Состојки
450 мл. млеко
1 ванила пудинг
80 гр. чоколадо
100 гр. вишни
10 лажици шеќер
100 гр. колачи/бисквити

1. Пудингот се раствора во 50 мл. млеко.
2. Остатокот од млекото се меша со шеќерот и се става на оган за зоврие.
3. Кога е зовирено се додава пудингот и се меша додека истиот да згусне.
4. Пудингот се трга од оган, се додава и чоколадото, се меша да се истопи, па се остава 1 час да се излади.
5. Откако малку е подизладен, се полнат чашите, според ваша желба. Во чашата се ставаат по неколку вишни, дел од пудингот и кршени бисквити или колачиња по желба.
6. Брз, лесен и едноставен десерт. На здравје!

Состојки
За прв фил
4-5 бисквити
50гр. бадеми
1 портокал
20гр. путер
1 ванила пудинг
млеко (според упатството)
За пире од тиква
200 гр (4-5 резниња) тиква
4 лажици шеќер
4 бисквити
1 ванилин шеќер

Најпрво најправете го пирето/филот од тиква.
Тиквата се вари со малку вода околу 20 мин додека не омекне сосема. Се додава шеќерот и мешајте убаво да се растопи.
Со блендер се мешаат бисквитите и пирето.
Нека се лади додека ги спремате другите работи.

Првиот слој го правите со мелени бисквити, мелени бадеми и путерот кој стоела малку на собна температура.
Додадете сок од портокал да добиете убава смеса.
Изрендајте кора од портокал за да даде преубава арома.
Наредете го филот во чашите во кои ќе послужувате.

Потоа направете го пудингот според упатството. Нека се олади 4-5 минути и ставете врз првиот слој. Во пудингот ставете цели бадеми, таман ќе омекнат и ќе дадат убава структура.
Почекајте да се олади и на крај ставете го пирето од тикви.
Ќе ви шепнам тајна, Јас не чекав и ми пропадна пирето во пудингот. :)) Ама вкусот си го имаше исто.

На крај исцедете уште малку сок од портокал, изрендајте чоколадо, кора од портокал и искршете бадеми.
Почекајте да се олади.
Или не чекајте. )

Земете лажици, викнете си ги најблиските и уживанција.
Малку се заиграв со есенската декорација. Ама ми беше ќеф и убаво фотографирање со вкусен десерт.

На здравје.

Пудинг од амарант

Состојки
200 гр Амарант
250 мл чоколадно млеко
2 лажици какао
2 лажици мед или агавин сируп
500 мл вода
1 лажица салеп

Амарантот се става да се вари во 500 мл вода. Се вари околу 15 минути на тивок огин. Се додава чоколадното млеко и се остава да се вари уште 10 минути. Се додава медот, какаото, циметот и 1 лажица салеп се вари со повремено мешање додека смесата не згусне. Се сервира во комбинација со парчиња бадеми сецкани на парчиња.

П.С. За оние што не знаат АМАРАНТ е врста на житарица која потекнува од Азија и Америка. За нас е можеби нова и непозната, но во развиените земји се користи многу оддамна. Богата е со магнезиум, калциум и железо, витамин Б, дава многу енергија бидејќи е богата и со протеини, па може да замени и оброк со месо. Кај нас амарантот го има во продавниците за здрава, за органска храна и подобро снабдените супер маркети. Ви препорачувам ако го начекате да го пробате, за него постојат голем број на благи и солени рецепти, кои многу лесно ни се достапни на интернет. Па еве ви идеа да пробате нешто ново и да воведете нешто здраво во вашето мени. Поздрав !

Вкусен кремаст десерт со чиа семе

Состојки
За првиот слој
1/2 банана
1 лажица путер од кикирики
20гр. сецкана темна чоколада
За вториот слој
1/2 банана
50гр. цреши
1 лажица путер од кикирики
За третиот слој
50мл. млеко
1 лажица семе од чиа

Уште еден од низата брзи и здрави десерти, готови за неколку минути.

- Се блендираат состојките за првиот слој, смесата се истура во чаша и се става во замрзнувач.
- Се блендираат состојките за вториот слој и добиената смеса се истура врз првата, повторно се враќа во замрзнувач.
- Се меша млекото и семето од чиа и се остава 10 минути да набубри. Потоа се додава врз вториот слој.
- Јас додадов неколку сецкани цреши за декорација.

Напомена
Користев бадемово млеко, но секако може да се користи било кој вид на кравјо, козјо, оризово итн.

МАСКАРПОНЕ КРЕМ СО МАЛИНИ

Сутлијаш на португалски начин

Состојки:

• 1 шолја ориз
• 2 шолји вода
• 2 шолји врело млеко
• 1 шолја шеќер
• 2 жолчки
• рендана кора од еден лимон
• 1 лажица путер
• 1/4 лажичка екстракт од ванила
• прстофат сол
• цимет

Начин на подготовка:

Згответе го оризот во посолена вода додека не омекне.

Додајте во оризот врело млеко, шеќер, путер, жолчки, кора од лимон, екстракт од ванила и измешајте.

Нека струи на умерен оган 15-20 минути поклопено додека не добие густина.

Ставете го сутлијашот во садови и оставете да се излади. Посипете со цимет по вкус.