Бадникова и Божиќна трпеза

Состојки
500гр хељдини кори
фил
2 страка сецкан праз
1-1.3кгр сецкана зелка од расол
1лажиче ленено семе
сол и бибер, масло
смеса за премачкување
250мл кисела вода
40мл масло
3 лажици брашно
30гр пресен квасец
1/4лажиче сол
1/4лажиче шеќер
50гр сусам

Брза, вкусна, посна пита

Прво се спрема кашичката за премачкување на корите. Се остава на страна.
Сега на загреано масло се пропржува сецканата зелка од расол околу 45 минути.
Се додава и сецканиот праз па се пржат уште 10 минути.
Се додава леленото семе и сол и бибер по вкус.
Во правоаголна тава се става една кора, со четка се премачкува со смесата за премачкување и обилно се става од филот.
Постапката е иста до крај да се истроши целиот материјал.
сега питата се сече на коцки, се прелева со остаток од смесата за премачкување, се наросува со сусам и се печи околу 40 минути на 180 степени.

Уште сува лута потпечена пиперка и може да се јаде, ха, ха

Состојки
тесто
360гр брашно
15гр свеж кавасец
50мл масло
190мл топла вода
1 рамно лажиче сол
1 лажиче шеќер
фил
2 страка сецкан праз
2 лути суви пиперки
масло, сол, бибер, буковец

Во топлата вода го ставаме квасецот, шеќерот и малку брашно.
Оставаме да се активира.
За тоа време на загреано масло го пржиме ситно сецканиот праз да омекне.
Го зачинуваме со сол, бибер, буковец.
Потоа во вангличката ги ставаме солта, маслото и додаваме од брашното.
Замесуваме нелепливо тесто.
Го покриваме и оставаме да стои 15 минути.
Потоа го делиме на 4 дела, односно две помали топчиња и две поголеми.
Од двете погоилеми правоаголни топчиња сучиме правоаголни кори и им ставаме од пржениот праз.
Ги виткаме како ролат и ги ставаме едно до друго во округла тава бр 26, на која сме и ставаиле и хартија за печење.
Сега од првото округло мало топче расукуваме мала коричка.
Таа ја ставаме во средината кај двата круга.
Во остатокот од испржениот праз ги додаваме 2 лути сецкани пиперки.
Овој фил го ставаме на коричката.
Со останатото парче тесто расукуваме коричка и , малку поголемка , ја нанесуваме врз филот и правиме наборчиња.
Попрскуваме одозгора со малку масло.
Ја ставаме во загреана релна на 190 с. и печиме околу 25 минути.
Испечена ја вадиме на кујнска решетка, да подизлади, па потоа заедно со гравчето, малите посни прилепски сармички,ципурата,лепчето со паричка.... ја послужуваме на Бадниковата вечера.

Состојки
700 гр брашно
400-450 мл млака вода
2 лажички инстант сув квасец
1 лажичка шеќер
50 мл масло
2 лажички сол
Смеса за премачкување
20 мл масло
1/4 лажичка сол
10 мл вода
Дополнително - 50 гр маргарин и сусам за посипување и паричка

Прекрасната Бадникова погача е украс на Бадниковата посна трпеза. Зависно од тоа за колку луѓе ја спремате оваа погача, толкава е и количината на брашно што треба да се стави. Конкретно оваа количина е за повеќе луѓе и е подготвена за колегијална прослава на Бадник. Јас по дома кога си правам за Божиќна трпеза, ја правам со по 300-350 гр брашно, што значи сите овие состојки на половина.

1. Од сите наведени состојки замесуваме тесто и го оставаме да отстои на топло и да ферментира. Тестото треба да надојде и да се дуплира смесата.
2. Кратко се премесува и се делат топчиња, за колку што треба. Секое топче се премесува 2 пати. Јас конкретно поделив на 21 топче.
*На сликата подолу има погача и со 15 топчиња, да видите како изгледа редењето.
Во едно од нив ја ставив паричката, замотана во алуминиумска фолија.
*Кога си правам за дома си ставам турски алтан-златник, кој нема потреба да се замотува во фолија, бидејќи е златен.
3. Топчињата се редат во круг. Јас ги редев во округла тава Делимано Стоне Леџенд. Во таа тава рамномерно ми се пече лебот, не се лепи и добива прекрасна крцкава кора.
4. Погачата се остава да кисне уште 20-30 мин, зависно колку ви е топла собата. Откако ќе одкисне, се премачкува со смесата од масло, вода и сол, со помош на четка. Се наросува со повеќе сусам и се редат одозгора мали коцки маргарин. Се става во ладна рерна и тогаш се вклучува на 200 степени. Во периодот на загревање на рерната, погачата дополнително ќе нарасне и ќе стане уште повоздушеста.
5. Се пече на 200 степени, околу 15 мин, а потоа уште 10тина мин на 180 степени. Се зависи од рерна до рерна!
6. Печената погача се вади од тава, се префрла во чиста крпа и се остава малце да се излади.

Се послужува за Бадникова вечер или како што беше во овој случај за колегијална прослава на Бадник.

Среќни Божиќни празници!