Дали е квалитетно средното образование

Секој со свои размислувања, видувања. Еве и едно размислување дека во средното образование треба дополнување на наставните програми предмети од екологија.
И наставниците и учениците - еколошки неписмени

сега ја читам темава и мислам дека е глупост, баш најстарите професори кои имаат години искуство позади нив се оние квалитетните

ја сум таа генерација што ги фати повеќето професори пред пензија

Одлично срочено и во суперикс варијанта кажано...но ете и за вас дојде радоста,сега сето тоа ќе се воведи,сега доаѓа америчкиот начин на школување,само стрпете се уште малце,,да ,да сега на обука се наставниците од основните училишта,ги учат како да ги оценуваат децата по амерички систем со проекти,(само незнам како ќе оди проекти на 13-14 предмети,а американчињата имаат само 3-4 основни и другото им е избор),потоа во средно ,аааа,тоа ќе биде приказна за себе,овие од деветолетка ќе завршат ,па дотогаш ќе им пикнат ниско средно(за раја-сиромаси),а оние татините и мамините мази (побогати) ќе одат на високо(хај)средно,е потоа некое (мудбак)факултетче и ете ти идиот на функција,Потоа ќе ве видам дали ќе викате овој е на функција по партиска линија или татко му го намести односно мафијата.И тогаш ќе го видиме квалитетот на образованието???

Во ред е твојата мисла и колку е точна не спорам ,затоа што весници во Америка има колку сакаш и што сакаш ќе ти напишат,(такви написи со глупости ги има и кај нас),,а за филмовите изгледа цела наша нација гледа филмови,јас зборувам за реалната состојба што се случува кај нас и од каде ја копираат.

ato напиша: Се гледа дека само филмови гледаш и тоа од оние убавите. Прочитај и некој весник од Америка па ќе видиш дека Американците бараат системот на образование да го копираат од европа, односно од неки држави во европа.

Само да не го копираат од кај нас  , не ќе можат да завршат ни прво одделение

Еве едно наведување од паталец преземено од Утрински весник во кој се изнесуваат лични убедувања- значи аргументи дека нешто не е во ред. Само некој од надлежните треба да го разбере ова што се кажува

Една оценка подолу - 600 евра од џебот

Елеонора Антовска, Прилеп

Како и минатата година, актуелни се резултатите од полагањето на државната матура. Многу реакции, матурантите разочарани од резултатите, шпекулации дека тестовите биле познати пред да се изведе матурата... Повторно се случи парадоксот резултатите од странските јазици, особено англискиот, да бидат подобри од мајчиниот јазик. Колку за споредба, можев да забележам дека матурант со 76 отсто перцитилен ранг има оценка 4, а исто така и друг матурант, со перцитилен ранг 92 отсто, има оценка 4 по предметот македонски јазик и литература!?

Дали јавно се знаат критериумите на оценување и бодовната скала? Зошто толку строг критериум, кога таа оценка, единствена 4 на матурантот, може да го чини 600 евра, наместо 200, или пак воопшто да не влезе во квотите на факултетот каде што сака да студира. Зошто минатата година матурантите знаеја дека екстерните предмети исто ќе се оценуваат се' додека не ги видоа резултатите, кога излезе дека преодна оценка по мајчин јазик се добива со 40 отсто, а за вториот предмет со 30 отсто? Нормално ли е да се случи следнава ситуација: македонски јазик 4 (93,91 отсто) и математика - основно ниво 5 (86,24 отсто). Случајов беше кај мојата внука, значи не е измислен.

Зошто во јавноста ги плукаат средношколците кои „не учеле“ математика и професорите кои, наводно, не ја вршат совесно својата работа? И зошто во јавноста не се каже дека, за разлика од минатата година, оваа година на тестот по математика- основно ниво, имаше 15 задачи повеќе од лани, а на задачите со заокружување и дополнување требаше да се применат барем две формули за да се дојде до резултатот? Зошто сето тоа некој го премолчува, без да каже дека и покрај тоа што имаа 15 повеќе задачи, времето за решавање остана исто - три часа?

Најпрво нека се преиспитаат оние од Министерството за образование, Бирото за развој на образованието и Заводот за школство за тежината на испитите и критериумите на оценување, а потоа нека плукаат по професорите по математика. Нека размислат дали е нормално екстерен втор предмет - тестот по англиски, да се решава за помалку од еден час, а математика дури и три часа да се малку. Ќе ве замолам текстов да биде објавен за да знаат сите што се случува со нашиот образовен систем.

Изменето од mamamd - 20.Јули.2009 во 08:57

Тема: Дали е квалитетно средното образование?

НЕ..