Солена торта од моркови

Морковот е еден од најздравите видови на зеленчук, а бидејќи содржи малку калории и многу корисни состојки, често се користи во диеталната исхрана.

Пробајте го специјалитетот – „Солена торта од моркови“ кој има незаборавен вкус и прекрасен мирис.

 

Потребни состојки:

300 грама брашно,

80 грама пармезан,

40 грама рендан кашкавал,

150 грама моркови,

60 грама црни маслинки без семки,

1 сув квасец,

3 јајца,

1 лажица млеко,

1 кафена лажичка шеќер,

семки од тиква,

масло,

сол,

црн пипер.

Подготовка:

Морковите излупете ги, измијте ги и изрендајте ги.

Брашното измешајте го со квасецот, малку сол, малку шеќер, 40 грама пармезан, и постепено додавајте 100 милилитри млака вода.

Јајцата изматете ги и додадете ги во тестото. Потоа додадете ги и изренданиот кашкавал, преостанатиот пармезан, маслинките и изренданите моркови.

Замесете тесто, формирајте топка, засечете крст на површината и оставете да отстои 1 час на топло место.

Преместете го тестото во намастен калап, покријте го со кујнска крпа и оставете го да одмори уште 1 час на топло.

Површината премачкајте ја со жолчка изматена со млеко. Одозгора наросете семки од тиква и печете 1 час на температура од 200 степени.

Тортата послужете ја топла со мезе од кулен, пршута и колбаси.

Можеби ви звучи чудно, но сепак подгответе го, ветуваме дека ќе бидете пријатно изненадени.

Состојки:

• Еден килограм  моркови
• 500 грама шеќер
• Сок од 1 лимон и изрендана кора
• неколку бадеми
• 2 лажици бренди
• 2 кесички ванилин шеќер
• 1 кафена лажичка екстракт од ванила

Подготовка:

Подготовката е уште еден плус кој го прави овој џем уште подобар. Од лесно полесно…Излупете ги морковите и ставете ги во тенџере со вода на среден оган за да омекнат.

По кратко време додадете ги во водата и бадемите. Кога ќе процените дека се доволно меки морковите и бадемите извадете ги од водата и изблендирајте ги, ставете ги во тенџере во кое ќе го додадете и сокот и ренданата кора од лимон.

Потоа ставете го и шеќерот и ставете ја смесата да се вари на тивок оган со повремено мешање.

По десетина минути додадете го и брендито а на самиот крај од приготвувањето на овој џем ставете ги кесичките со ванилин шеќер како и екстрактот од ванила.

Овој џем не само што има неверојатен вкус, туку има и интензивна портокалова боја и прекрасен мирис  па слободно можеме да заклучиме дека ги задоволува сите сетила.

Потребни состојки:

• 750гр морков
• кромид
• 4 чешниња лук
• 2 јајца
• лажица риган
• лажица сол
• презла
• масло

Начин на подготовка:

Сварете го морковот во солена вода, исецкајте и помешајте го месотот со ситно исецкан кромиди изматени јајца.

Посолете, зачинете со риган и згуснете со презла. Од смесата направете ролат, ставете го во плех премачкан со масло и печете половина час на 200 степени.

Фичо ќе приготви крем супа од печени моркови, со арома на ѓумбир и нане. Необичен спој на состојки, со совршен баланс на вкусови.

Подготовка:

Чекор 1: Морковите излупете ги, исечете ги на поголеми делови, намастете ги со маслиново масло и наредете ги во тавата за печење. Додадете повеќе сол. Печете ги во загреана рерна на 215 степени, 15-20 минути. Превртувајте ги при печењето за да се испечат од сите страни.

Чекор 2: Бујонот ставете го во сад да проврие. Додадете го парчето ѓумбир и нането.

Чекор 3: Исечете ја смесата на коцки и повторно оставете ја да избие течноста од неа.

Чекор 4: Главицата кромид исецкајте ја ситно, продинстајте ја во тавче и додадете една кутлача од бујонот. Додадете го лукот и динстајте ги заедно околу 5 минути. Извадете ги ѓумбирот и нането и изблендирајте ја смесата со рачен блендер. Изблендираната смеса оставете ја да проврие уште малку и додадете сол и бибер.

Чекор 5: Сервирајте!

СОВЕТ: Можете да декорирате со павлака за готвење.

ПОСЕН КОЛАЧ СО МОРКОВ И ПОРТОКАЛ

Ако случајно се прашувате што бара морковот како состојка во овој колач, сетете се дека заради неговиот неутрален вкус и сочна природа, тој е дел од рецептурата за најголемиот број здраво сокови кои се подготвуваат.

Поради тоа, и ние сме убедени дека овој сочен и вкусен посен колач со својот изглед и арома ќе ги задоволи и најпребирливите.

Состојки:

2 шолји брашно

1,5 шолји изрендан морков

2 лажички цимет

1 портокал

7 лажички шеќер

половина шолја масло

1 прашок за пециво

рака ореви (или други јаткасти плодови по ваш избор)

За преливот:

2 лажички какао

малку масло

малку соино/оризово млеко

2 лажички шеќер

Подготовка:

Изрендајте ги морковите најситно што можете, а во нив изрендајте ја и кората од еден добро измиен портокал. Исцедете го сокот од портокалот, па измешајте го со маслото и шеќерот.

Во друг сад измешајте ги брашното, прашокот за пециво и циметот, па додајте ги и ситно исечканите ореви. Во оваа сува мешавина додајте го сокот од портокалот, па потоа полека додавајте ги и и изренданите моркови. По потреба додадете малку соино/оризово млеко. Смесата ставете ја во претходно намастена тава за печење и ставете ја во претходно загреана рерна да се пече 40 минути на 180 степени.

За преливот, сите состојки измешајте ги и ставете ги на рингла на максимална температура, со постојано мешање, додека смесата не се згусне. Потоа прелијте го испечениот колач и ставете го да се лади во фрижидер. Послужете го за неколку часа или уште подобро следниот ден, кога сите вкусови ќе бидат упиени и измешани едни со други. Уживајте.