500гр. лиснато тесто,

500гр. ситно сецкано сирење,

100гр. ореви,

мешавина од сите медитерански зачини,

сол,

бибер,

малку брашно.

Подготовка:

Лиснатото тесто размесете го тенко, а потоа со чаша вадете кругови. Чашата извалкајте ја во брашното за тестото полесно да се одвојува. На средината на секој круг ставете ја смесата со која сакате да бидат полнети панцеротите – во случајов: сирење, јајца, зачини, ореви, бибер… Секој круг премачкајте го со белка од јајце откако ќе го преклопите. Притиснете ги рабовите за да се соединат. Со вилушка избодете го тестото на неколку места и премачкајте го со жолчка. Печете ги панцеротите на 220 степени, околу 15 минути, а потоа намалете ја температурата на 180 степени и печете ги додека не поруменат.

• 1 кг брашно (состојки за тесто)
• 500 мл млака вода (состојки за тесто)
• 100 мл масло за готвење (состојки за тесто)
• 2 пакетчиња сув квасец (состојки за тесто)
• 1 ½ лажичка шеќер (состојки за тесто)
• 3 лажички сол (состојки за тесто)
• 400 г спанаќ (состојки за фил)
• 200 г павлака (состојки за фил)
• 100 г сирење (состојки за фил)
• малку сусам, ким, чурек… (за декорација)
• 1 јајце (за премачкување)

Подготовка

1.  Во подлабок сад ставете ги сите состојки за подготовка на тестото. Добро промешајте и месете се додека не добиете мазно, компактно тесто кое треба да биде меко, но не премногу меко за да може да се формираат панцеротките.
2.  Оставете го тестото да нарасне убаво (да добие барем 2,5-3 пати поголем волумен) а во меѓувреме подгответе го филот.
3.  Спанаќот обарете го и во блендер измешајте го заедно со павлаката и сирењето. Блендирајте се додека смесата не се соедини. По желба, зачинете.
4.  Стасаното тесто поделете го на 2 дела и расукајте го како за пица во кружна или правоаголна форма со дебелина од околу 3 мм.
5.  Со калап (или чаша), од целото тесто, вадете крукчиња. Секое второ крукче наполнете го една лажица од филот, со вода намачкајте ги краевите и со друго крукче поклопете го.
6.  Вака подготвените панцеротки, со виљушка притиснете ги краевите за добро да се залепат двете крукчиња. Премачкајте ги со изматено јајце и наросете ги со сусам, ким, чурек и сл.
7.  Пожелно е да одморат на плех (да нараснат) уште барем 30 минути пред да ги ставите да се печат.
8.  Печете ги во загреана рерна на 200 степени, околу 15 до 20 минути или се додека не добијат убава кафено-златна боја.

10 грама шеќер
малку сол
100 мл масло
1 квасец
1 кг брашно
Подготовка:

Квасецот се раствора во една чаша млака вода.
Потоа во длабок сад се меси тестото додавајќи 900 гр брашно и водата од чашата со квасецот (доколку оваа вода е малку, додаваме само топла вода).
Откако тестото добро ќе се измеси се остава да отстои на топло за да нарасне.
Откако тестото ќе нарасне, во тава на оган се загрева поголема количина на масло.
А потоа од тестото се кинат парчиња и со раце се обликуваат кори во форма на тавата и една по една се пржат.
Откако ќе се испржат ставете ги во една чинија да се исцеди маслото.

Тајни околу пржењето на мекиците:

Капнете неколку капки ракија за да не се полнат многу со масло. Едно капаче ракија на едно кило брашно. Се капнува во тестото.
Пробајте како што е напишана рецептата и кога ќе стасаат посипете пола лажиче пециво и измешајте ги па после пржете ги. Ќе бидат многу меки и нема да бидат мрсни. Најбитно е тестото да не биде ниту многу меко ниту многу тврдо.
Да не ви гори маслото ставете 3-5 зрна жив грав во маслото и пржете колку сакате.

• 2 шолји брашно
• 3/4 шолја шеќер
• 2 лажички прашок за пециво
• 1 лажичка сол
• 3/4 шолја млеко
• 2 јајца
• 2 лажици путер (растопен)
• 1 лажичка екстракт од ванила
• 6 лажици нутела

Подготовка:

Загрејте ја рерната на 260 степени. Во поголем сад измешајте ги брашното, шеќерот, прашакот за пециво и солта. Во истиот сад додадете го млеко, екстрактот од ванила, растопениот путер и јајцата. Се заедно измешајте. Наполнете ги калапите за крофни. Одозгора на тестото ставете по пола лажица нутела и со нож нежно премачкајте ги. Печете околу 20 минути. По желба можете да украсите со ореви, лешници, плазма итн.

• 250ml млака вода
• Пакетче свеж квасец
• 800g брашно
• ½ маргарин
• 3 лажици шеќер

Подготовка:

Во млаката вода ставете 1 лажичка шеќер со квасецот и 1 лажица брашно. Оставете да нарасне.

Соединете го маргаринот со шеќерот, а потоа додајте ја водата со нараснатиот квасец и замесете тесто.

Оставете тестото да нарасне неколку минути, а потоа растегнете го. Со калапи за крофни или со шолја извадете кругови.

Наполнете едно тенџере со масло, затоа што крофните мора да пливаат додека се пржат. Во маслото спуштете неколку крофни и пржете додека не заруменат.

Кога се готови, исцедете ги на една платнена крпа, проросете со шеќер и наполнете ги по желба.

Служете ги додека се топли.

4 јајца

1 кисела павлака

16 лажици брашно

Малку сол

1 прашок за печиво

Подготовка:

Ставете го брашното во подлабок сад, а потоа додадете го печивото, малку сол и сето убаво измешајте го.

Во брашното додадете ја павлаката и изматените јајца, па добро измешајте ( како кога правите кајгана)

Во тавата за пржење налејте масло, во висина околу 1 см. Добро загрејте  го, па намалете на умерена температура.

Со лажица вадете ги крофничките па пржете ги од двете страни додека убаво да заруменат.

Служете ги со сирење или чај.

Меки, сочни и вкусни…идеални како десерт или ужина.

ПОТРЕБНИ СОСТОЈКИ:

170 милилитри млеко

1 коцка квасец

500 грама брашно

2 јајца

2 жолчки

90 грама шеќер

50 грама путер

Малку сол

Масло за јадење

300 грама џем по желба

Шеќер во прав

НАЧИН НА ПОДГОТОВКА:

Загрејте околу 100 милилитри млеко, здробете го квасецот и додадете 150 грама брашно. Замесете тесто и оставете го на топло место околу 30 минути за да стаса. Додадете го путерот малку сол, убаво замесете и оставете го тестото на топло место околу 45 минути на топло место.

Разматете ги јајцата плус 2 жолчки заедно со 90 грама шеќер, па додадете го претходно стасаното тесто заедно со преостанатото млеко и брашно. Додадете го путерот и малку сол, замесете и оставете го тестото да мирува околу 45 минути на топло место.

По 45 минути поделете го тестото на 25 топчиња кои ќе ги наредите на крпа посипана со брашно. Покријте ги и оставете ги уште 30 минути да нарастат.

Загреј те го маслото за јадење и испржете ги крофните. Испржените крофни редете ги врз салвети за да се упие вишокот на масло.

Џемот ставете го во готварски шприц, малку пробушете ги крофните и внатре ставете џем.

Крофните посипете ги со шеќер во прав.

Уживајте во вкусот!!!