Колачите од мак на многумина им се омилени затоа што обично не се тешки за правење, а со макот мжат да се комбинираат и состојки како јаболки, јогурт или чоколадо. Брзите рецепти од мак ги вклучуваат во себе основните намирници кои повеќето од нас веќе ги имаат дома, но можат да бидат и безглутенски.

Макот е извор на многу нутритивни состојки, особено на антиоксиданси и витамини од групата Б. Делува лековито на многу здравствени состојби, како на пример, против напнати мускули, против стрес и лошо расположение, против грчеви во стомакот, слаб имунитет и болки во желудникот.

Колач од мак и чоколадо

Безглутенски колач со мак и чоколадо е извонреден избор на десерти за оние кои имаат алргија на глутен или страдаат од целијакии. Извор е на многу влакна, минерали и витамини кои ќе го заблажат сечие непце.

Состојки:

220 гр црно чоколадо

120 г кокосов путер

75 г мелен мак

Малку сок од лимон

Малку рендана кора од лимон

125 г мелени лешници, ореви или бадеми

150 г кафеав шеќер

Лажичка цимет

Малку екстракт од ванила

Приготвување:

Загрејте ја рерната на 160 степени, а садот за печење обложете го со хартија и намрсете ја хартијата  со малку путер.

На шпорет стопете го чоколадото на пареа и додадете го кокосовиот путер. Во голем сад ставете го мелениот мак, одбраните мелени јаткасти плодови и циметот и шеќерот. Потоа додадете ја стопената смеса, екстрактот од ванила, сокот и кората од лимон, измешајте сѐ и ставете ја смесата во приготвениот сад за печење.

Печете го околу 35 минути. Рабовите малку ќе се издигнат и ќе попукаат, а средината ќе делува како да не е допечена, но подоцна ќе се стегне. Кога ќе се олади, превртете го колачот во чинија и по желба поросете го со какао или со шеќер во прав.

Брз афион колач

Состојки
Смеса (користена е чаша од 180 милилитри)
250 грама мелен афион
3 чаши брашно
2 чаши шеќер
2 чаши млеко
1 чаша масло
1 прашок за печиво
Чоколадна глазура
50 грама путер
2 супени лажици какао
4 супени лажици млеко
1 супена лажица шеќер

Се подготвува многу брзо, лесно, а уште побрзо и полесно се јаде.

Чекор 1
Сите намирници за смесата се матат со миксер. Се пече во загреана рерна на 180 - 200 степени околу половина час. Почекајте да се олади.

Чекор 2
На тивок оган се топи путерот. Се додаваат другите состојки за глазурата и се меша до нејзино мало згуснување. Се полева колачот.

Чекор 3
Откако ќе се олади, колачот се сече на коцкички, правоаголничиња или баклавки. Како милувате.



Колачот е пробан и со интегрално брашно и светол мусковадо шеќер. Замената е одлична.

Состојки
Пандишпан
4 јајца
4 големи лажици шеќер
2 големи лажици брашно
1/2 пециво
50 гр. афион
Кора на 1 ломон
Фил
250 мл. + 10 големи лажици млеко
100 гр. чоколадо
50 гр. шеќер
1 пудинг чоколадо
2 големо лажици густин
50 гр. путер на собна температура
150 гр. бисквити
100 гр. чоколадо за глазурирање

1. Рерната се вклучува да се загрее на 180 степени.
2. Во два длабоки сада се делат белките од жолчките.
3. Во садот со белките се додава шеќерот и се мати додека не се добие густа смеса (додека не се стопи шеќерот)
4. Во помал сад се мешаат пецивото, брашното и афионот.
5. Брашното се додава во белките и се промешува внимателно.
6. Тестото се става да се печи околу 30 минути.
Фил
1. Млекото се става на оган да се загрее.
2. Во садот со жолчките се ставаат 10 лажици млеко густинот и прашокот за пудинг. 
3. Убаво се промешува за да нема грутчиња.
4. Кога млекото ќе зоврие се тргнува на страна и му се додава смесата (постојано се меша) и повторно се вреќа на оган додека не се згусни смесата.
5. Пудингот и пандишпанот се оставаат да се оладат целосно.
6. Откако кората е убаво оладена од неа се вадат 2 ремени.
7. Во длабок сад се става путерот се мати додека стане пенест тогаш во путерот се додава и растопената чоколадо и оладениот пудинг.
8. Сето заедно се мати до добивање на хомогена смеса.
Формирање на тортата
1. Ред кора ред фил ред бисквити па пак фил и на крај кората.
Горната кора се премачкува со мал слој од филот и се глазурира со чоколадо.

-дозата е за тавичка 30 на 20 сантиметри.
-рерната мора да е загреана на 180 степени
-Тавичката ако не е делимано задолжително да е обложен со хартија за печење.

Состојки
Тесто
6 јајца
180гр шеќер
180гр маргарин
280гр мелен мак
2 штангли рендана чоколада
3лажици рум
Глазура
100гр чоколада
1лајче шеќер во прав
3лажици масло
4лажици мармелада за премачкување

Оваа торта е за сите кои сакаат и обожаваат мак/ сочна и префинета торта.

Најпрво се матат жолчките со шеќерот, стопениот маргарин, румот и чоколадата. Потоа се додаваат изматените белки и полека се мешаат заедно двете смеси. На крајот се додава макот кој претходно е сомелен и се става смесата во округол калап со обрач бр.26. Се печи во загреана рерна 25мин(180ц). Печената торта се премачкува со мармелада(јас ја премачкав со мармелада од вишни)и се враќа тортата во релна да се суши 5мин. На крајот се прави глазура и се прелива тортата.

Во тортата нема пециво за нарастување бидејќи во тортата нема БРАШНО .
Пријатно!

Состојки
7 јајца
250 гр шеќер
150 гр маргарин
250 гр афион (мак)
1 шоља грубо мелени бисквити (вашите омилени или плазма)
2 лажици рум
1 рендана кора од портокал
1 лажиче екстракт од портокал (ако имате)
* За премачкување
4 лажици од вашиот омилен мармалад
2 лажици рум
50 гр бело чоколадо

(најубави, највкусни, единствени, прекрасни хахаха се шалам само афион коцки се-така напишете ги)))
Фин спој на ароми и состојки во кој нема брашно. Колач, кој успешно ќе го направат и почетници, а така личен и вкусен. Ќе го засакаат дури и оние кои се скептични кон афионовото семе.

Најпрво, изматете ги белките со зрно сол во цврст шам. Многу е битно јајцата кога пенасто ги матите да се на собна температура.

Потоа, изматете ги посебно жолчките со шеќерот, па додадете го маргаринот, кој исто така треба да има собна температура и румот.

Додадете го афионот, мелените бисквити, ренданата кора од портокал и екстрактот и мешајте со лажица или шпатула. Откако добро ќе измешате, додајте го снегот од белки мешајќи од долу на горе за да се задржи волуменот, додека се убаво не се соедини.
Печете на 150 степени околу 30 мин., па проверете со чепкалка.

Мармаладот и румот ставете ги на тивок оган. Мешајте додека мармаладот не стане течен за да можи полесно и порамномерно да се премачкува. Внимавајте да не проврие.
Со овој прелив премачкајте го колачот, а одозгора нарендајте го чоколадото. Оставете убаво да се излади и исечете го на коцки и уживајте во прекрасниот вкус.

Забелешка
Јас ставив некаде 225гр шеќер и пак беше солидно благ во спој со мамрмаладот. Ако сакате да не ви е толку благ, намалете го шеќерот, по моја сугестија ставете дури и 200 гр, а кој сака послатко не мора )))
По грешка место рум во составот ставив мартини, а потоа увидов кога го зедов шишето со рум за мешање со мармаладот. И со мартини се одлични хехе (само ставете рум со мармалатчето, сепак румот со портокалот, па и бисквитите се фантастична комбинација и го прават овој колач таков каков што е).

Состојки
за прва смеса
2 јајца
100 гр немелен афион
200 мл млеко
120 гр шеќер
100 мл масло
150 гр брашно
1 пециво
1 лимон
1 лажица рум
за втора смеса
5 јајца
200 мл кисела павлака
2 кесички ванилин шеќер
1 лажица брашно
150 гр шеќер
1 кесичка пудинг од ванила
150 гр смрзнати вишни, шекер во прав

Прво се подготвува тестото со афион. Во сад за матење ги кршиме јајцата и постепено го додаваме шеќерот и матиме додека јајцата не се згуснат. Додаваме рум, млеко, масло, рендана кора од лимон, и го додаваме и брашното помешано со афионот и пецивото. Мешаме со лажица да се соедини смесата. Го истураме тестото во правоаголна тава за печење и печеме 25 мин на 180-200 степени.

Во меѓувреме се подготвува вториот жолт дел од колачот. Јајцата ги кршиме и ги двоиме белките од жолчките. Белките ги матиме со 75 гр. шеќер додека не ја добијат потребната густина. Во садот со жолчките ги додаваме преостанатите 75 гр шеќер и матиме. Ја додаваме киселата павлака ванилиниот шеќер, брашното и прашокот за пудинг и мешаме со лажица за смесата да се соедини. Во садот со жолчките ги додаваме и изматените белки и повторно промешуваме за смесата убаво да се изедначи. Тавата со испечениот прв дел од колачот ја вадиме од рерна врз тестото ги нанесуваме смрзнатите вишни и ги преливаме со жолтото тесто. Ја враќаме тавата во рерна и печеме уште 20-тина мин на истата температура.

Оставаме колачот убаво да се излади и го сечеме на коцки. Наросуваме шеќер во прав...На здравје нека е

Ретко кој може да им одолее на штрудлите со мак, а исто така ќе биде и со овој колач. Едноставен, евтин и брз рецепт кој нема да ве остави рамнодушни!

Уживајте!