Итно се потребни донации за Емил Новески

 

Господ да му подари Спасение и здравје! Амин!

 

Не, туку таму Го замолуваат Се’Добриот Господ да им ги исцели болестите и Тој излегува во пресрет секому според потребата за Спасение на душите. Слава на Бога!

Иако разговоров со EvAngelos не е баш директно врзан за конкретнава донаторска акција, сепак сметам и дека не е погрешно што ќе бидеме до некаде off-topic, зашто и на ваков начин ќе ја актуелизираме темава повеќе да биде забележувана.

 

EvAngelos напиша: Се согласувам со Biba_G, времето за лекување истекува и сега не е време Емил да се шета по манастири, туку потребно и да иде во некоја од Европските болници за да му пресадат коскена срж. Ова операција чини над 100.000 евра - сума која е невозможна за семејството Новески. Pravoslavie, Севишниот Бог не живее во манастири, ниту во какви било ракотворни храмови. Тој е сеприсутен и Тој ги слуша молитвоте кои Му се упатени Нему независно од тоа каде се наоѓа молителот. Како што вели Светото Писмо: "А Сèвишниот не живее во ракотворни храмови, како што вели пророкот: Небото Ми е престол, а земјата е подножје на Моите нозе. Каков дом ќе ми изградите - говори Господ - или какво ќе биде местото за Моја починка? Не го направи ли сè тоа Мојата рака?" (Дела на апостолите 17:48-50, Библијата) Значи Господ не живее во манастири. Ако мене ме прашувате, од мое искуство (и јас сум земал хемотерапии како Емил) Тој е најблиску до оние кои деноноќно Му се молат во болниците

 

 

Јас никаде не кажав дека Бог живее во ракотворни Храмови. Ниту кажав, ниту помислив, ни од блиску подразбрав, ни од далеку подразбрав. Не знам зошто го споменуваш ова.

 

Тој Е секаде присутен, и се’ гледа, и се’ слуша, и се’ знае, и се’ може и за се’ се грижи. Сепак да ги ставиме на кантар Библиските факти, па да направиме една пресметка.

 

Дали крвоточивата жена БАШ МОРАЛА да се допре до Исус? Зарем не можела да седи дома и со силна молитва да моли да и’ помине болеста? Дали Господ ја прекорил за тоа? Дали одбил да и’ помогне? Дали ја вратил назад и дали и’ рекол да се моли од дома? Не! Уште повеќе што таа верувала дека макар и да се допре ДО РЕСИТЕ (или ДО КРАЈОТ) на Неговата облека, би оздравеала. Никаде прекор! Само љубов и топлина!

 

Дали болниот сосе леглото го спуштија низ покривот на куќата во која Беше Тој? Да! Дали Тој ја виде нивната вера и поради нивната вера му прости и го излекува човекот? Да! Дали тие со нивната вера можеа да бидат дома и да се молат и таа нивна вера да роди силна молитва и на таков начин да се излекува човеков? Можеа! Ама сепак Господ го излекува на ТОЈ начин човеков. Никаде прекор! Само љубов и топлина!

 

Дали во тремовите на бањата Витезда лежеа мнозина болни, слепи, сакати... кои чекале ангел да ја разбранува водата па да се симнат и да се излекуваат? Да! Дали можеле да бидат БИЛО КАДЕ - некаде надвор од тремовите на бањата и да се молат силно и Господ поради нивната вера и по нивната молитва да ги излекува? Можел! Дали им рекол “Јас не живеам на оваа бања, сте можеле да бидете некаде надвор и да се молите и Јас би ве излекувал“? Не им рекол, туку исцелувал секого кој со вера му пристапувал, а Господ Исус Христос на еден од нив најнепосредно лично му подарил исцелување. Никаде прекор! Само љубов и топлина!

 

А слепите кои Му пристапиле? Зарем не можеле да бидат некаде надвор, дури и да не знаат за Него, туку само дење ноќе да бидат во молитви и поради нивната вера и по нивните молитви да им подари вид? Дали ги истера? Не! Дали ги одби? Не! Никаде прекор! Само љубов и топлина!

 

 

Во сите овие случаи луѓево знаеле од каде излегува исцелителна сила, и оделе таму. Си знаеле дека: “Нема потреба да седам дома и да се молам, одам кај Тој за Кого сите зборуваат дека помага секому, па и јас се надевам дека ќе добијам излекување за мене.“ И не се излажале!

 

Уште повеќе што дел од наведениве или сите наведени, де-факто немале вера во Него како Единороден Син Божји и како Спасител на Светот и без ВИСТИНСКИ да Го ПОЗНАВААТ Кој Е! Само ги прашувал некои од нив “Дали веруваш дека можам тоа да го сторам?“

 

Зошто тогаш ти EvAngelos си го затворил срцето и се противиш што го посочив Манастирот Острог, кој е познат НИЗ ЦЕЛИОТ СВЕТ?  Со моиве очи сум видел и странски регистрации на автомобили од секаде! Чуле и дошле, зашто знаат дека таму има она што им треба. Затоа јас и им го посочувам овој Манастир, бидејки ЗНАМ што има таму!

И дај те молам, омекни го тоа срце...
Православие и Евангелос знам дека секој од вас сака да помогне на свој начин, но ве молам во  вашите коментари  воздржите од сарказам,  докажување и полемизирање. Ве молам отворете  тема во Вероисповед околу вербата/невербата па верувам ке се вклучат и други дискутанти.