Летно освежување: Коктел од лубеница и шампањ

Овој коктел е одличен избор за летните попладневни часови или за тивките ѕвездени ноќи.

Тешко дека ќе можете да одолеете на вкусниот, освежувачки вкус на лубеницата во комбинација со шампањот.

Уживајте во летото и изненадете ги вашите најблиски со поинаков коктел.

Состојки:

• Лубеница;
• Шампањ;
• Лимонада;
• Нане;

Начин на подготовка:

Исечкајте ја лубеницита на ситни парчиња и ставете ја во шејкер. Потоа додајте го нането и три кафени лажички лимон и мешајте додека смесата не се соедини. Течноста ставете ја во чаша и дополнете со шампањ.

Поздравете ја пролетта со коктели, ова се 3 од најдобрите во светот!

Кој рекол дека коктели се пијат само на лето? Точно, тоа правило не постои како ниту причината поради која не би ја поздравиле пролетта со коктели во рака.

 Ова се 3 од најдобрите во светот, следете ги рецептите и подгответе ги уште денес!

Ладен чај Мохито

Ако сакате нешто класично, ладно и освежувачко, направете го ладниот чај Мохито кој се прави со чаша лимета, 4 листови нане, 2 лажици шеќер, шолја зелен ладен чај и една доза рум.

Помешајте ги лиметата, шеќерот и листовите нане за да можат истите да ја ослободат својата миризба и вкус, а потоа додајте ги чајот и румот.

Сипете во чаша со мраз и декорирајте со неколку листови нане.

Американо

Коктелот кој ќе ве воодушеви со својата црвена боја, а потоа со вкусот. Американо ќе стане вашиот омилен коктел после првата голтка.

Се прави со 2 дози Кампари, 2 чашки за ракија ароматизирано црвено вино, чаша тоник или газирана вода и сочно парче портокал.

Сипете ги состојките во чаша со мраз, почнувајќи од Кампарито, виното и на крај тоникот или газираната вода.

На крај ставете го парчето портокал на површината на коктелот.

 
Ел Диабло

Самото име на коктелот ви кажува дека се работи за нешто вкусно и опасно. Ел Диабло е привлечен за око, а богами и за пиење.

Се приготвува со 12 ml замрзнат лимета концентрат, 18 ml текила Бланко, 8 ml овошен ликер, 6 ml обична вода и 18 ml пиво.

Состојките измешајте ги во подлабока чаша за виски со мраз и декорирајте со неколку малини.

Еве еден рецепт од мене:

КОКТЕЛ ОД МАЛИНКИ, ЈОГУРТ и ЛИКЕР од РИБИЗЛИ

Состојки:

• 150 g малинки
• 100 ml водка (може и од оние ароматизираните)
• 200 g јогурт 
• 4 капки ликер од црни рибизли (Creme de Cassis)
• 1 лаж. шеќер

 Начин на подготовка:

Малинките ги миеме со ладна вода, се префрлаат во сад и се посипуваат со шеќерот. Се додава ладната водка и се остава да се маринира околу еден саат, без да ги мешаме.

Процедените малинки ги ставаме во блендер и блендираме додека не добиеме кремасто пире и тоа се префрла во мало бокалче. Јогуртот се протресува и се става во друго бокалче.Во чаша за коктел се тура од двата бокали во исто време, со цел двете компоненти да останат одделени една од друга.

На крај се капи со ликерот од црни рибизли и се сервира со цевка.

Коктел од цреши и кељ

 Додека трае летото задолжително искористете го сезонското овошје и секој ден започнувајте го со овој пијалок. Кељот содржи сулфур кој ја помага детоксикацијата на црниот дроб додека витаминот Ц и влакната од вишната помагаат во хидратацијата на кожата. За да го исфрлите вишокот вода од организмот, во овој шејк додадете и чиа семки.