Од темната уметност

Друго име

Луѓе!Слушнете!Јас имам втор кум.
Повторно сум крстена,
моето име е бездушна,
попрскана со отрови,крстена без крст.
Бев ѕвезда Даница,
моето прво крстено име,
без светлоста божја потемно е,поцрно е,
не светам,не треперам со сјај.
Изгубена во темнина
ја баран ѕвездата Даница,
го барам моето име,мојот крст,
плачам,молам ѕвезди да засветат, мојот пат го осветлат.

Даница Петровска
“ Готска жена“


Изменето од Дак - 16.Март.2014 во 04:10

К У К Л Е Н   Т Е А Т А Р

Трпеливо чекам
ќе заврши првиот чин,
театар со дрвени кукли
конците ги влече некој друг.
Трпеливо чекам
ќе заврши вториот чин,
театар со многу кукли,
конците ги влечат сите.
Трпеливо чекам
ќе завршат сите чинови,
ќе ги скинам сите конци,
без конците е полесно.
Куклениот театар нема душа,
ќе ги запалам сите конци,кукли,
никој повеќе не може да управува,
никој повеќе нема да биде кукла.

Даница Петровска
“Готска жена“

Пат на тишината

О,зарем твои тајни раскажуваш
за ехо кое одекнува од пештерата,
дали го слушаш штом очи склопуваш
штом вдишуваш прана на животот.
Мојот пат ме ослепе
не можам да ја видам темнината,
мисли собрани во кутија заклучени со катанец,
во мене ја имам тишината и светлината.
О,моето тело не го чувствувам
лебдеам помеѓу просторот и времето
светлосен бран очи склопувам,
се дели душата,корупка фрлам.
Јас смртничка се венчавам со љубовта,
вселена моето ехо го ослушна
порака од скриени ѕвезди ми испраќа,
искушение,борба,злото исчезнува.
Плач од ехо ме разбуди,
искушение мојата душа го почувствува
светлосен бран љубов ми подари,
се вратив ,мојот пат заврши.

Даница Петровска
“Готска жена“

Искривена слика

Во вистина лага на зборот
искривен ум преточен во илузии,
не се ниту фантазии на изопаченост,
не се ниту мечти во темната душа.
Да беше копиле лагата ќе умреше,
откопана вистина повторно ќе се закопа,
подобра е лагата на искршено огледало,
подобра е вистината на реалната болка.
Таму лежи вистината ,
никнуваат лаги од усти клети
што мир немаат од змискиот јазик,
што мир немаат од камено срце.
Таа што со живот те благослови
ја параш утробата како ѕвер,
тој што отфрлено јагне го прибра
поган јазик по него истураш.
Пастирот молчи ли во својата мизерност,
или се уште оди по змискиот пат,
и сeуште ли труе се што ќе допре,
и се уште лажни приказни кажува.
Ако вистината молскавично заблеска
многу ќе боли,многу солзи ќе истури,
подобро е да молчи,подобро е да се закопа,
нека останат лагите тие помалку болат...

Даница Петровска
“Готска жена“

Зборови

Ги колнам зборовите,
невидливи стрели
удираат во срцето од стрелец,
ја погодува целта.
Зборови како тапани,
удираат во главата,
срцето ќе заигра со нивниот ритам.
Ќе се кренат солзи од очите
капка по капка
ќе се истопат низ образ.
Јас немам свој штит
да се одбранам како витез,
ниту остар меч
да прободувам во срцето.
Зборови тешки како планина
се напластиле во срцето,
невидливи стрели
прободуваат во срцето,
тапани кои удираат во главата.

Даница Петровска
“Готска жена“

Без наслов

Ги отворив усните,
збор не прозборувам,
затаен глас во грло,
надеж нема ,гласот занемен.
Сама во самотија,
ниту збор,ниту стих,
молк,гробна тишина,
очи затварам,гледам темнина.
Мисли стивнати,
во уши глува тишина,
градите ќе препукнат,
болка доаѓа,ме довикува.
Болката ме растргнува,
душата се распарува,
слушам се спрема дожд,
грмотевица од мојот сон ме буди.
Душата се тресе,во гради камбана бие,
секавици во очи блескаат,
крик од душа,врескам,
усни отворив,испуштив глас.
Нема ќе зборувам,
слепа ќе гледам,
повторно моите мисли ги слушате,
од мене нема спас,спокојство.
Разбудена од вашиот сон,
светлина во очи,темнината исчезна,
повторно сум жива,
водам нова борба,нови освојувања.

Даница Петровска
“Готска жена“

Džinni

Džinni повикан од неспокој,
гнасни усни,отровни зборови
црнило во срцето и очите
Смртници,имате ли душа?
Džinni е тука
повикан од темнина
демне над твојата душа.
Кутар човеку!Што те чека?
Џамии се молат,се тресе небото
Džinni!Црни јавачи дојдоа
млада девојка чесност ја губи
дете мајка и татко не препознава.
Сенка на злото налегнала,
месецот темен ,дожд не паѓа,
земја моли утеха бара
многу млади тела ќе покопа.
Крик во етер ќе исчезне
смртници крвава игра играат,
фатени за раце коло непознато играат,
Džinni го собра својот плод на смртта.

Даница Петровска
“Готска жена„