3 замрзнати коктели кои ќе ве вратат во летните ноќи

Пролетта веќе започна, а со неа го донесе и топлото време кое не може, а да не не потсети на прекрасното лето кое е блиску.

Додека уживате во пролетните ноќи, изберете еден од овие 3 замрзнати коктели кои ќе ви помогнат полесно да го дочекате летото кое е пред вас.

Blue Hawaiian

Најдобриот коктел со кој ќе ја замените пролетната со летната вечерна магија. Неговиот овошен, необичен вкус ќе ве направи да се почувствувате како да сте на јахта, а бојата ќе ве потсетува на морето или океанот пред вас.

Се приготвува со една доза рум, две дози сок од ананас, една доза ликер Блу К*ракао, една доза ликер од кокос, сомелен мраз, парче ананас и цреша.

Сите дози ставете ги во блендер и измешајте. Ќе добиете прекрасна сина мешавина. Декорирајте со парчето ананас и цреша. Уживајте!

Kiwi Colada

Интересен, кисел коктел кој нема да ве остави рамнодушни. Се приготвува со 5 излупени киви, сомелен мраз, ¼ доза рум,  ¼  доза Мидори, три дози ликер од кокос и сок од ананас.

Прво ставете ги кивите во блендер. Потоа додадете ги дозите и мешајте се додека не добиете изедначена млечно - жолта боја.

Прекрасен коктел кој ќе стане ваш омилен откако ќе го пробате.

Black Magic

Покрај неговото необично име, има и необичен вкус кој ќе ве освои со својата обичност.

Се приготвува многу едноставно. Две дози вотка, две дози кофеински ликер и сок од лимон.

Се мешаат заедно во блендер и се додава сомелен мраз доколку сакате. Декорирајте со цреша и уживајте во неговата црна магија.

Изменето од Valerija - 13.Јули.2018 во 09:00

ШЕЈК ОД ЛЕШНИЦИ

Потребно:

н 4 лажици мелени лешници
н 2 лажици шеќер во прав
н 6 лажици еурокрем
н 1 лажица мед
н 8 лажици ликер од бадеми
н 800 мл млеко
н 100 мл слатка павлака
н 3 лажици чоколаден прелив

Приготвување: мелените лешници печете ги во тавче без додавање на маснотии, додека не почнат да мирисаат. Истурете ги во чинија, посипете ги со шеќерот во прав и добро измешајте ги. Во миксер изматете ги еурокремот, медот, ликерот од бадеми и млекото. Потоа изматете шлаг од слатката павлака. Земете четири чаши, рабовите навлажнете ги во малку вода и ставете ги во мелените лешници.

Пијалакот сипајте го во чашите и украсете ги со шлагот и чоколадниот прелив.

Изменето од Valerija - 13.Јули.2018 во 08:42

Ова е нешто што потсетува на летна авантура па додека да дојде летото, научете како да го подготвувате и станете вистински мајстори. Клучно е да ги употребите истите пијалаци кои се наведени во потребни состојки. За декорација земете овошје по ваш избор, или пак украсете го со разни украси за летни коктели.
Состојки:

60 мл Palm feni
3 капки сируп од малини
3 капки зелен лимон измешан со шеќер


Освежителен коктел со вкус на лимонада и ниска количина на алкохол. Доколку ја одберете вистинската декорација, коктелот ќе изгледа феноменално, но исто е многу важно да ја одберете вистинската пригода и да го конзумирате со добро друштво.
Состојки:

45 мл вотка со вкус на лимон
1 лажичка шеќер
5 мл свежо исцеден лимон
5 мл сируп Gernadine
кршен мраз


Заводлив коктел со овошни компоненти. За украсување на коктелот, одберете било какво овошје со црвена или розова боја.
Состојки:

30 мл ликер Advocaat
15 мл ликер од јагода
15 мл ликер од цреши
30 мл крем (блага хопла)


Не толку јак коктел со блага розова боја, соодветен за во друштво со најблиските пријателки. Коктел за оние со изразена женственост.
Состојки:

15 мл вотка со вкус на лимон
10 мл Triple Sec (жесток, но и сладок ликер со вкус на портокал)
30 мл џус од ананас
30 мл Спрајт
половина свежо исцеден лимон
1 лажичка ликер Grenadine
1 резанка лимон за декорација
1 марачино цреша

Начин на подготовка на коктелите:

Потребните состојки истурете ги мешалка за коктели заедно со една или неколку коцки мраз (зависно од количината на другите состојки, по можност кршен мраз), мешајте долго и приготвениот коктел сипете го во коктел-чаша. За попрецизно мерење, имајте во предвид дека 30 мл се колку малечка чашка за ракија. Дадените состојки се доволни за една чаша коктел. Колку поинтензивна розова боја ќе добие коктелот, зависи од сирупот кој ќе го додадете. Одберете соодветна декорација овошје, цвет или нешто слично, и уживајте сами или со добро друштво.

Милкшејк за неподносливи топли денови

Мекдоналдс си отиде, но тоа незначи дека нема да пробаме веќе милкшејк. Овој напиток во суштина е многу едноставен и неговото припремање не одзема повеќе од 3-4 минути. Можете да искористите се што ви се наоѓа во кујната од слатко, сируп, овошје, прелив или само чоколадото за готвење. Основата за добар милкшејк е сладоледот, не е важно од што е(ванилата може да го прими секој вкус со одреден додаток како на пример какао), само да е замрзнат. Малку млеко и мраз во блендерот и веќе имате милкшејк. Предноста на овој напиток е што можете да  ја искористите вашата имагинација и да им го направите топлото попладне на децата весело.

Како се припрема една чаша милкшејк:
Се става пола шолја млеко во блендерот, се додаваат неколку топки сладолед(во зависност колку густ сакате да биде),  исецкано овошје (доколку сакате) или чоколадо и неколку коцки мраз. Оваа смеса се пасира 1 минута во блендерот, најпрво на голема брзина а при крајот на поспора брзина.

Откако ќе го добиете милкшејкот повторно може да ставите чоколаден прелив или сируп, да го наполните со цреши или пак само шлаг како за крај. Израдувајте ги децата и целото ваше семејство!

Изменето од Valerija - 13.Јули.2018 во 09:00

Перверзен коктел од Џејми Оливер

Ако сакате рецепт за коктел со кој саканиот ќе го опиете од љубов, пробајте го следново. Овој лесен коктел можете да го наречете „безобразен“ или „перверзен“, а важно е да го подготвите со малку шампањ и многу калинка. Потребно: ● 3-4 калинки ● шеќер по вкус ● шише изладен шампањ Подготовка: ● Исчистете ги калинките и извадете ги семките. Измешајте ги семките во блендер, па кашата процедете ја така што ќе добиете убав сок од калинки. Ако е многу кисел, засладете го со шеќер. Во високи чаши за шампањ, сипете 5 см од сокот , па дополнете со изладениот шампањ. ● Наместо калинки, можете да користите и пире од кајсии или јагоди, само е важно да користите сезонско овошје. На здравје!

Изменето од Valerija - 13.Јули.2018 во 08:50

Чоколаден Ликер

Состојки

• 1 и 1/2 л. млеко
• 500 гр. шеќер
• 500 гр. рум
• 2 пудинга од чоколадо
• 100 гр. какао
• 1 ванилин шеќер

Упатство

Пудингот и какаото се размешуваат во 300мл. ладно млеко,а преостанатото млеко се става во тенџере на оган да зоврие.
Во млекото што е во тенџерето се додава шеќерот и ванилиниот шеќер.Се меша за да се стопи шеќерот.
Кога ќе зоврие,се додава пудингот и какаото,па се меша со лажица 2-3мин.
Се трга од оган и се додава румот.Се промешува и се остава да се олади.

Изменето од Valerija - 13.Јули.2018 во 08:48

Како се подготвуваат најпознатите коктели

Доколку некогаш ви дојде идеа да правите home cocktail party за вашите најблиски пријатели, еве неколку идеи за коктели. Викендот е добро...

 

...време за коктел - журка! Започнавме со најпознатите коктели правени со виски:

1. Класично Виски

Состојки:

- 40 мл сируп
- 20 мл вода
- 8 капачиња Bitter (алкохол на база на тревки, кој најчесто се користи како додаток за правење коктели, има горчливо- кисел вкус)
- 950 мл коцки мраз
- 180 мл бурбон виски
- 4 парчиња портокал
- 4 кандирани цреши



Начин на подготовка
Најпрво ставете го сирупот, водата и bitter-от во чаша за виски. Промешајте за да добро се искомбинираат вкусовите потоа ставете ги коцките мраз. Врз мразот ставете виски, и на крај додајте ги портокалот и црешата.


2. Сазерак (најстариот коктел кој постои)

Состојки:

- 5 мл ликер со вкус на анасон
- 8 гр бел шеќер
- 20 мл вода
- 8 капачиња Peychaud bitters
- коцки мраз
- 235 мл бурбон виски
- 55 гр сок од лимон


Начин на подготовка
Пред да се подготви коктелот ставете ги чашите во фрижидер. Ставете го ликерот од анасон во чашата, на тој начин што ќе ги намокрите ѕидовите од чашата. Додајте ја водата, шеќерот и bitter-от во чашата, и мешајте. Додајте ги коцките мраз, ставете го вискито и на крај сокот од лимон.

3. Минт Јулеп

Состојки:
- 235 мл вода
- 200 гр бел шеќер
- 6 гр грубо исецкани листови од нане
- 465 мл Kentucky бурбон
- 4 свежи ливчиња од нане за толчење







Начин на подготовка
Во еден мал сад комбинирајте ги водата, шеќерот и исецканите ливчиња од нане. Ставете ја смесата да се свари, се додека не се стопи шеќерот. Оставете ја смесата да се олади 1 саат , а потоа поминете ја сметата низ цедалка да се отстранат листовите од нане. Потоа додадете ги останатите состојки.

4. Шеги Менхетен

Состојки:

- 60мл сладок Вермонт
- 175 мл бурбон виски
- 4 капачиња bitter
- 4 кандирани цреши


Начин на подготовка
Наполнете го шејкерот со мраз. Ставете ги вискито , врмоноунтот и bitter-от, мешајте околу пола минута. Ставете ја смесата во чаши и додадете ги црешките.

Изменето од Valerija - 13.Јули.2018 во 08:47