| Автор |
 Тема Пребарувај  Опции за темата
|
Valerija 
Модератор
Регистриран: 07.Ноември.2005
Статус: Офлајн
Поени: 105588
|
 Опции за коментарот
 Благодарам(0)
 Цитирај  Одговор
 Тема: Пилешки специјалитети
Испратена: 16.Мај.2020 во 20:40 |
Пилешко со зеленчук, соја сос и мед- Одлична комбинација со ориз Потребни состојки:- 500 гр пилешки стек
- 250 гр брокула
- 3 пиперки
- 2 големи лажици сода
- 2 големи лажици мед
- 1 мала лажица вегета
- 2 мали лажици сусам
Начин на подготовка:- Пилешкото се пржи на тава и се зачинува со вегета.
- Кога ќе биде готово се става 1 голема лажица соја сос, 1 голема лажица мед, 1 мала лажица сусам и се меша 1-2 минути.
- Се трга пилешкото во сад, а течноста останува. Во истата течност се пржат пиперките.
- После 10-15 минути се додава брокулата.
- После 10 минути се додава пилешкото, 1 голема лажица соја сос, 1 голема лажица мед и 1 мала лажица сусам.
- Се заедно се готви на рингла уште 5 минути.
|
|
Јакиот човек има само една слаба страна-жената што ја сака!
|
 |
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:08 |
ПИЛЕШКО СО ПАРМЕЗАН Време на подготовка:
20 мин. Време на готвење:
30 мин. Вкупно време:
50 мин. Порции4 лица Состојки- 2 лажички мајчина душица
- 2 чешниња лук, ситно сецкан
- 100гр. рендан кашкавал
- 2 лажици сецкан магдонос
- 4 парчиња пилешки гради
- 50гр. лебни трошки
- 20гр. рендан пармезан
- 1 јајце, лесно матено
- 30гр. путер, растопен
- 80мл. маслиново масло
- 250гр. чери домати
ПодготовкаЗагрејте ја рерната на 180 степени. Измешајте во еден сад мајчина душица, рендан кашкавал и 1 лажица магдонос. Зачинете ги со сол и бибер. Засечете џебови во пилепките стекови и наполнете ги со смесата со кашкавал. Потоа затворете ги со чепкалки.
Во сад измешајте ги лебните трошки со пармезан и остатокот од магдонос. Во чинија изматете го јајцето. Панирајте ги стековите во јајце, па во лебни трошки. Поставете ги во плех премачкан со малку масло.
Измешајте ги путерот и маслото и прелијте ги врз пилешкото. Печете ги стековите 25 минути. Потоа во плехот додадете ги чери доматите и печете ги уште 5 минути.
Извадете ги чепкалките и послужете го пилешкото веднаш.
На здравје!
Изменето од Valerija - 05.Мај.2018 во 19:08
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:07 |
Пилешко во тава со печурки  Време на подготовка:
15 мин. Време на готвење:
45 мин. Вкупно време:
60 мин. Порции4 лица Состојки- 4 компири, излупени и крупно исецкани
- 20гр. путер
- 250мл. хопла
- 1 лажица маслиново масло
- 800гр. пилешко, без коски крупно исецкано
- 200гр. печурки, тенко исецкани
- 1 главица праз, ситно сецкан
- 1 чешне лук, сецкан
- 1 лажица брашно
- 125мл. пилешка супа од коцка
- 1 лажица сенф
- 1 лажица сок од лимон
- 2 лажици сецкан магдонос
- 20гр, путер растопен
- зеленчук зготвен на пареа како прилог
ПодготовкаСтавете ги компирите во тенџере со ладна вода. Зовријте ги на силен оган. ВАрете ги 20 минути додека да омекнат. Потоа добро процедете ги. Вратете ги во тенџерето, додадете путер и половина од хоплата. Испасирајте ги во пире. Зачинете со сол и бибер.
Загрејте масло во поголема длабока тава на силен оган. Додадете 1/4 од пилешкото и пржете го околу 5 минути додека да добие кафеава боја. Префрлете го во чинија. Повторете ја постапката со остатокот.
Додадете ги печурките во тава и пржете ги 5 минути. Префрлете ги во чинијата со пилешкото. Во тавата додадете лук и праз и гответе ги со мешање 2-3 минути. Додадете брашно и гответе го 1 минута со постојано мешање.
Вратете ги пилешкото и печурките во тавата. Додадете пилешка супа, сенф, сок од лимон, магдонос и остатокот од хоплата. Добро измешајте и оставете да зоврие. Гответе 10 минути додека да се свари пилешкото. Зачинете со сол и бибер по вкус.
Загрејте ја рерната на 200 степени. Префрлете ја смесата со пилешкото во огноотпорен сад. Може да ја поделите смесата и во 4 помали садови. Со лажица врз пилешкото додадете го пирето од компири. Премачкајте го пирето со растопен путер. Печете го овој специјалитет 5 минути во загреана рерна додека да добие пирето светло кафеава боја. Послужете го веднаш со зеленчук по избор зготвен на пареа.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:03 |
ПИЛЕШКИ ПРСТИ Состојки- 0,5 кг пилешки гради исечени во стапчиња
- 3 лажици мед
- 1 шоља брашно
- 3 лажици сенф
- 1 лажиче прашак за пециво
- 1 јајце
- 1 пакетче сусам
- сол и бибер
Се прави тесто ко за палачинки со брашното, јајцето, прашакот за пециво,сусамот и вода.Во тестото се ставаат стапчињата предходно осолени и обиберени и се пржат на јак оган додека не добијат златноцрвена боја.Медот со сенфот се мешаат и се додава бибер и сол.Стапчињата се мацкаат во сосот и се многу вкусни.Bonn appetite
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:02 |
Пилешко соте со печурки
- 220 гр. пилешко месо
- 100 гр. сечкани маринирани шампињони
- магдонос
- краставица
- путер
- половина главица кромид
- ротквички
- 200 гр. мешан зеленчук за гарнир
- 100 мл. хопла
- масло за јадење
- сол и црн пипер
На оган ставаме една тава и во неа ставаме путер и масло за јадење да се загрее. На даската за сечење кромидот го сечкаме и го додаваме во тавата на оган. Потоа на долги парчиња го сечкаме пилешкиот стек и го додаваме во тавата. Промешуваме. Посолуваме и наросуваме мелен црн пипер. Повторно промешуваме и оставаме месото да се пржи.
На оган ставаме уште една тава и во неа ставаме путер и масло за јадење да се загрее. Во тавата го додаваме претходно обарениот мешан зеленчук. Тавата со месото ја протресуваме. Промешуваме и ги додаваме шампињоните. Магдоносот ситно го сечкаме. Тавата со зеленчук ја протресуваме, а магдоносот го додаваме во тавата со месо. Уште еднаш промешуваме и оставаме да се пржи. Тавата со зеленчук повторно ја протресуваме и ја тргаме од оган. Во тавата со месото ја додаваме хоплата. Промешуваме и ја тргаме тавата од оган.
На даската з асечење сечеме 3 круга краствица и ги редиме на еден крај од чинијата за сервирање. Врз нив ставаме еден цвет од ротквичка. Потоа на средината на чинијата го сервираме пилешкото соте со печурки. По краевите на чинијата го сервираме пропржениот мешан зеленчук. Декорираме со гранче магдонос на средината на чинијата, а за крај наросуваме мелен црн пипер.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:02 |
Полнети пилешки батаци
- 4 пилешки батаци
- 200 гр чадена сланина
- 50 гр сирење
- 8 до 12 моркови
- една чешна лук
- една китка магдонос
- 50 гр зелени маслинки
- 2 домата
- масло за јадење
- сол и бибер
Во ова јадење ви подготвуваме еден специфичен прилог кон полнетите батаци кој можете да го служите и како посебен оброк.
Во длабок сад ги ставаме исчистените моркови за да се варат полнејќи го садот со вода колку да се покријат морковите.
Пристапуваме кон подготовка на батаците за полнење.
Ги одвојуваме коските од месото на карабатакот, а самиот батак го расекуваме на средина. Месото од карабатакот го рашируваме со рака а потоа го толчиме. Батаците убаво ги посолуваме од двете страни. Потоа им додаваме мелен бибер по вкус.
Подготовка на смесата за полнење.
Половина од количество исчистени маслинки ги ставаме во посебен сад. Им додаваме ситно сецкан лук. Од доматите ја симнуваме лушпата, ги сецкаме на ситни парчиња и ги ставаме во истиот сад. Истот го правиме и со магдоносот. На целата смеса и го додаваме целото количество на сирење кое го дробиме со рака. Смесата ја мешаме и и додаваме бибер по вкус. Со ова смесата за полнење е подготвена.
Во текот на варењето, морковите повремено ги превртуваме.
Батаците ги полниме на делот од карабатакот. Месото го затвораме со чепкалки.
Морковите се полуварени. Еден од нив го сечеме на три дела по должина. Од крајот на половинката правиме фигура по избор.
Загреана скара ја полеваме со масло за јадење и ја посолуваме за да подоцна батаците не ни се лепат за скарата. Најпрвин батаците ги печеме од внатрешната страна, а потоа и од другата се додека не се испечат убаво. При превртувањето треба да внимаваме да не ни истече смесата со која ги полневме.
Варените моркови ги обвиткуваме со парчињата сланина и ги тргаме на страна. Батаците се готови и ги ставаме на чинија со која ќе ги служиме. Потоа на скарата ги потпекуваме морковите обвиткани со чадената сланина. Во текот на печењето повремено ги превртуваме за да убаво се испечат од сите страни.
По кусо време морковите се печени. На крајот од секој морков за декорација му ставаме дршки од магдонос.
Декорацијата ја надополнуваме со неколку гранчиња свеж француски магдонос И неколку кришки свеж лимон.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:01 |
ПИЛЕ ФРИКАСЕ ВО СОС ОД ПЕЧУРКИ - 1 пиле- 200 гр. свежи шампињони- 250 гр. макарони- 200 гр. павлака- 2 моркови- 1 главица кромид- 100 гр. путер- 1 пилешка коцка за супа- корен и листови од целер- магдонос- мајчина душичка- 50 гр. брашно- сол и црн пиперКоренот од пашканат го сечкаме на поголеми коцки и го оставаме во сад настрана. Главицата кромид ја сечкаме на четвртинк, па и неа ја ставаме во сад настрана. Морковите ги сечкаме на кругови и ги оставаме настрана. И коренот од целер о сечкаме на коцки и го ставаме на чинијата со листовите целер.Потоа го земаме пилето. Го сечеме на парчиња и го оставаме на чинија настрана. На оган ставаме тенџере со вода и во него ги додаваме коренот од пашканат, коренот и листовите од целер, кромидот, морковите и пилешката коцка за супа. Потоа во тенџерето ја додаваме мајчина душичка , магдоносот и парчињата пилешко месо. Посолуваме, наросуваме мелен црн пипер, го покриваме тенџерето со капак и оставаме да врие. Откако месото е варено со лажица решетка парчињата пилешко ги вадиме од тенџерето и ги ставаме во тава за пржење. Потоа со црпалка во цедалка, во еден поголем длабок сад го ставаме зеленчукот. Го притискаме зеленчукот со црпалката. Во тенџре со зовриена вода на оган ги ставаме макароните. Посолуваме. Зеленчукот од цедалката го ставаме во блендер и го пасираме.На оган ставаме тава за пржење и во неа путерот да се растопи. На даската за сечење шампињоните ги сечкаме на парчиња и ги ставаме во тавата да се пржат. Промешуваме, посолуваме и наросуваме мелен црн пипер. Потоа во тавата го додаваме брашното и со црпалка налеваме од супата во која се вареа месото и зеленчукот. Промешуваме и во тавата ја додаваме павлаката. Повторно промешуваме и го додаваме испасираниот зеленчук од блендерот. Убаво промешуваме и во тавата ги додаваме парчињата пилешко месо. Сварените макарони од тенџерето ги истураме во цедалка и ги плакнеме со студена вода.На оган ставаме тава за пржење и во неа путер да се растопи. Потоа во тавата ги додаваме исцедените макарони. 6инијата за сервирање ја украсуваме со листови зелена салата. На чинијата ги ставаме макароните, а врз нив парчињата пилешко месо. Пилешкото го преливаме со сосот во кој се подготвуваше, а на чинијата ги вадиме и шампињоните. Еден лимон го сечеме на кругови, а потоа круговите на половина и со нив ја украсуваме чинијата за сервирање. Декорацијата ја завршуваме со гранчиња магдонос.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 19:00 |
Пилешки крилца со сусам
Потребни состојки:
- 8 пилешки крилца
- 1 лажица сусам
- 3 чешниња лук
- 1 лажица густин
- 1 пилешка коцка за супа
- 2 лажици шери
- 2 врзопа млад кромид
- 2 лажици соја сос
- 1 лажица црвен пипер
- 1 лажица шеќер
- масло за јадење
- сол и црн пипер
Подготовка:
Во тенџере со зовриена вода на оган ја ставаме коцката да се вари супа. Во поголем длабок сад ги ставаме соја сосот, црвениот пипер, шерито и густинот. Мешаме со лажица. Го додаваме шеќерот. Чешнињата лук ги гмечиме со алатка. Потоа ги додаваме во длабокиот сад. Мешаме со лажица.
На даската за сечење на крилцата им ги отсекуваме краевите. Потоа крилцата ги сечкаме на парчиња. Парчињата ги додаваме во длабокиот сад. Мешаме со лажица за месото да ги впие зачините. Во вок тава на оган го ставаме сусамот да се пржи. Промешуваме и ја протресуваме тавата. Откако сусамот ќе порумени ја тргаме тавата од оган. Ја враќаме тавата на оган и во неа ставаме Брилијант масло за јадење. На загреаното масло ги ставаме парчињата месо да се пржат. Мешаме за време на пржењето. Откако ќе поруменат парчињата пилешко ги вадиме од тавата.
Младиот кромид го сечкаме на поголеми парчиња. Во друга вок тава на оган ги ставаме парчињата млад кромид да се пржат. Промешуваме. Во тавата ги додаваме претходно испржените парчиња пилешко месо. Промешуваме. Потоа со црпалка во тавата ја додаваме супата од коцка. Ја покриваме вок тавата со капак и оставаме да се вари 5 минути. Во вок тавата ја додаваме маринадата во
која стоеја парчињата пилешко месо. Промешуваме. На едната страна на чИнијата за сервирање во форма на тараби ги сервираме парчињата претходно сварени моркови. Од едната страна на морковите ја сервираме претходно сварената брокула. Од другата страна го сервираме обарениот карфиол. Ја тргаме вок тавата од оган. Од другата страна на чинијата за сервирање ги сервираме пилешките крилца. Со лажица крилцата ги преливаме со сосот во кој се подготвуваа. На крајот крилцата и зеленчукот ги наросуваме со сусам.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 05.Мај.2018 во 18:59 |
ПИЛЕШКО СО КАРАМЕЛИЗИРАН СОС ОД КРОМИД
Потребни состојки:
- 1 пиле од 2 кг
- 5 главици кромид
- 6 страка праз
- 100 гр путер
- 100 гр зрна од пченка
- 50 гр свежи шампињони
- 2 кафени лажици зачин ц
- 50 мл хопла
- 1 пилешка коцка за супа
- 25 гр шеќер
- вода
- масло за јадење
- сол и црн пипер
Подготовка:
На даската за сечење пилето го сечеме на парчиња. На чинија ги ставаме сите преостанати парчиња освен копаните и пилешките гради. На копаните им ги отсрануваме коските. Пилешките гради ги сечкаме на парчиња. Парчињата пилешки гради ги ставаме на чинија. Копаните и поткопаните ги толчиме со дрвен чук. Врз истолчените копани наросуваме мелен црн пипер. Парчињата месо ги ставаме на чинија. Шампињоните ситно ги сечкаме. Исечканите шампињони ги додаваме на чинијата со исечканите пилешки гради. Додаваме 1 кафена лажица зачин ц. Посолуваме. Наросуваме мелен црн пипер. Мешаме со рака. Едниот истолчен пилешки копан го ставаме на даската за сечење. Врз него нанесуваме од филот од бело месо и шампињони. Од вака подготвеното месо свиткуваме ролат. Истата постапка ја повторуваме и со вториот копан. Ролатите ги зацврстуваме со готварски конец. Го ставаме едниот ролат на парче Фино алуминиумска фолија. Го попрскуваме со Брилијант масло за јадење. Го свиткуваме ролатот во фолијата. Истата постапка ја повторуваме и со вториот ролат. Зовриената вода во тенџере на оган ја посолуваме. Врз тенџерето ставаме цедалка. Во цедалката ги ставаме ролатите. Покриваме со капак. Оставаме ролатите да се подготвуваат на пареа десет минути. Во второто тенџере со зовриена вода на оган додаваме масло за јадење. Посолуваме. Празот го сечкаме на долгнавести парчиња. Парчињата праз ги ставаме да се обарат во тенџерето на оган. Во тава за пржење на оган ставаме путер да се растопи. На растопениот путер ги ставаме зрната пченка да се испржат. Во цедалката во која се подготвуваат копаните ги додаваме крилцата и малите копанчиња да се варат на пареа. Тавата со пченка ја тргаме од оган и ја ставаме на работната маса. И тенџерето со праз го тргаме од оган. На ситната страна од рендето во поголем длабок сад ги рендаме главиците кромид. Изренданиот кромид го истураме во цедалка. Потоа го гмечиме со лажица. Содржината од тенџерето во кое се вареше празот, ја истураме во цедалка. Ги оставаме парчињата праз да се исцедат. Во тенџере на оган го ставаме шеќерот. МеШаме за време на пржењето. Потоа во тенџерето додаваме околу 200 мл вода. Ја додаваме и коцката за супа. Откако шеќерот ќе се растопи во тенџерето го додаваме сокот од кромидот. Додаваме уште 200 мл вода. Тенџерето во кое пилешкото месо се подготвуваше на пареа го тргаме од оган. Го вадиме месото од цедалката и го ставаме на даската за сечење. Ја отстрануваме фолијата од ролатите. Во тенџерето на оган додаваме путер. Во тава за пржење на оган ставаме путер да се растопи. На ролатите им го отстрануваме готварскиот конец. Ролатите, крилцата и копанчињата ги ставаме да се пржат во тавата со растопен путер на оган. За време на пржењето парчињата месо ги превртуваме. Наросуваме зачин ц. Посолуваме. Наросуваме мелен црн пипер. Ја тргаме тавата од оган. Ги вадиме парчињата пилешко од тавата и ги ставаме на даската за сечење. Во тенџерето на оган ја додаваме хоплата. Промешуваме. Го тргаме тенџерето од оган.
Чинијата за сервирање ја украсуваме со листови зелена салата. Ролатите ги сечкаме на парчиња. Парчињата ролат скалесто ги редиме на чИнијата за сервирање. Потоа на чинијата ги сервираме преостанатите парчиња пилешко. Претходно сварените моркови ги сечкаме на тенки долгнавести парчиња. Парчињата моркови ги редиме од другата страна на чинијата за сервирање. Потоа на чинијата ги сервираме парчињата претходно сварени компири. До нив ги сервираме парчињата обарен праз. До празот ги сервираме зрната пченка. Со црпалка Пилешкото го преливаме со сосот од кромид. Декорираме со цвет од лушпа од домат, гранчиња француски магдонос и перца од млад кромид.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 12.Февруари.2018 во 16:24 |
Состојки
1 парче пилешки стек
1/2 главица кромид
по вкус сол и црн бибер
3-4 лажици маслиново масло
1/2 лажиче оригано
1/2 лажиче кари
1/2 лажиче К*ркума
1/2 лажица сенф
3 лажици доматно пире
Користени Делимано производи
Последни 3 рецепти
Корнети со кикирики
Видео рецепт: Пуслица торта со лимон
Сендвич колачи со кикирики крем
Специјална понуда
1. На загреано масло во сад на оган со средна јачина се ставаат исечкани месото и кормидот, се мешаат и се посолуваат.
2. Се оставаат убаво да се испржат со промешувања додека месото не побели, а кромидот треба да се застакли.
3. Потоа се додаваат саканите зачини, се промешува па се додаваат сенфот и пирето.
4. Откако убаво ќе измешаме се што сме додале, ја намалуваме ринглата на најмала јачина и оставаме ручечето да ни се крчка уште 5 – 10 минути.
5. Јас го комбинирав со салата од цвекло и краставица, а нареден пат ќе пробам со пире од карфиол.
Превкусно е! Добар апетит!
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 27.Ноември.2017 во 16:04 |
Кентаки пилешко
Подготовка: Излупете го компирот, исечете го на коцки и почекајте да се спреми месото. Во еден сад помешајте ја презлата, изренданиот кашкавал, сусам и една лажичка мешавина од зачини. Маргаринот целосно да се стопи. Парче месо да се натопи во растопениот маргарин, а потоа ставете го во со смесата со презла. Месото го редите во средината на плехот за печење и кога тоа ке го завршите околу него ставете го компирот. Преостанатата смеса со презлата рамномерно истурете ја врз компирот и прелијтеја со маргаринот. Ставете го плехот во загреана рерна на 200 степени и печете околу 40-45 минути. Не го вртете месото за време на печењето. Подготовката трае околу 30 минути. Состојки: - 4 парчиња пилешко бело месо
- 1 маргарин
- 100гр презла
- Сусам по желба
- 250гр кашкавал (може и пармезан)
- 500гр компир
- Мешавина од зачини
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 20.Септември.2017 во 15:49 |
Печено пилешко во супер вкусен сос
Ова е најдоброто печено пилешко што некогаш ќе го пробате. Во него има зеленчук, протеини и многу сирење. Одличен и брз рецепт чија подготовка трае само неколку минути, плус времето за печење.
Потребни состојки: - 450 гр. сечкани домати од конзерва
- 1 лажица маслиново масло
- 1 средна главица кромид
- 2 чешниња лук
- 1 лажица оригано
- 2 лажици свеж ситно исечкан магдонос
- 4 парчиња пилешки гради
- сол и мелен црн пипер по вкус
- 200 гр. рендан кашкавал по ваш избор
Начин на подготовка: Најпрво загрејте ја рерната на 200 степени.
Со маслиново масло премачкајте ја тавата во која ќе го подготвувате јадењето. Во сад на страна измешајте ги заедно маслиновото масло, сечканите домати, ситно исечканите чешниња лук и кромидот. Ставете ја смесата со доматите во тавата за печење. Зачинете ги пилешките гради со сол и мелен црн пипер и наредете ги врз смесата со домати.
Гответе го пилешкото околу 30-35минути, а 5 минути пред крајот додадете го ренданиот кашкавал врз него и печете уште 5 минути за да се растопи. Декорирајте со сечкан магдонос.
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 27.Февруари.2017 во 21:19 |
Вкусно пилешко со топено сирење и печурки
Изменето од Valerija - 27.Февруари.2017 во 21:19
|
|
Јакиот човек има само една слаба страна-жената што ја сака!
|
|
Valerija
Модератор
Регистриран: 07.Ноември.2005
Статус: Офлајн
Поени: 105588
|
Опции за коментарот
Благодарам(0)
Цитирај Одговор
Испратена: 16.Февруари.2017 во 13:39 |
Вкусно пилешко со пармезан
Изменето од Valerija - 16.Февруари.2017 во 13:42
|
|
Јакиот човек има само една слаба страна-жената што ја сака!
|
|
