Костените кои се едни од главните обележја на есента, како што веќе спомнавме можете да ги јадете печени или варени, можете од нив да направите вкусни мали бомбици, а исто така можете да ги употребите за подготвување на фил со кој ќе ја филувате тортата, која денес ви ја нудиме како наш предлог.

За подготовката на оваа вкусна торта со костени, покрај состојките кои ќе ви ги кажеме, во самата подготовка потребно е да внесете и многу љубов и внимание.
Костените се разбира дека ќе си ја завршат својата работа, т.е. ќе ѝ дадат на тортата еден посебен и неодолив вкус, но и љубовта со која ќе ја подготвувате тортата ќе биде причина повеќе за таа да биде навистина неверојатно вкусна.

Ви посакуваме пријатна и лесна работа, а кога тортата ќе биде спремна за консумирање, ви предлагаме со чаша црвено вино уште повеќе да го збогатите нејзиниот вкус.

Состојки за пандишпан:
4 јајца
4 лажици шеќер
4 лажици брашно
1 лажица какао
2 лажици масло

Состојки за фил:
6 јајца
200 гр. шеќер
250 гр. путер
250 гр. пире од костени
1 лажица ситно мелено кафе
1 лажица рум
50 гр. чоколадо
1 пакетче ванилин шеќер
2 кесички шлаг пена

Подготовка на пандишпанот:

1. Белките се матат со миксер заедно со шеќерот и постепено една по една им се додаваат жолчка не престанувајќи со матењето. 
2. Брашното се меша со какаото и со постојано мешање со лажица се става во смесата со јајцата.
3. Смесата за пандишпан се става во тркалезен, или во друга форма калап за торта, претходно убаво намрсен со масло и посипан со брашно. Може наместо масло и брашно да се употреби и хартија за печење.
4. Пандишпанот се пече 20 минути во претходно загреана рерна на 200°Ц. Испечениот пандишпан се вади од калапот и се остава убаво да се излади.
 

Подготовка на филот:

1. Јајцата, шеќерот и ванилиниот шеќер се ставаат во сад да се стопат над пареа со постојано мешање, додека смесата не се згусти.
2. Откако смесата ќе ја добие потребната густина се трга од пареата и во неа се додава чоколадото. Смесата се остава убаво да се олади.
3. Путерот се мати со миксер додека да стане пенест и во него се додаваат кафето, румот и пирето од костени (претходно сварени, убаво исчистени и убаво миксирани) и оваа смеса се става во претходната изладена смеса. 
Сѐ убаво се меша додека филот убаво се соедини.
 

Финална подготовка на тортата:

1. Изладениот пандишпан се враќа во калапот во кој се печел. Над него се става изладениот фил и калапот се става во фрижидер за да се стегне тортата со филот.
2. Кесичките шлаг се матат според упатството за употреба и со добиениот шлаг се премачкува целата површина на тортата. Одозгора тортата можете да ја украсите со неколку претходно сварени и исчистени јатки костени, или по ваша желба.

За подготовка ви се потребни:

• 500 г  костени
• 100 мл млеко
• 250 г шеќер
• 6 јајца
• 100 г бадеми
• 1 чашка коњак
• Сок од 1 лимон
• вишни
• Пола чаша црно вино

Подготовка

Исчистените костени варете ги во млекото додека не омекнат. Жолчките се мешаат со шеќерот додека не се добие пенлива смеса. Во смесата додадете бадеми, сок од лимон и коњак, мешајте и додадете во костените. Изматете ги белките од јајцата додека не станат густи, потоа додадете ги во смесата со костените. Смесата истурете ја во подмачкан калап со брашно (околу 26-28 центиметри дијаметар). Печете околу 45 минути на 170˚С. Вишните варете ги во пола чаша црвено вино со 3 лажици шеќер, додека смесата не стане густа. Смесата истурете ја на изладениот колач.

700gr костени (исчистени), 200gr мелени бисквити, 200 gr мелени бадеми, 150gr путер, 450 gr шеќер растопен во 15тина лажици топло млеко. јас имав доста помалку костени, ама пак се осеќа нивниот вкус.

Околу 250 gr варени и испасирани костени (измерени после лупењето, пред тоа беа пола кило)
околу 100-150 gr мелени бадеми (купени 200 gr, во меѓувреме околу 50 gr изедени)
18 мелени бисквити
75 gr путер
3/4 шоља шеќер, растопен во
8 лажици топло млеко
100 gr стопено чоколадо