Чарлс Дарвин

Чарлс Роберт Дарвин е англиски научник и е еден од најпознатите натуралисти во историјата. Неговата теорија за еволуцијата која ја има опишано во книгата „За потеклото на видовите“, всушност претставува првата модерна теорија за еволуцијата на живите суштества, според која развојот на сите форми на живот се остварил низ процесот на природна селекција. Имено, оваа теорија името го добила според нејзиниот автор – дарвинизам.

Дарвин е роден како петто дете во угледно и богато англиско семејство. Татко му, Роберт Варинг Дарвин, бил успешен лекар, додека неговиот прадедо од татковата страна, Еразмо Дарвин, во 18-от век бил прочуен психолог и научник.

Поголемиот дел од податоците за големиот научник веќе е познат, но постојат и неколку интересни факти за кои многу малку луѓе знаат. Еве ги десетте најинтересни:

1. Прадедото на Дарвин, Еразмо Дарвин, пишувал стручни трудови за развојот на организмите, односно за еволуцијата, кои имале големо влијание врз Чарлс.

2. Познатиот натуралист имал просечен успех во училиште и бил мрзелив во младоста, а неговиот татко дури во една прилика му рекол дека не се грижи за ништо освен за фаќање кучиња и стаорци и дека претставува срам за целото семејство.

3. Дарвин се качил на истражувачкиот брод М.С. Бигл како верник сметајќи ја за единствено вистинита теоријата на креационизам – верување дека човекот е создаден од Бог.

4. Капетанот на тој брод, Роберт Фицрој, бил голем верник кој силно се противел на Дарвиновата теорија и никогаш не го прежалил фактот што толку придонесол за неговиот труд.

5. По враќањето од второто патување, Дарвин повеќе од 20 години го пишувал своето дело, а кога конечно го завршил, се плашел да го објави.

6. Книгата „За потеклото на видовите“ ја објавил на наговор на своите колеги бидејќи натуралистот Алфред Расел Валас дошол до истиот заклучок како и Дарвин и се подготвувал да го објави.

7. Пријателот на Дарвин и негов голем поддржувач, Томас Хаксли од Кембриџ, го добил прекарот „Дарвиновиот булдог“ бидејќи по излегувањето на „За потеклото на видовите“ изјавил колку било глупаво од негова страна што тој не се сетил на тоа.

8. Дарвин се оженил со неговата братучетка Ема Веџвуд.

9. Неколку месеци пред да ја запроси Ема, Дарвин правел белешки „за“ и „против“ на прашањето дали да се стапи во брак. Како предност на бракот тој навел „постојан придружник и пријател во староста... подобро од куче, како и да е“, наспроти недостатоците како „помалку пари за книги“ и „ужасно губење на време“.

10. Дарвин имал десет деца, од кои две починале набрзо по раѓањето и едно во младоста, додека три станале членови на Британското кралско друштво.