Овој спреј е идеално решение за сите мајќи чии девојчиеа не сакаат да се чешлаат бидејќи ги боли, а сето тоа заради замрсената коса. Еве како да направите спреј за замрсена коса.

Потребни состојки:

*Едно големо шише со распрскувач

*1,5 чаши дестилирана вода

*3 лажици корен од слез

*2 лажици регенератор за коса по избор

*10 капки етерични масла по избор

Коренот од слез полиете го со водата и ставете го да зоврие во помал сад, намалете ја температурата и оставете да се крчка 20-30 минути.

Потоа оставете ја течноста да се излади па исцедете низ густа газа. Додека течноста е сеуште топла ставете ја во шише со распрскувач, додадете го регенераторот и етеричните масла па добро измешајте.

Спрејот за коса нанесувајте го после секое миење.

Вака подготвениот спреј можете да го користите два месеци.

Имате некаква свечена прилика, а немате соодветна чантичка? Не очајувајте бидејќи не мора да потрошите цело богатство за да купите нова…

Потребно е да имате малку фантазија и да сте љубител на „направи сам“ проекти. Денес ви претставуваме фантастичен „направи“ сам проект за моден додаток кој ќе ја направи вашата модна комбинација шик.

Потребни материјали:

• футрола за очила
• супер лепак
• четка
• спреј во саканата боја
• брош или украсна шнола

Постапка:

Испрскајте ја футролата со спреј во саканата боја. Почекајте да се исуши.

Откако ќе се исуши бојата земете ја шнолата или брошот и залепете ја во центарот на футролата.

Вашата чантичка е спремна за носење!

Налетавме на една неверојатно добра идеја односно како да си направиме алка – панделка од парче кожа. И едноставно не можеме да не ја споделиме со вас. Изгледа мошне ефектно и фенси и на рака ќе стои одлично како во комбинација со фармерки и топ, така и со вечерно секси фустанче.

Еве што ви е потребно:

–          Парче кожа со димензии околу 22*10 см,

–          Ножици,

–          Лепак за кожа,

–          Игла и конец,

–          Тик так копче,

Ако ги имате материјалите останува само да ги следите инструкциите од фотографиите во галеријата!

Сигурни сме дека во вашиот орман постои некоја маица која никогаш повеќе нема да ја облечете., а истата таа има некој интересен дезен и некако не ви дава срце да ја исфрлите. А сега замислете си дека таа иста маица може на еден многу едноставен начин да стане прекрасна марама која ќе ја износите оваа сезона.

Потребни се само една маичка и ножици.

Исечете ја маичката под ракавите, потоа сечете лентички со должина и ширина по желба и на крај малку растегнете ги.

Изгледот на марамата зависи од бојата на маичката и од тоа какви реси ќе направите, па може да добиете кратка, долга, шарена, раскошна…

Истата марама може да биде долга кога се носи пуштена, и кратка ако уште еднаш се префрли околу вратот.

И сега погледнете што ќе добиете … добивате марама налик онаа на прекрасната Хајди Клум.

Еве како до природни морски локни.

Состојки:

*1 шолја топла вода (не вриена) – Ако сакате да ја осветлите косата, како база наместо вода можете да користите чај од камилица, а ако сакате да ја потемните користете црн чај.

*2 лажички ситна морска сол

*1 лажица алое вера гел

*1/2 регенератор (ако имате мрсна коса не ставајте регенератот за дополнително да не ја замрсите) Погледнете го рецептот за природен спреј кој ги негува и ги дефинира локните.

*По избор: Неколку капки етерично масло за убав мирис и ако сакате да ја осветлите косата додајте 1 лажица сок од лимон

Подготовка:

Сите состојки ставете ги во шише со прскалка и матете една до две минути, се додека солта не се стопи. Ако сте користеле чај како база или сте додале сок од лимон, спрејот чувајте го во фрижидер, а ако не сте, спрејот слободно можете да го држите на собна температура. Може да се користи 3 – 4 месеци.

Фустан од марама кој сите ќе посакаат да го имаат

Кога сте на одмор сакате да уживате и да се одморите, но и да ви биде пријатно и удобно шетајќи се по долгите плажи или пристаништа. Па така често одбирате едноставни парчиња за да ги облечете. 

Овој пат, ви нудиме од марама да направете фустан. Сè што ви е потребно е една поголема марама и белегзија. Обвиткајте се со марамата на тој начин што краевите ќе дојдат нанапред, отприлика над градите, како што е прикажано на фотографијата.

Земете го едниот крај од марамата и обвиткајте го преку белегзијата, а истото направете го и со другиот крај.

Подигнете ги и двата краја на марамата, како на фотографијата.

Потоа само заврзете ги на вратот.

Веќе сте подготвени за следната прошетка. Фустанот не само што ќе ве освои вас, туку и останатите ќе посакаат да го направат.