Состојки:

1 ипол шолја (вкупно 300 мл) јогурт

2 јајца

¼ шолја кафеав шеќер

2 ипол шолји брашно (од 200 мл)

½ шолја маслиново масло

Прстофат сол

2 лажички прашок за пециво

Прстофат сода бикарбона

По желба лажичка екстракт од ванила и лажичка рум

Приготвување:

Загрејте ја рерната на 180 степени и намрсете го калапот или ставете хартија за печење.

Измешајте ги во еден сад јогуртот, јајцата, шеќерот, маслото и екстрактот од ванила или рум.

Во друг сад измешајте ги брашното, прашокот за пециво, содата и солта и додадете се во првата смеса постојано мешајќи со миксер.

Ставете ја смесата цво калапот и печете 30 до 35 минути.

Послужете го со павлака или прелијте го со сируп од лимон.

Состојки
250ГР домашно несолено сало
100-130гр шеќер во прав
100мл јогурт
500гр брашно
2 ванилин шеќер
Шеќер во прав по потреба
мармалад за лепење на ванилиците по вкус и потреба

Во вангличка ги ставме салото и шеќерот во прав и матиме 5 минути со миксер, односно салото треба да стане пенасто.
Ги додаваме јогуртот и ванилите и повторно соединуваме со миксер.
Сега го додаваме просеаното брашно и месиме со рака.
Ќе добиеме мазно, нелепливо тесто.
Тестото го делиме на 2 топки.
Од секоја топка сучиме коричка и со помош на модлички, по наш избор вадиме ванелици.
Ги редиме во ненамастен плех.
Ги печиме во загреана релна на 190 с, околу 10-13 минути.
Внимаваме да останат бели.
Ги оставаме во плехот 5 минути да подизладат.
Потоа ги лепиме две со две, со мармалада по вкус или ги оставаме самостојно.
Нежно ги посипуваме со шеќер во прав и ги послужуваме овие исклучително кревки ванилици.

Уживајте во дегустацијата на овој превкусен колач кој се подготвува за само половина час.

Намирници – 150 грама брашно, пола лажичка прашок за пециво, 4 јајца, 150 грама шеќер, 125 мл јогурт, 80 грама мелени бадеми, 150 мл масло, 3 лажици кора од лимон, малку сол.

Подготовка

Изматете ги јајцата со шеќерот додека смесата стане густа и пенеста. Во посебен сад помешајте го јогуртот, маслото, лимоновата кора и додадете прстофат сол. Соединете ги сувите состојки со јогуртот и останатите состојки од садот. Кратко измиксајте, па додадете ја смесата со јаjцата и шеќерот. Помешајте и претурете ја смесата во калап за печење. Печете на 180 степени околу 20 минути.

Колачот може да го прелиете со сируп од лимон кој ќе го подготвите на тој начин што ќе сварите сок од лимон, 1 дл вода и 1 лажица шеќер. Прелијте додека колачот е врел.

Уживајте!

Состојки

    750 гр. јагоди
    600 мл. јогурт
    50 гр. шеќер во прав
    1 ванила
    40 гр. вафли
    1 лажица путер
    на вкус шарен бибер

Подготовка
- Од вкупната количина на јагоди издвојте 150 гр. и истите ставете во фрижидер.
- Во јогуртот ставете ги останатите јагоди, шеќерот и ванила - добро испасирајте се заедно. Ставете во фрижидер да се лади.
- Во тавче ставете го путерот да се стопи, додадете ги исецканите или искршените вафли заедно со шарениот бибер нека се подзапржат до крцкавост.
Во добро оладениот јогурт додадете ги исецканите јагоди, измешајте, сервирајте во чинија може и чаша, посипете со крутоните од вафлите и биберот, послужете.
Малку необична комбинација која за мене е одлична.
Напомена
- Јас користев веке претходно приготвените крцкави вафли за корнети... ценам дека и со куповните корнети од оние кратките и пошироките - исто така ке биде потполн вкусот.

Состојки

    За подлога
    500 мл млеко
    4 лажици шеќер
    1 ванила пудинг
    2 лажици густин
    100 гр путер
    100 гр бисквити
    100 гр кокосово брашно
    За пенаста крема
    200 мл слатка павлака
    1 л густ јогурт(грчки)
    15 гр желатин
    300 гр шеќер
    100 мл вода
    100 гр јагоди

Кремаста, пенаста торта која наликува, а и по вкус е слична на чизкејк. Подлогата совршена, густа ама не цврста, вкусна, и одлично се вклопи со кремот. Оваа торта подготвена со јогурт, навистина изненадува со својот вкус така да нескромно ја претставив како моја роденденска торта.

Подготовка
1. Во дел од млекото (100 мл) го раствораме прашокот за пудинг и густинот. Шеќерот и остатокот од млекото ги ставаме да започнат да вријат. Во млекото ја додаваме смесата од пудинг и мешаме додека да се згусне. Ја тргаме на страна го додаваме путерот и мешаме додека да се растопи. Оставме да излади, а за тоа време ги мелеме бисквитите.
Откако се изладила смесата ги додаваме кокосовото брашно и бисквитите и соединуваме.
2. Во тавче со обрач бр. 24 премачкано со путер ја распоредуваме и измазнуваме пудинг смесата, ја ставаме во фрижидер.
3. Желатинот го растопуваме во 50-60 мл вода. Слатката павлака ја матиме.
4. Јагодите ги мелеме во нутрибулет и ги промешуваме во јогуртот.
5. Во тенџере ги ставаме шеќерот и водата и кога ќе почне смесата да врие ја оставаме така 2 минути. Ја тргаме на страна, го ставаме растопениот желатин и матиме со миксер околу 10 минути, односно додека смесата да побели и згусне. Оваа смеса ја истураме во смесата со јогурт и продолжуваме да матиме до соединување.
6. Смесата ја делиме на два дела. Првиот дел го истураме врз подлогата од пудинг и тавчето го ставаме во замрзнувач за да побрзо ни се стегне.
7. Во вториот дел од оваа шлаг-јогурт-пенаста смеса ставаме прехрамбена боја за да ни се разликуваат слоевите. Матиме со миксер до соединување.
8. Откако смесата се стегнала го ставаме и розевиот втор дел.
9. Тортата ја ставаме во фрижидер, додека да се стегне филот. Внимателно го отстрануваме обрачот.
Украсуваме со јагоди и листови нане или по желба. Уживајте !

Забелешка
Оваа торта најдобро е да се подготви навечер за да може да се стегне филот.
Во тавче со обрач со дијаметар 24 см, не ја собира целата торта со оваа количина на состојки. Јас импровизирав на тој начин што откако ми се стегна подлогата од пудинг, со помош на пластифицирана хартија направив дополнителен обрач повисок од тавчето, па ги ставив останатите два дела фил.
Затоа ви препорачувам да ја правите во поголемо тавче пример во бр.26 или 28, со тоа што нема да ви излезе волку висока како мојава.
Смесата со шербет и желатин треба да ни се измиксира во густа бела пена, како густ шлаг, односно како кога се прават крем банани (ако некој има такво искуство, ако го има правено тој рецепт).
Откако ќе го ставиме првиот дел од јогурт смесата, тортата ја ставаме во фрижидер онолку време колку што е потребно за да се стегне и вториот дел од филот се истури над првиот, а да не пропадне врз него. Односно околу ½ час, а за тоа време вториот фил ставете го во обичен ладилник.
Пред да го отстраните обрачот, поминете со нож помеѓу тортата и страниците на обрачот од тавчето.
Ако ви е јогуртот со вкус на јагоди не мора да додавате јагоди. Ако сметате дека е премногу слатка за ваш вкус намалете во шеќер,нам ни беше таман.