Состојки
за тестото
150 мл слатка павлака
150 мл млеко
1 јајце
100 гр шеќер
70 гр брашно за торта
500 гр брашно
1 кесичка сув квасец
1 1/2 лажиче сол
за фил
2 лажици шеќер
2 кафени лажички цимет
1/2 чаша суво грозје
за премачкување
пред печење едно јајце
после печење 1 лажица шеќер со 1 лажица врела вода

о длабок сад се става млекото, замлачено, касецот, сите течни состојки кои треба да бидат на собна температура, па полека се додава брашно. Се замесува тесто, кое треба убаво да се изработи околу 15-20 минути. Не го додавајте цело брашно наеднаш, ставете околу 400 гр, па додавајте по потреба во месењето.
Се остава еден час да кисни тестото на топло.
Потоа се премесува уште еднаш околу 5-10 минути, па се дели на 12 топчиња. Секое топе се сучи во правоаголиник, одприлика 10цм х 20 цм, се посипува со мешавината од шеќер и цимет и се става суво грозје. 
Се витка во ролат(по долгата страна), па ролатот се засекува во должина, но едниот крај се остава поврзан, не се сечи до крај. Двата дела се виткаат во плетенка, а се внимава пресечените делови да дојдат од горната страна. Се собира во круг, да дојде како цвет.
Се оставаат да киснат уште еден час, се премачкуваат со јајце и се ставаат да се печат во загреана рерна 15-20 минути на 180 степени.
Кога ќе бидат печени, уште жешки, се премачкуваат во една лажица шеќер растворен во една лажица жешка вода.

Забелешка - оригиналниот рецепт, беше со брашно за торта, но доколку немате, лесно може да го направите.
Мериме една чаша (240 мл) брашно. Од чашата одземаме 2 лажици брашно, а додаваме 2 лажици нишесте. Го просејуваме брашното 5-6 пати и од тоа мериме количината која ни е потребна.
Во случајов може да го направите со пола чаша брашно бидејќи толку е потребно.

Забелешка 2 - оригиналниот рецепт беше со неутрална павлака, но јас имав дома слатка павлата, па со таква го направив. Сепак беа одлични.

Состојки
За тесто
500 гр меко брашно
25 гр свеж квасец
250 мл топло млеко
3 лажици шеќер
1 јајце
За премачкување и за посипување
100 гр путер
150 гр шеќер
2 рамни лажици цимет
3 јаболка
За прелив
100 гр шеќер во прав
2 лажици млеко
2 лажици путер
2 пакетчиња ванилин
Ароматични и меки како душа или крцакви со мирис на цимет, печивата се идеални за послужување со кафе или чај .

1. Сите состојките за тесто ги промешуваме и месиме тесто и чекаме да стаса околу 30 минути.
2. Нараснатото тесто се сука со сукало во правоаголник со дебелина на 5 мм-1 см и се премачкува со 100 г стопен путер исе посипува со мешавина од цимет и шеќер.
3. Јаболката се лупат и се рендаат, па добро се цедат и се распоредуваат преку шеќерот и циметот . Тестото внимателно се витка во ролат, па се сече на парчиња дебели 2-3 см.
4. Соодветна тепсија се премачкува со преостанатиот путер и во неа се редат ролничките и се остава да нараснат околу 20 минути. Потоа се премачкуваат со путер и се печат во рерна загреана на 180 степени додека се зарумени.
5. Прелив. Путерот се растопува, па се соединува со шеќерот, ванилинот и млекото.
6. На топлите ролнички се нанесува приготвениот прелив.

Засладете се со печиво :)

Состојки
7 поголеми јаболки
2 шољи (за млеко од 200мл) шеќер
1 шоља зејтин
1 пакетче цимет
1 пакетче сода бикарбона
1 шоља брашно
1 шоља гриз
2 јајца
1 прашок за пециво
6-7 лажици мармалад од кајсија
1 чоколадо за готвење

Јаболките се лупат и се рендаат на покрупната страна од рендето. Се додава шеќерот, зејтинот, циметот и сода бикарбона. Се остава да стои два часа (може и помалку). Потоа се додаваат јајцата (може и без јајца, па тогаш ќе биде посна тортата), брашното, гризот и пецивото. Тортата се пече четириесетина минути на 200 степени. Откако ќе се испече се премачкува целата торта со мармалад од кајсија.

Чоколадото се крши на коцки, се става 3 лажици вода, 1 лажица зјетин и се прави чоколаден прелив. Чоколадниот прелив се прелива врз мармаладот и се премачкува тортата. По желба се наросува мелени ореви.

Состојки
8 јајца
8 лажици шеќер
1 паковка ванила
1/2 лажиче цимет
1 паковка пециво
14 лажици гриз
3 лажици брашно
шербет
1 кг шеќер
1 кг вода

Парена торта која верувам ја подготвуваат повеќе од нас, но сите на различен начин.
Еве го мојот начин.
Се матат со миксер јајцата со шеќерот.
Откако добро ќе стане пенеста смесата, се доставуваат гризот брашното и пецивото, ванилата и циметот.
Да напоменам дека миксерот го исклучувате кога ставате брашно. 
Вака подготвената смеса ја префрлате во намастен и набрашнет сад и оставате да се пече.
Откако ќе добие златеста боја, проверувајќи со чепкалка и утврдите дека е печена вадите од рерна и оставате да излади.

Подготвувате стандарт шербет и преливате со шербетот.
Значи како и обично, едното да е ладно, а другото топло.
Јас ставив домашни јајца, па испадна како алтан жолта.
Сечете во коцки или како сакате, па служете изладена.
На здравје