Нема да згрешите ако домот или градината ги украсите со некој од широката палета кактуси. Многу се декоративни и лесно се одржуваат. 

Кактусите кај нас се одгледуваат како домашни билки. По потекло се од топлите и суви краеви: пустините во Австралија и Африка, а најчесто во Јужна, Средна и Северна Америка.

Тие се многу скромни, па им одговараат на оние што сакаат да имаат билки дома, но немаат многу време за нив. Дури и кога заминувате на одмор не мора никого да молите да ги полева, тие трпеливо ќе го чекаат вашето враќање.

Повеќето кактуси не заземаат многу простор, па одговараат и во помали станови. Тие се со карактеристичен облик, а цветовите се правилни, убави и со чисти јасни бои. Цветовите не им траат долго, но некои кактуси се украсуваат со толку многу цветови што изгледаат како букет.

Иако кактусите ги вбројуваме во собни билки, тие сакаат летото да го поминат надвор. Во зима задолжително внесете ги дома и чувајте ги на температура околу 5 степени и полевајте ги многу ретко. Тоа значи само неколку пати во текот на целата зима бидејќи тоа е период на нивно мирување.

На пролет и на есен полевајте ги на секои десет дена, а во лето на секои пет дена. При

хранувајте ги со ѓубриво за кактуси.