Куп на Конфедерации 2009

Шпанија - Нов Зеланд (нед. 20:30)

Во вториот натпревар од Групата А ќе играат европскиот првак Шпанија со првакот на Океанија Нов Зеланд.

Ова би требало да биде само полесен тренинг за “црвената фурија“.Може “кивите“ покажаа одлична пратија со Италијанците во пријателскиот натпревар пред стартот на ова натпреварување, но сепак овде станува збор за Шпанија.

Шпанците имаат 10 победи во серија(светски рекорд), 32 натпревари без пораз, играат доста брз, напаѓачки и атрактивен фудбал и се освен победа би било најголемото изненадување на овој турнир. Битка на Давид и Голијат.

За Нов Зеланд ова натпреварување ќе биде еден вид тест пред нивниот бараж дуел за светското со селекцијата од азиските квалификации. Фактот дека во Океанија квалификациите се среќаваат со некои мали островски аматерски репрезентации кажува дека Купот на Конфедерации сегогаш ќе им биде најголемиот тест за моменталната нивна форма и нивниот квалитет.

Тие се највисокиот состав на турнирот со просечна висина од 1.85м. нивни најдобар фудбалер е напаѓачот Смелиц и тој ќе преставува најголема закана за Касиљас. 

“Еден добар натпревар или добар резултат со светскиот тим број еден ќе не стави нас на светската фудбалска мапа, а тоа е нешто што многу долго го чекаме. Неможеме да бидеме среќни само со тоа што сме најдобри во Океанија.“ - изјави напаѓачот Крис Килен.

Шпанците пак предводени од Давид Виља, Фернандо Торес, Чави, Касиљас, Чаби Алонсо, Фабрегас треба да многу лесно да ја поминат оваа група и да се чуваат за предизвиците во полуфиналето кога вкрстуваат со другата група која е далеку поквалитетна од оваа. 

Мали проблеми има Фабрегас поради повредата на главата и најверојатно нема да настапи на овој дуел исто како и Пике. Заради повреда на ова натпреварување ќе го нема Иниеста.

“Овде доаѓаме како Европски шампиони, но имаме респект за сите наши противници. Ја прифаќаме улогата на фаворити и се надеваме дека се покажеме во најдобро светло.“ - изјави Икер Касиљас.

Значи овде нема што да се анализира од тактички-технички план и Шпанците се апсолуни фаворити и треба воопшто да не се замараат и да не шутираат на голот за да не победат. Ќе биде тоа апсолутна доминација на “црвената фурија“ и најверојатно уште една висока победа како онаа во Баку над Азербејџан од 6-0.

Само еден полесен тренинг за Шпанците. Апсолутна доминација на тимот на Дел Боске, што се вика не ни се испотија.

Се беше готово уште по 17 минути игра. Хет-трик на Фернандо Торес за 11мин и 3-0 уште тогаш.

Во 6-та минута прекрасен потег на „Ел Нињо“, пласирана топка од 16м и голманот на Нов Зеланд немоќен. Потоа 14-та минута мат во три потега. Риера во празно до Виља овој на петерец до Торес и 2-0. Во 17-та минута Капдевиља нафрли од лево, напаѓачот на Ливерпул со глава за 3-0.

Три шута три гола за Шпанците и максимална деморализација за “кивите“. Не помина уште долго, 24-та минута, уште едне гол во мрежата на Мос. Капдевиља уште еднаш по левата страна избегна офсајд стапица несебично го проигра Фабрегас на кој не му беше тешко да постигне гол за 4-0.

Во второто полувреме уште на стартот, 49-та минута, огромен кикс на Бојенс при еден центаршут на Торес, овој промаши цел фудбал, топката дојде до Виља кој само ја допре за 5-0.

За одбележување се уште неколку шута шанси кои ги имаа Риера, Виља, Капдевиља со кои победата можеше да биде уште поубедлива. Сепак Шпанците не ни сакаа да се замараат за повеќе голови.

11-та победа по ред на „црвената фурија“, 33 натпревари без пораз и на овој турнир ќе се обидат да г срушат рекордот на Бразил од 35 мечеви без пораз.

Италија - САД (пон. 20:30)

Светските шампиони од Германија 2006, Италија своето отварање на купот на конфедерации ќе го имаат со шампионите на КОНКАКАФ Соединитите Американски Држави.

Овие две репрезентации за последен пат се сретнаа веќе токму на тоа СП 2006 кога во групата Италија одигра 1-1 со Американците.

Сепак многу работи се променија од тогаш. Кај Италијаните работите се свртеа во негатаивна насока, додека пак кај Јенките тргнаа во позитивен правец.

Традицијата вели дека Италијанците никогаш не изгубиле од САД, а имаат одиграно 7 натпревари досега. Азурите со 28 години и 7 месеци се најстариот состав на овој турнир.

Дека “јенките“ имаат добар и квалитетен состав им покажаа уште тогаш во Германија. Искуството на тие играчи сега е поголемо и тоа треба да преставува уште поголема опасност за Италијаните.

Американците во моментов се далеку пред Мексико и прераснаа во најдобриот состав во КОНКАКАФ групата. Зголемувањето на квалитетот на MLS лигата како и големото искуство кое го собраа нивните најдобри играчи во Европа е причината за тоа.

Нивни најголеми ѕвезди и играчи на кои ќе треба да се обрне внимание се Лендон Донован, Клинт Демпсеј и ДеМаркус Бисли.

“Ова е шанса да одиграме три јаки натпревари на година пред светското првенство и тоа на дел од тие стадиони. Во исто време ќе треба да ги споредиме нашите изданија со ланските три јаки натпревари кои ги одигравме во ова време и да видиме кој е нашиот прогрес од тогаш.“ - изјави селекторот на САД Боб Бредли.

Со истите проблеми како и ЕП 2008 се среќаваат Италијанците. Ќе имаат некреативен среден ред. Не многу инвентивни и брзи напаѓачи во Јакинта и Тони и ќе се обидат преку статичен фудбал во тесни и неизвесни натпревари преку грешките на противниците да стасаат до полуфинале.

Мислам дека нивните противници веќе се навикнаа на нивната игра и ќе мора Липи да промени нешто, пред се да проба со Пепе, Кваљарела и Џузепе во нападот, да проба со брзи и пробивни играчи.

“Првиот дуел со САД за нас е и најважниот. Тие се квалитетен противник, цврст тим кој е тешко да го пробиете. Мора да бидеме максимално фокусирани на првиот натпрвар затоа што со него го поставуваме нашиот ритам за понатаму.“ - изјави Марчело Липи.

Oдбраната ќе биде проблем. Го нема Неста, Матераци, Малдини, па и Канаваро кој е тука не е во некоја форма и на сето тоа има и повреда и нема да биде во комбинација за овој натпревар. Тоти се откажа од репрезентативниот дрес уште од поодамна, го нема Дел Пјеро, една цела генерација. Пирло, Каморанези, Замброта и Де Роси немаа којзнае каква сезона, Гатузо беше повреден и тоа исто лош предзнак за овој турнир.

Резултатот ќе зависи од формацијата на Липи. Ако излезе со 4-3-3 тогаш и шансите за победа ќе бидат поголеми, во друг случај може да се случи Азурите и да загубат.

Вистинска мајсторија првиот гол.

Страшен играч е Кака