Тоа што доаѓањето на Пацини го најави, се оствари на теренот, па Пандев трет меч во низа не доби ниту минута, а Интер со спектакуларен напаѓачки фудбал, стигна до победа со која полека но сигурно се враќа во врвот. Интер ја совлада Рома со 5-3, па дополнително им се посреќи на „нераѕурите“ да ја намалат предноста на градскиот ривал Милан, кој претходно играше 1-1 во Џенова.

Весли Снајдер со погодок уште во третата минута го отвори суперинтересното дерби, во кое Фабио Симплицио ја врати Рома со израмнувањето десет минути подоцна. Но, следеше клучниот исчекор на Интер ко победата, со три гола, прво на Самуел Ето во 35 минута, па од пенал во 63. минута, и на крај со играч повеќе преку Тиаго Мота.

Сите веќе видоа сигурна победа, но Рома не се одкажа и со фудбалер помалку, па Мирко Вучиниќ и Лорија, најавија возбудлива завршница. Сепак, „волчицата“ немаше сили за повеќе, а Естебан Камбијасо на самиот крај погоди за конечни 5-3. Интер со триумфот стигна на само пет бода зад Милан и со меч помалку во однос на „росонерите“.

Наполи профитираше од киксот на „росонерите“ и сега е на три бода зад Милан, откако на „Сан Паоло“, јужноамериканците Кавани и Соса погодија за лесна победа против Чезена. Во другите мечеви вчера беа постигнати следните резултати Бреша - Бари 2-0, Лацио - Киево 1-1, Лече - Палермо 2-4, Парма - Фиорентина 1-1.

Милан води со 49 бода, следи Наполи со 46, Интер со 44 (-1), Палермо со 40, Удинезе со 40, Рома со 39 (-1), Јувентус со 38...

Иако многумина се сомневаа во способностите на „волчицата“ сезонава, особено по лошиот старт, Рома успеа да ја направи лигата уште поинтересна со победата синоќа со 3-0, и со тоа да ги прескокне првакот Интер, потоа градскиот ривал Лацио и Наполи.

Франческо Тоти од пенал во 22 минута, потоа Бразилецот Жуан во 70 минута со глава по еден корнер и на крај Жереми Менез на самиот истек на продолженијата, го постави конечниот резултат, по кој Рома им се одмазди на гостите од Сардинија за поразот на стартот на сезоната.

Парма со 2-0 на свој терен му посака добредојде на Диего Симеоне, легендата на Аргентина и Интер, на клупата на Катанија. Парма за пет минути во првата фаза од вториот дел го реши мечот кога Кандевра во 57 и Џовинко во 62 минута ја погодија мрежата на Сицилијанците.

Вториот тим од Сицилија, Палермо се измачи со Бреша, но успеа да ги освои трите бода со голот на Бово на три минути пред крајот. Денеска, Интер на начиот Горан Пандев ќе ја отвори програмата во колото со пладневниот дуел на „Фриули“ против незгодниот Удинезе, а колото продолжува со дуелите Сампдорија – Јувентус, Бари – Наполи, Болоња – Лацио, Киево – Џенова, Фиорентина – Лече (од 15 ч.) и ќе заврши со пресметката Милан – Чезена во 20:45 часот