БЕСМРТНОСТА НА ФЕНИКСОТ

Московскиот сериски убиец Алексндар Пичушкин, обвинет за убиство на 49 луѓе и за три обиди за убиство, започнал вчера во текот на судењето да го прераскажува својот начин на работа и убиствата ги поистоветил со љубовта, пренесе хрватската телевизија Нова.
Пичушкин имал намера да направи 64 убиства, за секое поле од шаховската табла по едно.

33 годишниот Александар Пичушкин, бил уапсен на 16 јуни 2006 година. Тој објаснил дека првото убиство го сторил во 1992 година, кога имал 18 години, за да се спаси од својот факултетски колега и несуден партнер со кого требало да го остварат морбидниот план. Го задавил со врпца која самата жртва ја донела за идните злосторства, додека барале пристап до канализацијата каде би ги фрлале лешевите.
„Не знаеше дека си го копа сопствениот гроб“, зборувал без видливо чувство на вина Пичушкин.

„Првото убиство е како прва љубов. Тоа е единственото за кое ме испитуваше полицијата. Потоа 14 години правев што сакав и не би ме фатиле сам да не се откриев“ тврдел Пичушкин.

Тој објаснил дека убивал за да се чувствува жив и колку му биле поблиски жртвите толку му било помило да ги убива. Тврдел дека во обвинението не му биле препишани уште 11 убиства.

Во јуни 2006 ја убил Марија Москалова, својата последна жртва. Нејзиното семејство знаело дека таа отишла со него и подоцна тој бил уапсен.
Се очекувало процесот против Пичушкин да биде долг, со барем 140 сведоци.