Што се можеме да излечиме со листови од зелка

Со помош на листови од зелка можеме да лечиме и воспаление на тетивите.

Облогите направени од листови зелка се мошне полезни при лечење на разни болести. Тука можеме да спомнеме болести како што се гангрена, епилепсија, бронхитис, главоболка, глисти, воспаление на грлото, гнјни чиреви, осип и сл.

Со помош на листови од зелка можеме да лечиме и воспаление на тетивите, болки во зглобовите, болки во колениците, проширени вени, воспаление на мочниот меур, мигрена, воспаление на мускулите, акни, изгореници, отоци и сл.

За лечење на горе набројаните болести и потешкотии, а ги има навистина многу, најдобро е да ги користите најголемите листови од зелката. Се употребуваат сите видови зелки за лечење, но најефикасна е црвената зелка. Пред употреба листовите се мијат и се сушат, па се поставуваат на болното место. Се прицврстуваат со завој и фластер, па треба да отстојат цела ноќ, додека спиете. Секој ден се прави нова облога.

Изменето од Valerija - 02.Април.2014 во 17:24

Јакиот човек има само една слаба страна-жената што ја сака!

Чудо од десерт: Лимон и јајца против грип и настинка

Десертот е вкусен и делотворен во борбата против настинките.

Потребни состојки:

* 2 лимона – кората и сокот

* 100гр шеќер во прав

* 100гр кафеав шеќер

* 60гр несолен путер

* 3 јајца

Подготовка:

Изрендајте ја ситно кората на лимоните (претходно добро измиени) и исцедете го сокот. Измешајте ги двата вида на шеќер, додадете го путерот, сокот и кората од лимон. Изматете ги добро јајцата и додадете ги во смесата со лимон. Смесата ставете ја да се вари на пареа, постојано мешајќи, додека не се згусне како крем, а шеќерот не се стопи целосно. Кремот не треба да зоврива! Додека е уште топол ставете го во тегли и превртете ги да се ладат со капачето надолу.

Чувајте го кремот на ладно место. Може да стои неколку месеци.

Изменето од Valerija - 31.Март.2014 во 22:15

Јакиот човек има само една слаба страна-жената што ја сака!

Пријавете се во Македонските преставништва за наредните претседателски избори - Мелбурн (03) 9867.2200 - Канбера

Спанаќ за подобар вид

Спанаќот содржи А, Ц и К витамини, магнезиум, калциум, влакна и бета каротен..

Повеќе од 30 отсто луѓе на светот почнуваат на одреден начин да го губат видот кога ќе влезеш во 50-тата година од животот. Еден од најдобрите зеленчуци што го спречуваат губењето на видот е спанаќот. Предност на спанаќот е и што е нискокалоричен, а богат со хранливи материи.

Спанаќот содржи А, Ц и К витамини, магнезиум, калциум, влакна и бета каротен.

Макуларната дегенерација е болест на окото поврзана со стареењето која постепено го уништува централниот вид. Ја зафаќа жолтата пега, таканаречена макула која е најразвиен дел од мрежницата. Затоа постепено се губи централниот, а останува периферниот вид.

Дел од заштитата на мрежницата е и лутеинот, природна материја која делува како филтер на сончевата светлина, апсорбирајќи ги опасните УВ зраци. Исто така е и антиоксиданс кој помага за одржување на здравјето на очите. Самиот пигмент доаѓа од здравата исхрана која секако го вклучува и спанаќот.

Спојот на каротеноиди односно, лутеин и зеаксантин , што ги содржи спанаќот, го намалува ризикот од губење на видот. За уште подобра заштита комбинирајте го спанаќот со производи што се богати со витамини Ц и Е, бета каротен и цинк.

Спроведено е и истражување кое го утврдило влијанието на спанаќот врз видот. Била вклучена група луѓе кои имале рани знаци на болеста. Одредено им било шест месеци да јадат секојдневно спанаќ и на крајот, кога научниците го испитале нивниот вид увиделе дека спанаќот ја забавил, па дури и ја поправил штетата која старосните години им ја направиле на испитаниците.

Изменето од Valerija - 31.Март.2014 во 22:07

Јакиот човек има само една слаба страна-жената што ја сака!

Чудесна храна: Намирници кои ги обновуваат вашите органи

За срцето порано се мислело дека не се регенерира.

Сигурно знате дека црниот дроб се регенерира. Неговите клетки живеат околу 150 дена, по истекот на кои старите клетки ги заменуваат нови, па црниот дроб може да продолжи да ја извршува својата функција на исфрлување на отровите од организмот.

За срцето порано се мислело дека не се регенерира, дека цел живот имаме “исто” срце, но истражувањата покажаа дека оваа пумпа на човековиот организам може да се обнови од три до четири пати во текот на животот.

Кожата се обновува на 28 дена, на коските им требаат околу 10 години, црвените крвни зрнца живеат околу 4 месеци, а што се однесува на мозочните клетки, тие не се регенерираст па тпа што сме го добиле со раѓање, сме го добиле (и затоа треба да ги чуваме).

Здравјето значи и добро регенерирање на органите, затоа што старите клетки мора да се заменат со нови за животот да може да продолжи. Храната е многу важна за оваа обнова и корисно е да се знае кои намирници се од најголема помош.

Обновување на нервните клетки

Постои широк спектар на природни состојки кои делуваат регенеративно на нервите. Едно истражување од 2010, објавено во Rejuvenation Research вели дека комбинација од боровници, зелен чај и карнозин (кој се наоѓа во риба, свинско и јунешко месо) ја помага нервната регенерацијата, како и регенерацијата на матични клетни кај животни со неуродегенеративни болести.

Други состојки со слично дејство се: куК*рмин (коренот од растението К*ркума), апигенин (кој се наоќа во целер, магдонос и артичока), боровница, жен-шен, црвена жалфија, резвератрол (во црвено вино, црно грозје и црна чоколада), матичен млеч, теанин (во зелен чај), кафе итн.

Постојат и други материи кои помагаат во оздравувањето на нервите преку поправање на обвивката на нервните влакна – миелинот. Исто така, музиката и заљубеноста влијаат позитивно на регенерација и обновување на невроните.

Регенерација на црниот дроб

Glycyrrhizin е соединение кое се наоѓа во коренот на сладунец и кое, според една студија преставува силен стимул за регенерација кај животни на кои хируршки им е отстранет дел од црниот дроб. Други материи кои помагаат за регенерација на црниот дроб се: carvacrol (од масло од оригано), curcumin (корен на растението К*ркума), корејски жен-шен, артичока, витамин Е (кој го има во тофу, спанаќ, бадеми, семки од сончоглед, авокадо, ракчиња, риби, маслиново масло, брокула и тиква).

Регенерација на бета клетки

Бета клетките произведуваат инсулинот во панкреасот. Со следниве соединенија е успешно експериментирано за да им помогне на дијабетичарите: витамин D (кој го има во риби, кавијар, јајца, сирење), К*ркумин, аргинин (го има во црвено месо, соја, јајца, морска храна, сусам), авокадо, диња, блитва, пченична свила, стевија, сулфорафан (во брокула, кељ, прокељ, зелка, карфиол).

Хормонска регенерација

Една од состојките која ги обновува хормоните, ослабени поради губење на електроните, е витамин Ц (кој најмногу го има пиперки, кељ, киви, брокула, јагоди, портокали, грашок). Овој витамин има способност за враќање на формата и функцијата на естрадиолот (естроген, Е2), прогестеронот и тестостеронот, кој може да биде добар додаток или замена за хормонска терапија.

Регенерација на срцевиот мускул

До неодамна се сметаше дека мускулното ткиво не е предмет на регенерација. Новите истражувања покажуваат дека постојат елементи кои ги стимулираат клетките од кои е изграден срцевиот мускул што го сочинува здравото срцево ткиво. Што да јадеме? Resveratrol (црвено вино, црно грозје, темно чоколадо) , сибирски жен-шен, N-ацетил-цистеин (овесни снегулки, свинско, пилешко , пченица, младо сирење).

Регенерација на ‘рскавицата и зглобовите на’ рбетот

К*ркумин и ресвератролот добро се имаат покажано при закрепнување од повреда на ‘рбетниот мозок, и за остеоартритис – дегенеративно заболување на зглобовите. Постои широк спектар на потенцијално регенеративни супстанции кои се наоѓаат во: коприва, рибино масло, и друга храна богата со витамин Е.

Изменето од Valerija - 31.Март.2014 во 16:03

Јакиот човек има само една слаба страна-жената што ја сака!

Која храна го намалува шеќерот во крвта

Живот со редовно вежбање и балансирана исхрана е одличен начин за да го одржувате нивото на шеќер во крвта. Така на пример, за одржување на нивото на шеќер во крвта, се препорачува исхрана богата со здрави протеини и масти и намалување на јагленохидрати.

Но надвор од општите принципи, постои храна која конкретно помага во одржувањето на шеќерот во крвта.

Чај

Испитувањата направени врз животни покажаа дека зелениот, црниот, белиот и улонг чајот помагаат за контролирање на шеќерот. Едно истражување покажа дека после пиење на шест чаши чај дневно во текот на осум недели, шеќерот во крвта кај пациентот се намали за 15-20%.

Темно чоколадо

Еден важен аспект во контролата на шеќерот во крвта е тоа колку вашето тело може да се справи со инсулин. Откриено е дека темното чоколадо ја намалува инсулинската отпорност, витален дел кој помага во одржувањето на нивото на шеќер во крвта. Ова е одлична вест за љубителите на чоколадо - но внимавајте, чоколадото треба да биде темно.

Оцет
Во изненадувачко истражување од Државниот универзитет во Аризона, откриено е дека оцетот има ист ефект како лек против дијабетес. Во истражувањето, на пациентите им била даена оцет која требало да се консумира пред јадење богато со јаглени хидрати.

Ореви

Кога пациентите со дијабетес ги заменуваат оброците богати со јаглени хидрати со ореви тогаш тие ќе бидат во можност да го намалат нивото на шеќер во крвта. Оревите се здрав извор на протеини, како и многу хранливи материи, па тие се одличен избор за исхрана.

Семе од чиа

Ова малечко семе доаѓа од Јужно Мексико и Централна Америка и ебогато со омега -3 масни киселини, протеини и влакна. Ги има сите предиспозиции за одлична храна за дијабетичарите. Всушност, едно истражување покажа дека семето од чиа им помогнало на пациентите со дијабетес да го контролираат шеќерот во крвта и крвниот притисок.

Грав

Уште една храна богата со влакна и протеини. Гравот помага во намалувањето на ризикот за дијабетес. Без разлика на тоа дали сакате да ги спречите идните проблеми или сте во потрага за помош со проблемите што веќе ги имате, гравот е одличен прилог за вашата неделна исхрана.

Јакиот човек има само една слаба страна-жената што ја сака!

’Рдокви – салата која треба да ја консумирате што почесто

Кога ќе ги здогледате ’рдоквите во зеленчуковото шаренило на тезгите, немојте воопшто да се двоумите дали со нив да ја збогатите вашата салата.

’Рдоквите се идеален избор во пролетниот период и нив треба што почесто да ги консумирате бидејќи се особено корисни за здравјето. Овие црвени топчиња се преполни со калиум, фолна киселина, антиоксиданси и претставуваат одличен извор на бакар, манган, како и витамин Ц, К и Б6. Исто така, содржат и калциум, железо, фосфор, цинк и натруим, но во помали количини.

’Рдоквите се нискокалорични, на вода отпаѓаат 95 проценти од нив, на јаглехидрати 3,4 проценти, а протеини и масти речиси немаат. Заради сето ова, ’рдоквите се одлични и за оние кои сакаат да слабеат.

Лековитост на ’рдоквите

’Рдоквите може да помогнат кај проблеми со астма и болести на дишните патишта проследени со кашлица. Направете мешавина од ’рдокви, лимон и мед и оставете ја да отстои еден ден, по што ќе добиете природен сируп за искашлување.

Свежиот сок од ’рдокви всушност е стар народен лек кој помага против воспаленија на мочниот меур. Тој исто така содржи и антибактериски и антигабични својства, а помага и при лекување на жолтица бидејќи го нормализира производството на билирубин.

Некои студии покажуваат дека заради големата количина на витамин Ц, фолна киселина и антоцијанин, ’рдоквите може да придонесат и во лечење на карцином на дебелото црево, бубрезите, желудникот и грлото.

Како да одбирате и да ги чувате ’рдоквите

При купување, внимавајте плодовите да бидат тврди, а листовите зелени и свежи.

Кога ќе ги донесете дома, отстранете ги листовите и ’рдоквите неизмиени ставете ги во фрижидер.

Јакиот човек има само една слаба страна-жената што ја сака!

Целер – здравје од вашата бавча

Други називи: ак, церевиз, питом целер, селен, селин. Латинско име: Apium graveolens. Англиски: celery.

Целерот е двегодишна зелеста билка со меснат и вретенаст корен кој понекогаш може да биде и сплескан. Стебленцето му е разгрането, а достигнува висина од 40 до 80 сантиметри.

Темнозелените и сјајни листови се големи и перјасто разделени, додека ливчињата имаат клинест облик. Горе се врежани и назабени.

Топчестиот плод е ребраст. Некогаш се верувало дека целерот ја подобрува урината. Сега се знае дека успешно ја стимулира размената на материи. Богат е со лимонен, етерични и масни масла. Во коренот има етерично масло, шеќер, апин, аспарагин, тирозин, колин, алосорбусен, пентосан и масти.

Слаткастиот задебелен корен на целерот најчесто се користи за подготвување на салати, варива или како зачин за супи и чорби. Ливчињата кои имаат силен ароматичен вкус исто така служат како зачин. Билката го задржува специфичниот мирис и после сушењето.

Дивиот целер поради силниот и незгоден мирис малку се користи.

Ова растение расте како дива и како култивирана билка која се одгледува во градините. Како див, целерот расте на крајбрежните подрачја речиси низ цела Европа, а се наоѓа и на другите континенти. Познато е дека дивиот целер има отровни супстанци, и затоа не го употребуваме во лечењето. За градинарскиот целер се знае дека е многу значајна лековита билка.

Лековит дел на билката е коренот на градинарскиот целер.

Лековито дејство: За лечење на астма, воспаление на белите дробови, болест на нервите, уринарниот тракт, бубрезите, против гихт, ревма, за подобрување на апетитот, отстранување на пречки при дигестијата, претерано дебелеење, слабости на желудникот и сите болести кои се појавуваат поради недостаток на основни материи потребни на организмот. Исто така, целерот ја подобрува крвта и нејзината циркулација.

Помеѓу билките за зачинување, целерот зазема посебно место. Низ историјата и митологијата, на целерот му се придодавале различни значења, а верувањето дека целерот ја стимулира сексуалната моќ, останало и до денешно време.

Поради богатството на различни корисни состојки, целерот има исклучителни лековити својства. Со морковот, лукот и магдоносот, заедно сите тие претставуваат главен адут во сите кујни. Се користи свеж за припрема на супи и јадења, семето се користи како зачин, додека неговите лисја често служат за декорирање на разни кулинарски специјалитети. Може да се најде во текот на целата година, но најдобар е во есен.

Сировиот целер помага кај оние со кожни заболувања. Се препорачува и кај оние лица кои имаат камен во бубрег или во мочната ќеса затоа штоа е добар дијаретик. За да се постигне посакуваниот ефект, треба ситно да се исецка еднаква количина на целер и јаболки, добро да се измешаат и да се конзумираат неколку пати во денот. Во оваа смеса може да се додадат и изрендани ореви и шеќер по желба.

Чај од целер против ревма: во 3 литри вода се приготвуваат 40 грама лист од целер неколку минути. Треба да се поклопи и да стои додека не се излади. Се цеди и се пие млако неколку пати дневно, а во траење од неколку недели.

Со целерот против бубрежни болести: против бубрежните тегоби треба да се пие сок од свежи листови од целер, сам или пак со мед како алкохолатура – 30 капки дневно.

Јакиот човек има само една слаба страна-жената што ја сака!

Храната како лек!

Што се можеме да излечиме со листови од зелка

Брокули за третман на рак на дојка

Чудо од десерт: Лимон и јајца против грип и настинка

Зошто треба да се јаде пиперка?

Спанаќ за подобар вид

Продукти за здрав црн дроб

Чудесна храна: Намирници кои ги обновуваат вашите органи

Оризот ги смирува болките на дебелото црево

’Рдокви – салата која треба да ја консумирате што почесто

Пет намирници за поцврсти коски