НАПРАВИ САМ : КОЖНА СУКЊА „MUST-HAVE “ ПАРЧЕ ЗА ОВАА ЕСЕН

Модните трендови навестија дека кожата ќе биде материјалот кој ќе ја одбележи престојната есен/зима 2013/14…Kожната сукња е „must-have“ парче во плакарите на верните следбеници на модата…Затоа, не чекајте и вие направете си ја !

Направи сам: ориентален аксесоар за коса

Овој тренд е прилично нов, а доколку ви се допаѓа, не морате да тргнете во портага низ продавниците за да најдете сличен, туку можете да го изработите сами. Изгледа интересно и ориентално, а се што ви е потребно е:

-Клешта за накит

-2 шноли-чешлиња

-Неколку видови на синџири во нијанса по ваш избор

-кружни спојувалки за синџирите

Постапката на изработка е многу едноставна, а финалниот аксесоар ќе го имате за само неколку минути. Се што треба да направите е да ги прикачите краевите на синџирчињата со двете шноли, а потоа да си направите фризура како од фотографијата погоре.

За вториот модел на овој аксесоар за коса, ќе би биде потребно:

- еластично венче

-клешти

-повеќе тенки синџирџиња

На секое прекршување од еластичното венче аплицирајте го едниот крај на синџирчето, а другиот оставете го да виси. Во зависност од вашиот вкус, направете го повеќе или помалку богато со синџирџиња.

Направи сам: Ефектна алка од ластик за коса и синџир

Понекогаш аксесоарите што можеме да ги изработиме сами се толку лесни за изведба, а со максимален ефект. Баш таков пример е оваа алка која освен на рака може да се носи и само како ластик за коса, со тоа што веќе добива двојна улога. Се што ви е потребно е:

-Ластици за коса во боја

-Синџир во златна или сребрена нијанса

-Клешта за накит

Изработката е многу едноставна. Краевите на синџирот отворете ги од двете страни и прикачете го ластикот, а на крај само прицврстете ги со клешта. Погледнете ги фотографиите и пробајте.

Направи сам: Нокти со мачиња

За денешен дизајн на вашите нокти одбравме мачиња. Погледнете ја сликата подоле и обидете се. Лесно е и едноставно.

И никако не заборавајте да ни постирате слики од нив.

Направи сам: Ланче со бисери

Аксесоарите кои ги носиме не мора секогаш да се купени од продавница. Некогаш можете да експериментирате и да направите сами нешто ново и уникатно. За да го направите ова ланче потребно е:

• Материјал по желба
• Бисери
• Рибарски конец
• Игла

Измерете колку материјал ви треба, со тоа што треба да планирате дел и за позадината од која ќе врзете машничка. Вденете ја иглата и еден по еден нижете ги бисерите помеѓу кои ќе стои материјалот. Зашијте на крајот и имате ново ланче

Направи сам: ракавици скроени по ваш терк

Чувството да имаш себе креација што сам си ја создал, е неповторливо. Така ќе бидете единствени и ќе уживате во многу комплименти за уникатното дело. Дури и да не сте вешти со ножиците и иглата, денес ќе ви објасниме како сами да ги трансформирате старите ракавици во нови или на обичните нови ракавици да им дадете сопствен печат.

Потребни состојки:

Еднобојни ракавици, ножици, игла, конец и декоративни елементи, украси, панделки, копчиња, бисери или монистра, во зависност од вашите потреби, замисли и желби.

Прво исечете ги прстите на ракавиците, а потоа,  горниот дел од исечените прстите свијте ги навнатре и зашијте го за да создадете раб, како ракавиците во иднина не би се разресиле, ако добро маневрирате со машина за шиење, изработката ќе виде пофина. Ако пак, немате добри шивачки вештини, тогаш можете да купите ракавици на кои прстите им се веќе исечени.

Следува последната фаза, онаа најкреативната, декорирањето на ракавиците. Во продолжение еве неколку начини и идеи како можете да  ги украсите вашите ракавици. Следете го вашиот стил, внимавајте декорацијата да ви биде во согласност со бојата на вашата гардероба, фантазирајте, отворете неколку интернет страни видете ги предлозите таму и одлучете која варијанта е најсоодветна за вас. Среќно!

http://www.kafepauza.mk/zivot/napravete-sami-torba-za-na-plazha-koja-ne-sobira-pesok/" rel="nofollow - Направете сами: торба за на плажа која не собира песок

Летото е период од годината, во кој сите мечтаеме да ни исчезнат обврските, за да можеме да отидеме на плажа и да уживаме додека сонцето нè разгалува и топли, а водата нè освежува. Единствена мана, е тоа што кога сонцето ќе зајде и ќе се упатиме кон сместувањето, целиот песок од торбата за на плажа, го пренесуваме внатре.

http://www.iguana.com.mk/ponuda/39/605-2013-02-22-10-50-49" rel="nofollow">

Блогот „ http://pm-betweenthelines.blogspot.com/" rel="nofollow - Between the Lines “ нуди решение на тој проблем, со мрежестата торба за на плажа, која многу лесно можете да ја сошиете сами, ќе ви трае речиси засекогаш и драстично ќе го намали количеството песок кое ќе го донесете дома од плажата. Едноставно само протресете ја кога ќе си заминувате од плажа. Плус, поради циркулацијата на воздухот, ќе ви се сушат и мокрите пешкири во неа. Генијална е!

Потребни материјали:

• Комарник, нов или користен со должина 66×100 сантиметри
• Парче пластика, дрво или картон за фиксирање на дното, со големина од 13×51 сантиметри
• Мушама, нова или користена, за обвивање на парчето пластика/дрво/картон и за шиење џепче за дреболии
• Памучна трака со која ќе ги декорирате внатрешните рабови на торбата и џепчето
• Патент со должина од 15 см за џебот
• Кожни ленти за рачките (доколку не можете да најдете кожа, можете да употребите парче од мушамата или друг материјал кој вам ви одговара)
• Силни нитни за прицврстување на рачките за торбата
• Перфоратор
• Ножици, конец
• Машина за шиење

Составување на џепчето

1. Од мушамата исечете:
 

• правоаголник, со големина 17х6 сантиметри
• правоаголник, со големина 17х28 сантиметри

2. Најпрво на двата краеви од патентот зашијте мали парчиња памучен материјал за декорација. Наместете го патентот свртен да се отвора од десно кон лево. Свртете го патентот со лицето кон лицето на малото парче од мушамата и зашијте го горниот дел. За долната страна од патентот зашијте го големото парче мушама, притоа повторно свртени лице со лице. Ставете по еден штеп на двете долги страни од патентот за да стои мушамата полегнато.

3. Потоа превиткајте го големото парче одоздола, за да се соединат рабовите на малото и големото парче. Со конец затворете ги двете странични рабови на 0,5 сантиметри од крајот на мушамата и врз нив сошијте украсна трака. Врвот на џепчето нема потреба да го шиете, бидејќи тој ќе биде зашиен за внатрешниот раб на чантата.

Составување на торбата

4. Главни рабови – На пократката страна од комарникот, подвиткајте 3 см од работ, а потоа превиткајте уште еднаш во дупло. За да не ви бега мрежата, придржете ја со спојувалки и притиснете го работ убаво, со некој потежок предмет. Сошијте го работ и повторете ја постапката кај другиот пократок раб, но не заборавајте убаво да го центрирате џепчето, пред да го зашиете за работ.5. Странични рабови – Превиткајте ја мрежата на половина, со тоа што порабоувањето да дојде од внатрешната страна. Сошијте ги страничните рабови, на 0,5 см од крајот. Потоа, зашијте им трака за да ги украсите.6. Формирање на дното – Превртете ја торбата наопаку и фатете ги двете долни ќошиња. Држете со палците одозгора, а со средните прсти подраширете и легнете ја на рамна површина. Треба да го гледате дното на торбата, а страничните штепови да ви бидат одоздола. Проштепувајте ги левото и десното ќоше така за да се формираат триаголници. Триаголниците може потоа да се отсечат, на 5 мм од штепот.

7. Изработка на стабилизаторот за дното – За да го изработите дното, исечете две еднакви парчиња од мушама, еден сантиметар пошироки во сите страни од парчето картон, тенката пластика или дрвото што го имате најдено. Сошијте три страни, оставајќи ја едната куса страна несошиена и потоа превртете ја мушамата од лице и вметнете го внатре дното кое сте го обезбедиле. Потсечете ги малку четирите агли од правоаголникот, за да може убаво да легне дното во торбата.8. Прикачување на стабилизаторот со дното – Вметнете ја пластиката на дното од торбата. Едниот краток зашиен раб од добиениот производ, сошијте го за торбата. Украсете го со трака. Отворената страна којашто ја оставивте, не ја сошивајте за торбата, за да можете да го извадите картонот/пластиката/дрвото од џебот, кога ќе ја перете торбата. Тоа значи дека дното ви е прицврстено само за едната куса страна од торбата.9. Прикачување на рачките – Одлучете каде треба да дојдат рачките. Направете соодветни дупчиња и на рачките и на самата чанта со перфоратор. Зацврстете ги рачките за чантата со помош на нитни.Забелешка: Бидејќи големината на нитните никогаш нема перфектно да одговара на дебелината на употребениот материјал, надоместете ја разликата со тоа што ќе додадете едно мало парче кожа или некој друг материјал на задната страна. Ова истото така и ќе му додаде дополнителна цврстина на веќе употребениот материјал.

http://www.crnobelo.com/zabava/interesno/17363-napravi-sam-cvetna-narakvica" rel="nofollow - Направи сам - Цветна нараквица

Денес ќе ви покажеме како сами да направите уникатна цветна нараквица, која може да ja носат невести, деверуши, матурантки и сите оние девојки кои сакаат цвеќе.

Она што ви е потребно за да ја направите оваа нараквица е цвеќе, гранчиња, жица, украсна лента, лепило и две парчиња картон исечени кружно со дијаметар од 2 см.

На парче картон нанесете лепило и залепете го гранчето и цветот. Оставете да се исуши. Украсната лента намотајте ја околу жицата и залепете ги краевите за жицата. Со другото парче картон прицврстете го и букетчето за да не падне под тежината.

Подолу ви нудиме пример на нараквица со ружа, а можете да употребите и било каков друг цвет.

Направете сами: едноставни домашни маски против акни

Лицата кои имаат проблематична кожа заради акните се во постојана потрага по производи кои можат да ги ублажат нивните симптоми или да ги прекријат непријатните црвени дамки.

Освен што постојат многу козметички препарати, на располагање ви се неколку намирници кои ве чекаат дома, во фрижидерот или на некоја од полиците во кујната.

Маска од овес

Овесните снегулки се користат за ублажување на црвенилото предизвикано од акни и за смирување на кожата. Се мешаат две супени лажици овес со неколку лажици вода додека не се добие кашеста смеса. Пробајте да ја додавате водата постебено за да не стане премногу ретка.

Лицето темелно исчистете го, нанесете ја овесната каша и оставете да делува 25 минути. Измијте го лицето со млака вода и избришете го полека со нежно тапкање на пешкирот.

Маска со домати

Благодарение на доматите (кој е вистински „рудник“ на антиоксиданси), ќе имате тен кој зрачи од топлина, а истовремено ќе се ослободите и од масните наслаги на површината на кожата. Излупете ја кората од доматите , изгмечете ги и додадете една супена лажица лимонов сок. Добро промешајте ја смесата и нанесете ја на лицето. Оставете да дејствува додека не се исуши.

Домашен пилинг од цитрон за кожа без брчки

Цитронот е надалеку познат по својата улога во губитокот на килограмите, но дали знаевте дека ова чудесно овошје помага кога е кожата во прашање. Кога се применува локално, лимоновата киселина ги отстранува мртвите клетки од кожата со цел да добие посветол изглед. Цитронот исто така содржи алфа хидроксилна киселина – состојка која ја зголемува цврстината на надворешниот слој на кожата, што значи дека ќе имате помалку брчки.

Потребни состојки:

1 чашка шеќер

1/4 шолја маслиново масло

2 лажици сок од цитрон

Подготовка:

Измешајте ги состојките, натопете ги прстите со вода и потоа нанесете ја смесата на лицето со масирање и тријте две минути. После тоа, исплакнете со топла вода.

Забелешка: Доколку имате чуствителна кожа или исекотини на вашето лице, не би требало да го испробате овој пилинг, бидејќи е можно да дојде до иритација.

http://www.crnobelo.com/zabava/interesno/17375-napravi-sam-unikatni-maski-za-mobilen-telefon" rel="nofollow -

Постојат неограничен број на маски кои ги чуваат нашите мобилни телефони во секој момент кога постои голема опасност од оштетување. Но, зошто маската да не биде ваша уникатна декорација и препознатлив белег?

Постојат голем број на идеи и начини едноставната маска да ја претворите во уметничко ремек - дело.

Користете многу материјали и бои на кои не можете да им најдете друга намена и започнете ја оваа креативна авантура.

Ова се најдобрите идеи кои може да ги направите за само неколку минути...

-------------
Јакиот човек има само една слаба страна-жената што ја сака!

Усните се доста чувствителен дел од лицето во екстремни временски услови како многу ниски или пак, многу високи температури. Заради тоа, тие треба одвреме-навреме да бидат негувани со посебни третмани и пилинзи за да се излупи застарената кожа и тие повторно да бидат меки и нежни.

Ние ќе ви покажеме едноставен начин како да направите ваш, органски пилинг за усни со помош на неколку состојки кои воопшто не се тешки за набавување.

Она што ќе ви треба е :

• чисто кокосово масло
• кафеав шеќер
• мед
• кафена лажичка
• супена лажица
• тегла
• длабока чинија за мешање

1. Осигурајте се дека густината на кокосовото масло е доволно дебела за да се нанесе на кожа, но и доволно мека за да може да се земе со лажица. Доколку маслото е премногу мрсно, ставете го 10-20 минути во фрижидер, а доколку е поцврсто, сместете го во топла вода 5-10 минути додека да подомекне.

Искомбинирајте една полна супена лажица кокосово масло со една супена лажица мед во чинијата. Покрај тоа што мириса извонредно, кокосовото масло е многу корисна природна состојка за производи за тело и кожа. Тоа содржи масни киселини и антиоксиданси  кои ја навлажнуваат и негуваат кожата, а додека медот содржи состојки кои чистат и регенерираат.

2. Измешајте ги двете заедно додека не добиете една и единствена густа смеса без грутки. Ова ќе служи како основа за пилингот.

3. Додадете две полни кафени лажички кафеав шеќер во основата и мешајте. Шеќерот не само што има фантастичен вкус, туку е одличен природен пилинг бидејќи не е многу груб и ја остава кожата мека на допир.

4. Додајте уште една кафена лажичка од кокосовото масло во смесата за да се омекне и да се навлажни уште повеќе. Префлете го пилингот во тегличка или мало кутивче.5. Пилингот кој може и да се јаде ќе трае до две недели доколку седи во фрижидер. Пред употреба, пилингот нека отстои околу 10 минути на собна температура за малку да омекне. Нанесете ја смесата со мали, кружни движења и правете го тоа 1-2 минути и избришете се со мека крпа.Сега имате сопствен пилинг за усни кои можете да го направите во секое време. Едноставно, нели?

Шест супер додатоци што можат да се направат од машка вратоврска

Во продолжение погледнете шест врзи начини на кои што можете да ја претворите машката мода, во женско симпатично парче.

Алка

Чанта

Крагња

Брош

Коктел фустан

Направи сам-торба за плажа

На секоја девојка и е потребна голема, практична торба за на плажа која ќе се вклопува добро со бикините, наметката и сандалите. Најчесто треба да е практична за да ги собере сите тракатанци за еден ден на плажа, но и во чекор со моменталните трендови.

Во продолжение неколку предлози како може сами да изработите торба по ваш вкус и мерка.

Голема платнена торба

За оваа торба е потребно платно во некоја неутрална боја во ваш вкус, а сидрата и ѕвездите може да ги нацртате или залепите од сосема поразличен материјал. За рачки доволно е да одберете некое дебело јаже, коноп или интересен материјал.

Жолто бела торба

Ова е најобична торба, но ако додадете некој интересен материјал во јака боја и може да изгледа супер. Во овој случај, доволно е да додадете 3 или 4 ленти во жолта боја, да го залепите или зашиете и торбата за на плажа ќе добие сосема нов изглед. Внатрешниот џеб направете го по вашите потреби, по мерка на телефонот или голем џеб во улога на преграда.

Торба со кожни рачки

Уште една верзија на претходната торба, но овој пат ставате кожни рачки наместо платнени. Внатрешните џебови направете ги по потреба и поигрувајте си со дезените и боите.

Мал вез

Ако не сакате да ја лепите или менувате премногу, тогаш вашата постоечка чанта само одвежете ја со некој интересен вез кој можете да го зашиете со игла и конец.

Торба без шиење

За овој проект ви е потребен весел материјал и дебел коноп од кој ќе ги изработите рачките. Доволно е материјалот да го залепите од трите страни, а од четвртата да го протнете конопот низ 4те дупки за рачки.

Торба со линии

Најдете обична торба и на неа нацртајте линии во една или повеќе бои со различна големина и ќе добиете тренди модел наместо обичен.

Пешкир торба

Додајте рачки на завршетоците од пешкирот, добро испланирајте како ќе се преклопува и закопчува (најдобро е со мали нитни на барем две места) и ќе добите модерна пешкир торба.

Плетена торба

Обичната плетена торба која нема шарм и изгледа малку старо, обојте ја со некоја боја или додадете и некој материјал. Во истиот момент ќе добиете нова, свежа и модрена чанта.

Изолир лента

Верувале или не, оваа чанта е направена од малку подебела кеса украсена со ленти за изолир. Ова докажува дека може да употребите голема креативност и ако го имате основниот материјал ќе добиете модерен и уникатен аксесоар за плажа.

Транспарентна торба

Транспарента торба од мрежи за прозорци е нешто на кое сигурно не ви текнало. Со само малку сошиена мрежа за прозорци и неколку украси и можете да добиете многу добар ефект.

Направете сами: Мултипрактична наметка за секоја прилика

http://falanga.com.au/ova-e-vistinskoto-neshto-napravete-regenerator-za-kosa-od-maslinovo-maslo" rel="nofollow - Ова е вистинското нешто: Направете регенератор за коса од маслиново масло

http://falanga.com.au/ova-e-vistinskoto-neshto-napravete-regenerator-za-kosa-od-maslinovo-maslo" rel="nofollow -

Доколку одлучивте да ја намалите употребата на разни вештачки препарати, ова ќе биде вистинска работа за вас..

Ставете мала количина маслиново масло на дланките, па протријте ги за да се намрсат рамномерно. Сега тоа протријте го на деловите од косата каде што е најпотребно, на пример на краевите. Остатокот распоредете го на другите места, но избегнувајте го коренот.  Оставете 10 минути за косата да впие, а потоа исчешлајте ја и обликувајте фризура. Со тоа што ќе го впие маслото, ќе и даде тежина на лесната коса.

За сува коса втријте 2 лажици маслиново масло од коренот кон врвовите. Натопете крпа во врела вода, исцедете ја и замотајте ја околу главата во турбан, па оставете да делува 30 минути. Потоа измијте ја со шампон и обликувајте си ја фризурата. Ова ќе ја регенерира длабински, ќе и даде мекост и сјај.

http://falanga.com.au/domashen-losion-za-problematichna-koza-na-liceto-lechi-akni-i-bubulici" rel="nofollow - Во својот состав содржи етерични масла, минерали и органски киселини.

За лековитите својства на ловоровиот лист знаеле уште нашите предци кои го користеле за лечење на многу кожни болести

Ловоровиот лист против акни и бубулици е природен антисептик, кој овозможува чистење и дезинфекција на кожата.

Во својот состав содржи етерични масла, минерали и органски киселини, кои и овозможуваат одредено делување на бубулиците и на целиот организам во целост.

Помага во елиминација на бактерии, го намалува воспалението, предизвикано од акни и бубуљици.

-Ловоровиот лист го подобрува тонусот на кожата, има ефект на хидратација.

-Ги лечи раните на кожата и содржи имуностимулационо делување, благодарејќи на кое се нормализира работата на сите органи.

-го подобрува варењето, го смирува нервниот систем, лечи од заболување на зглобови и наслаги од сол.

Во домашни услови можете да направите лосион за проблематична кожа на лицето, кој е мошне ефикасен во борбата со акните и бубуљиците.

Ви предлагаме 2 рецепти,

 Ефикасен лосион за акни и бубулици

За подготовка на овој лосион ке ви бидат потребни 3-4 листа ловор (сув) и чаша вода (200мл)

-Ловоровиот лист полијте го со вода и ставете го на шпорет, да проврие.

-Намалете ја јачината на шпоретот и варете уште 5-7 минути.

-Изладете го и ставете го во однапред припремено шише.

Овој лосион може да се користи за секојдневно бришење на лицето, наутро и навечер.Се препорачува на лица со проблематична и масна кожа.

 Втор рецепт за лосион од ловоров лист

-Однапред издробените листови од ловор (сув) , се полеваат со ракија или медицински алкохол (52%) во сооднос 1:1.

-Оставете го да одстои на собна температура 5-6 дена.

Потоа лосионот е спремен за користење. Овој домашен лосион за бришење се користи секој втор ден, наутро и навечер.

Не само што помага за елиминација и воспалителниот процес, туку е мошне ефикасен и во борбата со пигментните флеки, и со самото тоа го израмнува тенот.

-------------
Јакиот човек има само една слаба страна-жената што ја сака!

http://falanga.com.au/domashen-krem-protiv-brchki--fantastichen-efekt-za-7-dena" rel="nofollow - За жал, појавата на брчки е неизбежна кај секоја жена..

И со нивното доаѓање почнуваме френетично да се бориме, со помош на разни кремови, методи и козметички третмани. Но, дури и најскапите креми не ни гарантираат целосно ослободување од овие козметички недостатоци , особено што кожата многу брзо се навикнува на купечките креми и не секогаш има соодветни резултати.

Ако имате време и желба да подготвите домашен крем против брчки , тогаш можете да ги искористите предностите на оваа одлична рецепта.

Оваа домашна крема е совршен лек за кожата: хидрира, го израмнува тенот, ги намалува брчките и стареењето на кожата. Нејзината предност – се природните состојки и безбедноста. Погодна за сите типови на кожа.

Резултати се видливи веќе за 7 дена. Оние кои се однесуваат со почит кон нивната кожа, овој крем ќе го засакаат . Рецептот е лесен и навистина неверојатен.

Домашен крем против брчки- Рецепт:

За да го подготвите овој крем ви биде потребно:

- 1 свежа жолчка од јајце

- 2 лажици бадемово масло ( може да го замени маслиново )

- Половина лажица квалитетен мед (било кој)

- 2 лажички медицински вазелин

Подготовка:

Вазелинот се растопува на водена пареа. Тоа ќе потрае неколку минути.

Го тргаме од шпоретот и ги додаваме другите состојки : медот , жолчката од јајце и маслото.

Сите состојки темелно се мешаат . Мешајте неколку минути додека не добиете хомогена смеса.

Ставете ја смесата во една кутија, може во кутија од стара крема, ќе биде доволна кутија од 50 мл.

Со лесна масажа се нанесува на чиста кожа. По 30 минути отстранете ја кремата со памукче натопено во минерална вода ( кисела) или влажно шамивче за лице.

Забелешка: Кремот се апсорбира во кожата повеќе од еден час , така што треба да се нанесува на лицето 2 часа пред спиење.

Чувајте ја кремата во фрижидер. Кога ќе се потроши , и ако сте задоволни , направете си нова доза. Овие состојки се природни, и не правете двојна доза одендаш , за да не се расипе.

-------------
Јакиот човек има само една слаба страна-жената што ја сака!

http://falanga.com.au/dve-ispitani-recepti-za-otstranuvanje-na-brchki-pod-ochite" rel="nofollow -

Брчките под очите можат да се појават од различни причини и во по млада возраст..

Тоа зависи од здравствената состојба, од шминката или просто од гримасите кои често ги правиме.

Кожата околу очите е многу тенка и чувствителна, така што брчките на неа многу брзо се појавуваат. Следните природни рецепти ќе ви помогнат во грижата за проблематичната зона околу очите.

Во топло млеко ставете срединката од лепчето, и направете мека каша. Нанесете ја околу очите и почекајте 15-20 минути. Потоа исплакнете со топла вода.

Измешајте 1 белка од јајце со една лажица мед и една лажица брашно, но претходно истопете го медот на пареа, за да го направите течен. Нанесте околу зоната на очите и почекајте 10 минути. Потоа убаво исплакнете со вода.

http://falanga.com.au/napravete-sami-osvezuvach-za-telo" rel="nofollow -

Освежувачот за тело е идеален за оние кои се излезени поголем дел од денот. Наместо за него да плаќате, можете и самите да си го подготвите. 

Подготовката е многу едноставна. За само неколку минути ќе имате прекрасен освежувач кој може да го понесете со себе каде и да одите.

180 мл дестилирана вода

25 капки етерично масло од лимон и портокал

Измешајте ги овие состојки во боца со распрскувач. Измешајте пред употреба. Не го користете во близина на очи.

http://falanga.com.au/domashen-losion-od-koj-kosata-povekje-nema-da-opagja" rel="nofollow -

Пред да посегнете по хемиските средства, помогнете си со некои природни средства.

Не ретко се случува да се соочуваме со овој проблем, опаѓање на косата. Пред да посегнете по хемиските средства кои се наменети токму за опаѓање на косата можеби и може да си помогнете со некои природни средства. Обидете се со лосионот кој може и самите да го подготвите дома.

Потребни состојки за домашниот лосион се:

15 лажици сува коприва ситно исецкана

5 лажици цвет од камилица

300 мл вински оцет

Начин на подготовка:

Во 1,2 литри вода која врие ставете ја копривата. Потоа поклопете, тргнете го садот од оган и оставете нека стои два часа. По два часа ставете го садот повторно на оган и кога ќе се стопли ставете ја камилицата. Тргнете од оган и оставете нека отстои уште два шаса. Потоа процедете и додадете го винскиот оцет.

Секоја втора вечер мачкајте се со овој лосион. Или правете го тоа кога знаете дека ќе бидете дома.

За да ефектот биде поголем потребно е и да се масирате со лук, но поради силниот мирис многу често го избегнуваме. Затоа практикувајте го лосионот, но бидете редовни за да постигнете резултати.

-------------
Јакиот човек има само една слаба страна-жената што ја сака!

http://www.crnobelo.com/zivot/zdravje/22383-najdobri-domasni-lekovi-za-podueni-podocnici" rel="nofollow - Најдобри домашни лекови за подуени подочници

Надуените подочници се еден од најчестите утрински проблеми на жените. Косата може да се исчешла, акните може да се покријат со коректор, но подуени кесички под  очите не можат да се скријат ниту со најдобрата пудра.

Затоа, погледнете како да ги спречите подочниците, но и како да ги излечите со помош на домашни состојки.

Ладни краставици

Краставиците одамна се користат како лек за подуени подочници. Сигурно сте виделе дека жените тоа го прават. Краставиците содржат многу антиоксиданси и флавоноиди кои помагаат за црвенилото, отоци и иритација.

Едноставно, исечкајте ја краставицата на тенки кругови, кои ќе ги ставите на очите. Оставете ги да отстојат 30 минути и веднаш ќе се чувствувате посвежо и подмладено.

Свеж компир

Наместо краставица може да користите и свеж изладен компир. Тој подолго останува ладен и содржи соединенија кои може да ви помогнат во отстранувањето на вишокот течности од подочниците.

Компирот можете исто како и краставицата да го исечете на кришки или ставете го во блендер и добиената смеса ставете ја на тенка газа, па направете облоги за уморни очи.

Млеко

Често се користи за оваа намена, а најдобро делува полномасното млеко. Едноставно натопете парче вата во ладно млеко, исцедете го вишокот и ставете ја на очи. Оставете ја да отстои десетина минути и ќе видите дека отоците спаднале.

Зелен или црн чај

Кесичките со чај се уште еден популарен домашен лек против подуените подочници. Црниот и зелениот чај содржат кофеин кој ги смирува крвните садови во кожата околу очите.

Исто така, кесичките со чај ја поттикнуваат циркулацијата. За да го направите овој третман , ставете две кесички чај во топла вода и оставете ги да отстојат неколку минути. После тоа извадете ги кесичките и оставете ги да се изладат.

Ладните кесички ставете ги на очите и оставете ги да делуваат околу 15 минути. Правете го ова двапати неделно и ќе видите како кожата околу очите ќе почне да ви се затегнува.

Камилица

Камилицата не содржи кофеин, но затоа е позната по своите антибактериски и антиинфламаторни својства. Се користи за лечење на многу болки, но и за подочниците е одлична, бидејќи го намалува црвенилото и ги одмора очите.

Белка од јајце

Одвојте ја белката од жолчката и изматете ја добро додека не стане цврста и пенеста. Најдобро е тоа да го направите со миксер. Таквата смеса нанесете ја со прсти на подочниците и оставете ја да делува околу 15 минути. Додека белката се суши, ќе почувствувате како кожата ви се затегнува.

http://falanga.com.au/napravete-maska-od-luk-i-podmladete-se-za-20-minuti" rel="nofollow - Маската од лук и помага на кожата да остане млада подолго време.

Маската од лук и помага на кожата да остане млада подолго време и да добие свеж изглед. 

Миризбата не е многу пријатна, и да се направи таква процедура не е лесно, но затоа пак, оваа маска е неверојатно ефектна. 

Земете една мала главица лук и изрендајете ја. Додадете една супена лажица бела глина и една мала лажичка мед. 

Нанесете ја маската на лицето и чувајте ја 10 минути. На крајот измијте го лицето со ладна вода.

-------------
Јакиот човек има само една слаба страна-жената што ја сака!

http://falanga.com.au/odlichna-maska-za-chistenje-na-porite" rel="nofollow -

Маската можете сами да ја подготвите.

Речиси не постои жена која немала проблем со „запушени" пори. Тоа е неизбежен и природен процес. Темните точки на вашето лице се составени од себиум и мртви клетки од вашата кожа. Можеби не изгледаат најдобро, но за среќа постои начин на кој тие можат да се исчистат - со едноставна маска за лице која можете да ја направите дома. 

Потребно:

1 лажица желатин

2 лажици вода

Подготовка: 

Желатинот и водата измешајте ги во мала стаклена здела и ставете ги во микробранова печка на 7 секунди. По 7 секунди смесата би требало да биде глатка и доволно густа да се лепи на вашата кожа. Маската нанесете ја на претходно исчистена кожа.  Почекајте да се исуши (околу 20 минути) и потоа исплакнете.

-------------
Јакиот човек има само една слаба страна-жената што ја сака!

http://www.crnobelo.com/zivot/moda-i-ubavina/17858-domasen-spa-tretman-so-kivi" rel="nofollow - Домашен спа третман со киви

Кивито е интересна и корисна овошка за оние кои сакаат да ги ублажат брчките на лицето и да ја зачуваат еластичноста на кожата. Ова егзотично овошје е богато со витамин Ц, поточно едно киви ви е повеќе од доволно за да ги покриете дневните потреби на овој витамин.

Високото количество на витамин Ц ја регенерира кожата, па затоа маската од киви е препорачлива за сите оние кои имаат над 25 години, добата кога количината на колаген и еластин во кожата опаѓа.

Постојат неколку варијации на маските од киви.

Ефикасна е маската од свежи кругови киви поставени на целото лице. Доволно е да дејствуваат околу 10тина минути за да забележите огромна промена. По оваа маска од свежо киви, задолжително исплакнете го лицето со млака вода и нанесете хранлива крема.

Можете да направите и мешавина од пасирано киви и половина банана. Одлична храна за кожата, која е доволно да делува 15-20 минути пред да ја исплакнете.

Кивито и медот се исто така добитна комбинација за оние кои сакаат да ја сочуваат меката и еластична кожа. Леплива и вкусна маска која за само 10тина минути ќе го постигне посакуваниот ефект.

Егзотичната маска од киви, маслиново масло и путер од кокос, освен тоа што мириса одлично, на кожата и дава доволно хранливи материи за претстојната седмица. Што значи, доволен е еден ваков третман неделно, од само 15 минути за да ја зачувате младоста.

http://falanga.com.au/domashen-piling-za-telo-od-kafeav-shekjer" rel="nofollow - Препорачан е од страна на луксузниот спа-центар во хотелот Dove Mountain, Аризона..

Едноставен да се направи по дома и суперевтин, овој пилинг за тело е многу понежен за вашата кожа од оние коишто се базирани на сол. Тој ќе ви ја подобри циркулацијата и ќе ви ги отстрани мртвите клетки од вашата кожа. Препорачан е од страна на луксузниот спа-центар во хотелот Dove Mountain, Аризона. 

Потребни состојки:

- 200 грама кафеав шеќер

- 150 грама бадемово масло

- 1 супена лажица витамин Е

- 1 супена лажица ванилин екстракт

Начин на употреба: 

Искомбинирајте ги сите течни состојки и потоа додадете го шеќерот. Можете да додадете и неколку капки етерично масло од рузмарин, кој е еден вид природен конзерванс кој ќе го одржува рокот на употреба на вашиот природен пилинг. Употребувајте го пилингот во када, пред да се туширате, триејќи го на вашата кожа, во кружни движења. Потоа измијте го шеќерот со тушот, но не го измивајте маслото со сапун, за кожата да ви остане свиленкасто мазна и да има совршена влажност.

Откако ќе го направите рецептот, можете да го складирате во стаклен сад со капаче, а истиот ќе можете да го користите во времетраење од околу 1 месец.

-------------
Јакиот човек има само една слаба страна-жената што ја сака!

http://falanga.com.au/kako-sami-da-si-napravite-techna-pudra" rel="nofollow - Секоја жена трага по идеалната пудра..

Секоја жена трага по идеалната пудра. Секогаш прв услов за совршен изглед на кожата на лицето е нејзиното негување, а потоа следи шминката. Совршената пудра е основен и најважен елемент на шминкањето, па затоа е многу важно да се комбинираат и бараат оние што најмногу одговараат на кожата. Ви ја прикажуваме постапката како од природни состојки и минерална пудра во прав да направите течна пудра.

Потребни состојки:

- минерална пудра во прав (нијанса и вид кој најмногу ѝ одговара на вашата кожа)

- масло за лице (бадемово, кокосово, маслиново…)

- некоја капка етерично масло

Начин на подготовка: 

Во еден сад ставете ја пудрата во прав и маслото, во сооднос 2:1. Мешајте додека не се растопат сите грутчиња. Додавајте пудра и масло додека не добиете густина која ќе ви одговара. Откако ќе ја добиете потребната густина, капнете некоја капа етерично масло.

Се нанесува како и секоја друга течна пудра, а можете да ја зацврстувате со нанесување на малку минерална пудра во прав, особено кога времето е повлажно или ако имате масна кожа.

-------------
Јакиот човек има само една слаба страна-жената што ја сака!

http://www.crnobelo.com/zivot/moda-i-ubavina/22545-napravete-sami-prakticna-nametka-za-sekoja-prigoda" rel="nofollow - Направете сами: Практична наметка за секоја пригода

Отсекогаш посакувавте да имате едно универзално парче облека кое ќе можете да го носите за секоја пригода, со маички, здолништа, над фустани?

Сега оваа желба може да ви се оствари за само 20 минути. Сè што треба да купите е парче материјал со боја по желба кое брзо и лесно ќе го претворите во наметка.

Материјалот треба да е растеглив, да паѓа и да е со димензии 150cm x 102cm.

Поставете го материјалот по должина, одбележете го делот кој ќе го исечете за рацете, на 30cm од краевите.

Добро затегнете, па пресечете линија од 10 до 15 сантиметри.

Раширете го материјалот и вашата наметка е готова.

Еве како можете да ја носите:

http://www.crnobelo.com/zivot/moda-i-ubavina/23594-interesni-letni-maicki-koi-mozete-da-gi-napravite-sami" rel="nofollow - - Интересни летни маички кои можете да ги направите сами

Употребете ја вашата имагинација и од старите маичка направете си комплетно нова, уникатна и модерна маичка која ќе обожавате да ја носите.

Со малку труд и креација вашата стара облека ќе добие нов изглед, а вие со сигурност ќе се издвоите од толпата и ќе го изразите вашиот стил и вкус за модата.

Додадете боја на белите маички, додадете тантела низ која ќе се проѕира дел од вашето тело, интересни или впечатливи нитни.

Сето тоа можете да го направите за кратко време, а денес издвоивме неколку интересни маички кои со сигурност ќе ве инспирираат:

1. Тантелата е секогаш одличен избор. На вашите секојдневни маички додадете тантела, а тоа можете да го направите додавајќи ја на средината или пак по краевите.

2. Маичка со гол грб во облик на срце. Оваа маичка е огромен хит и ова е нешто што морате да го имате. Истата се прави многу едноставно. Обложете ја маичката во форма на срце со украсена лента и зацврстете ја со лепило. Внатрешноста од срцето исечете ја со ножици.

3. Златести копчиња. Златести, сребрени, шарени и секаков вид на копчиња или нитни ќе изгледаат одлично на маичките. На вашата стара кошула или палто променете ги копчињата и ќе добиете целосно ново парче гардероба.

4. Модерна џинс маичка. Бидејќи џинсот е повторно во мода, пробајте да ја модернизирате вашата обична џинс кошула со тоа што ќе го отстраните целиот горен дел. Така ќе добиете кошула со голи рамена која изгледа секси и заводливо.

5. Маичка со циркони. Набавете впечатливи циркони или искористете некои делови од стар накит. Зашијте ги цирконите за кошулата онаму каде сакате и повторно добивате нова, модерна маичка или кошула.

6. Омбре маичка. Се прави многу лесно и потребни ви се два спреја во било која боја. Со потемниот спреј за ткаенина испрскајте го долниот дел од маичката, а веднаш над него измешајте и додадете од другата посветла нијанса на спреј.

http://www.crnobelo.com/zivot/ubavina/24099-kako-sami-da-napravite-zdravo-maslo-za-soncanje" rel="nofollow - - Како сами да направите здраво масло за сончање?

Летото пристигна, а со него и желбата за малку потемен тен. А, затоа што средствата во продавниците имаат голем процент на хемикалии, научете како сами да направите масло за заштита од сонцето.

Имате две можности - класично масло и масло со разладувачки ефект.

За класичното масло потребно ви е:

• ½ шолја бадемово или маслиново масло
• ¼ шолја кокосово масло
• ¼ шолја восок од пчела
• 2 лажици цинк оксид (се продава во сите аптеки)
• 2 лажици шеа путер
• Екстракт од ванила или етерично масло по избор, за мирис

Подготовка:

На тивок оган загрејте ги маслата и стопете го восокот. Додајте го путерот, а кога смесата ќе се олади додајте го цинк оксидот. Избегнувајте директно да вдишете дел од правот. Убаво измешајте и користете пред да се изложите на сонце.

Рок на траење: 6 месеци

За маслото со алое вера потребно ви е:

• ½ шолја алое вера гел
• 20 капки масло од морков
• 5 лажици масло од пченични никулци
• 5 капки масло од лаванда

Подготовка:

Помешајте ги сите состојки. Пред употреба примешајте и напрскајте на кожата.

Рок на траење: 6 месеци

Важно: Кога ги купувате маслата, обрнете внимание на тоа да се нерафинирани и ладно цедени. Во спротивно, имаат понизок заштитен фактор.

Домашен шампон за прекрасна коса без првут

Домашен крем за раце

Освежете ја вашата гардероба со чипка

Нaправете сами средство за отстранување на шминка!

Направете спреј за коса од морска сол

http://www.crnobelo.com/zivot/ubavina/24513-brz-i-ednostaven-napravete-sami-glamurozen-piling-od-ruzi-i-vanila" rel="nofollow - Брз и едноставен: Направете сами гламурозен пилинг од ружи и ванила

http://www.crnobelo.com/zivot/ubavina/25968-magijata-na-ruzmarinot-napravete-regenerator-za-mrsna-i-tenka-kosa" rel="nofollow -

Рузмаринот содржи состојки кои се лек за организмот. Во кујната го користиме како зачин, а во козметиката се користи како состојка за шампони и масла за тело.

Тенката коса станува мрсна за брзо време, се лепи за кожата и тоа не изгледа воопшто убаво, туку неуредно, а за сето тоа да се спречи косата мора да се зајакне.

Рузмаринот ја прави косата сјајна, ја храни и ја зајакнува, а освен тоа тој одлично се бори против првутот и паѓањето на косата.

Ако и вие имате проблем со тенка коса, како и коса која брзо се мрси, тогаш пробајте ги овие 2 рецепти кои ќе ви дадат совршени резултати:

1. Регенератор за тенка и мрсна коса

Состојки:  

• 1 кафена лажичка рузмарин
• 1 супена лажица камилица
• 1 супена лажица коприва
• 100 ml вода
• 1 супена лажица јаболков оцет

Подготовка:

Помешајте ги билките и прелијте ги со врела вода, а потоа додајте го јаболковиот оцет и оставете ја смесата да постои 10 минути и исцедете ја. Откога ќе ја измиете косата, со процедената течност масирајте ја косата и немојте да ја плакнете. Наместо камилица и коприва, можете да употребите мајчина душица во еднаква количина.

2. Лековито масло за мрсна и тенка коса

Состојки:

• 40 ml рицинусово масло
• 20 ml маслиново масло
• 10 g рузмарин
• 10 g листови од коприва

Начин на подготовка:

Сите наведени масла помешајте ги, а билките ставете ги во посебен сад со заоблено дно и полијте ги со маслата. Промешајте ја смесата и оставете ја да постои 2 дена затворена, а потоа исцедете ја. Нанесете на скалпот и кожата на главата, а потоа замотајте со фолија или најлонска кеса и оставете ја смесата да делува 2 часа. На крај, темелно измијте со шампон, а вашата коса ќе стане сјајна и здрава. 

-------------
Јакиот човек има само една слаба страна-жената што ја сака!

Како самите да си направите дезодоранс?

Направете сами одлична маска за длабинско чистење на порите

Мелем за здрави нокти

http://www.crnobelo.com/zivot/moda-i-ubavina/26588-napravi-sam-toplo-ponco-za-2-minuti" rel="nofollow -

Пончото оваа сезона е главен тренд кој задолжително треба да го набавите, или ако сте доволно креативни, сами да го изработите.

Потребен ви е еден поширок шал, остри ножички, игла и конец.

Започнете така што ќебето ќе го преклопите на половина, ако сакате пончото да е подеднакво и од предната и од задната страна. Или, можете предниот дел да го направите малку пократок од задниот, изборот е ваш.

Обележте ја средишната точка на преклопувањето и исцртајте линија колкав што сакате да биде отворот на вратот и рамениците.

Исечете ја обележаната линија. Со игла и конец (или машина за шиење, ако имате) порабете го засечениот дел.

Тоа е тоа! Вашето пончо е готово. Облечете дебел џемпер, тесни фармерки и високи чизми и подготвени сте за ново модно појавување!

http://www.crnobelo.com/zivot/moda-i-ubavina/19016-precekajte-ja-esenta-so-moderno-ponco" rel="nofollow - Овде  откријте неколку http://www.crnobelo.com/zivot/moda-i-ubavina/14120-esenski-trend-ponco-nametki" rel="nofollow -  тренди идеи  како да го носите вашето ново пончо.

-------------
Јакиот човек има само една слаба страна-жената што ја сака!

http://www.crnobelo.com/zivot/moda-i-ubavina/27314-kako-da-napravite-topla-kapa-od-stariot-dzemper" rel="nofollow -

Зимата полека пристигнува, а сигурно до сега го исчистивте гардероберот од џемперите кои веројатно никогаш веќе нема да ги облечете. Наместо да ги фрлите, зошто да не ги искористите?

Плетените џемпери одлично може да ви послужат како материјал за неколку нови капчиња кои ќе ги износите во студените денови кои следуваат.

Потребни ви се ножички, метро, лепак или игла и конец и стариот топол џемпер.

1 чекор: Измерете колкава висина сакате да има капата и пресметајте дополнителен 1 сантиметар за порабување, па исечете ја долната страна на џемперот. Ако сакате модел кој ќе се набира, исечете 10-15 сантиметри повеќе.

2 чекор: Исечете го работ од едната страна за да добиете долго парче материјал.

3 чекор: Измерете го обемот на вашата глава преку челото, па според тие мерки исечете го материјалот.

4 чекор: Превиткајте ја ткаенината 

5 чекор: Исечете го горниот дел за да добиете полукружен облик, па раширете ја плетката.

6 чекор: Превиткајте ја ткаенината на половина, а рабовите залепете ги или зашијте ги со игла и конец.

7 чекор: Отворете ја капата и спојте ги соседните рабови додека не го затворите отворот.

8 чекор: Превртете ја капата и пробајте ја!

-------------
Јакиот човек има само една слаба страна-жената што ја сака!

Маска од аспирин за подкожни влакна

Направете сами: Старата кошула со нов сјај

Од стар пешкир – до мек тепих за во бања… Извонредно !!!

Како да направите мини чантичка со прстен?