СЕКСУАЛНА ЕДУКАЦИЈА на децата во ера на интернет

Секое дете како индивидуа е психофизички различно од своите
врсници, па и пристапот кон овие теми треба да е различен.
Треба да се следи детето, и да се погоди вистинскит момент за разговор.
Низ книжарниците гледав и некои книги со наслов „Што треба да знае секое момче“
и „Што треба да знае секоја девојка“, сум ги подразгледала и не ми изгледаат лошо,
така да и тоа е некој начин на спознавање доколку детето од било која причина
избегнува конверзација на оваа тема.

Кога да се почне со сексуална едукацција на децата? Што порано, тоа подобро. Секако со термини и на начин прилагоден на неговата возраст.
Да не се чека детето само да праша, затоа што може да се случи тоа никогаш да не го праша родителот. Или кога ќе праша, да биде веќе доцна...

Родителите кои се срамат од вакви муабети со сопствените деца, можат да се послужат и со придобивките од интернетот. На пример, да се изгледа заедно со децата некое вакво видео, притоа објаснувајќи му кое е што и за што служи:







Изменето од Анастеа - 24.Јануари.2015 во 01:50

Не би инвестирал многу во тој медицински податок бидејќи со иљадници години се знае дека девојчињата првата менструација ја добивале некаде меѓу 12 и 13 година. Затоа евреите на 12 години слават Бат Мицва, денот од кога девојчињата почнуваат да ги сметаат за самостојни жени одговорни за своите постапки. И токму затоа тие се мажеле почнувајќи од овие години, нешто што во модерниве денешни времиња се карактеризира како педофилија.

Изменето од Messenger - 22.Јануари.2015 во 17:02

памтете, децата се секогаш технолошки понапредни од вас

Јас оти не сум родител,само ќе посочам во кој е проблемот
по мое согледување...Патем Меси еднаш ме праша па ете му го одговорот дали имам деца.
Колкумина имаат отворено фејсбук профил на своите деца,а тие се под 13 години?
Кога јасно таму стои дека за да се отвори профил потребно е минимум
да има 13 години корисникот.
Или доколку самите деца си го отвориле профилот колкумина знаат
за таа старосна граница,и не паѓаат на онаа финта-овој има оној има?
Во оваа ситуација децата мора да знаат што смеат,а родителите
да знаат кои се и како да се избегнат последиците поточно убаво да
ги читаат оние долги текстови на кои и пред да трпнат кликаат "Accept".
Интернетот си е жива материја и секогаш и од секаде демне некоја опасност.
Ретроспективно и јас самиот созревам секој ден повеќе во однос на
можностите кои ги нуди но и опасностите кои демнат.
На неколку свои грешки сум си поставил принципи што тоа таму е во ред што не.
И таа транзиција низ која ние како личности минуваме во овие години на
интернет експанзија мора да им се пренесе на децата исто како
што им се пренесува дека ринглата не се пипка оти е жешка
и може да се изгорат.

Дали и колку како родители сме запознаени со проблемите и сите несакани ситуации во кои може да ни западнат децата, користејќи (или злоупотребувајќи) ги современиве технологии и технолошки средства?  Дали сме слушнале и дали знаеме што е Sexting, Grooming, On-line порнографија, Hurried Child Syndrome... и слични термини со кои се наречени овие некои појави или феномени, во тесна корелација со користењето на интернетот?

Децата, посебно во пред-адолесцентна и адолесцентна возраст се соочуваат со најразлични притисоци, кои ги тераат да сакаат СЕ' и ВЕДНАШ. Сакаат да пораснат и созреат премногу рано или предвреме. Заведени од медиумите и динамичниот пазар на нови технологии, се борат на некој начин со сопственото тело (замислувајќи си го поинакво), притив пријатели и блиски (за да се претстават поголеми и подобри во нивните очи), против самите себеси (навлегувајќи во цела спирала од промискуитетни и ризични постапки). Интернет, компјутери, таблети, смартфони... сето тоа само со еден КЛИК им овозможува на децата содржини и искуства, кои често не можат ниту да ги разберат, ниту да се снајдат во нив.

Некои од овие појави и теми се непознати и за самите родители, затоа што не сме растеле со нив, немаме искуство ниту модели како да ги заштитиме децата од нив. Ако не се зборува за овие појави ниту во јавноста, ниту во кругот на семејството, многу лесно може да се случи децата да се стекнат со погрешна претстава и идеја за сексуалноста или уште полошо, да паднат во опасни стапици за нивното физичко и психичко здравје, со долгорочни последици, па дури и со драматични завршници. Ако во тоа огромно интернет-пространство се оставаат неискусни деца да лутаат сами, без никакви ограничувања, правила и совети, тоа е исто како да оставиш 10-годишно дете да лута само навечер по опасните улици на некој огромен град.

Ако денешната реалност е многу поразлична од онаа во која ние сме растеле како родители, дали знаеме да и се прилагодиме, да ја разбереме, за да им помогнеме на сопствените деца кога им е потребен совет и заштита? Дали зборувате со децата за СЕКС, за функциите и реакциите на нивните тела, за задоволствата но и за проблемите кои си ги носи сексуалноста? Дали мајките ПРЕДВРЕМЕ им објаснуваат на своите принцези што е менструација за да бидат спремни... или го чекаат првиот циклус, заедно со стравот, паниката и вознемиреноста која си ја носи со себе? Дали татковците ги припремаат своите синови на првата ерекција, ејакулација, сексуален однос, заштита од бременост и болести...?

Дали зборувате отворено со своите деца, помагајќи им што побезболно (сексуално) да созреат... Или ги оставате сами да се снаоѓаат, да експериментираат и бараат одговори копајќи по интернет, со изговори: “Не знам со кои зборови да му/и кажам... Срам ми е... Незгодно ми е на тие теми... Не знам како се прави тоа... Па ни мене никој не ми кажал кога бев тинејџер...“?

Многу е широка темава и за да не ја делам на посебни теми за Сексуална едукација, за прерано созревање на децата, за Sexting, за On-line порнографија, за Grooming итн... поедноставно ми се чини да ги обработиме сите под еден заеднички именител - Сексуална едукација на децата.

Бев неодамна на една конференција-предавање точно на оваа тема и ќе се обидам да пренесам тука она што ми остана во главата. Највпечатливи ми беа зборовите од предавачот - професор на државен универзитет во една западноевропска земја, психијатар со големо искуство, истражувач, со многу научни трудови, државни медали... и татко на 4 деца. Вака некако: “Зборувајте со вашите деца, ОТВОРЕНО и за СЕ. Затоа што за нашите деца, најлоши зборови се НЕИСКАЖАНИТЕ ЗБОРОВИ“.








Изменето од Анастеа - 19.Јануари.2015 во 00:31