МАКЕДОНИЗАМ ИЛИ МАКЕДОНСТВО?

   Ве поздравувам сите тука на форумот!

Имав една идеја која сакав да ја споделам со вас. Имено, честопати читам и слушам од самите Македонци како својата национална мисла ја нарекуваат ''македонизам''. Меѓутоа, мислам дека тоа е погрешно. Зошто? Имено, колку што ми е познато, сите именки кои завршуваат на ''-изам'' ни укажуваат на тоа дека станува збор за некаква идеологија, најчесто политичка или социјална. Треба да се каже и тоа дека тоа е погрден, бугарски израз со кој биле опишани сите оние акции на нашиот народ (против навлезениот бугаризам во Македонија) со кои се бореше за македонската посебност и слобода.

Во оние прашања, кои се во директна врска со духот на народот и со неговото внатрешно чувство за себеси, мислам дека е посоодветно и, за разлика од посочениот збор (македонизам), во духот на македонскиот јазик, да се каже ''македонство''! Именките кои се завршуваат со ''-ство'' укажуваат на нештата кои се поврзани со битието, со суштината, а јас мислам дека се она што произлегува и е во директна врска со македонскиот дух, би требало да се нарече македонство, зашто тоа е нешто што е израз на нашите најдлабоки чувства, на нашето внатрешно битие, а не нешто што е идеологија и што може да се смени кога ќе ни текне.

Значи, 

ЗА МАКЕДОНСТВО, А НЕ МАКЕДОНИЗАМ!

Поздрав до сите!