Крап со ориз

Пастрмка со печурки

Постењето не мора да значи гладување. Може да спремите гурмански ручек со посни намирници, на пример згответе пастрмка со печурки. Не знаете како? Еве рецепт:

Состојки: 4 помали пастрмки, 1 лажичка зачин, 3 лажички сок од лимон, 150г шампињони, 150г буковка, 2 целери, 50мл бело вино, 1 лажичка магдонос, 2-3 лажички маслиново масло

Подготовка: Исчистените пастрмки потопете ги во сокот од лимон, а потоа одозгора зачинете. На загреано масло пржете ја рибата од двете страни по околу 5 минути, а потоа ставете ја на топло место.

На истата маснотија испржете ги целерот и печурките, пржете десетина минути, малку посолете,додајте го магдоносот, налејте со виното и пржете уште малку.

Топлата пастрмка послужете ја со подготвените печурки и целер.

Добар апетит!

Печена скуша

Состојки

• 3 парчиња смрзната скуша
• 1 китка магдонос
• 4-5 глави лук
• 1 лажица благ буковец
• 1 лажиче лут буковец
• 1 лажица црвен пипер
• 5-6 лажици зејтин
• по вкус сол и вегета
• 100 мл јаболков оцет
• 100 мл бело вино
• 2-3 лимони

Подготовка

Скушата е риба која е подеднакво убава кога е припремена и на скара и испечена во рерна. И во двата случаи може да ја искористите горенаведената смеса за нејзино зачинување.

1. На рибата отстранете и ги главата и перките и излупете и ја кожата.Потоа пресечете ја по должина и убаво исчистете го делот каде што се наоѓаат внатрешните органи. Под нив ќе забележите една темна ципа мезентера, која ги обвивала. Одстранете ја бидејќи знае и да горчи. Исто така има и крвен сад со згрутчена крв, исчистете го и него со помош на остар нож.
Измијте ги половинките под млаз вода и ставете ги во садот во кој ќе ги печите.

2. Исецкајте ги магдоносот со се гранчиња и лукот. Ставете ги во подлабок сад и најпрво додадете им го зејтинот. Промешајте убаво, но не ставајте некоја преголема количина, бидејќи на тој начин рибата станува тешка за јадење. Ова од искуство го знам. Смесата треба да свети од зејтинот и да забележите дека ливчињата магдонос и лукот се слепуваат.
Потоа ставете буковец, црвен пипер, сол, вегета, јаболков оцет и бело вино. Измешајте убаво. Ако немате јаболков оцет можете да го замените со вински или алкохолен 4% оцет. Но,сепак со оцет од јаболка комбинацијата е најубава.

3. Вака подготвената смеса распоредете ја подеднакво врз шестте половинки скуша. Затворете го садот со алуминиумска фолија и печете околу 1 час во претходно загреана рерна на 200 степени.
Може да печете и во незагреана рерна, со што се разбира времето на печење ќе биде пролонгирано. На 10 минути пред крајот доколку сакате тргнете ја фолијата и печете ја рибата отворена, но јас лично скоро и да не ја користам оваа опција.

Сервирајте по две половинки (1 цела риба) со цел лимон. Вака подготвената риба навистина бара киселост, особено ако сте ставиле малку повеќе зејтин.

Добар апетит!

Дополнителни фотографии

Скуша во фолија

Состојки

• 2 парчиња риба скуша
• 1 ловоров лист
• 200 гр бело вино
• 1/2 китка магдонос
• 1 чешне лук
• 2 лажица мешан зачин
• 1 лимон
• 1 лажица рузмарин
• 100 гр маслиново масло

Подготовка

На почетокот од овој рецепт, ја земаме скушата и добро ја чистиме во внатрешноста, за да не остане ништо што може да горчи. Потоа во тава растегнуваме фолија на која ја редиме добро измиената риба, која претходно сме ја зачиниле.
Во внатрешноста на рибата полниме мешавина од лук, рузмарин и магдонос. Попрскуваме цеден лимонов сок и полеваме бело вино. Заборавив да напоменам дека пред да ја поставам скушата на фолијата попрскав маслиново масло. Со истото ја посипувам рибата .
Сецкаме тенки кругови од лимонот и ги нанесуваме околу скушата. Со филот кој ја наполнивме рибата попрскуваме и над неа. Ја виткаме рибата убаво во фолијата и оставаме да се пече на температура од 200 степени околу 30 минути.
Рибата е готова и спремна за сервирање.
Може да биде убав додаток за варени компирчиња. Тоа го оставам на вашиот вкус. На здравје со прекрасниот мирис на скушата.

Дополнителни фотографии