Потребни состојки:

- 250 грама брашно;
- 200 грама путер; 
- 150 грама шеќер; 
- 75 грама бадемово брашно; 
- 1 јајце; 
- 1 лажица кора од лимон; 
- 1 лажица екстракт од ванила. 

Подготовка:

1. Загрејте ја рерната на 200 степени целзиусови.

2. Со миксер проматете го путерот со шеќерот додека не добиете кремаста смеса. Додадете го јајцето, кората од лимон и екстрактот од ванила.

3. Во смесата додадете го бадемовото и обичното брашно и сето тоа добро изматете го со миксер.

4. Ставете ја смесата во кеса за слатки, па на намачканиот плех со малку путер, ставајте ги меките прстени од тесто со дебелина од околу 4 сантиметри.

5. Така подготвените колачиња печете ги околу 10 минути додека не заруменат.

6. Почекајте да се изладат пред да ги послужите.

Пријатно јадење!

Потребни состојки:

• 470 г сенаменско брашно
• 1 лажичка прашок за печиво
• ½ лажичка сол
• 250 г омекнат маргарин
• 300 г бел шеќер
• 2 јајца
• 2 лажички екстракт од ванила

За подготовка и печење на колачињата ќе ви биде потребен половина час (не сметајќи го времето за ладење на тестото).

Начин на подготовка:

1. Во длабок сад измешајте го брашното, прашокот за печиво и солта. Во друг голем сад изматете ги маргаринот и шеќерот додека смесата не стана бледа и пенеста. Во оваа смеса додајте ги јајцата едно по едно, а потоа ставете ја и ванилата. Изматената смеса додајте ја во претходно просеаните суви состојки и месете додека состојките не се спојат целосно. Покријте го тестото и ладете го во фрижидер 2 часа.
2. Загрејте ја рерната на 200 ᵒС. Ставете хартија за печење во голем плех. На чиста набрашнета површина од тестото исукајте кора со дебелина од 1 см. Исечете го тестото со помош на форми за колачиња и наредете ги колачињата во плехот.
3. Печете од 6 до 8 минути во загреана рерна, или додека рабовите на колачињата не станат кафеави. Извадете ги од плехот и оставете ги на решетка за да се изладат. Потоа украсете ги по желба: со шеќерен прелив и прехранбени бои, со фондан или со растопено чоколадо.

Божиќна мисирка

Состојки
1 мисирка (3,5-4 кг)
М а р и н а д а
250 гр маргарин на собна температура
1 мала киска магдонос
80 гр крупна сол (мелена на машинче)
1 лажица мешан сув зачин
1/2 лажиче оригано
1/2 лажиче босилек
1/3 лажиче лук во прав
1 рамно лажиче црн бибер
1 рамно лажиче црвен пипер
по малку К*ркума, енибар, гарам масала, мускатно оревче, сумак, мајоран
1 помал лимон (сок и кора)
З а п о л н е њ е
1 мала главица кромид
4-5 чешниња лук
1 помал лимон
внатрешните органи од мисирката
Уште
6-8 ленти сланина
2 чаши вода
1 коцка за супа
1 преполна лажица густин

Мисирката се спрема ден предходно со маринада. Во маргаринот се ставаат сите зачини, солта и кората од лимон. На крај sе додава и лимоновиот сок. Се убаво с емеша.
Мисирката се мие и се бришe од водата. Се одделува внимателно кожата од месото.
Се премачкува поткожно насекаде со маринадата. Потоа, се премачкува и во внатрешноста и насекаде одозгора. Внатре се ставаат мисиркините органи, чешнињата лук нелупени, кромидот исечен на 4 и излупен само од горната лушпа и лимонот на половина. Едната половина лимон се става на самиот отвор за да ја држи полнетата содржина.

Се засекува кожата над самиот отвор на мисирката и низ него се провнуваат накрсно нозете.
Така спремена се витка со фолија и се остава на ладно (во ладна просторија или во фрижидер) да стои отприлика 12 часа.

Другиот ден, пред да се печи, се остава на собна температура да поседи половина час.
Во 2 чаши вода се раствора една коцка за супа и се тура на дното на пекачот.
Се облепува одозгора насекаде со лентите сланина, се посипува со една или две лажици маслиново масло и се става да се печи на температура од 160- 165С, онолку часа колку што е тешка. Значи, за секој кг по 1 час.
После час и пол печење, откако сланината ке се собери и излизга (таа што ќе остани не ја тргајте) повремено (на секои 15-20 минути) полевајте ја одозгора со течноста од пекачот.

Готовата мисирка пред служење оставете ја да одмори некои 45 минути за да можи убаво да се сечи. Кај нас иако одморена, сепак се исече во навала и без стручност, но тоа не не спречи со задоволство да ја изедиме.

Пред да се послужи мисирката, соберете го сосот од пекачот во помал огноотпорен сад, загрејте го и додадете го нишестето растворено во малку вода. Мешајте додека згусти уште некои 2-3 минути и сосот послужете го заедно со мисирката.

Ова е мојата прва мисирка која сум ја јадела и воедно правела. Прогуглав многу начини и искористив од сите по нешто, а зачинив со се што во моментот помислив дека ќе е вкусно. Гости што беа поканети на ручек ги пречекав со „или ќе јадиме добро или ќе мачкаме нешто на лепче“ : ) Јадовме ДОБРО и ете, со задоволство го споделувам изгугланиот рецепт на мој начин : ) Потребата да е сочна и вкусна беше повеќе од задоволувачка.

Кулич

Состојки
750 гр. брашно
350 мл. млеко
250 гр. маргарин
20 гр. сув квасец
5 јајца
50 мл. рум
1 лажица екстрат од ванила
по 80 гр. суво грозје, бадеми во ливчиња сечени, микс од суво овошје
200 гр. шеќер

Имате ли сочувано лименки???
Можеби ќе ви затребаат, сокријте некоја лименка во оставата.
Италијаните го имаат своето Панеттоне, а Русите го имаат својот Кулич- кој обавезно го имаат на Божикната трпеза. Јас сега ви го представувам едн од поголемиот број на рецепти. Вака го спрема комшивката која е русинка, па проследете го. Описот е малку повеќе за читање, верувам дека нема да ви е тешко ако сакате да го имате и вие на трпезата,
Подготовка
1. Сувото горзје потопете го во рум (може и од вечер)
2. Од млекото одвојте 100 мл. загрејте го и растворете го во млакото млеко кавсецот, оставете да ферментира - да се запени.
3. Во друг сад од вкупната количина на брашно премерете 125 гр,.додајте го во останатото млеко и бркајте да стане како каша. Во оваа смеса додајте го запенетиот квасец. Оставете 30 мин, повторно да стасува.
4. Издвојте ги белките од жолчките.
5. Со миксер се работат жолчките додавајки им постепено шеќерот. Откако сте добиле пенеста смеса, додајте ја ванилата - измешајте. Додадете го румот во кој стоело сувото грозје. Измешајте.
6. Се работат со миксер белките со прстовет сол се додека добиете снег од истите.
7. Сега вратете се кај смесата која ја оставивме да стасува. Овде додајте ги жолчките, измешајте со лажица. Откако се споила смесата, додајте ги уработените белки. Повторно измешајте со лажица.
8. Почнете да додавате од останатата количина на брашно и цело време бркајте со лажица. Оставете мала количина од брашното кое ќе ви треба за домесување.
9. Преместете го тестото на работна површина која сте ја посипале со брашно и продолжете да месите се додека не го потрошите целото брашно.
10. Ве чека уште работа. Сега почнувате да го месите тестото така што на дланките ќе си ставате од омекнатиот маргарин и ќе месите се додека не го потрошите маргаринот. Значи, ќе ги намачкате дланките со мекиот маргарин, ќе месите, тестото ќе почне да ви се лепи по рацете (тоа е многу меко тесто), пак намачкајте ги обилно со маргарин, месете, набрзина ќе го потрошите, не е страшно. Значи сфативте дека треба да се меси што повеќе време.
11. Оставете го сега вака измесеното тесто да стаса околу 30 мин.
12. На работната маса посипете го исецканото суво овошје и бадемите
13. Сувото грозје со сосема малку брашно измешајте го.
14. Врз посипот од сувото овошје истурете го тестото, врз тестото ставете го сувото грозје, месете колку да се измеша овоштието.
15. Поделете го и ставете во модлите во кои сте испланирале да се пече. Оставете да стаса и печете на 180 степени најмалку 45 мин. до 60 мин. , а еве зошто:
Како што ќе забележите на фотографиите,  јас печев во лименки, времето на печење е пократко, а и во куглов, времето на печење е подолго.
Тестото се става до 1/3 од садот. Кога стасува тоа треба да биде со троен волумен.
Ако одлучите во лименките, па и во друга модла ставете хартија за печње, освен ако е тоа силиконски калап- во силиконските модли нема потреба од хартија за печење.

ЗАБЕЛЕШКА
Вака испечениот Кулич потоа си има и свој завршен дел. Тие го полеваат со крем спреман од 1 белка и шеќер во прав кој се клапа до густина која може да се полее врз куличот, додатно се попрскува со шарени мрвици.
Јас тоа не го сторив, па веднаш се и јадеше, немаше зошто да го правам тоа.
Значи, покрај тоа што печам во тегли, печам и во лименки. На мене ми се многу прикладни вака спреманите куглови или куличи- панеттонето, лесни да се запакуваат и да се подарат токму за празнициве кои наближуваат. Го пишувам рецептот порано, можеби на некој ќе му се допадне мојата идеја да спреми токму ваков подарок!

Божиќни колачи

Состојки
300 гр. брашно
1 мало лажиче пециво
150 гр. мелени ореви
125 гр. шеќер во прав
250 гр. путер
1 јајце
1/2 мало лажиче цимет
1 пакување ванилин шеќер
1/4 мало лажиче сол
1 жолчка од јајце за премачкување
Половинки од ореви за декорација

Брашното се меша заедно со пецивото и мелените ореви. Се додава шеќерот во прав. Ладниот путер се сече на парчиња и се додава во смесата. Се додаваат и јајцето, циметот, ванилата и солта и се меша се заедно. Се остава во фрижидер преку ноќ.

Другиот ден се загрева рерната на 200 °С . Се размесува 3мм тенко тесто. Со овална форма се вадат колачите и се редат на плех на кој има фолија за печење.
Тенко се премачкува со жолчка од јајце и се ставаат половинките од оревите.
Се печат 12 мин.

Празничен кекс торта

Состојки
300 гр брашно
30 гр какао
1 јајце
2 паковки ванила
2 мали лажичиња пециво
150 гр шеќер
150 гр путер
Филот
500 гр тврда павлака
3 јајца
250 гр путер
200 гр шеќер
1паковка ванила
1паковка пудинг од ванила
1 ампула ванила
100 гр шеќер во прав за декорација

Рецептот е интересен и за мене баш празнична.
Во садот кој ќе го месите тестото кое ќе биде подлога ставете го брашното,какаото, шеќерот, ванилата, јајцето пецивото па промешајте ги сувиве состојки со дрвена лажица.
Додајте го путерот и замесете полека убаво мазно тесто.
Завиткајте го во најлонска фолија па ставете го 30 минути во ладилникот.
После 30минути,извадете го и поделете го на два еднакви делови.
Едниот дел распостелете го по подлогата на калапот во кои ќе го спремате колачот.Распостелете и развлечете убаво и по висината на калапот.Некаима околу 2 сантима во висина.
Во друг сад на страна изматете ја павлаката со јајцата,па додадете го претходно стопениот путер,Зачинете со ванилите и пудингот од ванила.
Така густата смеса префрлете ја во калапоти растресете го убаво калапот да легне смесата рамномерно.
Од останатото тесто растегнете кора со дебелина од еден прст.
Со калап извадете фигури и распостелете ги по површината на колачот.
Од остатокот тркалајте мали топчиња па фрлете ги во внатрешноста на смесата.
Кога ќе се испече ќе дојде малку декориран,шарен внатре.
Оставете да се пече колачот точно 1 час на 180 степени.
Кога е печен наросете го шеќер во прав.
Сервирајте и сечете кога е ладен.
На здравје

Божиќна торта

Состојки
Пандишпан
12 белки
12 лажици шеќер
100 гр мелени ореви
6 лажици брашно
1 пециво
2 лажици какао
Фил
12 жолчки
1 л млеко
10 лажици шеќер
1 ванилин шеќер
10 лажици брашно
1 маргарин
2 млечни чоколада
150 гр мелени ореви
50 мл топло млеко за попарување на оревите
100 гр сецкани ореви
500 мл слатка павлака

За пандишпанот се матат белките со постепено додавање на шеќерот, се додаваат брашното, пецивото, оревите и какаото и се печат 4 кори во кружен плех бр. 26.
За филот се става млекото со шеќерот на оган, од млекото се одзема малку за да се разматат жолчките со брашното, па откако ќе зоврие млекото, се додава смесата со жолчките и се вари крем. Се трга настрана да се олади, па откако ќе се излади се мати маргаринот со миксер и се соединува со филот. 1/3 се одзема од филот и во него се додаваат мелените ореви попарени претходно со млеко. Во другиот дел од филот се додаваат сецканите ореви и растопените чоколади.
Слатката павлака се уработува исто така со миксер.
Се филува прво кора, па од филот со чоколадо, па слатка павлака, па кора па од филот со попарените ореви, па слатка павлака, па кора па од филот со чоколадо, па фил со слатка павлака и на крај пак кора. Се декорира по желба.
Четвртата кора и не мора, но јас бидејќи ја покривав со фондан затоа ја ставив, а може и само со три кори. Инаку тортата е преубава и богата со фил.