Три слоја тиквички, бешамел сос, моцарела, пармезан и доматен сос ќе го дадат совршениот вкус. Па зошто да не ја внесете магијата на Италија во својот дом.

Состојки:

• 1 килограм тиквички
• 200 грама доматен сос
• 300 грама моцарела
• 2 лажица брашно
• 70 грама путер
• ½ литар млеко
• 3 лажици пармезан
• Сол и бибер
• Маслиново масло

Подготовка:

Исечете ги тиквичките на ленти од половина сантиметар и наредете ги во тавчето за лазањи. Попрскајте ги со маслиново масло и со малку сол и ставете ги во рерна на 200 степени 15 минути.

За филот направете бешамел сос. Ставете 70 грама путер на среден оган додека да се стопи. Тргнете го од огнот, додајте му малку брашно (2 лажици) и мешајте. Внимавајте само да не ви се направат грутки и полека додадете ладно млеко и продолжете да мешате. Ставете сол и бибер.

Во ново тавче, ставете малку маслиново масло и наредете ги испечените тиквички толку колку да го покриете целото дно.

Потоа врз наредените тиквички со лажица нанесете малку доматен сос. Потоа наредете моцарела во тенки кругови, малку пармезан и бешамел сос (тој треба да ви биде густ како тесто за палачинки).

Потоа продолжете со следниот ред тиквички и сите останати состојки, се додека имате.

Кога е се готово ставете ја тавата во рерна уште 15 минути. И тоа е тоа, чекајте само смесата убаво да порумени и имајте добар апетит!

Состојки:

• 1 килограм компири (обарени, излупени и изрендани)
• 1 килограм тиквички (изрендани)
• Чешне лук (мелено)
• 1 лажица сецкани свежи листови рузмарин (но и неколку за декорација)
• ¼ шолја рендан пармезан (плус една лажица пармезан)
• ¼ шолја презла
• 2 белки (малку изматени)
• 2 лажици сол или вегета
• ¼ лажица бибер
• 3 лажици маслиново масло
• 1 ½ крем сирење или павлака по желба

Подготовка:

Загрејте ја рерната на 220 степени. На страна подгответе хартија за печење.

Ставете ги компирите и тиквичките на платнена крпа или салфетки за да се исцедат, а потоа ставете ги во поголема чинија.

Додадете го лукот, рузмаринот, пармезанот, презлата, белките посолете и додадете бибер.

Целата смеса добро измешајте ја додека состојките не се соединат.

На тавче загрејте масло на среден оган и ставете ја смесата рамномерно по тавчето.

Посипете малку маслиново масло на врвот и ставете една лажица пармезан.

Пржете додека ивицата на порумени. Потоа ставете ја “палачинката“ на хартија за печење и печете во рерната 20 до 25 минути додека горната страна на порумени.

Исечете ја палачинката на коцкички и наредете ја на тањир за послужување. На врвот на секоја коцка ставете по малку сирење или павлака и украсете со свежи листови рузмарин.

Состојки:

• 500 грама тиквички
• 2 јајца
• Презла
• Пармезан
• Сол и бибер
• Лут буковец

За сос:

• 1 конзерва домати
• 2 чешниња лук
• Маслиново масло
• Сол и бибер
• 2 лажици свеж магданос

Подготовка:

Загрејте ја рерната на 200 степени и обложете ја со хартија за печење.

Тиквичките излупете ги и исецкајте на покрупни парчиња за помфрит.

Во сад изматете ги јајцата, а во друг ставете поголема количина презла и нарендајте пармезан, сипете малку сол, бибер и лут буковец.

Секое парче тиквичка посебно прво натопете го во јајцата па во мешавината и редете го на плехот за печење.

Печете додека парчињата не добијат златна боја.

За сосот во тавче сипете две лажици маслиново масло и додадете го насецканиот лук.

Вклучете ја ринглата на најјако па кога лукот ќе добие потемна боја сипете ги доматите, посолете и ставете бибер по желба. Сосот нека се крчка на среден оган додека да добиете густина.

Пред да го послужете ставете свеж магданос.

Помфритот од тиквички и сосот служете ги топли.

Имајте добар апетит!

Крем супите се совршен оброк. Освен што се вкусни, тие толку заситуваат што нема потреба по нив да јадете нешто друго.

Овој рецепт веруваме дека ќе им се допадне на сите дами кои сакаат тиквички но и кои водат сметка за својата линија.

Ако не планирате да ја јадете оваа крем супа како главно јадење, тогаш најдобро би било да ги преполовите мерките кои се подолу наведени.

Состојки:

• 1 кг тиквички
• 500 грама компир
• 150 грама кромид
• 2 чешниња лук
• 200 грама павлака за готвење
• 2 литра вода
• 4 лажици масло
• Сол, бибер и вегета

Подготовка:

Тиквичките измијте ги и исецкајте ги на коцки. Компирите излупете ги и исто така исецкајте ги на коцки.

Кромидот исецкајте го ситно и пропржете го на масло. Додадете ги и тиквичките и компирот, па со вода покријте го зеленчукот.

Посолете ја смесата и варете ја додека да омекне. Потоа се префрлете во блендер и изблендајте.

Варете ја смесата и по потреба додавајте вода. Зачинете ја со бибер, вегета и исецкан лук.

На кратко пред самиот крај додадете ја павлаката за готвење.

И тоа е тоа. Имајте добар апетит!