Колку пати до сега сте ставиле лажен статус или сте постирале слика на која изгледате пресреќни иако внатре во себе чувствувате дека тонете? Голема е веројатноста тоа да го правите често.

Што е уште потрагично, многу често луѓето ги вреднуваме според нивниот профил кој го гледаме на интернет, а не по нивната појава и однесување во реалноста. Им се восхитуваме на среќните и откачени ликови, а ги сожалуваме „досадните“.

Но, кого лажеме? Дали сакаме да им оставиме слика на „супер-јас“ во главата на другите, или пак, сакаме да се прелажеме себе дека ја согледуваме убавината на овој живот што го живееме и знаеме како да уживаме во она што го имаме, па дури и немаме?

Иако малку парадоксално, ова видео стана вистински хит токму на оваа мрежа. Погледнете и одговорете си искрено.