што овој град го прави посебен е единствената култура и традиција. Бројните знаменитости како етнографскиот музеј, црквата Нос Сењора де Фатима привлекуваат голем број туристи секоја година.

Плажите се неверојатно убави, но иако водата не е секогаш топла, таа е кристално чиста. Плажите имаат црна песок, која е последица од вулканските ерупции. На островот Санта Мариа се наоѓаат прекрасни плажи со бела песок, кои се сместени помеѓу карпите и малите заливи. Најпознатата плажа е Праја Формоса, а сите плажи се скриени зад карпи и заливи, што е одлично за искусите една вистинска авантура.

Иако, водите на Атлантскиот океан понекогаш се прилично студени, капењето во термалните води е незаборавно искуство, па Ви предлагаме да се релаксирате во Поца Дона Беја, Калдеира Велха или Тера Ностра, природни бањи кои се опкружени со дивина и палми.

Овие острови никогаш нема да Ве остават рамнодушни, а капењето со делфини е една од многубројните активности која исто така мора да ја искусите. Ова е ултимативна дестинација за уживање.