Чоколадни елки

Интересен предлог за вкусен божиќен десерт...

Потребни намириници:
- 300 гр брашно
- 110 гр шеќер
- 2 лажици прашок за печиво
- 1 јајце
- 175 мл свежо исцеден сок од портокал ( околу 3 портокали)
- 60 мл стопен путер
- 250 гр брусници
- 1 лажица изрендана кора од портокал
За прелив:
- 250 гр крем сир
- 85 гр шеќер
- 1 кесичка ванилин шеќер
- 1 јајце

Начин на подготовка:
Во сад измешајте ги сувите состојки: брашното, шеќерот и прашокот за печиво и измешајте. Во друг сад измешајте ги јајцата со мешалка или вилушка, додадете го стопениот путер, сокот од портокал и изренданата кора од портокал. Прелијте ја оваа смеса со смесата од суви состојки, измешајте со лажица за сите намирници да се соединат. Потоа додадете ги брусниците и добро промешајте.

Подмачкајте го плехот за печење и посипете брашно, па со лажица истурете го тестото кое треба да биде поприлично густо. Рамномерно распределете го. Измешајте го крем сирот со шеќерот, ванилиниот шеќер и јајцето и прелијте со тестото.

Печете на температура од 180 степени, околу 20 минути. Потоа ставете хартија за печење одозгора за да не ви изгори горната гора. Печете уште 40 минути.

Новогодишните празници се период кога секогаш сакаме да испробаме нешто ново, па соодветно на овој претпразничен дух ви претствувам еден традиционален рецепт за американскиот континент- колачиња со ѓумбир (gingerbread cookies). Овој рецепт е мое прилагодување (според состојките што ги имав) на рецептот на Wilton за gingerbread cookies.

 Потребно:

Подготовка:

Го мешаме брашното со зачините и го додаваме изматеното јајце. Настрана го растопуваме маргаринот (иако треба путер и со маргарин беа вкусни) и малку да поизлади го мешаме со шеќерот и медот. Го додаваме во претходната смеса со брашно. Мешаме и замесуваме на набрашнета површина. Со само 350 гр брашно смесата е многу леплива затоа при замесувањето добро е да додадете уште брашно. Го расукуваме тестото малку подебело, барем 1/2 см. Правиме форми со новогодишни модли и ги ставаме на намастено плехче или хартија за печење. Печеме во загреана рерна на 180 степени околку 10 мин. При вадењето од рерна колачињата можат да бидат меки, но не ги враќајте назад да се допечат затоа што по 5-10 мин се стрвднуваат и добиваат соодветна цврстина.

За декорирање би ве посоветувала да ја користите смесата со изматена белка, шеќер во прав и лимон во рецептот за  http://www.tortijada.mk/mk/zanimlivosti/325-sekerna-glazura.html" rel="nofollow - Шеќерна глазура  . Затоа што брзавме да ги декорираме (имаше многу гладни усти), ние со Меѓи (мојот личен помошник) ја користевме наједноставната смеса од 100 гр шеќер во прав и 2-3 лажички млака вода, но не ви ја препорачуваме. Смесата со изматени белки е многу подобра за декорирање и боење. Сепак и вака колачињата се изедоа. 

Благодарност до Меѓи за помошта.

p.s. Ветуваме наредниот пат колачињата ќе бидат декорирани поубаво :) 

Рецептот е подготвен од Tortijada.mk 

200 гр суви смокви се мелат. Се додава 200 гр шеќер во прав и 200 гр мелени ореви. Се меси смесата и се сука кора од 1 см. Со модла се вадат фигури и се украсуваат по желба.

Потребни состојки:

Новогодишните и божиќни празници се идеален период за приготвување на вкусни колачи. Наш предлог за лесно приготлив колач е божиќниот куглоф.

Панетоне (на италијански panettone)е типичен италијански колач по потекло од Милано кој денес во целиот свет е познат како Божиќен колач.  Панетоне има форма на купола, која многу потсетува на куполата на Миланската катедрала и токму оваа форма го разликува од колачот пандоро.

Снежните ѕвездички се прават со помош на калап со форма на ѕвезда и се декорираат со кокос и рендана кора на портокал. 

Ви нудиме рецепт за божиќни ѕвезди со цимет:

Состојки
100 гр бело чоколадо
2-3 лажички масло
малку зелена прехрамбена боја
15 гр експандиран интегрален ориз
малку арома прав од ѓумбир и портокал
по потреба шеќерни ѕвездички или топчиња во боја
хатија за печење, ножици и проѕирно лепило
Овие елкички ќе ви ја разубават пред се новогодишната трпеза, но и убаво ќе ве засладат. Откако малку ќе отстојат не можите да престаните да јадите од нив.

Најпрво треба да спремите фишеци од хартијата. Од големината на фишеците зависи и големината на елките кои ќе ги добиете. Можи да направите помали или поголеми. Јас исеков одприлика квадрати од 25 см, т.е. од ролната хартија исеков отприлика 25 см должински, па ја преполовив после во должина и ја секов на пола.
За поавтентично, можи да исечите кругови кои после ќе ги исечите на половина и од секој ќе завиткате фишек кој одозгора ќе добие рамна површина како конус. Мене краевите кои стрчеа ми се најдоја убаво да ги достегам, и со нив завиткам.

Од секој сечен квадрат завиткајте фишек и гледајте да е колку што можи поширок. Крајот залепете го со проѕирно лепило.

Стопете го чоколадото со маслото. Јас го топев во микробрановата на 2 пати по 30 секунди. Потоа во него измешајте зелена прехрамбена боја. Убаво е таа да е течна, но ако користите во прав како мене, растворете ја во неколку капки вода и аромата портокал-ѓумбир.
Додајте ги оризовите снегулки и убаво и рамномерно измешајте.
Можеби има разлика дали ќе се користи течна боја или боја во прав. Кај мене влегоја многу помалку снегулки во грамови од изворниот рецепт, така да можеби и изборот на чоколадо има улога, па доколку сметате дека можи да одат уште снегулки, придодадете. Битното е секоја да ја фати околу со чоколадо.

Секој фишек полнете го со помош на мала лажичка и набивајте ја смесата со него за да не остануваат празнини. Последниот дел добро израмнете го, тој ќе е основата на која ќе стојат елкичките.

Оставете ги во фрижидер 15на минути убаво да се стегнат, па потоа внимателно извадете ги од фишеците.

Украсете ги со перли, топчиња кои ќе изгледаат како лампиони или шеќерни ѕвездички, одозгора наросете шеќер во прав (јас ставив кокос) да изгледа како снег, послужете и уживајте во пофалбите.

Состојки
3 јајца
300 гр шеќер
120 гр маргарин
350 гр мелени бисквити
100 гр потпечен сусам
2 пакетчиња ванилин шеќер
2 раце толчени потпечени кикиритки (несолени)
2 лажици какао (за половината од смесата)
За декорација
50 гр бело чоколадо
100-тина половинки од кикиритка

1. Јајцата се матат со шеќерот и ванилите и во нив се додава маргаринот и се убаво се мати за да се соедини
2. Се додаваат бисквитите, сусамот и кикиритките и се се меси со рака
3. Смесата се дели на два дела и во едниот се додава какаото
4. Се прават конусни формички
5. На секоја свеќичка се става по малку растопено чоколадо и по една половинка од кикиритка (како мало пламенче од огинче)

Состојки
300 гр брашно
2 жолчки
240 гр маргарин
100 гр шеќер во прав
100 гр мелени ореви
1 кора од лимон рендана
1 ванила
1 пециво
1 бело чоколадо за готвење
по желба/потреба прехрамбени бои и светки
Дополнителни фотографи

1. Во длабок сад ги замесуваме сите состојки кои ги набројавме почнувајќи од жолчките, маргаринот па брашното....па потоа и останатите...оревите, шеќерот во прав, кората од лимонот, ванилата и пецивото.
2. Убаво месиме се додека тестото не се двои од раката.
Да напоменам дека во мојот ми отиде малку повеќе брашно од наведените 300 грама, зашто тестото ми лепеше.
3. Тестото го развлекуваме во кора со дебелина околу 5 мм и со калапчиња во вид на ѕвезда во мојот случај вадиме ѕвездички и ги редиме во намрсен плех.
4. Веднаш печеме во рерна на температура од 170 степени. Печеме околу 10 минути колку да се добие златна боја на колачињата.
5. Ги чекаме да се поизладат и ги преливаме со глазурата.

Глазура
1 бело чоколадо за готвење се става во сад на пареа да се растопи потоа со лажиче додаваме на колачето и го размачкуваме по површината. За да бидат во различна боја додаваме прехрамбени бои по желба. Наросуваме светки. Имаме готови ногодишни колачиња кои на дечињата ќе им значат многу на новогодишната трпеза.
На здравје.

Состојки
250 гр. маргарин (може и сало)
4 лажици шеќер
1 јајце
1 пециво
100 гр. кокос
1 ванилин шеќер
брашно по потреба

1. Маргаринот се замесува со 4 лажици шеќер со рака и се додаваат јајцето, пецивото, кокосот, ванилиниот шеќер и се става брашно по потреба постепено, додека да се добие смеса која не лепи.
2. Од топлината на рацете при месењето ќе се добие глатка смеса од која со дебело сукало се развлекува кора дебела 0,5 см, па со калапче се вадат елки.
3. Се печат на 200 степени 15-20 минути.
И толку! Ништо комплицирано!
Кога ќе изладат се украсуваат со чоколадо, светкав прав (зелен) или каков сакате, украси по желба, или може едноставно да ги избрбелате во шеќер во прав.
Кога немам многу време директно од калап за тулумби правам цветови или долги форми.
Вака како елки едвај останаа за сликање.
Пријатно!

Состојки
70 гр. темно суво грозје
70 гр. светло суво грозје
30 гр. сушени цреши
30 гр. сушени сливи
30 гр. сушени смокви
30 гр. сушени урми
30 гр. сушени кајсии
30 гр. кандирани цреши
100 мл. бренди
50 гр. ореви
Кора на 1 лимон, 1 портокал и 1 мандарина
1 мала лажица цимет
2-3 мелени каранфилчиња
Малку рендано мускатно оревче
1/5 мала лажица анасон
55 гр. трошки од бел леб
100 гр. мусковадо шеќер
1 голема лажица меласа (може и мед)
1 голема лажица брашно
На врв на мала лажица пециво
1 мало јаболко
1 големо јајце
55 гр. путер
20 гр. путер за премачкување на садот за печење

1. Сувото овошје се сечка и се залива со бренди и се остава за 24 часа.
2. На готовото суво овошје му се додаваат ренданото јаболко, кандираните цреши кора од портокал, лимон и мандарина и се промешува.
3. Во садот со овошјето се додаваат и останатите состојки (путерот се ренда).
4. Целата смеса убаво се меша да се соедини.
5. Англичаните имаат специјални садови за подготовка на пудингот, но може да се направи во порцелански сад со високи ѕидови (дозата е за сад што собира 700 мл). Ѕидовите се премачкуваат со путер и во основата му се поставува хартија за печење (мал круг само за основата на садот).
6. Смесата се префрла во садот и се покрива со премачкана со путер хартија за печење.
7. Врз хартијата се става фолија и се заврзува убаво (покажано е во сликите).
8. Во сад на оган се става една чинија со дното нагоре и се додава вода да се загрее.
9. Врз чинијата се става садот со пудингот.
10. Се покрива со капак и се вари на пареа 4-5 часа на средна температура, водата не смее да покрива повеќе од 1/4 од садот во кој што е пудингот.
11. Готовиот пудинг се остава да се олади целосно и се завиткува во фолија и се остава да зрее најмалку 3-4 седмици на ладно, но не во фрижидер.

Состојки
2 чаши брашно
2 лажички прашок за печиво
1/2 лажичка сол
100 гр путер
1 чаша шеќер во прав
1 лажичка ванила екстракт
1 јајце
Декорација
2 белки
2 чаши шеќер во прав
1 лажичка сок од цеден лимон
1 лажичка зелена прехранбена боја

1. Путерот и шеќерот во прав се матат со миксер. Се додава и јајцето и се заедно се меша додека не се добие кремаста смеса.

2. Брашното, прашокот за печиво и солта се мешаат и постепено се додаваат во путерот постојано мешајќи со миксер. На крај се додава екстрактот од ванила и се меша уште кратко.

3. Добиената смеса се става во најлонска фолија и се остава да отстои 1 час во фрижидер. Потоа тестото се размесува и со сукало се развлекува кора од 0.5 см од којашто се вадат фигури со калап.

4. Така добиените колачи се печат на плех обложен со хартија за печење 10-тина минути на температура од 200 степени.

5. За подготовка на филот со миксер се матат белките и се додава шеќерот во прав и лимоновиот сок. Откако ќе се добие цврста пена се става прехранбената боја и се меша со лажица.

6. Оладените колачите се премачкуваат со филот, се ставаат кратко во замрзнувач а потоа се декорираат по желба.

* Од оваа количина на состојки се добиваат 5 поголеми елки колачи. Сметам дека помалите калапи се посоодветни и попрактични, но јас имам само во оваа големина.

Состојки
300гр брашно
200гр маргарин
100гр кокос
1 јајце
1 пециво
1 ванила
100гр чоколада за готвење
50гр кокос или чоко трошки

Се замесува тесто од брашното, маргаринот, 100гр кокос, пецивото, ванилата и јајцето и се остава да одмори во фрижидер 15 минути. Потоа се ваѓаат колачи низ машина за месо или со обични калапчиња за колачи. Се печат многу кратко 8-10 минути и готови се лепат со крем, а потоа се декорираат со чоколада и кокос или чоко трошки.

Состојки
400 гр брашно
100 гр нишесте (густин)
150 гр мелени бадеми
120 гр мед
150 гр шеќер
100 мл масло
120 мл сварено, цедено и оладено кафе
30 гр какао
1 ванилен шеќер
рендана кора и малку сок од портокал
1 лажиче цимет
1/2 лажиче каранфилче
малку рендано морско оревче
неколку капки екстракт од рум
1/2 (6 гр) прашак за пециво
прстофат сол
За глазура
250 гр чоколадо за готвење
3 лажици масло

Овие ароматични колачи покриени со чоколадо и форма на ромб се традиционални Божиќни колачиња карактеристични за градот Наполи.
Подготовка на колачите
Во сад се ставаат сите состојки и се замесува тесто. Тестото треба да биде средно тврдо, затоа ако е потребно додајте вода за полесно да го измесите.
Откако убаво ќе го измесите на набрашнета површина развлечите кора дебела околу 5-8 мм и исечете ја во ромбови.
Ромбовите наредете ги во плех на хартија и ставете ги да се печат во претходно загреана рерна на 180 степени од 10 до 12 минути. Внимавајте на времето несмее да биде подолго бидејќи ќе се пресушат и многу ќе се тврди.
Кога се печени оставете ги да оладат и покријте ги со глазура од чоколадо.
Чокололадото со маслото стопете го над пареа и секое колаче одозгора покривајте го со чоколада. Оставете ги на хартија за печење да се стегне чоколадата.
Чувајте ги затворени во лимена кутија
Од оваа смеса направив околу 35 големки колачи. Бројот зависи колку големи ќе се исечат колачите.

Состојки
3 јајца
250 гр. путер
1/2 лажичка сол
30 мл. рум
1/2 лажичка сода бикарбона
1/2 лажичка топла вода
сок од 1/2 портокал (или сок од 1 лимон)
200 гр. ореви (сечкани)
50 гр. лешници (сечкани)
200 гр. брусница
50 гр. суво грозје
180гр брашно
200гр шеќер

Прекрасен колач кој може да се направи пред неколку дена и спремно да чека да ја збогати Божиќната трпеза.

1. Јајцата се делат жолчки од белки. Шеќерот се мати со путерот (стоен на собна температура) додека да се стопи шеќерот, се додаваат жолчките, солта и румот. Се изедначува убаво.
2. Во поголем филџан се меша содата бикарбона и топлата вода, се додава сокот од портокал кој ќе создаде реакција, се меша и се додава во изматените жолчки.
3. Постепено се додава брашното и се мати.
4. Настрана се матат белките до цврст снег и заедно со оревите, лешниците, брусицата и сувото грозје се додаваат во претходната смеса. Се меша со шпатула додека да се изедачат сите состојки.
5. Смесата се истура во намастениот со путер калап за куглоф.
6. Се печи првин 10 минути во загреана рерна на 150 степени, а потоа уште 2 часа на 125 степени. За посигурно се проверува со чепкалка.
7. Испечен колачот се остава 10-тина минути во калапот, а потоа се превртува во чинија, изладен се декорира со сребрени светки или по желба.

Во оригиналниот рецепт се става сок од 1 лимон, но бидејќи мене не ми се допаѓа вкусот на лимонот во печени колачи, ставам сок од портокал кој ми е вкусен во се. Суво грозје треба да е 250 грама, но како јас ја обожавам брусницата, ја заменив за 200-те грама суво грозје.
За многу години да е најрадосниот празник Божиќ !!!

П

Состојки
300 гр локум
250 гр шеќер во прав
250 гр мелени бисквити
1-2 лажици вода
зелена и црвена прехрамбена боја
За бел прелив
100 гр шеќер во прав
3 лажици мед
2 лажици вода или посно млеко во прав
1 лажичка ванила екстракт

300 гр локум
250 гр шеќер во прав
250 гр мелени бисквити
1-2 лажици вода
зелена и црвена прехрамбена боја
За бел прелив
100 гр шеќер во прав
3 лажици мед
2 лажици вода или посно млеко во прав
1 лажичка ванила екстракт

Во овој рецепт ќе ви покажам дека и посното може да е декоративно. Идејата произлезе од зададената тема, а јас ја вклучив и зелената боја бидејќи овие две бои се најзастапените за Божиќните празници и се вистински претставници на празничната радост што го обзема светот овие денови.

Подготовка
1. Локумот, шеќерот во прав, водата и мелените бисквити ги соединуваме со гмечење и месење.
2. Потоа смесата ја делиме на два дела. Во едниот ставаме зелена боја растворена во неколку капки вода, а во другиот дел црвена.
3. Потоа секоја половина ја делиме на две и ги расукуваме со помош на шеќер во прав и на најлонска фолија. Треба да ни бидат сосема тенки и да се потрудиме да ни бидат со приближна големина.
4. Ги редиме наизменично зелена, црвена, зелена, црвена истенчена смеса. Целата новосоздадена површина ја делиме на две половини и едната ја ставаме врз другата. Нежно поминуваме со оклагијата да се спојат.
5. Целиот колач го ставаме кратко на ладно, па му ги отсекуваме прво краевите кои ќе ни послужат за изработка на украсите врз колачињата т.е за црвените топчиња и ливчињата. На крајот сечеме парчиња по желба.
6. За преливот ги мешаме сите состојки со лажица и од него ги прелеваме колачињата па ги редиме украсите.

Забелешка
Бисквитите ги мелев во нутрибулет и се направија да не речам како прашина, затоа и толку добро се измеси целата смеса, па не се ни приметува дека има бисквити во неа.
Ако имате гел бои не треба да ги мешате со вода.
Формата и висината на колачињава си ја изработувате по желба и вкус. Може да ви бидат само со четири реда, може да ги направите и како коцки оставам на вас да си ги правите како сакате или пак на мојот начин ако ви се допаѓа. Ама што се помали тоа подобро, ем повеќе ќе излезат за послужување, ама и дека се благички подобро е да се мали, можеби некој ќе сака да проба и некоја друга врста на колаче. Јас сакав да ми бидат како тортици па затоа ја направив оваа големина.
Белиот прелив го ставив во кеса, отворив мало дупче на неа и фино го распоредував врз секое колаче посебно.
За украсување на колачите можете да си одвоите и однапред од двете обоени смеси.
Од оваа големина на колачиња излегуваат 12 парчиња.
И нека не ве одвраќа должинава на пишуванкава за рецептот, јас само сакам детално да објаснувам, а ова е инаку многу едноставен рецепт.

Состојки
450 гр кандирано овошје (цреши, смокви, вишни )
230 гр кандирана кора од лимон и портокал
150 гр суво грозје
150 гр суви црни сливи
150 гр суви рибизли
150 гр свежи урми
150 гр бадеми
120 мл бренди
60 гр брашно
250 гр брашно
1/2 лажичка сода бикарбона
1/2 лажичка сол
1 лажичка цимет
1 лажичка мелено каранфилче
1 лажичка пимент
225 гр путер на собна температура
440 гр кафеав шекер
6 јајца на собна температура
180 мл темен мед
180 мл сок од јаболко
Користени Делимано произво

Божиќ изгледа далеку, ама овој колач за да ја развие потполната арома и вкус и да созрее треба да отстои најмалку 6 недели. Затоа, сега е време да се направи.
За Клара и ЛУДО, кои мислат дека досегашните мои рецепти се “со чекање“... Е не баш, овој е таков...

Исецкајте го на коцки кандираното овошје, кандираната кора од агруми, урмите и црните сливи. Бадемите излупете ги и исецкајте ги на ливчина. Цело суво и кандирано овошје заедно со бадемите ставете го во еден поголем сад кој добро се затвара, прелијте со Бренди, добро измешајте, затворете и оставете го во фрижидер најмалку преку ноќ.
На денот кога ке го подготвувате колачот обложете ги со хартија за печење дното и страните на округли калап број 24 или 26. Од страните хартијата нека е повисока за 2 - 3 цм од работ на калапот.
Рерната загрејте ја на 135 Ц.
Во смесата на суво и кандирано овошје додајте 60 гр брашно и измешајте.
Во еден мал сад со жица измешајте го брашното со солта, содата и зачините. Оставете на страна.
Измешајте го медот со сокот од јаболко. Оставете на страна.
Во еден многу голем сад за матење со миксер пенасто изматете го путерот, додајте го кафеавиот шеќер и повторно матете. Едно по едно додајте ги јајцата, добро матејки меѓу секое додавање. Продолжете да матите и наизменично додавајте ги брашното и сокот од јаболко, така да ќе почните и завршите со суви состојки. Јас сувите состојки ги додавам во три наврати, а водените во два. На крај со шпатула или со голема лажица измешајте го во смесата сувото овошје.
Истурете ја смесата во калапот за печење, израмнете ја површината и печете го колачот 3 до 3 1/2 часа. Проверете со чепкалка.
Оставете го колачот сосема да се излади. Прелијте го со 2 - 3 лажици Бренди, завиткајте го лабаво во хартија за печење, а потоа и во алуминиумска фолија. Ставете го во кутија која добро затвара и заборавете го до Нова Година или до Божиќ. Чувајте го на ладно, но не во фрижидер.

Е, кога после ке го отворите ке ве награди со исклучителен вкус, текстура и арома.
Ако сакате пред да го послужите можете да го обложите со марципан или со Ројал ајсинг.
Овој колач кај мене е обавезен за празниците. Сите мои пријатели кога ми доагаат на гости очекуваат да ги послужам со него или барем да им испратам по едно парче.
Годинава оваа количина ја печев во два калапи со пречник 16 цм и во 6 средни силиконски калапи за мафини. Сите поединечно ги завиткав и ги оставив да отстојат до празниците. Видот на суво и кандирано овошје можете да го менувате според ваша желба, тоа ќе ви даде и малку поинаков вкус на колачот, но запазете ја количината дадена во рецептот, 680 гр кандирано овошје и 600 гр суво овошје. Со годините мене оваа комбинација најмногу ми се бендиса. Наместо кандирано, можете да користите овошје од слатко, но најпрво добро нека се исцеди од сирупот.

Состојки
2 чаши бело брашно
1/2 чаша интегрално брашно
30 парчиња свежи урми
3 лажици мед
50 грама суво грозје
2 чаши оризово млеко или вода
100 мл масло
30 гр кокосово масло или путер
2 лажички цејлонски цимет во прав
1 лажица какао
1 лажица сода бикарбона
1 лажица прашок за пециво
200 гр чоколадо со над 60% какао
1 лажичка кокосово масло или путер
1 лажица оризово млеко
1 лажичка масло

Двата вида брашно со прашокот за пециво, содабикарбоната, какаото, циметот и медот се мешаат со оризовто млеко или вода. Доколку е потребно се додава уште течност за да се добие не многу густа смеса. Се додава и маслото и растопеното кокосово масло или путер. Се додаваат сецканите свежи урми и сувото грозје. Убаво се меша и се става во правоаголен плех обложен со хартија за печење. 
Се пече во претходно загрена рерна околу 40 минути на 200 степени, се вади од рерна и се превртува од обратната страна. Се остава колачот малку да се олади. За тоа време се подготвува чоколадниот прелив. Кокосовото масло заедно со чоколадото и 1 лажица оризово млеко и мало лажиче масло се става на оган да се растопи. Со овој прелив се полива горниот дел од колачот. Се остава да се олади и се сечат парчиња. Добар апетит!

Состојки
за прва и втора кора по...
3 јајца цели
6 лажици шеќер
3 лажици врела вода
1/2 кесе печиво
3 лажици брашно
2 лажици мелени ореви
2 лажици мелени лешници
за третата кора...
3 цели белки
5 лажици шеќер
1 лажица брашно
2 лажици печени мелени ореви
2 лажици печени мелени лешници
за фил...
1 пудинг нугат
250 мл. млеко
125 гр. путер
4 лажици шеќер
3 биени жолчки
180мл. слатка павлака
100гр. мелени ореви

Тортата е празнична, едноставна и вкусна. 
Печењето за сите 3 кори е во бр. 30 модла, најдолу под секоја кора користев хартија за печење.
Подготовката на секоја кора е иста и вообичаена. Се бијат јајцата се додава шеќерот, врела вода, брашното помешано со печиво, ореви и лешници кои претходно е убаво да се потпечат ,,на суво,, над шпорет неколку минутки пред да се сомелат. 
Секоја кора се печи на 200 во загреана рерна.
За кората со белки не е потребно печиво. Се бијат белките со шеќер, се исклучва миксерот, се додаваат останатите состојки. Со дрвена лажица се меша и се тура над хартија, се печи исто.

За филот, се бијат жолчките, се става на оган млекото, се додава прашокот за пудинг помешан претходно со малку од количината предвидено млеко. Се додаваат жолчките и на тивко се вари крем. 
На страна се бие путерот,с е изедначуваат заедно со ладен пудинг.

Во погоден сад на оган се ставаат јатки ореви или лешници зависи што ви е по вкус поубаво, да се потпечат на суво, притоа мешајќи. Ладни се мелат.

Во трет сад се бие слатката павлака,се ддава од претходно подготвениот фил во биена сатка павлака, лажица по лажица и на крај се додаваат мелените ореви. На погодна подлога ставаме првата кора, фил, третата кора, фил најгоре втората кора. Се украсува по желба. На здравје.

Состојки
500гр кори за баклава
400гр ораси
5 лажици гриз
250гр маргарин
50 мл масло
За шербет
1 л вода
1 кг шеќер
1 ванилин шеќер
1 лимон
Користени Делимано произво

Во тава се топи маргаринот и се додава маслото за готвење. Потоа се додава и гризот и се готви 3-4 мин.
200гр ораси се сецкаат, 200гр се мелат.
Се зема една кора и врз неа се пропрскува со смесата со гриз и масло. Потоа се ставаат мелените ораси низ цела кора, а на почетокот од кората се редат под линија сецканите ораси. Се зема мало стапче и кората се мора околу него во ролна. Почнувајќи од средината кон краевите се гужва и се става во тава за печење. Зависно од тоа колку кори имате, се распределува смесата и состојките и се редат во ред. Се сече на 4 дела и се става да се пече на 180 степени, половина час.
Во меѓувреме се подготвува шербетот. На оган се става 1 литар вода и 1 килограм шеќер и се вари 5-6 мин, за да се згусне смесата.
Врз испечената и оладена баклава, се става врелиот шербет и се остава да одстои неколку часа пред сервирање.

Состојки
Колачи
125 гр путер
100 гр шеќер
125 гр мед
100 мл млеко
300 гр брашно
1 лажичка мелен ѓумбир
1 лажичка цимет
1/2 лажичка каранфилче
1 лажичка пециво
прстофат сол
За украсување
1 белка
200 гр прав шеќер
1 лажичка сок од лимон

1. Путерот се сече на коцки и се става во сад.
2. Шеќерот, сирупот и млекото се загреваат да се растопат и се преливаат преку путерот
3. Се меша се да се растопи и се остава да се подолади, не скроз туку да биде млако.
4. Се додаваат сувите состојки, се замесува тесто и се става во фолија да одстои преку ноќ во фрижидер. Во моментот кога ќе го подготвувате тестото е меко, меѓутоа со стоењето во фрижидер ќе се стегне така да нема потреба да додавате дополнително брашно.
5. Следниот ден тестото се вади од фрижидер и со помош на брашно се расукува тенко, се вадат форми и се печат отприлика 10мин на 175Ц
6. Се оставаат убаво да се оладат па потоа се украсуваат по желба.
7. Смесата за украсување се подготвува едноставно, се мешаат сите состојки за да се соединат.

Состојки
2 чаши мелени овесни снегулки
1 чаши мелени печени лешници
1/2 чаша мелени сурови лешници
1/2 чаша кафеав шеќер
1/2 чаша вода
1 ванилин шеќер со вкус на рум
1/4 чаша мелена гранола
1/2 лажичка рогач во прав
1 лажичка мелен цимет
1 лажичка мелен ѓумбир
1/2 лажичка мелено каранфилче
За чоколаден прелив
100 гр чоколадо
3 лажици масло
1/4 лажичка чили во прав
За украсување
гоџи бобинки, шеќерни перли во разни бои и сл.

Мирисни и вкусни колачиња кои не потсетија дека доаѓаат празници, ама и секој од нас сакаше да си ја присвои кутијата со колачињата. Добро бе, јадете сите колку ви се јаде, пак ќе направам, лесни се за правење!!!

Подготовка
На оган во тенџере ставаме вода и шеќерите. Кога ќе поврие кратко ја тргаме на страна и ги ставаме мелените овесни снегулки и мелените лешници, како и зачините. Формираме смеса. Ја ставаме помеѓу најлонска фолија, поминуваме преку неа со оклагија и вадиме кругчиња кои ги редиме на намрсено тавче или хартија за печење. Ги печеме т.е. сушиме на 100 степени во рерна со уклучен вентилатор 30 минути. Ги вадиме и ладиме.
Чоколадото го топиме на пареа или на сосема ниска температура на рингла и во него промешуваме чили и масло. Секое колаче го потопуваме до половина во чоколадото и украсуваме по желба.

Забелешка
Чашата е 250 мл или 1 cup.
Можете да додадете во смесата и кора од портокал по желба и вкус или пак аранчини. Ако ви е ретка смесата, за да ја формирате додадете од овесните снегулки. Инаку користам делимано тава за печење која воопшто не ја ни намрсив за да ги печам колачињава.

Состојки
125гр путер
1 јајце
1 лажичка сода бикарбона
1 лажичка ѓумбир во прав
1 лажичка цимет
1 лажица гликозен сируп или мед
100гр кафеав шекер(или обичен)
околу 350гр брашно(може и 250гр брашно и 50гр густин)
плус
црвена,црна,жолта прехрамбена боја и кокос
за ројал ајсинг
1 белка
околу 200гр шеќер во прав
неколку капки сок од лимон
Користени Делимано производи

Празнични колачиња радости за дечиња. Минатата година ги правев за прв пат, но во форма на ирвасот Рудолф,  а оваа година стомачиња на Дедо Мраз.
Се мати јајцето со шеќерот, се додава маргаринот и на крај сувите сосотојки. Се меси мазно тесто, се остава да отсои 30 тина минути. Се вадат форми со калапчиња и се печат во загреана рерна на 180 степени 5-7минути. Откако ќе оладат се украсуваат со ројал ајсинг (се мати белката со шеќерот во прав и сокот од лимон, додавате шеќер додека не ја добиете посакуваната густина)

Состојки
Тесто
250 гр маргарин омекнат на собна температура
200 гр шеќер
рендана кора од лимон и портокал
12-13 лажици вода
по 2 лажици сок од лимон и портокал
1 лажиче прашак за пециво
500 гр брашно
Други додатоци за во тестото
1 лажиче какао
1 лажиче цимет
по 1/4 лажиче морско оревче, ѓумбир и каранфилче
За декорација
50 гр чоколада за готвење + 1 лажица масло
2 лажици шеќер во прав + лимонов сок по потреба
по потреба шеќерни трошки
Користени Делимано производи


Посни и вкусни празнични, декоративни колачина спремни за дегустирање, а и за поклони за дечиња.
Маргаринот и шеќерот убаво изматете ги со миксер, со маталките за тесто. Потоа додајте го брашното, пецивото, сокот и кората од лимонот и портокалот и водата. Продолжите да матите додека тестото убаво се измеси, изедначи.
Префрлете го на работна маса посипана со брашно и размесете и малку со рака.
Поделете го на два дела.
Едниот дел оставете го така жолт, завиткајте го во најлонска фолија и ставете го во фрижидер околу 1 час.
Во другиот дел додајте го какаото и другите зачини и повторно убаво измесете го да се соединат во тестото. Завиткајте го во најлонска фолија и ставете го во фрижидер околу 1 час.

Прво од жолтото тесто на работната маса посипана со брашно развлечите кора дебела околу 5-6 мм и со калапчина вадите форми по ваша желба.
Ставајте ги да се печат во загреана рерна на 200 степени 10 минути, толку е доволно да останат светли.
Остатоците од тестото премесете ги и правите колачи додека се потроши целото.
Истата постапка повторете ја и со кафеавото тесто.
Јас неколку направив и мали корпиња (се гледаат на сликата).
Со калапче цвет се вади од тестото и се ставаат во мали хартиени корпиња за колачи. Откако ќе се испечат одма им се реди по малку мармалад на средина.

Печените колачина декорирајте ги по ваша желба и замисла.
Некои со стопената чоколада, некои со глазура од шеќер во прав и лимон, со шеќерни трошки и тн.
Од овие колачи направивме и поклончина за деца. По неколку стававме во алуминиумски чинивчина и ги завиткавме со проѕирна фолија и панделка. Навистина беа прерадосни.

За тесто
500 гр брашно
150 гр маргарин
200 гр шеќер
3 јајца
1/4 кесичка прашок за пециво
1 ванилин шеќер
1-2 лажички какао
За декорирање
50 гр темно чоколадо
50 гр бело чоколадо
30 гр марципан
30 гр кршени ореви
30 гр мешано кандирано овошје
30 гр бело суво грозје
100 гр фондан
4-5 лажици мармалад од вишни
2-3 лажици мармалад од кајсии
20 гр кокос
неколку резанки кандирани портокали
Користени Делимано произво

Колачињата на сликата се направени од исто тесто, но сите се со различен вкус. Тестото е едноставно и може да го користите такво, но може и да додадете разни додатоци како кокос, какао, лешници, бадеми... Меко е, па тие нема лошо да влијаат на неговиот квалитет... Напротив! Употребете ја фантазијата и ќе добиете прекрасни колачиња.

Изработка на тестото
Брашното и прашокот за пециво просејте ги, па во нив додадете го омекнатиот маргарин и со прстите направете трошки. Јајцата изматете ги со шеќерот и ванилиниот шеќер и додате ги кај брашното. Замесете мазно тесто. Замотајте го во пластична фолија и ставете го во фрижидер 30 минути. Потоа е спремно за играње.
Колачињата се печат многу кратко, зависи колку дебели ќе ги направите, но отприлика 5-10 минути на 180 степени. Треба да останат бели.

Јас ставив какао во 1/4 од тестото, а останатите вкусови ги добив од „декорациите“.

1. Кружните колачиња со отвор се лепени со стоплен мармалад од вишни. За секое колаче треба да направите еден полн круг и еден круг со дупче и да ги споите.
2. Чоколадните срциња имаат глазура од бело чоколадо и суво грозје.
3. За корпичките ви треба калап, јас ги правев во калапот за мини мафини. Наједноставно е да исечете кружни форми од исуканото тесто и така да ги ставате во калапите. На овој начин сите ќе бидат еднакви. Полнети се со растопено темно чоколадо, а декорирани со кандирани портокали. Јас ги користам од слаткото од портокали на Лили. Добро исцедени ги сечкам и ги препелкам во кристал шеќер. Инаку може да се полнат со џем, ганаж, разни креми...
4. Чоколадните елкички се вистински чоколадни.
5. Четирилисните детелинки се прошарани со темно чоколадо и додека се уште беше меко ги испрскав со кокос.
6. Трилисните детелинки се со мешано кандирано овошје, ситно исечкано и измешано со тестото. Одозгора се прошарани со бело чоколадо со многу тенки линии. Инспирацијата беше од едни италијански колачиња.
7. Ѕвездичките се обложени со многу тенко исукан фондан исечен со истата форма како колачињата. Претходно ги намачкав со многу тенок слој сок од слатко за да се залепи фонданот.
8. Чоколадните крукчиња се обложени со тенко расукан марципан, а формите е најдобро да се прицврстат со капка бело чоколадо бидејќи марципанот е прозрачен.
9. Споените топчиња се инспирирани од ванилиците на Лили. Се прават мали топчиња кои се препелкаат во кршени ореви. По печењето се лепат со стоплен мармалад од кајсии.
10. Мермерните топчиња се направени од остатоците од бело и чоколадно тесто. Ги исукав многу тенко и двете, ги ставив едно преку друго и замотав ролат. Потоа сечев мали делчиња и ги правев топчиња.

Од сите видови правев по 12 колачиња, освен ванилици и мермерни топчиња кои беа по 10. Значи се на се, 116 колачиња.

Пријатен апетит!

Состојки
100гр путер
100гр шеќер
1 јајце
130гр брашно
115гр брашно
15гр какао
1 кесичка (10гр) ванилин шеќер
кора и сок од еден портокал

Празници се ближат, празници се ближат... Празниците се во ек, но мислам дека за овие колачиња нема сезона. Првиочниот рецепт е боза, што би рекол Фичо, јас само му додадов малку празнична магија, ванила и портокал, комбинација од соништата. Синоќа ги направив прв пат ама наместо шеќер ставив сол, е тоа е, и на најдобрите им се случува, па затоа уште сабајлево замесив нови.

Иде вака, во сад пенасто се матат шеќерот и путерот, се додава ванилата и кората и сокот од портокал. Смесата се дели на две, во два посебни сада и во едниот се додава 130 гр брашно а во другиот 115 грама брашно и 15 грама какао. Се меси меко глатко тесто и се витка во стреч фолија. Се остава во фрижидер на еден час.

Од двете теста се развлекува кора, од белото малку подебела а од темното малку потенка. Се сечат ленти, секогаш двојно повеќе бели од црни, мене ми излегоа 6 бели со 3 црни, ленти со иста димензија, но различна дебелина. Од исечените ленти се преклопуваат дебели шнитови од кои ќе сечеме, оди бела лента, темна во средина и пак бела лента. Ми излегоа 3 вакви шнита. Шнитовите се отсекуваат на пола, отприлика на 1 см. Со оглед на тоа што од темното тесто ќе ви остане немојте да се сеќирате, од него ќе отсечете уште 3 ленти со ширина колку 3 ленти од кои направивте шнитови и дебелина исто колку и темните ленти. Сега повторно ги спојувате пресечените шнитови но во средина ги ставате темните ленти со кои ќе формирате шнитови од кои подоцна ќе отсекувате колачиња. Вака формираните шнитови ставете ги во фрижидер на уште најмалку еден час.

Од шнитовите со многу остар нож внимателно отсекуваме колачиња со дебелина по желба, моите се околу 1 см. Од темното тесто направете мали машнички и ставете ги врз колачињата.Наредете ги на хартија за печење и во рерна на 180 15тина минути додека не добие светлото тесто златеста боја.

Доколку ви остане од тестото, а ќе ви остане, немојте да се нервирате, слободно испечете уште некоја различна форма, јас исеков произволни форми и ги печам, ми остана повеќе од темното тесто па имам чоколадни бисквити, односно какао бисквити. И да не ве буни, јас направив и обратна варијанта, црно со бело, односно темни колачиња со бели машнички.

На здравје!

Состојки
Основа
400гр. свежи урми (без семка)
150гр. мелени овесни снегулки
1 лажица какао
1 лажица ванила
кора од лимон
1-2 лажици млака вода (по потреба)
Крем
150гр. непечени индиски ореви
50мл. вода
1 лажица ванила
3-4 лажици јаворов сируп
сок и кора од 1/2 лимон

Интересни, вкусни и некласични пралини. Последниот рецепт за оваа година, па ќе ја искористам приликата да ви посакам среќни и весели празници поминати со најблиските.

1. Индиските ореви треба да киснат 6-7 часа, најдобро од вечер или сабајле пред да одите на работа. Прелијте со ладна вода доволно само да ги покрие и оставете ги. Потоа исцедете убаво и исушете ги на кујнска крпа. Сите состојки за кремот, освен кората од лимон, ставете ги во блендер и блендирајте подолго додека се добие убава кремаста смеса. Потоа додадете ја и кората и промешајте со лажица. Има сличен вкус на крем сирење.
2. За основата урмите измелете ги, па спојте ги со другите состојки да добиете средно мека смеса.
3. Од смесата зимајте топчиња и ставете ги во калапите за пралини, притискајте кон страните убаво да се обложи и направете бунарче во средина. Наполнете со кремот и од горе затворете со смесата од урми. Во зависност од големината на калапот ќе варира и бројот на пралини. Мојот калап е малку поголем па ми излегоа 17 парчиња.
Извадете ги од калапот и оставете барем 1 час за да се спојат вкусовите. Декорирајте по желба. Јас користев чоколаден сируп, посната верзија на ројал глазурата (со шеќер во прав и сок од лимон) и малку светки.

Добар апетит =)

*Кремот ќе ви остане скоро половина, може во старт да ги преполовите состојките или да го искористите понатаму за нешто друго.

Состојки
Тесто
250 мл топла вода
100 мл масло
1/2 коцка квасец
1 лажиче сол
1 лажиче шеќер
500 - 550 гр брашно
Фил
300 гр замрзнат спанаќ
1 парче (100 гр) праз
5 - 6 лажици масло
1 филџанче вода
по вкус сол
За декорација
црвена пиперка маслинки, домат, ленено семе, сусам, семе од афион
малку маргарин

Најпрво подгответе го филот
Празот ситно исецкајте го и заедно со спанаќот (претходно одмрзнат) ставете ги да се пржат во тава со маслото. Додајте ја водата и сол по вкус и оставете да се динстаат додека течноста испари. Тргнете ги на страна и оставете ги да оладат.
Замесете го тестото.
Во садот каде што ќе месите ставете го квасецот, водата и шеќерот и измешајте ги да се раствори квасецот. Додајте го и маслото и солта. Брашното постепено додавајте го и замесете средно меко тесто. Покриено оставете го да одмори 20 мин.
Од тестото оставете едно мало топче за долниот (држач) и врвот (ѕвезда) на елката.
Останатото тесто на набрашнета површина развлечете го во правоаголна кора со должина околу 30 см, нанесете го филот и порамнете го. Завиткајте ролат и крајот залепете го со притискање на прстите да не се одделува.
На голем плех ставете хартија за печење и на средината најдолу ставете дел од оставеното тесто за држачот на елката.
Ролатот сечете го на парчина со околу 2цм (треба да се добијат 15 парчина) и редете ги во плехот. Првиот ред 5 па 4 - 3 - 2 - 1 ролат. Ролатчината при сечењето се плескаат но при ставањето во плехот малку ќе ги дотерате за да не ја изгубат формата.
Од мал дел од тестото направите топче или ѕвезда и ставете ја на врвот од елката.
Најдолниот дел намачкајте го со малку топла вода и посипете го со ленено семе а врвот со сусам.
Елката украсете ја со црвени пиперки и домати, маслинки исечени на коцки или според вашата креативнос. Одозгора наредете мали парченца маргарин.
Кога елката е готова уклучете ја рерната да се загрее на 190 степени. Ставете ја да се пече околу 30 мин. Потоа покриена со фолија и крпа оставете ја малку да подолади и послужете се.

Состојки
Кора
300 гр брашно
100 гр кокос
200 гр шеќер
10 лажици масло
400 мл млеко од соја со вкус на ванила
1 прашак за пециво
1 ванилен шеќер
1 лажиче екстракт од ванила
50 гр чоколадни капки или рендана чоколада за готвење
Фил
500 мл млеко од соја со вкус на ванила
200 гр шеќер
2 пудинзи од ванила
1 лажица мед
1 лажиче екстракт од ванила
130 гр маргарин на собна температура
100 гр чоколадо за готвење
За декорација
100 гр чиколадо за готвење
по потреба кокос
по потреба прехранбени бои зелена и црвена

Подготовка на кората
Тава за печење бр. 26 намачкајте ја со масло и посипете ја со брашно.
Рерната вклучете ја да се загрева на 180 степени.
Во сад измешајте ги сите суви состојки па додајте ги маслото и млекото од соја. Убаво измешајте ја смесата со жица или голема лажица и турете ја во тавата. Ставете ја да се пече околу 35 минути.
Печената кора покриена оставете ја да олади.

Подготовка на филот
Пудинзите растворете ги со дел од млекото и пола од шеќерот а останатото млеко и шеќер ставете ги да зовријат. Откако ќе зоврие додајте го растворниот пудинг и на намалена температура со постојано мешање варете го додека се згусти.
Тргнете го од ринглата и одма додајте го медот и екстрактот и измешајте ги. Покриен оставете го да олади.
Чоколадата стопете ја над пареа.
Оладениот пудинг заедно изматете ги со маргаринот и потоа додајтеја стопената чоколада и повторно изматите да се изедначи филот.
Пред да е филовате тортата ставете го фрижидер малку да се стегне.

Печената кора поделете ја на пола. На подлога за торта ставете една кора попрскајте ја со малку млеко од соја па премачкајте ја со околу 1/3 од филот и ставете ја другата кора и попрскајте ја со млекото. Одозгора и од страна премачкајте ја целата торта со преостанатиот фил.

За декорација на тортата , во малку кокос ставите зелена и црвена боја и мешајте да се изедначи целиот кокос.
Чоколадата стопете ја над пареа.
Над тортата со чоколадата направете елка а потоа нанесете од зелениот кокос, а околу елката бел кокс.
Од црвениот кокос нанесите странично на тортата а одозгора на ивицата по тортата нанесите од чоколадата.
За лампионите од елката, на хартија за печење ставите мали топчиња од чоколада и нанесите по малку од црвениот кокс. Оставете ги во фрижидер да се стегнат па ставете ги на елката.
Тортата оставете ја фрижидер неколку сати или преку ноќ убаво да се стегне и спојат вкусовите и потоа послужете ја.

Состојки
Пандишпан
175 гр брашно
2 лажичиња пециво
100 гр. шеќер
75 гр. путер
4 јајца
2 лаж. млеко
Фил
150 гр. мармалад
175 гр. путер
100 гр. шеќер во прав
2 пудинг од чоколадо
600 гр. млеко
100 гр. слатка павлака
2 лаж. рум
2 лаж. какао
1 шлаг крем од чоколадо
1 паковка Марципан

Прекрасен новогодишен рецепт кој со мали измени годинава го подготвив.
Ги матиме состојките за пандишпанот.
Го истураме врз тава обложена со мрсна хартија.
Со шпатула го распостиламе убаво рамномерно.
Печеме на температура од 160 степени. Проверуваме со чепкалка колку е печено.
Откако е печено и изладено ја вадиме хартијата за печење. Го сечеме на 5 ленти зависно од тавата. На пример јас го сечев на 12,10,8,5,и 3см.Вие сечете според вашата тава.
Секоја лента се премачкува со мармалад. Јас употребив мармалад од малини.
Најпрво ја редиме најшироката лента, па ја премачкуваме со фил.
Така ги редиме една врз друга од најширока до најтесна кора.Премачкуваме со фил од сите страни.
Шлаг кремот го матиме според упатството и го полниме во шприцот за декорирање.Украсуваме по своја желба.
Марципанот го расукуваме и од негос вадиме фигури.Секоја фигура ја попрскуваме со светки и ги ставаме да се постврднат. Потоа ги редиме врз тортата која навидум е права елка со снег.
Сега да кажам за филот.
Путерот се мати со шеќерот во прав се додава претходно сварениот и изладен пудинг.
Во пудингот се мешаат и двете лажици какао.
Матиш и додаваш рум.
Слатката павлака ја матиме и ја мешаме со филот.
Пробајте го рецептот е преубав.
Забелешка
Ставете ја тортата во ладилник додека малку се стврдне филот потоа сечете.
Во марципанот ако сакате ставете боја јас ги оставив оргиналот боја.
На здравје

Состојки
1 Пандоро
250гр. маскарпоне
100гр. шеќер во прав+ за наросување
150гр. ладно млеко
75гр, прашок за шлаг пена

Јас знам дека во МК Пандоро нама во продажба, но ако си го набавите или добиете на поклон пригответе си го на овој начин нема да се покаете превкусно е!
Пандорото расечете го хоризонтално на 7 парчиња ( види дополнителни фотографии).
Во сад за матење со миксер изматете го ладното млеко и прашокот за шлаг пена околу 5 -6 минути. Со лажица измешајте го шеќерот во прав и маскарпонето. Потоа соединете ги двете смеси и измешајте ги со шпатула.
Филувајте го пандорото, пандишпаните редете ги секогаш спротивно со краевите за да може да ја формирате елката. На крај тортата елка наросте ја со шеќер во прав.
Пслужете ја тортата ладна.

Во продолжение ви го презентираме рецептот, а вие можете да си играте со декорацијата дополнително ако сакате, оставаме на вас.

Состојки (за 15-тина бисквити):

- 239 гр.путер

- 3/4 шолја (до 250 мл) шеќер во прав 

- 1 шолја течен мед 

- 1 јајце 

- 5 шолји обично брашно (неколку лажици брашно можете да ги замените со неколку лажици какао) 

- 1 лажичка сода бикарбона 

- 2 ќесички зачини за бисквити (цимет, ѓумбир, афион... - може мешано или само еден) 

- малку сол 

За „снегот“:

- 4 белки 

- 4 шолји шеќер во прав 

- 2 лажички екстракт од ванила 

Начин на подготовка:

Сите состојки треба да бидат на собна температура. 

Помешајте ги брашното, какаото (ако го користите), сода бикарбона, зачините и солта.  

Со миксер изматете го путерот и шеќерот во право. Матете додека не добиете изедначена смеса. Додадете и мед и повторно мешајте. Потоа, додадете и јајце и со мискерот продолжете да мешајте додека не се соедини. Миксот сувите состојки, додавајте ги постепено и мешајте, додека повторно сè не се соедини. 

Добиеното тесто ставете го на работна површина, на која претходно се наросиле малку брашно. Со сукало обликувајте го тестото во голем, мазен круг. Потоа, завиткајте го во фолија и оставете во ладилник 2 до 4 часа (може и 24 часа). 

Тестото од ладилник развлечете го во голем, тенок круг, па со модли правете бисквити во облик на цветови или ѕвезди. Внимавајте, потребни ви се и помали и поголеми модли за бисквити. Супер е ако имате 3 или 4 различни големини. 

Бисквитите наредете ги во подмачкан плек и печете околу 8 минути, во рерна загреана на 200 степени. На помалите бисквити можеби ќе им бидат доволни и 5 минути. Потоа извадете ги и оставете да се изладат. 

Додека се ладат, вие подгответе го „снегот“. Изматете ги белките во цврст снег, а потоа постепено додавајте шеќер во прав и ванила. Мешајте го тоа додека не добиете цврста смеса.  

Потоа, составете ја новогодишната елка. Најголемиот бисквит ставете го на дното на тацната. Преку него, на средина ставете 1 лажица „снег“, па покријте го тоа со помал бисквит и продолжете да редите по тој редослед, додека не добиете елка. Најмалиот бисквит нека ви биде ѕвездичка на врвот на елката. 

Состојки
500 г брашно
1 шоља масло
1 шоља шеќер
1/2 шоља цеден сок од портокал
1/2 шоља коњак
1 прашок за пециво
1/2 лажичка сода бикарбона
1 голема лажица мед
1 лажичка цимет
1/2 лажичка каранфилче
200 г ореви
Шербет
3 шољи шеќер
3 шољи вода
1 голема лажица мед
Ова е најубавиот рецепт за медењаци кој сум го пробала. Прекрасни колачи кои се топат в уста, со заносна арома на цимет, мед, портокал...

Прво се прави шербетот и се остава да се олади.
Се замесува тесто од сите состојки и се формираат медењаци во саканата форма. Се печат околу 30 мин на 180 степени и откако ќе се испечат, дур се жешки се прелеваат со ладниот шербет, се оставаат 1 минута и се префрлаат во друг сад и се наросуваат со толчени ореви.

Состојки
Кори (Состојки за 1 кора, потребни се 4 кори)
3 белки
3 лажици шеќер
3 лажици мелени ореви
2 лажици брашно
Фил
650мл млеко
9 лажици шеќер
12 жолчки
4 лажици брашно
250гр путер
250гр шеќер во прав
300гр мелени ореви

Рерната загрејте ја на 200 степени. Модла со пречник од 24см премачкајте ја со малку зејтин и ставете на дното хартија за печење.
Белките матете ги додека да побелат па додадете го постепено шеќерот. Откако смесата убаво ќе згусне, додадете ги оревите и брашното. Промешајте кратко и истурете ја смесата во модлата. Печете 12 мин. Проверете со чепкалка дали е тестото печено. На истиов начин испечете вкупно 4 кори.
Фил
Од вкупната количина на млеко одвојте 200 мл и измешајте го со жолчките и брашното. Во другото млеко додадете го шеќерот и ставете да се вари. Откако ќе зоврие, додадете ја смесата со жолчките и на средна темература варете го филот. За цело време мешајте енергично со жица за матење. Внимавајте да не ви загорат жолчките, по потреба намалете ја температурата. Откако се сварил и згуснал како пудинг, ставете стреч фолија врз површината на филот и оставете го потполно да се излади.
Путерот и шеќерот во прав изматете ги пенасто, додадете го филот од жолчки и оревите. Измешајте убаво и оставете ја смесата половина час во фрижидер.
Филувајте ја секоја кора и одозгора украсете по желба.
Јас бидејќи украсував со фондан, филував три кори, последната ја премачкав со крем од путер, за кој рецепт имам поставено овде на странава.

Состојки
200 гр. мед
10 гр. шеќер
90 гр. фруктоза (овошен шеќер)
10 мл. вода
250 гр. меко брашно
1 лажичка пециво
250 гр. спелтино брашно
12 гр. сода бикарбона
1/2 лажичка цимет
2 лажички мешавина од зачинки - ѓумбир, мускатно оревче, каранфилче
1 јајце
70 мл. млеко
50 гр. омекнат путер
Премаз
2-3 лажици млеко
Глазура
1 белка
200 гр. просеан шеќер во прав
2 лажици сок од лимон

- Во сад загрејте го медот со шеќерот, фруктозата и водата се додека не се стопи шеќерот. Оставете да олади.
- Измешајте го брашното со пецивото и просејте го во садот за месење.
- Измешајте ја содата бикарбона со спелтиното брашно и вака измешано додадете кај претходното брашно и пецивото. Додадете го јајцето, циметот, млекото, мешавината од зачинки за медењаци, путерот омекнат на собна температура, оладената смеса од стопениот шеќер. Со помош на миксерот со додатоците за месење на тесто целото тоа миксајте го. Ќе добиете убаво компактно тесто кое ќе го покриете и оставете на ладно да стои 2 часа.
- Одстојаното тесто расукајте го тенко околу 5 мм. на побрашнета површина, со модли сечете ги фигурите и мотивите. Ставете ги во плех кој ќе го подмачкате лесно побрашнете. Премачкајте ги медењаците со млекото и ставете да се печат во претходно загреана рерна на 180 степени, печете ги околу 10 мин. со лесно подотворена врата на рерната (сосема малку да биде подотворена).
Глазура
- Во сад со миксер сматете ја белката додека е уште мека почнете да додавате лажица по лажица од шеќерот, додадете на крај и сокот од лимонот. Откако сте ја изработиле покријте го садот со глазурата со влажна крпа и нека одстои околу 20 мин, како би се глазурата опуштила. Потоа ставете во кеса или шприц пригоден со додатокот за шарање и вашата умешност околу украсувањето ќе биде на дело.
Напомена
- Овие медењаци за тие како мене што едвај ќе исцртаат некоја слатка, препорачувам и едноставо да ги прелиете со чоколадна глазура, па потоа шарајте по нив или лепете некои шеќерни фигурки, перли... Може да си ги направите и стаклени - при печењето искршете од тврдите бомбони во која боја сакате, пополнета ја празнината која е направена со сечењето на формите. Додека се печат ќе се стопи и еве ги декорирани. Медењаците веднаш се меки, ако можете да ги сокриете во ред...ако не... ќе има пак спремање.
Овој рецепт од мојата драга Зо - имам овде постирано нејзин рецепт за фамозните и прекрасните Крешенти... таа ми кажа дека овој рецепт е од нејзината пријателка Хеиди со која таа несебично разменува рецепти. Благодарам Зо,
Драги мои.... Среќни празници,

Празници се ближат....:)

Состојки
За тесто
1 кг. просеано бело брашно
1 коцка активиран пресен квасец
1 кафено лажиче сол
150 гр. шеќер
1 ванила
3 јајца
180 мл. масло
по потреба топло млеко
За полнеж
околу 200гр. нутела или ваш омилен крем
За премачкување
1 белка
малку шербетче
малку путер
малку шеќер во прав

Во просеаното брашно се активира квасецот.
Се додава солта, јајцата лесно изматени со вилушка и помешани со шеќерот и ванилата, маслото и топло млеко по потреба за да се добие средно меко тесто.
Тестото убаво се изработува, се меси некои 10 мин., при што се удира неколку пати од работната површина.
Нежно се премачкува со масло и се покрива со стреч фолија и памучна крпа.
Се остава на топло три пати да го зголеми волуменот.
Потоа брзо и енергично се премесува и се остава повторно да надојди.
Надојденото тесто без премесување се дели на три еднакви дела.
Од секој дел се отвора правоаголна кора.
Се префрлува на хартија за печење која е ставена во намрсен плех за печење.
Се премачкува со кремот.
Се става и втората кора, па крем.
Се става третата кора, без да се премачка.
Се сечи облик на елка.
Странично се рецка од двете страни и делчињата се виткаат спирално по три пати, а како што стеснува нагоре према врвот по два пати.
Тестото надојдува додека се обликова и доволни се уште 5-10 мин., па се премачкува со благо разматена белка и се става да се пече во загреана рерна.
Пред печење ја боцкам со чечкалица на неколку места.
Печењето е околу 40-45 мин. на 180 степени.
Пред крајот на печење, некои 5 мин. се премачкува со шербетче.
После печење со путерче или маргарин.
Кога ќе олади се наросува со шеќер во прав.
На здравје!

/

Состојки
500 гр брашно
250 мл јогурт (млако затоплен)
3 лажички шеќер
1 лажичка сол
1 јајце - жолчка за премачкување, белка за замесување
1 сув квасец
50 гр маргарин
250 гр темен лешник крем
20 бонбони за украсување + шеќер во прав

Состојки
200 гр. темно чоколадо со голем процент какао
130 мл. слатка павлака
1 голема лажица мед
3-4 големи ла коњак
30 гр путер
1 луто пиперче или малку чили
малку цимет
прстофат сол
1 ванилин шеќер
20 гр. какао

Во касерола се ставаат слатката павлака, медот, ванилата, пресеченото во средината луто пиперче (малку чили) и циметот и се загрева. Пред да зоврие се вади лутото пиперче и се додава чоколадото искршено на коцки се меша на слаб оган додека се растопи целото чоколадо. Потоа се додава путерот, солта и коњакот и повторно се меша додека не се растопи и путерот. Смесата се остава да се олади на собна температура и потоа се става во фрижидер најмалку 2 часа. Од готовата смеса за тартуфи се зема со лажичка и се оформува бомбица која што се валка во какао.

Забелешка
- Смесата за тартуфите е течна додека е топла, откако ќе излади се стегува.
- Пробувајтеја слатката павлака за лутината, ако е потребно извадете го пиперчето порано од смесата.
- Чоколадото треба да биде најмалку со 50 % какао.

Состојки
1 чаша сецкани ореви или бадеми, лешници
2 чаши брашно
1 чаша кисела вода
пола чаша шеќер
пола чаша зејтин
1 пециво
1 ванилин шеќер
2 супени лажици цимет
3 супени лажици мармалад од сливи
3 супени лажици какао
100гр сушена брусница
50гр суви урми
Фил
по желба/потреба мармалад од сливи
200гр чоколадо за готвење

Сите состојки заедно се мешаат, а на крај се додава мармаладот и се мемеша со лажица. Истурете ја смесата во калап за куглов и ставете ја да се пече на 175 С околу 1 час.
За да знам дека е сигурно печена си ја проверував со чечкалица. Кога ќе се испече уште топло премачкајте го со мармалад и оставете да се олади до крај.

Потоа растопете ја чоколадата со 3 лажици масло и прелијте го врз мармаладот. Оставете да се стегне чоколадата.Чашата е од 200 мл и се се мери со нејзе. Може да го правите и во обично тавче како торта, по желба.
Овој прекрасен рецепт ми го кажа мојата колешка и многу сум и благодарна .
Прекрасен куглов за Божиќ.

Состојки
300 гр. брашно
150 гр. путер
250 гр. кафен шеќер
3 јајца
1 лажичка цимет
1/2 лажичка мускатно оревче
1/2 лажичка мешавина од цимет, каранфилче и мускатно оревче (Аллспице)
1/4 лажичка мелен ѓумбир
180 мл. јаболков сок
150 гр. потпечени сецкани ореви
100 гр. кандиран ѓумбир
прстофат сол
1/2 лажичка пециво
Прелив
3 лажици путер
100 гр. шеќер
2 лажици сок од лимон
50 мл. сок од јаболка
1/4 лажичка мелен ѓумбир

- Ставете го во сад омекнатиот путер, матете со миксерот и во неколку наврати додавајте го шеќерот, а со миксерот за цело време се мати. Се додава и циметот, мускатното оревче и мешавината (олспајс) на крај се додава и ѓумбирот.
- Потоа се додава едно јајце и добро се мати. Потоа второто, се мати и на крајот третото јајце. Потребно е добро да се измати.
- Просејте ја потребната количина на брашно, во него додадете го пецивото и солта, почнете полека и наизменично со сокот од јаболка да додавата во веќе добиената смеса, значи ќе ставите малку брашно - малку сок - изматете - и така додека се потроши целата количина од брашно и сок.
На крај измешајте со лажица исецканите ореви и кандираниот ѓумбир.
Вклучете ја рерната во меѓувреме на180 степени.
- Со малку стопен путер премачкајте ја модлата за куглов, па и да ја побрашнете потоа модлата нема да е грешка (напротив - подобро се вади колачот) истурете ја смесата во него, неколку пати удрете ја модлата од работната маса како би се целата смеса рамномерно распределила, ставете да се пече пробувајки во меѓувреме со познатиот за нас начин - чепкалка.
- Кога ќе сметате дека е печено, исклучете рерната и оставете некои 5 мин. да стои, а потоа извадете- нека олади но не потполно, туку доволно за да можете да го извадите кугловот на тацна и да го прелиете со преливот.
Прелив
Додека се пече кугловот, во касерола ставете го путерот да се стопи, додадете го шеќерот и постојано мешајте додека се стопи, да се карамелизира. Кога ќе стане кафен шеќерот (внимавајте да не го изгорите) тргнете настрана, додадете го сокот од јаболка и лимонот, вратете за кратко на оган, тргнете и со него заливајте го кугловот се додека не потрошите целата количина - треба да се впие.
Јас печев во мали модли за куглов бидејки ми беше потребно секое да биде засебно (подароци) - ги подмачкав сите модли, побрашнив - потоа ја истурив смесата.
Можете да печете и во силиконска модла, но времето на печење е поголемо бидејки знаете дека тестата за колачи кои се спремаат со маргарин, путер потешко се печат, па затоа јас во вакви случаи прибегувам кон обичните модли, што не значи дека не може да се истури во тавка било округла било четвртаста... Јас печев 1 час.
- За уште подобар аромат на колачот покрај прекрасните зачини, оревите потпечете ги.
Овој куглов колач навистина ги носи со себе ароматите кои потсетуваат на новгодишните и Божиќните празници...
Весели предстојни празници драги пријатели!

Состојки
200 гр. путер/маргарин
8 лажици кафеав шеќер
1 лажичка екстрат од ванила
1 жолчка
2 лажички какао
1/2 пециво
300-350 гр. брашно
црвена прехрамбена боја (течна)
*декорација
1 белка
200 гр. шеќер во прав
сок од 1/2 лимон
шеќерни украси во разни бои и форми, светкава прашина во боја

Вкусни, крцкаво-ровки кекси, посебно привлечни и бендисани од децата на предновогодишниот школски панаѓур. Мисија, успешно завршена.

1. Маргаринот/путерот (стоен на собна температура) се мати со кафеавиот шеќер, се додава жолчката и екстратот од ванила.
2. Се мешаат пецивото и какаото, се просејуваат и се додаваат, потоа се става малку црвена прехрамбена боја и пак се мати.
3. Брашното (просеано) се додава постепено на претходната смеса, се меси со рака, а по потреба се додава уште малку црвена боја зависно од посакуваната нијанса.
4. Треба да се измеси мазно тесто кое се става во најлонска кеса, се остава да стои 15-20 минути во фрижидер, потоа се вади и се развлекува кора дебела 5 мм. Се вадат форми по желба и се печат на 170 степени околу 20 минути. Се ладат.
5. Белката се мати, постепено се додава шеќерот во прав, па после сокот од лимон. Смесата се става во најлонска ќеса за во замрзнувач, се отсекува малку работ, кексите се шараат по желба и се оставаат да им се исуши глазурата. Може да се стави и друга боја по желба за шарење на кексите. Малку трпение и резултатот е тука.

Забелешка
Кексите се малку крцкави од кафеавиот шеќер, но може да се стави кристал или шеќер во прав. Брашното ставајте го постепено и додавајте уште малку колку е потребно. Ако се користи црвена течна боја, полесно ќе се измеша во тестото, а ако се користи боја во прав, подобро е претходно да се раствори со неколку капки вода.
Наместо екстрат од ванила, може да се додаде екстрат со арома на јагода, малина или по вкус.

Состојки
2 јајца
150гр. шекер
100мл. млеко
1 пециво
6 лажици масло
150гр. брашно
за филовање
150гр. шлаг крем
зелена прехрамбена боја
украси по желба

Новогодишни мафини елкички спремени за приредбата на син ми на училиште.
Јајцата избијте ги пенесто заедно се шеќерот, додадете го брашното, пецивото, маслото и млакото млеко. Матете уште малку и смесата ставете ја калапите и печете на 190 степени 20 минути.Кога мафините ќе се изладат декорирајте ги со претходно избиениот шлаг во кој сме додале и боја,а некои оставете ги и бели.

Состојки
За лижавчиња
100 гр темно чоколадо
1/2 лажичка ѓумбир во прав
2 лажици млеко
1/2 лажиче путер
За декорација
50 гр печени лешници
1 кора кандиран портокал
30 гр кандиран ѓумбир
По потреба
5 дрвени стапчиња

Чоколадото заедно со млекото и ѓумбирот го топите на пареа неколку минути. Откако ќе се соединат го додавате путерот и мешате додека се стопи.
Потоа во калапчиња по желба ставате од стопената смеса и врз секое од нив додавате кандиран ѓумбир со портокал и кршени лешници.
Ставате неколку минути во комора и ги вадите лижавчињата.
Со стапчињата внимателно правите дупка во средина на лижавчето и го зацврстувате со уште стопено чоколадо доколку има потреба.
Можете ова да го правите и на хартија за печење доколку сакате кружни форми кои нема да се многу дебели. Јас за побрзо, ги правев во силиконски калапчиња обложени со хартија за свежа храна за полесно вадење.

Состојки
60 мл. слатка павлака
100 гр. бело чоколадо
25 гр. путер
50 гр бел еурокрем
120 гр печени мелени кикирики (без лушпа)
120 гр. мелени плазма бисквити
за украсување
70 гр шеќер
неколку капки црвена прехрамбена боја
50 гр. растопено бело чоколадо
фондан за изработка на украсите
Детска радост се овие лижавчиња, украсни за на Новогодишната трпеза и вкусни за децата. Подготовката им е брза и многу едноставна.

1. Во сад на тивок оган ставете ја слатката павлака, коцките бело чоколадо, путерот и белиот крем. Постојано мешајте додека сите состојки убаво да се растопат. Во така добиената смеса додадете ги измелените кикирики и плазма бисквити. Калкулирајте со количинити за да добиете смеса од која ќе можете да формирате бомбици. Јас овој пат сомлев буквално се што имаше по дома. Неколку бисквити, неколку суви колачиња, наполитанки...Не се плашете ако смесата ви изгледа мека, зошто со ладењето се стегнува и чоколадото и се добива убава цврста структура.

2. Во сад на страна ставете го шеќерот. Прехрамбената боја (јас користев во прав), растворете ја во неколку капки вода и додадете ја во шеќерот. Измешајте убаво за да се обои. Од смесата формирајте топчиња со големина на орев и валкајте ги во обоениот црвен шеќер.

3. Во сад на тивок оган со 1 мала лажичка масло растопете го и остатокот од белото чоколадо. Искористете стапчиња за ражничи или некои потенки цевки. Врвот на секое стапче потопете го во растопеното чоколадо и на него прицврстете го секое од направените топчиња. Со тоа ќе спречите топчињата да се одвојат од стапчето.

4. Во соодветна чашка или на парче стиропор ставете ги готовите лижавчиња. Врз горната страна ставете од остатокот растопено чоколадо и украсете по желба ( со трошки, чоколадни топчиња, кокос, со дел од обоениот шеќер или со фигурички од фондан). Оставете убаво да се изладат и стегнат.

На здравје

Состојки
2 чаши брашно
2 лажички прашок за печиво
1/2 лажичка сол
100 гр путер
1 чаша шеќер во прав
1 лажичка ванила екстракт
1 јајце
Декорација
2 белки
2 чаши шеќер во прав
1 лажичка сок од цеден лимон
1 лажичка зелена прехранбена боја

1. Путерот и шеќерот во прав се матат со миксер. Се додава и јајцето и се заедно се меша додека не се добие кремаста смеса.

2. Брашното, прашокот за печиво и солта се мешаат и постепено се додаваат во путерот постојано мешајќи со миксер. На крај се додава екстрактот од ванила и се меша уште кратко.

3. Добиената смеса се става во најлонска фолија и се остава да отстои 1 час во фрижидер. Потоа тестото се размесува и со сукало се развлекува кора од 0.5 см од којашто се вадат фигури со калап.

4. Така добиените колачи се печат на плех обложен со хартија за печење 10-тина минути на температура од 200 степени.

5. За подготовка на филот со миксер се матат белките и се додава шеќерот во прав и лимоновиот сок. Откако ќе се добие цврста пена се става прехранбената боја и се меша со лажица.

6. Оладените колачите се премачкуваат со филот, се ставаат кратко во замрзнувач а потоа се декорираат по желба.

* Од оваа количина на состојки се добиваат 5 поголеми елки колачи. Сметам дека помалите калапи се посоодветни и попрактични, но јас имам само во оваа големина.

Состојки
100гр. несолен путер
100гр. шеќер во прав
1цело јајце
250гр. брашно
5-6 парчиња зрнест кардамом
5-6 зрна анасон, малку кора од портокал
ројал ајсинг
50гр.топено чоколадо за декорација

Суви колачиња, повторно за предлог едно подолго траат друго преубаво изгледаат совршени за скоро секоја пригода, овајпат збогатени со вкусот на кардамом и анасон.
Путерот на собна температура, како и сите останати состојки, се меси тесто кое откако ќе се изедначи се остава 1 саат во фрижидер. Се танчи кора на 5мм. која одгоре се посипува со шеќер во прав. Се вадат формички со форми по желба, се печат на 175 сосема малку да заруменат.
Кога се изладат готови се за украсување. Ројал ајсингот е оној кој го објавив во еден од претходните рецепти, тука додавав топено чоколадо (над пареа), украсете по избор.

Среќни ви празници од мене.

Состојки
100 гр бело чоколадо
50 гр лешници
50 гр сушена брусница
150 гр локум
150 гр шеќер во прав
зелена и црвена прхрамбена боја
шеќерни ѕвездички, кокос

Слатки и декоративни елкички кои ќе ги израдуваат вашите најмили и ќе ја збогатат вашата новогодишна прослава. Ова беше една успешно реализирана идеја за што пошарена и украсна новогодишна трпеза.

Подготовка
1. Чоколадото го топиме на најниска температура и потоа ги ставаме сечканите лешници и брусница. Промешуваме и смесата ја оставаме да се подизлади.
2. Откако малку ќе стегне ја ставаме помеѓу најлонска фолија и од смесата формираме триаголник, кој го оставаме на ладно, по можност во замрзнувач. Ако имате калапи за тоблероне колачи уште поубаво, ставете ја смесата во нив.
3. Од локумот и шеќерот во прав замесуваме смеса, од која на 1/3 од неа и ставаме зелена боја растворена во 2-3 капки вода, а останатата смеса ја оставаме бела.
4. Од зелената локум смеса сукаме со помош на шеќер во прав тенка кора, со која ја обвиткуваме црвената веќе стегната смеса. Претходно го навлажнуваме зелениот дел за да се залепи убаво локумот, ама во многу тенок слој. Над зелениот дел ја обвиткуваме белата расукана кора. Ги измазнуваме сите три страни и го оставаме ролатот да се стегне.
5. Над белиот дел со четкичка премачкуваме малку вода и посипуваме со кокос. Ова може да се направи и со секоја елкичка посебно. На врвот ги украсуваме со шеќерни ѕвезди.

Состојки
100 гр. Нутела
200 гр. брашно
1 жолчка
100 гр. путер
50 гр. шеќер
1 лажичка какао
1/2 лжичка прашок за печиво
малку сол

Ставете ги сите состојки во сад и месете се додека не добиете мазно тестото за бисквити. Завиткајте го во најлонска фолија и ставете го во фрижидер околу 30 минути или подолго (јас секое тесто за бисквити го оставам во фрижидер преку ноќ, бидејќи тестото тогаш е многу поубаво и поароматично).
Се развива кора со дебелина од околу 5мм и се сече со калапчиња. Печете околу 6-8 минути на 170 ° Ц.

Состојки
100гр. суви урми
100гр. суви смокви
100гр. суви кајсии
50гр. сечкани лешници
50гр. сечкани ореви
50гр. сечкани бадеми
100гр. сечкано мешано кандирано овошје + 3 лажици брашно
4 лажици рум
130гр. путер
4 јајца
200гр. шеќер
2 пакетчиња ванилин шеќер
100гр. брашно
30гр. густин
1 рамно лажиче прашок за печиво
1 лажиче мелен цимет
1 лажиче сол
За украсување
100гр. сечкано мешано кандирано овошје
неколку јатки ореви
4 лажици мармалад од портокали (или од кајсии)

Сувото овошје и јаткастите плодови исечкајте ги и ставете ги во еден длабок сад. Додадете го и мешаното кандирано овошје, ставете го румот и убаво промешајте. Поклопете го садот и оставете така да отстои 1 час. Откако овошјето ќе ги впие румот додадете ги трите лажици брашно и убаво промешајте.
Путерот стопете го на тивок оган. На страна, брашното промешајте го со густинот, пецивото, солта и циметот. Јацата заедно со двете врсти на шеќер изматете ги пенесто. Додадете го брашното па потоа и стопениот путер. На крај, со шпатула измешајте го и сувото овошје.
Смесата ставете ја во намастен и набрашнет калап за куглоф. Печете на 175° во претходно загреана рерна, околу 75 минути.
Откако ќе се испече, извадете го од рерна и оставете го колачот 15 мин. во калапот, па потоа префрлете го на тањир.
За украсување, мармаладот процедете го низ ситеста цедилка, загрејте го во тенџере на среден оган. Премачкајте го целиот куглоф и украсете го со јатки од ореви и мешано кандирано овошје.
По желба, може да го прелиете колачот со 100гр. шеќер во прав во кој сте измешале 2-3 лажици рум. Во тој случај изоставете го мармаладот.

Состојки
3 јајца
120 грама шеќер во прав
120 грама маргарин
14 супени лажици брашно
1 пециво
1 ванила
1 мал финџал суво овошје ( брусница, кајсија, суво грозје....)
2 реда чоколадо за готвење
1 рака ореви
кора од половина портокал
200 грама бело чоколадо за готвење
200 грама лупени семки од тиква
1 мало лажиче брашно

Конечно си ги подигнав калапите за мафини и одма да се искористат. Овој рецепт го имав запишано уште од лани и сега му дојде редот. Прв пат го правев и таман дојде како мала пракса пред празниците .

1. Најпрво јајцата и шеќерот во прав ги матиме со миксер. Потоа го додаваме маргаринот кој треба малку да е подстопен и продолжуваме да матиме со миксерот. Одкако смесата ќе се соедни го исклучуваме микерот и понатаму мешаме со лажица.
2. Ги додаваме брашното, пецивото, ванилата и кората од половина портокал и мешаме со лажица и на крај ги додаваме оревите, чоколадото исецкано на ситни парчиња ( не рендано за да се осети вкусот ) и сувото овошје. Јас користев брусница и кајсии меѓутоа може да се стави и друго по ваш избор.
3. Од хартија за печење правиме конуси и ги прицврстуваме со чепкалки кои претходно сме ги потопиле во вода. ( слика )
4. Калапите за мафини ги полниме со брашно и убаво го стегаме брашното. Прво на средина со нож правиме мал отвор ( бидејќи брашното треба да е збиено) и ги ставаме конусите со врвот надолу. (слика)
5. Смесата ја ставаме во готварски шприц и ги полниме конусите 3/4 да не се скроз догоре бидејќи ќе пораснат во печењето. Треба да работите многу внимателно. Доколку имате некои повисоки садови или чаши кои се огноотпорни можете конусите во такви да ги правите.
6. Јас направив 6 елки и 6 обични мафини.
7. Печеме во загреана рерна на 170-180 степени околу 10-12 минути зависно од рерната.
8. Кога се готови елките ги оставаме да се оладат.
9. Во меѓувреме семките од тиква со нож ги сецкаме на ситни парчиња. Оригиналниот рецепт беше со фстаци ама некако скапо ми се гледаше и одма друга алтернатива се најде.
10. Белото чоколадо го топиме на пареа. На елките им ја отстрануваме хартијата и ги ставаме на рамна површина со врвот нагоре. Доколку не можат да стојат пресечете малку од долниот дел.
11. Секоја елка со лажица ја премачкуваме со бело чоколадо ( не мора многу колку да подбели) и одма ги валаме во семките од тиква за да се залепат и ги оставаме да се стврдне чоколадото. Одгоре на секоја елка со лажица ставаме по малку од чоколадото за да изгледа како снег и оставаме слободно да се разлие.
12. За украсување може да користите разни бисерчиња како лампиони, а јас ги украсив вака. Во еден финџал ставив едно лажиче брашно, едно лажиче шеќер во прав, малку црвена прехрамбена боја и малце вода и мешаме колку да се добие погуста смеса. Од хартија правиме мал конус со мал отвор , ја ставаме смесата внатре и ги украсуваме елките со лампиони.
И ете готови се за послужување.
На здравје !