Убаво измијте ги и исцедете ги парчињата стек и засечете на половина во дебелина, така што ќе добиете 4 парчиња со иста димензија само потенки. Секако, ако сакате ролните да ви се поголеми (како на пример за пречек како предјадење за гости, па сакате да ги исечите на парчиња и така да ги сервирате) тогаш не ги засекувајте стековите воопшто, ами такви и поголеми убаво исчукајте ги и направете си поголем ролат. Нам ни беа за ручек и секој си доби по едно парче во чинија =)

Најпрво јајцата со малку сол испржете ги малку . При тоа, цело време мешајте за убаво да се измешаат жолчките од белките.
Чајната колбасица и кашкавалот засебно исечете ги на поситни коцки. Стино исецкајте го и магдоносот.

Со помош на чук/чеканче за месо, убаво истенчете/исчукајте ги парчињата стек. Секое парче посолете го и премачкајте го со половина лажиче сенф (по желба и повеќе), врз него во линија скоро на средина на стекот распоредете од пржените јајца, а врз нив ставете од чајната колбасица и кашкавалот на коцки. Над сето тоа распоредете од магдоносот.

Почнете со ролање на месото, при што дел од страниците ке свиткате на внатре за да не истекува филот. Ролованото месо со фил одозгора измотајте го со тенки парчиња сланина.

Ставете го во огноотпорен сад со капак кој сте го премачкале со малку масло, попрскајте ги и нив одозгора со маслото и печете во рерна додека убаво не порумени слојот од сланината. Освен во рерна, можи исто така и на рингла да ги испржите без поклопување со капак.
Јас ги правев во Фестиво-то.

Ах, ќе изумев... па вие, можите слободно и по некое печурче да си насецкате во филот хехе...

Пилешките гради исечете ги на коцки.
Цитронот исцедете го и сокот претурете го во подлабок сад.
Додајте го соја сосот, карито, малку сол и црн бибер.
Измешајте ја смесата и додајте ги коцките пилешки гради.
Измешајте и покријте го садот со најлонска фолија.
Ставете го садот во фрижидер да отстои 6-7 часа.
Откако месото ке отстои во маринадата ставете го во тава со малку масло да се запржи, а потоа додајте го остатокот од маринадата.
Оставете да крчка на тивок оган додека испари маринадата.

Сос
Во тенџере на оган ставете го млекото да се загрее, а потоа додајте го кашкавалот исечен на мали коцки, горгонзолата и пармезанот.
Со жица континуирано мешајте додека малку се згусти.

Подготвеното месо послужете го топло прелиено со млечниот сос.

Пилешкиот стек посолете го и пржете го од двете страни додека да зарумени. Кромидот ситно исецкајте го и испржете го заедно со печурките.
За сосот, во едно мало тенџере ставете малку масло и 1 полна лажица брашно. Пржете го брашното и пред да поцрвени тргнете го тенџерето на страна. Додадете го кари зачинот и соја сосот. Промешајте убаво и додадете го млекото. Вратете го тенџерето на оган и мешајте со жица за матење додека да се згусне. Ако е многу густо, додадете уште малку млеко. Ставете ги претходно испржените печурки, мешаниот зачин, побиберете и по вкус посолете.
Пилешкиот стек исечете го косо на парчиња со дебелина од 2см. и прелијте со сосот. Послужете со варен басмати ориз.
За оние кои сакаат поегзотичен вкус, може дел од млекото да се замени со сок од порокал.
Добар апетит!

Прсти да излижеш: Пиле со палачинки

Пилешкото месо е едно од најомилените јадења на луѓето ширум светот. Тоа можеме да го комбинираме буквално на илјадници начини, но за денеска се одлучивме да ви понудиме еден интересен и вкусен рецепт.

Потребни состојки:

• едно средно пиле
• една главица кромид
• една лажица маст или масло
• 3 јајца
• 4 лажици кисел кајмак
• млеко според потреба
• малку супа
• брашно
• црн пипер

Подготовка:

Во подлабока тава се става една лажица маст, една главица ситно исечен кромид за да се испржи. Кога кромидот ќе добие жолтеникава боја, се додава пилето кое претходно убаво ќе го исечете и заедно се пржи. Додадете малку супа додека месото не почне да паѓа од коските. Тогаш месото се вади на штица, се вадат коските, ситно треба да се исечe и повторно да се врати во тавата со кромидот, која во тоа време била на огнот.

Од трите јајца, брашното и млекото ќе направите 10 палачинки. Две ќе оставите на страна, а 8-те палачинки треба да ги исечете на ситни резанки и да ги ставите во месото и кромидот. Потоа додадете 4 лажици кисел кајмак, малку црн пипер, сол и сето тоа заедно уште малку се пропржува.

Потоа се зема друг сад со капак кој ќе го намачкате со масло или со путер, ќе обложите една цела палачинка, во неа се става сета маса, а со другата палачинка ќе го поклопите месото и ќе го затворите капакот. Се вари на пара 45-на минути во поклопениот сад.

На крај оставете малку јадењето да се излади, ставете го на чинија и исечете го како торта. Можете да ставите печурки или пак некој вид на зеленчук и кашкавал. Се сервира со разни салати како главно јадење.

Пријатен апетит!