На денешен Ден

- Светски ден на пешачењето.

1796.- Предводени од владиката Петар I Петровиќ Његош, Црногорците на Круси ги победија Турците, а во битката загина скадарскиот паша Махмут Бушатли, кој со 23.000 војници се обиде да ја покори Црна Гроа.

1824.- Собранието на Мексико го усвои Уставот според кој државата стана независна.

1835 - Роден е францускиот композитор, пијанист, диригент, оргулист и музички пишувач Шарл Камиј Сен Санс, романтичар со типичен француски дух и рационални музички угледни форми. Дела: операта „Самсон и Далила“, три симфонии, поема „Танц на смртта“, четири симфониски песни, пет клавирски концерти, три концерти за виолина, концерт за виолончело, композицијата за камерен состав „Карневал на животните“, клавирско трио, два гудачки квартета, балетот „Зборливка“.

1859.- Во Бугеван е родена Елеонора Дузе, италијанска артистка, една од најголемите трагичарки на своето време. Умре во Питсбург, САД, на 21 април 1924 година.

1866.- Со Виенскиот договор војната помеѓу Австрија и Италија по седум месеци заврши. Со договорот на Италија и припаднаа провинцијата Венето и градот Венеција.

1888.- Роден е германскиот новинар Карл фон Осјецки, добитник на Нобеловата награда за мир во 1935 година. Имено, тој откри дека Германија повторно се вооружува пред Втората светска војна. Првпат беше уапсен во 1931, а вторпат во 1933 година по доаѓањето на нацистите на власт. Беше затворан во концентрациони логори, а во 1938 година умре од последиците здобиени со мачење во логорите.

1895.- Во селото Константиново (Есенино), Разјанска област, е роден Сергеј Александрович Есенин, еден од најчитаните руски лиричари и истакнат обновувач на поетската сликовитост. Познати негови дела се „Задушница“, „Триптих“, „Стихови на скандалистите“, „Кафеанска Москва“, „Советска Русија“, „Персиски мотиви“ и „Аана Снегина“. Во Санкт Петербург, во состојба на тешка душевна депресија, се самоуби на 28 декември 1925 година.

1897.- Роден е францускиот писател Луј Арагон, најпрвин дадаист а потоа еден од првите идеалисти. По конгресот на револуционерните писатели во Харков во 1930 година, се определи за соцреализам. На Комунистичката партија на Франција и пристапи во 1927 година, учесник е во Граѓанската војна во Шпанија и во француското Движење на отпорот во Втората светска војна.  Дела: збирка песни „Оган на радоста“, „Ура Урал“, „Елзините очи“, „Очи на сеќавањата“, „Елза“, „Вечно движење“, романите „Селанец од Париз“, „Базелски ѕвона“, „Света недела“, „Комунисти“ и други.

1906.- Во Берлин Радио конференцијата го прифати SOS како меѓународен сигнал за помош.

1910.- Во Хајден умре Жан Анри Дигнан, швајцарски филантроп, основач на Меѓународниот комитет на Црвениот крст во 1863 година кој подоцна прерасна во меѓународна организација. На оваа идеја дојде по битката кај Солферино (24 јуни 1859 година), во Италија, кога го организира месното население за помош на ранетите. Целиот свој живот го посвети на своите хуманитарни замисли. Во 1901 година ја доби Нобеловата награда за мир. Роден е во Женева, на 8 мај 1828 година. 

1929.- Називот на Кралството на Србите, Хрватите и Словенците е сменет во Кралство на Југославија.

1932.- Ирак се стекна со независност и стана член на Друштвото на народите, по завршувањето на британскиот мандат.

1943.- Главниот штаб на НОВ и ПО на Македонија упати Манифест до македонскиот народ во кој се изнесени основните прашања во врска со ослободителната борба на македонскиот народ, карактеристиките на ослободителното движење, потребата за единство на македонскиот народ со сите националности во ослободителната борба.

1944.- Во реонот на Кавадарци е формирана Единаесеттата македонска НО бригада.

1944.- Германските МЕ-262 се првите млазни авиони во историјата  во техничка смисла револуционерни летала кои постигнуваа брзина над 800 километри на час.

1952.- На островите Монте Бело покрај северозападниот брег на Австралија, Велика Британија ја испроба првата атомска бомба.

1954.- Во Лондон на конференцијата на девет западни земји е одлучено СР Германија да стане член на Северноатланскиот пакт.

1968.- Претседателот на Перу Фернандо Белаунде Тери е соборен во воениот удар од левичарската Национална револуционерна хунта која ја предводеше генералот Хуан Веласко Алварадо.

1981. Ирски националисти по седум месеци се откажаа од штрајкот со глад во затворот Мејз во Белфаст. Во текот на штрајкот умреа 10 штрајкувачи.  

1990.- Повторно, по 45 години, се обединија СР Германија и ДР Германија.

1991.- Претседателството на СФРЈ според Уставот почна со работа во услови на непосредна воена опасност, оценувајќи дека е на повидок граѓанска војна. Претставниците на двете републики Хрватска и Словенија излегоа од Претседателството.

1992.- Умре проф. д-р Миодраг Мицев, истакнат македонски научен работник на полето на невротичните состојби и психоматските заболувања, професор на Медицинскиот факултет и на Факултетот за драмски уметности во Скопје. Меѓу најзначајните негови трудови се „Психоанализата на театарот“, „Интимно за мажите“, „Зошто“ и други. Роден е во Белград, во 1935 година.

1995.- Франција и понатаму го игнорира Меѓународниот притисок и изврши нова нуклеарна проба во јужен Пацифик.

1995.- Во Скопје, врз претседателот на Република Македонија Киро Глигоров е извршен атентатсо експлозија на автомобил-бомба. Притоа, претседателот беше повреден. На самото место загина неговиот возач Александар Спировски. Повредени беа претседателовиот придружник и телохранител Илчо Теовски, случајните минувачи Христо Христоманов, Климе Коробар и Јован Атанасовски, а беше направена и голема материјална штета.

1997.- На експерименталната железничка делница западно од Токио, јапонски воз на магнетни перничиња со брзина од 451 километар на час го собори светскиот рекорд.

2000.- По само четири месеци од преземањето на должноста, тајванскиот премиер Танг Феи соопшти дека поднесува оставка.

2002.- Турскиот суд и формално му ја укина смртната пресуда на к*рдскиот бунтовник Абдулах Озалан, кој во 1999 година беше уапсен и најбзо осуден на најтешката казна.

2004.- Умре американската филмска глумица Џенет Ли. Сними повеќе од 60 филмови, играјќи со славните имиња Џејмс Стјуарт, Џон Вејн, Френк Синатра и Пол Њумен. Вистинската слава и ја донесе филмот на Алфред Хичкок „Психо“ во 1960 година. За улогата во филмот го доби „Зланиот глобус“ и беше номинирана за Оскар. Најпознатата сцена во филмот, кога Џенет Ли се тушира, влезе во сите кинематографски антологии. Родена е во 1927 година.

1207- Роден е англискиот крал Хенри III кој по загинувањето на неговиот татко Џон во Првата баронска војна кој бил наречен Џон Без Земја, застана на престолот во деветтата година. Вистински почнал да владее во 1234 година.

1684.- Умре францускиот писател Пјер Корнеј, творец на класичната француска трагедија. Пишувал и комедии, религиозни поеми и театарски книжевно-теориски акти.

1754.- Роден е рускиот цар Павле I Петрович Романов, наследник на Катерина Велика, кој по доаѓањето на власт во 1796 година, стравувајќи од Француската револуција, воведе полициски режим и ја вовлече Русија во „Втората коалиција“ со Англија и Австрија против Франција.

1795.- Белгија е соединета со Франција.

1880.- Шпанија во таен договор со Франција ја поврати Луизијана.

1865.- Роден е францускиот композитор и музички критичар Пол Дика , професор на Парискиот конзерваториум. Неговите композиции беа инспирирани од класичната традиција збогатена со влијанието на импресионизмот.

1870.- Во битката кај Седан во Француско-пруската војна беше заробен францускиот цар Наполеон III, а Франција три дена подоцна повторно стана република.

1891.- Во селото Смоквица е роден Анѓел Динев, македонски општественик и публицист. Во своите дела "Македонските Словени", "Илинденската епопеја" и "Политичките убиства во Бугарија", смело го истакнува постоењето на македонската нација. Учесник е во македонското националноослободително движење. Умре во Скопје, на 17 февруари 1952 година.

1904.- Во Киев е роден Владимир Хоровиц, најпознат пијанист во 20 век. Умре во Њујорк, на 6 ноември 1989 година.

1914.- Турција како сојузник на Централните сили во Првата светска војна ги затвори Дарданелите за бродовите од земјите на Антантата.

1918.- Предводени од англискиот полковник Томас Лоренс, познат како Лоренс од Арабија, Арапите со помош на Британците, во Првата сетска војна од Турците го презедоа Дамаск.

1923.- Во Софија, умре Ефрем Чучков, близок соработник на Гоце Делчев и на други македонски револуционери, и војвода, член на ВМРО.

1924.- Роден е американскиот државник Џејмс Ерл „Џими“ Картер, претседател на САД од 1977 до 1981 година.

1936.- Шпанските фашити го прогласија својот лидер Франсиско Франко за шеф на државата.

1938.- По Минхенскиот договор на Германија со Велика Британија и Франција, Германската војска влезе во Чехословачка и го обиколи Судет.

1943.- По едномесечната битка во Втората светска војна сојузниците го зазедоа Наполи. 

1943.- На планината Буковиќ, Кичевско, околу 4.000 балисти заедно со германските офицери и војници, извршија напад врз слободната територија во западна Македонија. Тука тие наидоа на жесток осумчасовен отпор од страна на Младинската партизанска чета, која имаше 39 борци, предводна од командантот Лазар Лазарески и комесарот Мирко Милески - Урош. Во оваа борба загинаа речиси сите борци на четата заедно со командирот Лазарески и комесарот Милески (подоцна е прогласен за народен херој на Југославија, од Македонија). Милески е роден во селото Попоец, Кичевско, на 23 април 1923 година.

1946.- Меѓународниот воен суд во Нирнбег по десетмесечен процес осуди на смрт со бесење 12 германски воени злостори (со високи чинови) во Втората светска војна, како и тројца на доживотен затвор, а четворица на затворски казни од 10 до 20 години.

1949.- Во Пекинг е прогласена Народна Република Кина под водство на Мао Це Тунг.

1960.- Прогласена е независноста на најбројната африканска земја Нигерија, која до крајот на 19. век беше британска колонија.

1979.- Зоната на Панамскиот канал која беше 70 години под контрола на САД, формално е предадена на управување на Панама.

1982.- Хелмут Кол, лидерот на десничарската Христијанско-демократска унија стана шестиот канцелар на Западна Германија, наследувајќи го социјалдемократот Хелмут Шмит.

1986.- Во Скопје умре Тришо Стојановски, македонски поет и новинар. Познати се неговите книги поезија „Меѓу две реки“, „Сочувана земја“, „Немолклива земја“ и „Рајска земја“. Роден е во селото Рајчица, Дебарско, на 22 март 1938 година.

1988.- Михаил Горбачов стана претседател на Президиумот на Врховниот совет на СССР.

1989.- Данска стана првата земја која дозволи хомосексуален брак.

1994.- Во Пробиштип е формиран Сојузот на организациите на жените на Македонија (СОЖМ), од 2007 година Национален совет на жените на Македонија - СОЖМ. Сојузот е формиран од 13 организации на жените основани од 1990 до 1994 година и денес (2007 г.) брои 95 организации на жените на локално ниво. Од 2003 година е член на Меѓународниот совет на жените.

1995.- Велика Британија ги напушти империјалните мерки за должина и тежина воспоставени во 1812 година. Километар, метар, сантиметар, литар, килограм и грам ги замени со милја, јард, фит, инч, галон, пинт, либра, фунта и унц.

1997.- Израел го ослободи шеикот Ахмет Јасин, водач на палестинските исламски терористи и основач на терористичката организација „Хамас“ и врз основа на договорот со Јордан го депортираше во јорданскиот главен град Аман.

1998.- Во Скопје е родена четворка (две машки и две женски деца). Родители се Валентина и Роберт Георгиевски од Скопје. Ова е втора четворка во Република Македонија (во 1997 година е родена четворка во Штип).

1999.- Индонезија го свика првиот демократски избран парламент од 1955 година.  

2003.- Во Скопје умре Анте Поповски, македонски академик, поет, есеист, препејувач, новинар, публицист и политичар. Автор е на книгите поезија „Одблесоци“, „Вардар“, „Самуил“, „Непокор“, „Камена“ и други, на книгите со есеи „Меѓу животот и знаците“ и „Окото, светлините“, како и на други дела. Роден е во селото Лазарополе, Гостиварско, на 3 јуни 1931 година.

106. п.н.е.- Роден е римскиот војсководец и државник Гнеј Помпеј Велики, освојувач на Ерусалим во 61 година п.н.е. Учествуваше во задушувањето на востанието на римските робови кои од 71 до 69 година п.н.е. ги предводеше Спартак, а гласот на голем војсководец го стекна во 66 година п.н.е. со победата над понтскиот крал Митридат VI Еупатор со што ја зацврсти римската власт во Мала Азија.

1399.- Кралот Ричард II како прв англиски монарх беше принуdен да абдицира, бидејќи престолот му го одзеде неговиот братучед, син на чичко му Хенри Болингброк, кој стана крал Хенри IV.

1518.- Роден е италијанскиот сликар Јакопо Робусти Тинторето, еден од најголемите мајстори на 16. век. Работеше на големи композиции со силни чувства и за најмали ситници. Силно влијаееше врз европските сликари, особено на импресионистите. Работеше во родната Венеција во која и останаа главните дела „Рај“  во Дуждевата палата, „Тајната вечер“ во црквата Сан Џорџо Маџоре и други.  

1521.- Турскиот султан Сулејман Први го освои Белград по двомесечна опсада, по што беше отворен патот за натамошни освојувачки походи на север.

1758.- Роден е англискиот адмирал Хоратио Нелсон кој внесе радикални новости во војување на море. Учествувајќи во 140 битки бил ранет дури 40 пати. Го загубил окото во борбата кај Калвиј во 1794 година, а денсната рака во битката кај Тенерифе во 1797 година. Кај Трафалгар во 1805 година ја уништил француската флота каде бил и смртно ранет.

1901.- Роден е италијанскиот нуклеарен физичар Енрико Ферми, добитник на Нобеловата награда за физика во 1938 година. Во Чикашкиот универзитет раководел со изградбата на првиот нуклеарен реактор.

1903.- Родена е американската филмска глумица од ирско потекло Грир Гарсон. Беше добитник на Оскар за филмот „Госпоѓа Минивер“, снимен во 1942 година. Филмови: „Збогум, мистер Џипс“, „Гордост и предрасуди“, „Мадам Кири“, „Јулиј Цезар“.

1904.- Роден е Николај Алексеевич Островски, руски писател. Неговите дела се автобиографски карактер и во нив се зборува за животот и подвизите на младината во текот и по социјалистичката револуција во Русија. Романот "Како се калеше челикот" стана класично дело на руската книжевност, доживувајќи повеќе од 200 изданија. Умре во 1936 година.

1911.- Италија и објави војна на Турција и навлезе во либијската провинција Триполитанија со намера да допре до северна Африка. Нејзиниот експедициски корпус ги победи Турците, но потоа водеше тешка војна против Арапите се до падот на фашистичка Италија во 1943 година во Втората светска војна.

1913.- Од бродот кој пловеше од Антверпен до Лондон исчезна германскиот инженер Рудолф Дизел, кој во 1893 година го конструира првиот мотор со внатрешно согорување на принципот на самопалење.

1914.- Во Скопје умре Стеван Мокрањац, српски композитор кој се одликува со извонредна смисла за уметничка обработка на музичкиот фолклор. Негови најзначајни остварувања се ракатки, 15 народни рапсодии (со уметничка стилизација) на македонски, босански и на српски мелодии. Роден е во Неготин, на 9 јануари 1856 година.

1930.- Во Финска умре Илја Јефимович Рјепин, познат руски сликар. Негови најпознати дела се „Бурлаци на Болга“, „Иван Грозни и неговиот син Иван“, „Запорошци“ и портретите на Мусоргски на Пирогов и други дела. Роден е на 5 август 1944 година.

1938.- Во Минхен почна дводневната конференција на владите на Велика Британија, на Франција, на Италија и на Германија, во чија работа учествуваа и Хитлер и Мусолини. На конференцијата западните сојузници му ги предадоа на Хитлер областите на Судет, со што беше жртвувана независноста на Чехолсовачка. Тоа беше триумф на Хитлер, капитулација на западните сили и предупредување на малите држави дека никој нема кој да ги брани.

1940.- Романија во Втората светска војна излезе од Балканскиот пакт што на 9 февруари 1934 година во Атина го склучија со Југославија, Турција и со Грција.

1941.- Во Москва во Втората светска војна почна конференцијата на СССР, САД и Велика Британија, на која Вашингтон и Лондон со Доверлив протокол се обврзаа во наредните девет месеци да и испраќаат помош во оружје и опрема на Црвената армија, а Москва одби САД и Велика Британија да создадат воздухопловна база на САД во Сибир.

1941.- Во Баба Јара кај Киев, Германците во Втората светска војна го извршија масакрот врз Евреите, во кој за два дена убија 33.771 цивилно лице, вклучувајќи жени и деца.

1941.- Почна Драмското востание на македонските и на грчките востаници против бугарскиот окупатор. Во градчињата Драма, Просечен, Карликово и Кубалица, што ги нападнаа востаниците, беше воспоставена народната власт. По жестоките борби, бугарската војска и полиција го задушија востанието и притоа извршија масакрирање на околу 3.000 луѓе и беа преземени различни репресивни мерки низ целата територија во источната област на Егејска Македонија.

1957.- Во Западен Пакистан загинаа безмалку 300 луѓе кога ескпресен воз со голема брзина удри во композиција на цистерни со нафта.

1971.- Потпретседателот на Египет Анвар ел Садат ја презеде должноста шеф на државата два дена по смртта на Гамал Абдел Насер.

1972.- Јапонија и Кина ставија крај на војната и ги нормализираа односите.

1979.- Претседателот на Екваторска Гвинеја Франсиско Масијас Нгуем, е тргнат од власт во август 1979 година. Беше стрелан под обвинение за „геноцид, предавство, проневера и систематско кршење на човековите права“.

1988.- Мировните сили на Обединетите нации ја добија Нобеловата награда за мир.

1990.- На средба на највисоко ниво од Виетнамската војна, се состанаа државниот секретар на САД Џејмс Бејкер и шефот на виетнамската дипломатија Нгујен Ко Так, со што се забрза нормализирањето на односите меѓу бившите непријатели.

1991.- Во селото Усје, Скопско, е осветена црквата "Свети Атанасиј".

1993.- Во Аруба, држава на Карипските Острови, Република Македонија е примена за полноправен член на Интерпол, меѓународна организација на криминалистичките полиции.

48. п.н.е.- Римскиот војсководец и државник Гнеј Помпеј Велики е убиен во Египет, каде беше скриен бидејќи во битката кај Фарсал го порази Гај Јулиј Кајсер.  

1066.- Норманскиот војвода Вилијам, идниот англиски крал Вилијам I Освојувач, навлезе со својата војска кај Певенс во јужната англиска покраина Сасекс и започна со освојувањето на Англија.

1573.- Роден е Микеланџело Караваџо, италијански сликар. Тој решително прекина со тогашното идеалистичко и интелектуално сфаќање на сликарството и се ориентира кон натурализмот. Изврши големо влијание врз француското и холандското сликарство во 17. век. Умре на 31 јули 1810 година. 

1803.- Роден е францускиот писател Проспер Мериме. Неговите новели „Кармен“ и „Коломбо“ го инспирирале неговиот сонародник Жорж Бизе да компонира опери.

1841.- Роден е францускиот државник Жорж Бензамен Клемансо, премиер од 1906 до 1909 и од 1917 до 1920 година.

1864.- Во Лондон е основана Првата интернационала (1864-1878) - меѓународно здружение на работниците, со учество на работнички претставници на Франција, Англија,  Италија и на Ирска. Голема улога во нејзиното основање одигра Карл Маркс, кој ги напиша двата документа: „Основачкиот манифест“ и „Привремениот статут“ на здружението.

1891.- Во Њујорк умре Херман Мелвил, еден од најголемите американски писатели кој низ симболи и алегорија многу често укажуваше на себичноста и комерцијализацијата на општеството. Своите доживувања на морнарите и ловците на китови ги изнесе во многу приказни и романи. Најпознато негово дело е романот "Моби Дик". Роден е во Њујорк, на 1 август 1819 година.

1895.- Во Париз умре Луј Пастер, француски хемичар и биолог. Ја откри вакцината против беснило, утврди дека ферментацијата е биолошки процес и ги доби дотогашните теории за спонтаната реакција на микроорганизмите. Роден е на 27 декември 1822 година.

1898.- Италијанскиот лекар и зоолог Батиста Граси ги објави резултатите од повеќегодишните проучувања во кои ги откри вистинските причинители и пренесувачи на маларијата.

1902.- Умре францускиот писател Емил Зола, творец и најизразит претставник на натуралистичкиот роман. Пишувал и приказни, драми, книжевни и уметнички критики, борејќи се за правда и напредок.

1902.- Во селото Крушоради, Леринско, во борба против турските заптии и башибозук, немајќи друг излез, се самоубија тројца македонски борци на чело со војводата Дине Кљусев.

1910.- Во селото Слап е роден Цирил Космач, еден од најголемите словенечки писатели. Ги напиша збирките раскази „Среќа и леб“, „Од мојата долина“, „Пролетен ден“, романот „Балада за трубата и облакот“ и други дела. Умре во Љубљана, на 28 јануари 1980 година.

1924.- Роден е италијанскиот филмски глумец Марчело Мастројани, еднакво успешен како комичар, романтичен херој, драмски глумец, љубовник. Филови: „Хроника за соромашните лубовници“, „Бели ноќи“, „Сладок живот“, „Развод на италијански начин“, „Ноќ“, „Семејна хроника“, „Приватен живот“, „Мирисот на жените“ и други.

1934.- Родена е француската филмска глумица Брижит Бардо, најголем филмски секс-симбол. Светската слава ја стекна откривајќи ги сите женски вештини пред која било друга глумица. Филмови: „И Господ ја создаде жената“, „Жената и нејзината играчка“, „Во случај на несреќа“, „Вистина“, „Приватен живот“, „Парижанка“, „Вива Марија“ и други.

1944.-  Единиците на Црвената армија во Втората светска војна преминаа во Србија врз основа на југословенско-советскиот договор.

1949.- Москва еднострано го откажа договорот за пријателство и взаемна помош меѓу СССР и Југославија. Тоа го направија и останатите земји од „социјалистичкиот ланец“ - Унгарија на 30 септември, Бугарија и Романија на 1 октомври и Чехословачка на 4 октомври.  

1960.- Во Скопје умре Наум Наумовски-Борче, народен херој на Македонија. Роден е во Крушево, на 1 април 1920 година.

1966.- Умре францускиот писател Андре Бретон, кој во психоанализата бараше средство за откривање на вистината. Дела: „Надреалистичка револуција“, „Наѓа“, „Сјај на земјата“, „Изгубени чекори“, „Фатаморгана“, „Надреализам и сликарство“ и други.

1970.- Умре египетскиот државник Гамал Абдел Насер, шеф на државата од 1956 година, творец на модерниот Египет и еден од основачите на движењето на неврзаните. Во 1958 година стана претседател на Обединетите Арапски Републики (унија на Египет и Сирија), која во 1961 година се распадна. По воената катастрофа на Арапите во војната со Израел во 1967 година поднесе оставка, но граѓаните на референдум го вратија на функцијата претседател на Египет.

1978.- Умре папата Јован Павле Први, од италијанско потекло, кој беше поглавар на Римокатоличката црква само 33 дена. Од 1969 година беше надбискуп во Венеција, а за папа беше избран на 26 август 1978 година. Умре под неразјаснети околности.

1985.- Македонија ја зафати земјотрес со епицентар во Демир Капија со јачина од 5,2 степени според Рихтеровата скала и 7-8 степени според Европската маркосеизмичка скала.

1989.- Во бегство на Хаваи умре бившиот филипински диктатор Фердинанд Едралин Маркос, кој владееше безмалку 22 години. Во втората светска војна беше герилец во антијапонското движење на отпорот, а во 1959 година стана претседател на Сенатот. Во 1965 година со големо мнозинство беше избран за шеф на државата. Бидејќи во почетокот беше многу популарен поттикнувајќи го силниот развој на земјоделството во 1969 година беше повторно избран за претседател. На крајот на вториот мандат, кога требаше да се повлече од функцијата, во 1972 година воведе вонредна состојба. Кршејќи го Уставот  владееше со диктаторски методи со премолчена поддршка од страна на САД. Отфрлен е во 1986 година, по што пребегна на Хаваи.

1990.- Умре италијанскиот писател Алберто Моравија, кој се здоби со слава со пишување на дела за моралното раслојување на италијанската буржоазија. Пишувал романи, театарски парчиња, приказни, есеи, патописи, филмска и театарска критика. Дела: „Рамнодушни луѓе“, „Римјанка“, „Јас и тој“, „Внимание“, „Годината 1934“, „Внатрешен живот“, приказните „Автомат“, „Римски приказни“, „Втор живот“ и други.

1993.- Владата на Демократска Народна Република Кореја донесе одлука за признавање на Република Македонија.

1994.- Во најголемата мирновременска поморска несреќа во Европа, повеќе од 900 луѓе загинаа кога во невреме во Балтичкото Море наспроти финскиот брег потона ферибродот „Естонија“.

1994.- Во Скопје умре Ванѓел Коџоман, еден од основоположниците на современото македонско сликарство. Роден е во Струга, на 14 февруари 1904 година.

1994.- Во Скопје, во издание на "МИ-АН", излезе првиот број на "Македонско време", независен информативно-политички њус магазин.

1995.- Израел и Палестинската ослободителна организација во Вашингтон потпишаа спогодба за враќање на поголем дел од Западниот Брег под палестинска самоуправа.

2000.- Умре канадскиот државник Пјер Елиот Трудо, кој со мали прекини 16 години ја водеше државата. Првпат беше избран за премиер во 1968 година кога на власт остана до 1979 година. Од 1980 до 1984 година повторно ја предводеше извршната власт на Канада. На чело на Либералната партија беше од 1968 до 1984 година.

2003.- Умре американскиот филмски режисер од грчко потекло Елиа Казан, добитник на наградата на Американската филмска академија за животно дело. Седум негови филмови добија 20 Оскари во разни категории, вклучувајќи и два за режија. Филмови: „Џентлменски договор“ (Оскар), „Вива Запата“, „Бумеранг“ (Оскар), „Источно од рајот“, „Сјај во трева“, „Паника на улиците“, „Бејби Дол“, „Дива река“, „Америка, Америка“, „Трамвајот наречен желба“.

- Европски ден на јазиците

- Светски ден на чисти планини

1580.- Англискиот морепловец Френсис Дрејк вплови во пристаништето во Плимут, завршувајќи ја после 33 месеци пловидбата околу светот како прв Англичанец на кој тоа му успеа.

1604.- По многу одложувања, црковните власти во Шпанија дозволија да се печати делото на големиот шпански писател Мигуел де Сервантес "Дон Кихот".

1815.- Русија, Австрија и Прусија ја создадоа „Светата алијанса“ заради задушување на револуционерните движења во Европа и зачувување на Виенскиот договор со кој е прекроена картата на Европа.

1949.- Во Рајзан е роден Иван Петрович Павлов, руски физиолог, добитник на Нобеловата награда за физиологија или медицина во 19004 година како признание за неговата работа посветена на физиологијата на варењето на храната... Умре во Санкт Петербург, на 27 февруари 1936 година.

1888.- Роден е англискиот писател од американско потекло Томас Стренс Елиот, добитник на Нобеловата награда за книжевност во 1948 година. Познати дела: „Собрани песни“, „Собрани есеи“.

1889.- Роден е Мартин Хајдегер, главен претставник на егзистецијализмот во Германија. Изврши големо влијание врз современите филозофи на егзистенцијализмот. Негови најпознати дела се "Битие", "Кант и проблемот на метафизиката" и "Што е метафизика". Умре во 1976 година.

1892.- Во Москва е родена Марина Иванова Цветаева, руска писателка, една од најголемите поетеси во историјата на поезијата. Познати се нејзините збирки песни „Вечерен албум“, „Волшебниот фенер“, „Разделба“, „Занает“, „Стихови за Блок“, како и драмите „Жандарм херц“, „Виулица“, „Камениот ангел“ и „Феникс“. Умре на 31 август 1941 година.

1898.- Во Берклин е роден Џорџ Гершвин, голем американски композитор, пијанист и музичар. Користејќи елементи од црнечкиот фолклор, успешно ги спои ритмичките и мелодиските карактеристики на џезот во формите на уметничката музика и со тоа придонесе за создавање на специфичниот северноамерикански музички израз. Негови најпознати дела се оперите "Порги и Бес", симфониската поема "Американец во Париз", "Рапсодија во сино". Умре во Холивуд, на 11 јули 1937 година.

1990.- Во Рим умре Алберто Моравија, еден од најголемите современи писатели не само во Италија, туку и во Европа. Негови најпознати романи се "Рамнодушни", "Маскирана" и други. Роден е во Рим, на 28 ноември 1907 година.

1945.- Умре унгарскиот композитор и пијанист Бела Барток, професор на Музичката академија во Будимпешта. Барток го разви оригиналниот стил, вметнувајќи елементи од унгрската народна музика.

1959.- Умре цејлонскиот државник Соломон Бандеренајке, премиер на Цејлон од 1956 година и водач на Партијата на слободата, врз кого претходниот ден во Коломбо пукал еден будистички калуѓер. Се школувал во Оксфорд.

1969.- Во Боливјиа армијата под водство на генералот Алфред Ованда Кандиа го собори претседателот Силес Салинас.

1984.- Лондон и Пекинг се договирија за враќањето на Хонконг во 1997 година под суверенитет на Кина.

1989.- Виетнам ги повлече трупите од Камбоџа, кои во Камбоџа беа од крајот на 1978 година, оставајќи ги силите на владата на Хун Сен сами да се борат против маоистичката герилска организијација „Црвени Кмери“.

1993.- Во селото Доверзенце, Кумановско, е осветена новоизградената црква "Свети Ѓорѓи".

1993.- Во Виница е отворен Првиот фестивал за хумор, сатира и карикатура во Република Македонија, наречен "Ин Виница веритас".

1994.- Алжирските безбедносни сили го убија шефот на најсилната исламска терористичка организација ГИА Шериф Гузми, познат како Абу Абдал. 

1995.- Почна судењето на поранешниот премиер на Италија Џулио Андреоти. Тој беше седумпати премиер, а беше обвинет за блиски врски со мафијата и вмешаност во убиства.

1997.- Земјотрес во централна Италија усмрти 11 луѓе и тешко ја оштети средновековната базилика Свети Фрањо Асиси во Асизија.

2000.- Грчкиот ферибот „Експрес Самин“ налета на подводен гребен кај островот Парос. Фериботот потона за само 20 минути, усмртувајќи 72 од повеќе од 500 луѓе на бродот.

2002.- Потона сенегалскиот ферибот „Ла Жола“  во невреме во близина на брегот Гамбиј. Од вкупно 1.836 патници, само 64 успеаја да се спасат.

768.- Умре францускиот крал Пипин III Малиот, прв монарх од династијата на Каролинг. Владеел од 747, а со целосна власт се здобил во 751 година, кога со согласност од римскиот папа го симнал Хилдерик III, последниот владател од династијата на Меровинг.

1835.- Во Париз умре Винченцо Белини, италијански оперски композитор. Тој е творец на италијанскиот оперски стил наречен белканто. Најпознати негови опери се „Норма“, „Месечарка“, „Пуританци“, „Капулети и Монтеки“ и други. Роден е во Катанија, на 1 ноември 1801 година.

1706.- Шведска и Саксонија во Алтрантштат воспоставија мир со кој Швеската се откажа од полската круна и го призна полскиот крал Станислав Лешчински.

1840.- Роден е ДИМИТАР ПОП ГЕОРГИЕВ БЕРОВСКИ

1852.- Францускиот инжењер Анри Жифар, го изведе првиот лет со цепелин на парен погон, прелетувајќи 27 километри од Париз до Трап.

1884.- Роден е Исмет Инени, истакнат турски политичар, министер за надворешни работи, премиер и претседател на Република Турција. Беше долгогодишен соработник на Кемал Ататурк, „таткото“ на современа Турција. Во 1939 година ја основа Републиканската народна партија која ја предводеше 33 години. Умре на 25 декември 1973 година.

1899.- Роден е српскиот композитор и диригент Јован Бандур, професор на Музичката академија и диригент на Белградската опера. По завршување на студиите во Виена и Прага компонирал дела со мотиви од народната музика.

1905.- Шведска ја призна независноста на Норвешка која прво беше под доминација на Данска, а од 1814 година во унија со Шведска. По отцепувањето е прогласена за самостојна уставна монархија на чело со кралот Хакон Седми.

1908.- Во Солун, во кафеаната „Бошњак-ан“, терористи-платени врховисти извршија неуспешен атентат врз големиот македонски револуционер Јане Сандански кој беше повреден. При атентатот две лица од придружбата на Сандански беа смртно погодени.

1911.- Роден е советскиот државник од руско потекло Константин Устинович Черњенко. На најмоќната позиција дојде по смртта на генералниот секретар на Комунистичката партија Јуриј Андропов, во февруари 1984 година. На претседателската позиција беше само 13 месеци, до неговата смрт во март 1985 година.

1915.- Франција и Велика Британија во Првата светска војна го отворија Солунскиот фронт, на кој беа упатени силите од фронтот во Галипол. Во почетокот на 1916 година трупите беа засилени со пет британски и четири француски дивизии, а во мај во 1916 година од островот Крф беше префрелена и српската војска поделена во три армии, која во 1918 година имаше одлучувачка улога во пробивот на Солунскиот фронт и во забрзувањето на воениот крах на централните сили.

1941.- Во Лондон, на конференцијата на претставниците на владите на Австралија, Канада, Велика Британија, Нов Зеланд, Јужноафриканската унија, Советскиот Сојуз и претставници на бегалските влади на Чехословачка, Грција, Белгија, Луксембург, Холандија, Норвешка, Полска, Југославија и на слободна Франција, ја потпишаа Атлантската повелба која пред шест недели ја прокламира американскиот претседател Франклин Рузвелт и британскиот претседател Винстон Черчил, со што овие земји ја прифатија Повелбата како политичка програма во борба против силите на Оската.

1941.- Ужичкиот партизански одред во Втората светска војна го ослободи Ужице, кое повеќе од два месеци беше седиште на Ужичка Република и на Врховниот штаб на Народоноослбодителното движење на Југославија (единствена слободна територија во поробена Европа), до 30 ноември 1941 година кога падна во германската офанзива.

1968.- Швајцарија стана членка на Обединетите нации.

1971.- Велика Британија протера 90 советски граѓани осомничени за наводни шпионски делувања.

1980.- Пограничните судири меѓу Ирак и Иран прераснаа во сеопшта војна меѓу двете земји кога ирачките трупи ја преминаа границата и го опоколија градот Абадан, запалувајќи ја најголемата светска нафтена рафинерија.

1988.- На Олимписките игри во Сеул, канадскиот спринтер од африканско потекло Бен Џонсон, постигна светски рекорд во финалната трка на 100 метри од 9,79 секунди, но резултатот беше поништен и шест дена подоцна му беше одземена златната медаља бидејќи трчаше допингуван.

1990.- Претседателот на Западна Германија Рихард фон Вајзенкер потпиша спогодба со која на 3 октовмри 1990 година двете германски држави повторно ќе бидат обединети, а истиот ден Источна Германија и формално го напушти Варшавскиот пакт.

1993.- Кралот Сиханук повторно го презеде камбоџанскиот престол, од кој беше симнат во 1955 година, и го потпиша уставот со кој Камбоџа стана уставна монархија.

1993.- Во Монте Карло, во Кнежеството Монако, Македонскиот олимписки комитет е примен за рамноправен член на олимпиското семејство-како 195-ти член.

1996.- САД, Русија, Кина, Велика Британија и Франција го отфрлија приговорот на Индија и го потпишаа документот за забрана на нуклеарни проби.

1998.- Иран и Велика Британија постигнаа договор за подигање на дипломатските односи на амбасадорско ниво по што Техеран се откажа од заканата за смртна казна на авторот на „Сатански стихови“, на британскиот писател од индијско потекло Салман Ружди.

1999.- Во Скопје, во издание на ТВ „Економист“ ДОО, излезе првиот број на неделникот за политика и бизнис „Капитал“.

2002.- Британската влада го објави досието на ирачката програма за вооружување, тврдејќи дека претседателот Садам Хусеин може за само 45 минути да лансира оружје за масовно уништување, што послужи како оправдување за агресија врз Ирак, но подоцна се покажа дека тврдењето е лажно.

2002.- Тројца муслимански терористи убија 29 верници во хиндуистички храм во индијскиот град Гандинагар.

2003.- Во Скопје умре Димитар Солев, македонски писател, критичар и преведувач. Прво негово објавено дело е „Копнети снегови“ (расказ, 1956 година), а меѓу многуте и најпознатите дела ќе го споменеме романот „Под усвитеност“ (1957 година). Роден е во Скопје, на 24 мај 1930 година.

2004.- Во Бомбај умре Раџа Рамана, индиски физичар. Се смета за еден од творците на атомската бомба во неговата земја.

2004.- Во болницата во северното француско пристаниште Хонфлер умре Франсоаз Саган, француска новелистка. Најпознатото нејзино дело е „Добар ден, таго“, химната за разочараната младост што стана една од најпознатите книги на 20. век. Покрај ова, познато е и нејзиното дело „Сигурна насмевка“. Родена е во Лот, во 1935 година.