Екстремно понижување e резултатoт на екстерното тестирање

Откако се’ во животот се сведе на казнување и експериментирање, на ред дојде сегашните генерации во средните училишта да послужат и како лабораториски глувци.  Е па, добредојдовте во мојата чудесна земја Черн… Ова де, Македонија.

После години и години најавување, од оваа година, кога конечно се „отстранија“ сите пречки за (не)реализација на екстерното оценување, сега можеме да спиеме мирно, затоа што ќе бидеме оценети на „европски“ начин, со екстремно оценување.. Упс, екстерно!

Само видете, во главата ми бодат неколку дилеми! Ајде, се’ со ред..

Не сум против, туку најпротив за реализирање на овој (не)успешен проект на Министерството за образование и наука.. Си направија – ПОПАРА! Зошто во еден момент не се консултираа со професори, наставници, ученици? Можеби ќе ги поучеа и ќе се најдеше друг начин за „проверката“ на објективноста на овие загрозени видови во овој процес на тестирање.

Драг министере и сите вие околу него, кажете ми дали знаете ли како еден ученик добива оцена и што се’ ја сочинува оцената? -Очигледно не. Оцената која ја добиваме сите ние е всушност збир од повеќе активности на ученикот во текот на една наставна година.. Тука спаѓаат: тестовите, активностите од часот, проектите, усните одговори, додатната настава, редовноста, дисциплината итн. Има потреба да набројам повеќе? -Јас мислам не. Ќе ви предложам да ги отворите критериумите за оценување и ќе осознаете.

Втора работа, ако ние учениците во средните училишта, а и тие во основните, мислевме дека сме толку напредни немаше да учиме во средно или основно, туку ќе учевме на факултет! Точно е тоа дека не се сите луѓе за во училишна клупа, некој мора и овци да пасе.. Но, ако ние мислиме дека можеме со еден тест да положиме цел материјал од една учебна година, кој инаку го одговараме тема по тема, тогаш ние ќе се запишевме вонредно и ќе го затворевме овој проблем. Но, во никој случај немаше секој ден да се малтретираме и да одиме во училиште, да учиме и да се малтретираме, просто кажано. Уште еден доказ дека скиците за вашиот проект не се компатибилни за да бидат реалност.

Од кои учебници ние да учиме?! Извинете, но вашиот проект за бесплатни учебници не успеа, па така ние по некои предмети немаме учебници, по некои предмети учиме од учебници за на факултет, а се случува и на некои предмети да се чувствуваме како да сме во среден век па пишуваме во тетратки, како под казна да сме. П.с. ако ви треба тетратка за да ги извадите прашањата, кажете.. Да не биде после „држ, не дај“!

Кои се стандардите за оценување на екстерните тестови?! Т.е. има ли стандарди? Охоо. Ајде да ве поучам драг министере.. Ако сакате реално да ги оцените сите ученици, тогаш дефинитивно тоа не можете да го направите со прашања на заокружување. За да оцените еден ученик важно е да видите како тој се изразува па така, тука треба да се вметнат самостојни одговори, опис на некоја личност, појава, процес, реакција, задачи со дополнување и така натаму.  Тестот за екстерно оценување не исполнува ниту еден единствен услов од горенаведените.

Јас се уште се чудам како ли ќе се реализира ова тестирање, која е техничката подготвеност?! Дефинитивно тука не би ги сместил искршените компјутери, софтверските проблеми, нефункционирање на системот итн. Направивме пробно тестирање и така ги утврдивме овие „мали“ недостатоци.

Како ли ова ќе функционира.. Или пак, воопшто нема да функционира?! Зошто не  воведат вакви тестови во текот на целата учебна година, нека се тестираат учениците по секој предмет но, нека се тестираат континуирано,па на крај нека вадат конечни оценки, вака веќе би било прифатливо. Инаку вака не ја бива работава!

Треба да се земе предвид обемот на материјалот кој го учат сите ученици денес. Обемот на материјалот, кој професорите и наставниците имаат за задача да ни го предадат, за ние да го научиме бара многу труд, така што освен што се расправаат со деца кои се уште се развииваат како и со илјадници карактери, тие даваат се’ од себе да го мотивираат ученикот да прифати и да научи нешто.. Дефинитивно не се сите од тој тип, но има и вакви кои јас ги познавам.

Секој може да „киксне“ на овие екстерни тестови, најпрво поради стресот! Но, има ли некој кој го разбира ова? Некој да не сфати нас учениците? Почнувам да размислувам и се’ мислам дека и овие протести кои се организираат, се всушност дело на некој друг, а вклучени се учениците, затоа што се свесни за неуспехот на проектот, па кога ќе паднат сите вложени средства да се вадат на нас, учениците, на професорите, родителите итн.

Проектот ќе се реализира, но НЕУСПЕШНО, тоа го докажуваат и овие горенаведените факти, кои ако почнам да ги набројувам ќе ги има уште многу, затоа што не сум стигнал ни до пола..

Бедните објаснувања на Министерството за образование и наука, за тоа дека со екстерното тестирање ќе се доведат „во ред“ наставниците и учениците се толку многу банални како и континуираното менување на одлуките кои ги донесуваат овие институции, односно се’ се прави преку ноќ, додека да трепнеш. Наместо екстерни тестирања, нека посветат поголемо внимание на книгите (кои или ги нема или се хаос),  обемот на наставата, потребите на учениците и професорите.. Прво нека ги поправат грешките од веќе пропаднатите експерименти, а не континуирано да се прават нови, оставајќи големи дупки во образованието.

* Tекстот не е превземен/копиран и сите авторски права ги задржува -ПаппасПресс-

*Идентитетот на авторот од овој момент е заштитен.
*Како блог страна, се повикуваме на член 16 од уставот на РМ,со кој се гарантира слободата на јавното изразување, јавниот настап и говор. Цензурата е забранета.
*Воедно се повикуваме и на правото заштитено со Европската конвенција за човекови права член 10, како и на сите меѓународни конвенции на кои Македонија се обврзала

http://becepress.wordpress.com/2013/05/22/%D0%B5%D0%BA%D1%81%D1%82%D1%80%D0%B5%D0%BC%D0%BD%D0%BE-%D0%BF%D0%BE%D0%BD%D0%B8%D0%B6%D1%83%D0%B2%D0%B0%D1%9A%D0%B5-e-%D1%80%D0%B5%D0%B7%D1%83%D0%BB%D1%82%D0%B0%D1%82o%D1%82-%D0%BD%D0%B0-%D0%B5%D0%BA/

Ccccc.... pa kradat i od forumskive repliki, koga gi napisav koga gi prekroija ....