Wizz Air конечно во Македонија

„Виз ер“ со лет Скопје-Лондон за 35 евра



16.02.2011, 13:39

Најголемата нискобуџетна авиокомпанија во Југоисточна Европа, „Виз Ер“ од 20 јуни трипати во неделата (понеделник, среда, петок) ќе лета од Скопје до Лондон за само 34,99 евра во еден правец. Во цената се вклучени сите трошоци и такси.

Карти може да се резервираат веќе од денес на веб страницата на компанијата www.wizzair.com. Цената на картата расте зависно од побарувачката, така да ако ја купите неколку дена пред летот таа може да достигне и цена од 200 евра. Колку порано ја купите, толку поевтино ќе платите.

Летот до Лондон е до аеродромот Лутон, кој е оддалечен околу 32 милји од централен Лондон и има одлична конекција со градот со воз, автобус и такси.

Главниот извршен директор на „Виз Ер“, Јозеф Варди денеска во Скопје кажа дека во компанијата размислуваат и за директни летови до Франкфурт, Париз, Амстердам и Барселона.

http://www.time.mk/read/8441e60f27/38f0b4baa9/index.htm