Печена риба со млади кромитчиња и портокал 

 

СОСТОЈКИ

Риба
• 1 кг лосос или туна
• сок од еден лимон
• сол

Додаток
• 1 шолја црни маслинки, исечкани на поголеми парчиња
• 150 гр шери домати, исечкани на четвртини
• 3 големи лажици виолетов кромид, ситно исечкан
• 3 големи лажици копар
• 1 голема лажица мајоран, оригано или босилек, ситно исечкан
• 2 големи лажици магданос, ситно исечкан
• 1 голема лажица малсиново масло
• 1 голема лажица оцет
• сол и црвен пипер

ПОДГОТОВКА
Најдобро е филетите риба да се подготват на скара (ако немате услови, може и во шпорет). Филетите премачкајте ги со сокот од лимон и сол од двете страни. Печете сѐ додека месото од рибата не почне да се раздвојува.

Во меѓувреме, можете да го подготвите додатокот од зеленчуци и зачини. Сите состојки се мешаат во еден подлабок сад со средна големина.

При сервирањето, на секоја порција риба (филет) додадете и 1/3 шолја од додатокот со зеленчук и зачини.

Темата се однесува на рибини специјалитети и начини на подготовка на специјалитети со морски плодови:)

Пржени морски плодови

Потребно:

* 1 л масло
* 500 г рибји филети
* 200 г исчистени сипи
* 150 г исчистени шкампи
* сол
* бибер
* 4 лажици брашно
* 1 лимон
* ароматични зачински билки

Приготвување: во тенџере загрејте го маслото. Рерната загрејте ја на 100 степени. Морските плодови измијте ги и исечете ги на парчиња, а сипите исечете ги на тркалца. Рибата, сипите и шкампите зачинете ги со сол и бибер и испрпелкајте ги во брашното. Пржете ги во помали количини во врелото масло додека не добијат златно-жолта боја. Извадете ги од маслото и ставете ги врз хартиена кујнска салфета за да се впие вишокот маснотија. Пржените морски плодови држете ги во загреаната рерна до послужување. По вкус, морските плодови украсете ги со лимон и ароматични зачински билки.

Печени лигни со компири

Потребно:

* 500 г лигни
* 1.500 г компири
* 100 мл маслиново масло
* сол
* бибер
* 1 лажица зачинал
* 2 чешниња лук
* магдонос

Приготвување: исчистете ги лигните, измијте ги и исечете ги на 2 см широки резанки, а компирите излупете ги и исечете ги на тенки тркалца. Во огноотпорен сад ставете половина од маслото, потоа ред од половина од компирите, посолете ги, па врз нив лигните. Сето тоа зачинете го со бибер, зачинал, истолчениот лук и ситно сечканиот магдонос. Врз сето тоа распоредете го остатокот од компирите, малку посолете ги и прелијте ги со маслото. Поклопете го садот и печете го 45 минути во рерна загреана на 220 степени.

Печена скуша

Потребно:

* 8 помали скуши
* 1/2 лажичка рузмарин
* 1 лажичка зачинал
* 3 лажици сок од лимон
* сол
* 50 мл маслиново масло
* 3 чешниња лук
* 1 лажица босилек

Приготвување: рибите исчистете ги, измијте ги и исушете ги. Во внатрешноста на секоја риба ставете рузмарин, посипете ги со зачинал и прелијте ги со сокот од лимон. Така подготвените риби ставете ги на скара или во загреана рерна, па печете ги. Лукот истолчете го, па измешајте го со маслиновото масло и со ситно сечканиот босилек. Печената риба посолете ја и прелијте ја со сосот од лукот

Запечен лосос

Раженчиња од сардини

Потребно:

* 800 г сардини
* 1 лажица зачинал
* 1 лажица сок од лимон
* 1 лажица брашно
* 50 мл маслиново масло
* 2 чешниња лук
* 50 мл бело вино
* 400 мл сос од домати

Приготвување: сардините исчистете ги, филетирајте ги и преполовете ги. Посипете ги со зачиналот, завиткајте ги во ролнички и набоцкајте ги на стапчиња за раженчиња. Испрскајте ги со сокот од лимонот, посипете ги со брашното и печете ги во загреаното маслиново масло. Готовите раженчиња ставете ги на топло место, истурете го вишокот маснотија и во остатокот додадете го истолчениот лук. Во пропржениот лук додадете го сосот од домати и оставете ја течноста да зоврие. На крај додадете го виното и печените сардини. Сето тоа варете го 5 минути и послужете го топло.