Христијани и муслимани се собраа пред божиќната елка во Алепо

За првпат по четири години луѓето во Алепо слават Божиќ.

На социјалните мрежи беа објавени видеа во кои се гледаат детски хорови како пејат и музичари облечени како Дедо Мраз кои свират на инструменти, додека луѓето се собрани пред големо божиќно дрво. 

Празничната еуфорија во Алепо, вториот по големина град во Сирија, покажа дека војната не може да го убие духот на народот за прославата на Божиќ. Во многу видеа беше покажано како христијани и муслимани го слават Божиќ околу украсената елка што покажува силна симболика на победа над радикалните исламистички сили во овој град.