Божиќни тартуфи

Состојки
200 гр. темно чоколадо со голем процент какао
130 мл. слатка павлака
1 голема лажица мед
3-4 големи ла коњак
30 гр путер
1 луто пиперче или малку чили
малку цимет
прстофат сол
1 ванилин шеќер
20 гр. какао

Во касерола се ставаат слатката павлака, медот, ванилата, пресеченото во средината луто пиперче (малку чили) и циметот и се загрева. Пред да зоврие се вади лутото пиперче и се додава чоколадото искршено на коцки се меша на слаб оган додека се растопи целото чоколадо. Потоа се додава путерот, солта и коњакот и повторно се меша додека не се растопи и путерот. Смесата се остава да се олади на собна температура и потоа се става во фрижидер најмалку 2 часа. Од готовата смеса за тартуфи се зема со лажичка и се оформува бомбица која што се валка во какао.

Забелешка
- Смесата за тартуфите е течна додека е топла, откако ќе излади се стегува.
- Пробувајтеја слатката павлака за лутината, ако е потребно извадете го пиперчето порано од смесата.
- Чоколадото треба да биде најмалку со 50 % какао.

Состојки
За тортата
200гр. путер
200гр. шеќер
200гр. саморастечко брашно
3 јајца
1 лажичка естракт од ванила
За бомбичките
150гр. шеќер во прав
75гр. рикота
За глазура
250гр. млечно чоколадо
5 лажици масло за јадење
за украсување
по потреба конфети од шеќер

Подготовка на тортата
Вклучете ја рерната на 180 степени. Во сад за матење со миксер уработете омекнтиот путер, шеќерот и брашното. Матете додека не добиете пенеста крема. Во садот за матење додадете ги и јајцата едно по едно истовремено работете со миксерот. На крај додајте го и естрактот од ванила. Префрлете ја смесата во тава за печење која претходно сте ја обложиле со хартија за печење. Печете во калап бр. 20 околу 50 минути.
Готовата торта оставете ја да излади и ставете ја во фрижедер да стои 1 ден.

Подготовка на бомбичките
После еден ден ладење тортата извадете ја од фрижидер. На тортата остранете и ја кората со нож. Во поголем сад со раце изронете ја тортата, а може да си помогнете и со вилушка. Во садот додајте ги шеќерот во прав и рикотата и месете со раце додека не добиете меко тесто. Од тестото со раце направете топчиња. Пожелно е после секое 6 топче да се мијат рацете. Направете ги сите топчиња и ставете ги во фрижидер да остојат 1 час додека се зацврстат.

Подготовка на глазутата
Глазурата подгответе ја 5 минути пред да ги извадете топчињата од фрижидер.
На оган во сад на пареа растопете го чоколадото и маслото за јадење.
Глазирање и декорација на бомбичките
Извадете ги топчињата од фрижидер, боцнете ги на стапчиња (пластични или дрвени) потопете ги во глазурата и почекајте да се исцади чоколадото. Потоа ставете ги во вискои чашки или јас би ви препорачала да ги боцнете во морска пена. 
Секогаш кога ќе го глазирате второто топче, украсете го првото и се така. Ако го украсете веднаш конфетите може да ви се тркалат по глазурата, а вака ќе ви биде поедноставно.
Излегуваат околу 35 бомбички.
Пробајте ги за празниците не се сомневам дека најмалечките многу ќе ги усреќите.

Состојки
За тесто
90 гр. путер или маргарин
150 гр. брашно
2 лажички мелен анис
70 гр. шеќер во прав
1/2 кесичка ванилин шеќер
до колку затреба малку млеко
За глазура
150 гр. шеќкер во прав
1 лажица Узо (ароматизирана ракија со анис- Оузо)

Лесна подготовка, еве како

Тесто
- Измешајте ги сите состојки и замесете го тестото. Доколку е тврдо (зависно од брашното) додадете малку млеко за да добиете тесто кое можете да го расукате.
- Расукајте го во кора и со модла вадете форма каква што сакате (по оригиналниот рецепт се санмо звезди бидејки Анисот е звездаст), наредете ги во плех послан со хартија за печење и печете ги во предходно загреана рерна на 190 степени околу 10 мин.

Глазура
- Пресејте го шеќерот во прав и измешајте со алкохолот, ако сакате додадете и сосема малку жолта боја. Оладените колачиња премачкајте ги глазурата и посипете со мелен Анис. Можете веднаш откако сте го премачкале колачето да посипете и перли.

Совет
- Јас немав Узо, нели поради анисот се става и овој алкохол, се мислев и одлучив да ставам сок од лимон, така да на оваа количина ставив околу 4 лажици сок од лимон, а доколку немате ниту сок од лимон, солидна замена е и млекото кое исто така го ставате од 3-4 лажици, измешате и поливајте врз колачите.
- Со оваква глазура можете да шарате исто така како со глазурата која се прави од шеќер во прв и белка, можете да лепите исто така примерно ако сакате да направите кукичка, ќе се сетите вие што се може да се направи.
Срекни празници!!!

Состојки
7 белки,
16 лажици шеќер
неколку капки лимонов сок или оцет
150-200гр сечкани ореви
малку розова боја во прав ( на врвот на лажичето)
150 гр + 150 гр бел еурокрем + кафен еурокрем
250-300 гр мини кроасани (јас се одлучив за овошните, со мармелад и бел крем во нив)
1л млеко
15 лажици шеќер
4 пудинга од ванила
7 жолчки
2 пакетчиња ванилин шеќер
200 гр бело чоколадо
250 гр маргарин или путер
200 мл млеко
200 гр мелени ореви
7 жолчки
8 лажици шеќер во прав
100 гр црно чоколадо
150 гр маргарин или путер

Крем црн: 200 мл млеко, 200 гр мелени ореви, 7 жолчки, 8 лажици шеќер во прав, 100 гр чоколадо, 150 гр маргарин.

Подготовка на пандишпанот.
1. Се матат белките со шеќерот и на крај се додава сокот од лимон или оцедот.
2. Оревите се ставаат врз хартијата за печење во тавата и врз нив се порамнуваат матените белки.
3. Испеков 2 вакви кори, а во едната кора додадов и малку розова боја во прав за да добие малку боја кората (поинтересна е за децата).
4. Се става во загреана рерна на 200 С и веднаш се намалува на 150 С, се пече 10-15 мин и се намалува на 120 С и се пече уште 40-50 мин.
- Јас тортата ја печев во тава од рерната, а потоа од неа исеков 2 круга (еден помал и еден поголем, затоа што сакав таква форма на тортата, па поисплатливо ми беше да не печам во 2 тави). Може и да не се сечат кругови и да се исфилува целата торта за да биде со четвртаста форма. Но јас овде се рашив за ваква форма.

Подготовка на белиот крем 
1. Во врелото млекото со шеќер се ставаат претходно растворените пудинзи заедно со изматените жолчки и ванилите. Се вари крем.
2. Се трга од огинот, се додава искршеното чоколадо и се меша додека се растопи.
3. Откако ќе се излади се изедначува со претходно изматениот маргарин.

Подготовка на црниот крем.
1. Мелените ореви се попаруваат со врело млеко.
2. Жолчките со шеќерот се матат и се варат на пареа и во нив се додава чоколадото.
3. Додека се топли се мешаат двата фила (со оревите и жолчките).
4. Се лади кремот, па му се додава претходно матениот маргарин.

Тортата се реди
- Пандишпан розов (се свртува кората со оревите нагоре и врз нив се премачкува еурокремот)
- Растопен бел еурокрем (се премачкува тортата со него)
- Жолт фил
- Кроасани
- Црн фил
- Пандишпан бел (се свртува кората со оревите нагоре и врз нив се премачкува еурокремот)
- Растопен кафен еурокрем (се премачкува кората со него)
- Жолт крем (се премачкува целата торта)

На овој начин ги редев и помалата и поголемата торта, ги ставив една врз друга и на крај ги полеав со 250 гр растопено чоколадо со 4-5 лажици масло. Ова го направив бидејќи сакав да ја покријам тортата со фондан бидејќи филовите се меки и не би можеле да ја издржат тежината на фонданот, а со чоколадирањето тортата се фиксира и станува поцврста за обложување со фондан.

По повод роденденот на керка ми, јас тортата ја направив со новогодишен изглед,се разбира на нејзино барање !
Свеќите од фондан се најозгора на тортата поради роденденот, а бидејќи тој е само неколку дена пред Нова година, тортата ги содржи и Дедо Мраз, неговиот импровизиран ирвас, поларната бела мечка и пингвин, како и разиграните Снешковци во разни пози !

Тортата е многу убава иако е малку покомплицирана. Пријатен апетит!

Состојки
500 гр брашно
250 мл јогурт (млако затоплен)
3 лажички шеќер
1 лажичка сол
1 јајце - жолчка за премачкување, белка за замесување
1 сув квасец
50 гр маргарин
250 гр темен лешник крем
20 бонбони за украсување + шеќер во прав

1. Се замесува тестото од наведените состојки и се остава да кисне околу 1 час, во затоплена просторија.
2. Тестото се дели на два дела и се расукува во 2 триаглести кори.
*Ако сакате може да се подели и на 3-4 дела тестото и да добиете повеќеслојна погача.
3. Во форма на елка се размачкува кремот. Врз кремот се става и 2рата кора.
4. Со нож сечеме форма на елка, според поредходно нацртана шема.
5. Се сечат „гранките“ на елката и се ротираат во ист правец.
6. Погачата се премачкува со жолчка. Врз гранките декорираме со бонбони како лампиони.
7. Се пече на 200 степени околу 20-25 мин.
8. На крај се наросува со шеќер во прав - може и без него.

-Од остатоците на тестото се формираат рол кифлички со крем.