Најава: Куп на Конфедерации (14 - 28 јуни)

03/06/2009 01:51

Сите што мислеа дека ќе паузираат до крајот на август(кога повторно започнуваат првествата) со гледањето на квалитетен фудбал ќе треба да почекаат уште еден месец. Sportski.mk до 28-ти јуни освен трансфер шпекулациите ќе се обиде максимално да ви долови Купот на конфедерации кој започнува на 14-ти, а ќе трае до 28 јуни.

Купот се оджува во земјата домаќин на наредното Светско Првенство  и тоа всушност е еден вид тест за ФИФА колку Јужна Африка ќе се покаже на организационен план.

Инаку ова ќе биде осмиот таков куп, а првите два организирани вакви купови се под името Кралски Фахад Куп на кој целта им била пред се од финансиски план, бидејќи се организирал во Саудиска Арабија под покровителство на тамошните шеици. Всушност тоа било еден вид популаризација на најквалитетниот фудбал во оваа земја.

На почетокот во 1992год, неговото прво издание играле само четири репрезентации. Првакот на Африка(Брегот на Слонова Коска), првакот на Азија(Саудиска Арабија), Првакот на Јужна Америка(Аргентина) и Првакот на КОНКАКАФ(САД).

Потоа во 1995 се вклучува и првакот на Европа, како и првакот на Азија, за да од 1997год за прв пат да почне да функционира како Куп на Конфедерации во кој учество ќе земат: Победникот на ЕП, домаќинот, Победникот на СП, победникот на Азија купот, победникот на Африканскиот куп на нации, победникот од Океанија и КОНКАКАФ победникот. Значи се на се 8 репрезентации. Имаше и неколку откажувања во изминативе години, особено на европските репрезентации, пред се поради уморот на нивните фудбалери.

Годинава тоа ќе бидат: Шпанија, Италија, Бразил, Египет, Јужна Африка, Нов Зеланд, САД и Ирак.

Ќе бидат поделени во две групи:

Група А

Јужна Африка

Ирак

Нов Зеланд

Шпанија

Група Б

САД

Италија

Бразил

Египет

 

Натпреварите ќе се играат во 5 града, а финалето ќе се игра во Јоханесбург.

 

Како репрезентации со највеќе трофеи се Бразил(1997 и 2005) и Франција(2001 и 2003), додека по еден трофеј имаат Мексико(1999), Данска(1995) и Аргентина(1992).

Бразил и Мексико имаат највеќе учества по 5. Со учеството на Кариоките и на овој турнир ќе имаат 6 учества и ќе бидат единствени со такво достигнување.

 

Sportski.mk во наредните неколку денови ќе ви ги престави сите овие репезентации и ќе ги проанализираме нивните шанси за освојување на овој трофеј.

Лесни и убеливи 5 - 0 за Шпанците

 

Како што и се очекуваше, лесно, убедливо, рутинирано “црвената фурија“ го прегази Нов Зеланд со 5-0.  

 

Бразил - Египет(пон. 16:00)

Рекордерите според бројот на настапите на Купот на Конфедерации и шампионите на Јужна Америка Бразил ќе се сретнат со шампионите на Африка, селекцијата на Египет.

Кариоките се едни од главните фаворити на турнирот и тука нема сомневање. Исто како и на СП и на купот на конфедерации се на врвот според бројот на титули. Досега имаат две и овде ќе јуришаат на трета и да се одвојат од Франција сами на врвот.

И на овој дуел Кариоките влегуваат како фаворити, но тоа не значи дека и ќе победат. “Фараоните“ се доста цврста и компактна репрезентација со неколку исклучително квалитетни поединци, но нивната најдобра алка е селекторот Шахета.

Неговиот авторитет над играчите е неверојатен и затоа и тимот е толку дисциплиниран и функционира толку добро. Тоа особено го покажаа на Африканскиот куп на нации лани.

Поради недисциплина во составот ќе ги нема двата најдобри фудбалера на Египет, Мидо и Амр Заки(повреден). Во таков случај особено внимание ќе треба да се издвои на Абу Трика и Мохамед Зидан кој имаат доста техника во своите нозе и можат да преставуваат вистинска опасност за Бразил. Исто и нивниот голман Ел Хадари е одличен. 

“Не смееме да влеземе со страв на дуелот со Бразил, бидејќи ако тоа го направиме на првиот натпревар ќе ни се случува и на наредните.“ - изјави Хасан Шахета.  

Селекцијата на Бразил не како онаа од минатото исполнета со ѕвезда до ѕвезда, но сепак освен Роналдињо и не фали никој посебно. Главните мотори на играта ќе бидат Кака и Робињо, а не треба да се заборават Елано, Даниел Алвес и Луис Фабијано.

Бразилците ќе треба дефинитивно да се потрудат малку повеќе од колку што мислат ако сакаат да победат. Не смеат во никој случај да ги потценат “фараоните“. Тоа се 10 фудбалери кои се на секој дел на теренот, го оставаат и срцето и душата и за нив нема загубена топка.

“Очекуваме еден навистина тежок натпревар, многу потежок отколку повеќето што мислат. Повеќето од фудбалерите на Египет не се познати во светот, но едно е сигурно, не освојувате две последувателни титули случајно. ВИ треба многу квалитет за тоа.“ - изјави селекторот на Бразил, Дунга.

Ако “кариоките“ влезат во натпревар без дуел игра, еден на еден пробиви, туку чисто тактичко надмудрување не би требало да ги освојат трите бода. Египќаните играат груб, борбен, деструктивен фудбал и тоа може и да ги изнервира избраниците на Дунга. 

Крилните позиции преку Робињо, Елано и Даниел Алвес ќе треба да бидат клучните за разбивање на тактиката на Шахета или евентуално некој шут од далечина или прекините.

 

 

 

Kaka dvoen strelec spasitel za Brazi od penal vo 90' i prethodno prv gol vo 5'. Za Brazil pogodile i Luis Fabiano i Juan, a za Egipet 2 pati strelec bil Zidan, Shawky i Muhamadi.

Толку многу голови а јас не гледав

 

Ајде вечер Сад - Италија ќе биде и тој арен за гледање..

 

http://www.youtube.com/watch?v=VhyqIHMgvb8 - Prv gol  majstorija Fiks :)

http://www.youtube.com/watch?v=xX24cqdJqsY - Vtor

 

 

Spored mene najinteresen ke bide na 21.06. Italija- Brazil

Страшен играч е Кака

 

Najdobri se...sampioniiii

 

Italija : SAD

3:1

 

strelci za Italija :Rosi 2gola i De Rosi

Куп на конфедерации: Среќна, незаслужена победа на Бразил

15/06/2009 18:09

Како што и се очекуваше, Бразил го потцени Египет и тоа за малку ќе им се вратеше. На крајот треба да бидат среќни што не загубија, а многу среќно победија, воопшто незаслужено, но тоа е фудбалот.

Апсолутна доминација на “фараоните“ особено во вториот дел. Едноставно си поигруваа со Бразилците, како да беа со сменети улоги. Колку самодоверба имаше во нивната игра, да имате 54% посед на топка против Кариоките дефинитивно кажува нешто.

Бразил беа изгубени во второто полувреме. Никогаш не се научени да не ја конторлираат топката и да се бранат што беше случај на овој дуел. 

Сепак прекините беа тие што ги вадеа Бразил. Дури три гола од прекин. Единствено само од нив беа опасни и таа паника на одбраната на Египет при таквите нафрлувања ја користеа.

На крај 4-3 во последната минута. Гол од пенал кој го реализираше Кака откако Алмухамади спасуваше со рака на гол линијата по ударот на Лусио. Египќанецот потоа заслужено доби црвен картон и остави да жалат “фараоните“ за пропуштената историска шанса.

А натпреварот започна со голот на Кака уште во 6-та минута кога киксираше комплетната одбрана на Египет, а овој искусно, рутинирано го совлада Ал Хадари.

Веднаш потоа во 9-та минута одлична акција на Египет. Исфрлен во празно Абу Трика, нафрли на петерецот, а таму Мохамед Зидан со глава ја заби во мрежата на Жулио Цезар за 1-1.

Многу кратко траеше радоста на составот на Шахета. Досуден фаул од десната страна на 30-тина метри. Елано центрираше, Луис Фабијано со глава им носи водство на Кариоките, 2-1, 11-та минута.

И тогаш почна благата иницијатива на Египет. доминираа на средината на теренот со едни кратки и бесконечни проигрувања, а Бразилците се обидуваа преку контра.

Сепак, повторно прекин, овојпат корнер. Елано нафрли, Хуан највисок во скокот и им носи 3-1 водство на Бразил.

Пред крајот на полувремето Абд Рабу имаше фантастична можност за да намали на 3-2, но неговиот силен удар со глава заврши за малку над голот.

Во вториот дел за една минута беше 3-3. Најпрво во 54-та минута Шавки прецизно шутираше од 18-тина метри одлево откако целата средина беше исфрлена со едно двојно проигрување меѓу Абу Трика и Мовад и овој вториот несебично до Шавки за 3-2. Потоа веднаш грешка на средината на теренот на Бразил,  Абу Трика во празно до Зидан испадна еден на еден со Цезар и лесно, ладнокрвно за 3-3.

Имаа уште два добри удари преку Ахмет Фати и Шавки пред крајот на натпреварот дури и за победа, но шутираа за малку непрецизно.

Кака имаше закана за прв пат во вториот дел и тоа во 77-та минута, но од волеј од 16-тина метри за малку над голот.

На крај цел свет можеше да види колку само квалитет има во оваа репезентација на Египет и дека нималку лесно со нив нема да си поминат Италијанците, а влегуваат како фаворити со САД. 

Куп на Конфедерации: Победа со пресврт на Италија

 

Малку потешко од очекувањата Италијанците ги совладаа САД. Дури мораше да се враќаат од негатива од 1-0, за на крај да слават и убедливо со 3-1.

Првото полувреме Азурите не го одиграа на некое ниво, всушност не одиграа ништо. Може имаа теренска иницијатива, но немаа некоја посериозна шанса со исклучок на ударот со глава на Легротаље.

Јенките беа опасни преку контра-нападите и ако беа повеќе сконцентрирани и ако Алтидоре и Мајкл Бредли имаа повеќе самодоверба ќе водеа со 1-0 уште пред Кларк да добие директен црвен картон во 33 минута. 

Сосема заслужено, налета со ѓон на потколеницата на Гатузо и судијата Поцо мораше да го исклучи.

Но наместо да нападнат со играч повеќе Италијанците сеуште беа во подредена улога на теренот. При една опасна ситуација во шеснаесетникот Алтидоре одлично го издрибла Киелини, овој наивно постави нога и беше досуден оправдан пенал за Американците кој Донован го реализираше, 41 минута.

И во второто полувреме немаше некоја иницијатива од Азурите. Неможеа да ги пробијат Американците. Не затоа што добро се бранеа туку затоа што немаа таков играч кој ќе повлече кој ќе издрибла еден, двајца и ќе направи паника во одбраната. 

Липи го увиде тоа и во 57-та минута ги уфрли Роси и Монтоливо на местата од Гатузо и Каморанези и веднаш живнаа Италијанците. Овие двајца требаше да играат уште од старт и ќе немаше никаков проблем за нив.

Малиот напаѓач на Виљареал само што влезе постигна гол. Пресече една топка на средината, повлече стаса а 20-тина метри шутираше силно и неодбранливо за 1-1. Вистинска бомба.

Вториот гол падна во 72-та минута. Исто шут од далеку. Овојпат Де Роси шутриаше силно од 30-тина метри, Хауард мислеше дека Онејву ќе блокира, овој ја промаши топката и го измами голамнот на САД и топката заврши во мрежата, 2-1 за голема радост на Италија.

Потоа се отворија САД, а тоа го користеа Италија. Имаа уште многу шанси за да го зголемат водството. Роси на два пати, Тони имаше еден на еден шанса, но Хауард одбрани. За на крај Џузепе Роси да го постигне и својот втор гол во 94 минута за на крај убедливи 3-1.

Американците имаа убава шанса на 2-1 во 90-та минута за да изедначат, но Дејвис сам непречен од никого од 5м со глава шутираше високо над голот.

Со оваа победа на Италијаните ќе им биде потребно уште реми со Египет и би требало да се пласираат во полуфинале. Сепак не треба да ги радува изданието од денес, особено тактиката која ја спороведе Марчело Липи. Ќе мора да игра со Роси уште од старт.   

 

Јужна Африка - Нов Зеланд (сре. 20:30)

Ова треба да биде рехабилитација натпревар за домашната селекција откако претходно не успеаа да ги совладаат Ирачаните, иако за волја на вистината имаа неколку убави можности на крајот, но едноставно немаа среќа.

Само не треба да се залажуваат на убедливиот пораз на Нов Зеланд од Шпанија. Тој натпревар воопшто не беше вистинската слика на “кивите“.

Нов Зеланд во тој дуел влезе доста исплашено, со многу респект кон противникот и затоа и тој беше резултатот. Тоа беше за нив влегување во реалноста на светскиот фудбал. После натпревари со некои аматерски екипи ви доаѓа европскиот првак и многу јасно беше дека ќе се случи дебакал.

Но и против “црвената фурија“ Нов Зеланд покажа дека знае да изгради акција и да создаде добра шанса и затоа не треба да се потценат нивните можности. Килен, Смелц и Џејмс се опасни во нападот, особено во воздушните дуели, а и одбраната ако им е во стабилно издание Јужна Африка ќе имаат голем проблем да го скршат отпорот на “кивите“.

“Нашите реални шанси за некои поени на ова натпреварување ни се против Јужна Африка и Ирак. Мора да се совземем после високиот пораз од Шпанија да се обидеме да им ги расипеме сметките на Јужна Африка.“ - изјави голамот на Нов Зеланд Глен Мос.

Домаќините се единствената репрезентација која не форсира тимска игра на ова натпреварување, всушност и затоа се и единствената без титула на овој турнир.

Играат типичен африкански фудбал, кој е доста див со многу индивидуални потези. Тоа е и целта на Жоел Сантана. Преку овој турнир да создаде вистински тим кој ќе го понесе огромниот товар на СП наредната година.

На првиот дуел покажаа дека имаат добар и инспиративен среден ред. Пред се Паркер, Дикачој и Модисе. И ако се додадат и “Англичаните“ Мокоена и Пиенар имаат добар тим барем за пласман во полуфиналето на Купот на Конфедерации.

“Очекуваме навистина тежок натпревар утре, особено тешко ќе ни биде при прекините. Знаеме дека Новозеланѓаните се високи и добри во воздушните дуели, па ќе треба добро да се подготвиме за тоа.“ - изјави голманот на Јужна Африка Куне.

 тип: 2-1(Јужна Африка)

 

Шпанија - Ирак(сре. 16:00)

Се среќаваат Европскиот шампион и азискиот шампион. Исто како и во дуелот со Нов Зеланд и ова би требало да биде тренинг натпревар за Шпанците.

Својата моќ Шапнците ја покажаа со Нов Зеланд кога буквално ги растурија, а воопшто и не се испотија. Во овој случај би требало ситуацијата да биде малку поинаква.

Ќе треба малку и да се помачат Шпанците, бидејќи пред се Ирачаните се цврста екипа која би требало да игра класичен бункер против нив и нема ни да се обидат да ја поминат средината на теренот. Ќе одат да примат што е можно помалку голови.

И самите се свесни дека секако ќе изгубат, а за нив најбитниот натпревар доаѓа во последното коло каде што со победа против Нов Зелан може и да се пласираат во полуфиналето што би било фантастичен успех за нив. Во тој случај гол разликата ќе решава и затоа е битно да се загуби од Шпанија со што помала гол разлика.

“Шпанците од секогаш имале инзвонредни фудбалери, но по се изгледа дека сега дојде нивното време. На овој натпревар Ирак не треба да се плаши. Ова е еден од најголемите предизвици за нас. Треба да бидеме среќни што сме тука и да биде среќни што можеме да играме против Шпанија. Уште сега кажувам дека ќе играме антифудбал и ќе се обидеме да извлечеме поен.“ - изјави Бора Милутиновиќ селекорот на Ирак.

Статистиката говори дека Ирачаните се најлоши организатори на нападите на овој шампионат и имаат 62% успешност во додавањата, наспроти 89% на Шпанците.

Од друга страна пак “црвената фурија“ ужива во најдобрите моменти во ниваната историја 13 победи по ред, 33 натпревари без пораз. Потребни им се уште три за да го срушат светскиот рекорд на Бразил или уште две победи за 15 по ред и нов светски рекорд. Токму и на тоа ќе јуришаат. Затоа е оваа мотивираност во тимот.

Индивидуалците ќе го решат овој натпревар за Шпанија, а тие ги имаат многу. Може сите приоди рачаните ќе се обидат да ги затворат, но толку многу квалитет има во Торес, Виља, Фабрегас, Чави што сигурно еден од нив ќе се најде да направи магија и да им донесе победа.

“Знаеме дека сме фаворити, но мораме и да се пазиме во овие натпревари. Го гледавме натпреварот помеѓу Јужна Африка и Ирак. Имаме голема самодоверба, но мораме да останеме сериозни и во наредните натпревари.“ - изјави Фабрегас во пресрет на овој дуел.

 

тип: 3 - 0

 

Како и што најавија Ирачаните на дуелот со Шпанија одиграа максимално дефанзивно, 5-4-1 формација со класичен бункер. Мислеа само на сопствениот гол и единствено преку некои прекини беа “опасни“.

Затоа и Шпанија доста се мачеа да постигнат гол, но на крај сепак успеа во тие обиде преку Виља во 55-та минута. И уште еднаш левата страна беше критична. Капдевиља одлично нафрли на петерецот, Давид Виља осамен и не м беше тешко со глава да погоди за 1-0. Трета асистенција на капдевиља на овој турнир. 

Со овој гол напаѓачот изби сам на второто место на вечната листа на стрелци кај “црвената фурија“. 

Во првото полувреме Шпанците и немаа некоја посериозна шанса. Исклучок беше волејот на Виља во 23-та минута по едно убаво нафрлање на Серхио Рамос, но за малку беше непрецизен.

Во вториот дел Мата имаше две убави шанси, Торес една, Чаби Алонсо имаше неколку опасни удари, но резултатот остана непроменет.

Со оваа победа Шпанија има 14 по ред и се изедначи со Австралија, Бразил и Франција на врвот според овој параметар и потребна им е уште една победа за да имаат 15 и да бидат рекордери. Исто непобедливоста им порасна на 34 и таму им се поребни уште два натпревари без пораз за да бидат рекордери.

Од друга страна Ирачаните со овој минимален сега имаат големи шанси со победа над Нов Зеланд и да се пласираат во полуфинале, но за тоа ќе треба Јужна Африка да изгуби од Шпанија во последното коло, а и вечер Нов Зеланд да го изненади домаќинот или да загуби минимално. 

 

Екипата на Јужна Африка ја забележа и својата прва победа на Купот на конфедерации на кој што настапува како домаќин.

Бафана Бафана може после третото коло и да жалат што не славеа поубедливо, бидејќи ако Ирак слави со повеќе од два гола, а јужноафриканците изгубат од Шпанија тогаш шампионите на Азија ќе одат понатаму. 

Одиграа сосема поинаку од натпреварот со Ирак т.е може да се рече дека и Нов Зеланд им дозволија, бидејќи “кивите“ исто како и во дуелот со Шпанија не одиграа ништо. 

Ако напаѓачите на Јужна Африка беа поснаодливи и ако не одеа на индивидуални пробиви туку на додавања во шеснаесетникот можеа да ја наполнат мрежата на Мос до горе.

Играчот на Црвена Ѕвезда Паркер беше јунакот на натпреварот, бидејќи тој беше стрелецот на двата гола за својата репезентација. Најпрво во првиот дел во 21-та минута, а потоа во вториот во 52-та минута. И на двата гола асистнет беше Масилела.

Уште неколку убави шанси имаа Паркер во првиот дел и Машего имаше минимум три стопостотни во вториот, но Мос одлично си ја заврши работата.

Во секој случај Нов Зеланд не треба да се разочаруваат и од овој пораз. Ова е едно огромно искуство за нив и нивното допрва ќе треба да следува. Ќе имаат можност и против Ирак да го освојат совјот прв поен, бидејќи Ирачаните не се покажаа како офанзивна екипа. 

Куп на конфедерации: Сосема друг Бразил за лесни 3-0

19/06/2009 00:48

За разлика од дуелот во првото коло кога Бразил се мачеше со Египет, овојпат Кариоките едноставно ги растурија Американците и ова беше едно сосема друго издание од нив.

Стартната промена на Дунга со Маикон наместо Даниел Алвес беше она што направи многу разлика. Токму фудбалерот на Интер беше виновник за два од трите гола.

Најпрво уште во 7-та минута нафрли во шеснаестникот по еден слободен удар, а Фелипе Мело стрелаше за 1-0, а потоа во вториот дел и самиот се запиша во листата на стрелците во 63-та минута за 3-0 после додавањето од Кака во празно.

Вториот гол на Бразилците беше дело на Робињо откако Бисли киксираше при еден корнер на половината на Бразил. Повлече контра два на еден Рамиреш уште од својата половина, несебично во шеснанесетникот му ја додаде на Робињо и овој рутинирано стрелаше за 2-0. Тоа беше во 20-та минута.

И на овој натпревар Американците не останаа покусо, пак заработија црвен картон. Овојпат Кјештан, но сега во вториот дел.

Имаа и Јенките две убави можности за погодок, но Фејлхабер и дефанзивецот Кејси го погодија дирекот во 83-та и 86-та. 

Со оваа победа, Бразил скоро и да обезбеди пласман во полуфиналето. Ќе треба Египет да ја совлада Италија, а Италија и Египет да слават во по два гола во последното коло за да не одат Кариоките. 

 

Египет го победи светскиот првак Италија со 1-0

 

Тоа што Египѓаните не успеаа да го валоризираат на првиот дуел со Кариоките кога заслужија минимум бод, успеа да го сторат денес со победата над светскиот првак Италија од 1-0.

Ова може за нив е најголемиот успех во историјата на нивниот фудбал. Во било кој спорт да совладате светски шамион е навистина нешто посебно. Дури и во повеќето боречки спортови во тој случај победникот ја презема титулата.

Фараоните покажаа дека може после Аргентинците го играат најдисциплираниот и најтимскиот фудбал во светот. Вакво нешто за ниту една африканска репрезентација не важи.  

Толку воиграна и дисциплинрана репрезентација ретко се наоѓа и во Европа. Премногу добро се познаваат сите фудбалери на теренот и знаат кој што може да направи и затоа и не се форсираат. 

Затоа и после повредата на Зидан се сети колку е само лошо кога ќе им фали една алка. Потоа во нападот беа како изгубени и немаше кој да повлече контра, а имаа еден куп шанси за такво нешто.

Сепак на крај како клучен играч на овој натпревар се покажа голманот Ел Хадари, кој имаше 5-6 фантастични одбрани, особено во дуелите со Јакинта. Дефинитивно играч на натпреварот.

Италијанците и немаа некоја доминација. Првото полувреме беше израмнето, па дури и Египѓаните беа поопасни во нивните акции и ако не беа Киелини и Замброта да спасуваат неколку пати во последен момент може и подруг ќе беше резултатот уште тогаш. 

Но сепак пред крајот на првиот дел во 41-та минута 1-0 за Египет. Абд Рабу шутираше од далечина, Буфон исфрли во корнер. Абутрика убаво нафрли, а Хомос осамен на петерецот со глава погодува. Трета асистенција за Абутрика на ова натпреварување.

Италијанците имаа два опасни шутеви од далеку во првиот дел. Еден на Роси и еден на Јакинта.

Во вториот дел, притисокот од позитивен резултат по се изгледа остави вилијание на играта на Фараоните и воопште не наликуваа на себеси. Премногу почетнички грешки. Неповрзани акции. Сето ова го користеа Азурите.

Најголем лузер беше Јакинта. Напаѓачот на Јувентус покажа зошто на 30 натпревари за Италија досега има само 4 гола. Во второто полувреме имаше 4 стопостотни шанси, но Хадари му одбрани се.

Сега ситуацијата во групата Б е максимално замрсена. Египет со победа над САД одат сигурно понатаму. Додека Италијанците ќе треба да победат со два гола разлика за да одат понатаму. Секако ова во случај ако Египет победи со Јенките. Со победа од 3-0, а пораз на Италијанците дури и САД има шанси за полуфинале. 

 

fudbalski praznik za oci....Italija:Brazil

21/06/2009 22:53

Се случи најневеројатната варијанта во Групата Б. САД успеа да направи чудо над Египет, а Бразил со 3-0 го посрамоти светскиот првак, Италија.

САД успеа да го совлада Египет со 3:0 и благодарение на победата на Бразил над Италија се пласираше во полуфиналето од Купот на конфедерации.

На крај САД со вкупна гол разлика од 4-6 и 3 поени се втори пред Италија која има 3 поени и 3-5, а Египќаните се последни со 3 поени и гол разлика 4-7. 

Сепак решаваше меѓусебната гол разлика меѓу овие три екипи. САД на крај заврши со 4-3, Италија со 3-2, а Египет со 1-3. Затоа и Американците мораше да победат со 3-0 или повеќе при  пораз на Италија со Бразил.

Далеку поинтересен натпревар беше оној помеѓу САД и Египет. Прекрасни можности за гол имаа и двете репрезентации, но само Јенките профитираа. На крај ќе се покаже дека отсуството на најдобриот играч на Египет Мохамед Зидан кој се повреди на дуелот со Италија како клучно. Неверојатна разлика имаше во играта на Фараоните со и без него. Некако безопасно делуваа нападите без Зидан.

Првиот гол падна во во 22-та минута, а стрелец беше Дејвис после една катастрофална грешка во одбраната на Египет и голманот Хадари.

Во првиот дел Американците имаа многу неискористени шанси и голманот Ел Хадари повторно беше на работ да биде јунак. Најпрво Мајкл Бредли испушти голема шанса уште во 14-та минута. Потоа Донован направи слалом, но Хадари храбро му влезе во шутот. При крајот на полувремето уште еднаш Бредли и Дејвис имаа стопостотни шанси, но не ги искористија.

Во вториот дел уште на стартот Алтидори имаше неверојатна шанса, но од гол линијата Ел Мухамади спаси сигурен гол. Сепак тоа не се случи во 63-та кога овој пат од слична ситуација Бредли реализираше за 2-0.

Во 70-та минута по асистенција на Демпси, Кларк со глава погодува за 3-0 и пласман за полуфинале.

Потоа Америкаците се повлекоа и тоа можеше скапо да ги чини во 92-та минута кога Гома со глава за многу малку биеше над голот. Голема шанса кој можеше да ги чини и пласман во полуфинале ако погодеа.

На другиот натпревар помеѓу Италија и Бразил, Италијанците едноставно беа порамотени. Се беше готово за само 8 минути.

Најпрво Луис Фабијано во 37-та го отвори резултатот. Потоа во 43-та уште еднаш Луис Фабијано реализира, по акцијата на Робињо и Кака. Во 45-та беше поставен конечниот резултат. По нафрлувањето на Робињо, Досена беше несреќен и си постигна автогол.

Претходно убави шанси имаа на два пати Лусио, Луис Фабијано, а уште на стартот Рамирес ја погоди пречката во 7-та минута по акцијата со Фабијано.

Единствените убави можности за Азурите кои максимално разочараа на ова натпреварување ги имаа Каморанези во првиот дел и Џузепе Роси во вториот и тоа по удари од далечина.

Во вториот дела Кака имаше две шанси за гол, но успеа да постигне гол. 

 

Со ова познати се полуфиналните двојки. Шпанија - САД и Бразил - Јужна Африка. Турнирот продолжува во среда кога играат Шпанците и Американците.

Сензационална победа на Американците за финале

 

Дефинитивно тимот на Боб Бредли го живее американскиот сон. Беа во безизлезна ситуација во третото коло во Групата Б, но среќата им се насмевна, а тие и го искористија тоа и влегоа во полуфинале со непобедливата Шпанија, каде повторно се случи чудо.

Американците ја искористија анемијата на Шпанија и им ги срушија сите соништа и сите рекорди. Победите им застанаа на 15, а непобдливоста им застана на 35 натпревари.

Си ги искористија двете шанси кои им се укажаа по грешките на двата бека на Шпанците. Првиот по грешка на Капдевиља, а вториот на Серхио Рамос. Максимално борбени во средината и одбраната, одличен Хауард на голот. Едноставно го полудеа составот на Дел Боске.

Шпанците иако имаа многу шанси, сепак на крај мора да се признае дека беа далеку од она свое препознатливо изнадие. Торес катастрофален во нападот. Виља исебичи се што требаше и не требаше. Чави воопшто не личеше на себеси. Серхио Рамос е далеку од својата ланска форма, а Фабрегас и Алонсо беа исто очајни. Се на се катастрофално издние на “црвената фурија“.

Може рушењето на рекордот во победите и изданијата на САД во групата малку ги опушти и го потценија противникот и на крај тоа им се врати.

Уште на стартот Јенките имаа убави шанси. До 10-та минута две стопостотни за Дејвис и една Демпсеј. Потоа Фернандо Торес имаше фантастична шанса, но Боканегра добро се постави и напаѓачот на Ливерпул промаши.

Првиот гол Американците го постигнаа во 26-та минута. Демпсеј до Алтидоре овој убаво го испилотира Капдевиља во шеснаесетникот и ниско по земја го матираше Касиљас.

Уште една прекрасна шанса имаше Демпсеј во 36-та минута кога сам со глава од само 3-4 метри шутираше над голот.

Во вториот дел играше само Шпанија. Започнаа фуриозно, доминираа на секој дел од теренот, имаа многу шутеви. Виља, Торес, Рамос, Чави, Чаби Алонсо. Риера, но сето тоа или беше непрецизно или Хауард го бранеше, а неколку шутеви беа добро и изблокирани.

Во 74-та минута 2-0. Донован од десно, по земја асистираше на петерецот, Пујол ја закачи таа топка, Рамос ја стопираше на 2 метри од голот наместо да ја изфрли, по се изгледа си мислеше дека Демпсеј е излетан позади него, но тоа не беше така и играчот на Фулам му рече фала на Рамос и ја заби топката во небранетиот гол.

До крај јалови беа нападите на Шпанците за нешто повеќе од само чесен пораз.

Американците сега ќе го чекаат победникот од натпреварот Бразил - Јужна Африка за да го одиграат своето прво финале на едно вакво натпреварување.  

Значи финале САД - Бразил?

За Бразил се очекуваже,ама САД дека ќе дотуркаат до финале,ни на крај памет не ми паѓаше

Поарно им е без нив.

Бразил ја освои третата титула на Купот на Конфедерации

 

Бразилците се новите шампиони на 8-то издание на Купот на Конфедерации. Ова е нивни трети триумф во ова натпреварување и со тоа се издвоија на самиот врв според бројот на титулите. Имаат една повеќе од Франција.

Во Јоханезбург бевме сведоци на две сосема различни полувремиња. првото во целост им припадна на Американците и второто во кое Бразилците имаа апсолутна доминација на теренот.

Натпреварот започна многу лошо за Кариоките. Еден случаен гол на Демпсеј во 10-та минута. Спектор упати едно силно нафрлување во шеснаесетникот, играчот на Фулам само ја допре и ја пласираше во десниот долен агол на Цезар кој беше немоќен. Не ни се очекуваше таков расплет на оваа акција на Американците и затоа и така лесно реализираа.

Потоа во 27-та минута фуриозна контра на Чарли Дејвис. Доби топка на средината на теренот од Донован. Ја водеше до некаде 20-тина метри од шеснаестникот, забележа дека Донован е побрз од Рамирез му ја сврте на средината, напаѓачот на Л.А.Галакси одлично испилотира со Рамирез и пласираше за 2-0 и големо изненадување за сите љубители на фудбалот. 

Бразилците во првиот дел имаа две шанси, два удара од левата страна, еден на Робињо и еден на Андрес Сантос, но Хауард одлично одбрани.

Во вториот дел сосема поинакво издание на Кариоките. Постигнаа еден гол уште на стратот во 46-та минута. Луис Фабијано го постигна својот 4-ти гол на овој турнир по асистенција на Маикон. Со тоа напаѓачот на Севиља изби сам на листата на стралците на овој турнир.

После овој гол Бразил имаше уште многу шанси. Две фантастични на Луис Фабијано и Кака, но Хауард беше неверојатен и одлично ги прочита. 

Сепак играта уште толку се смени на подобро кога Дунга ги извади двата играча кои беа во составот само за да се продадат летово. Излегоа Андре Сантос и Рамирез, а влегоа Даниел Алвеш и Елано.

Веднаш потоа израмнување 2-2, 74-та минута. Кака одлично продре по левата страна нафрли на втората статива, Робињо шутираше, но ја погоди пречката, топката се одби до Фабијано кој со глава од само 1-2 метри ја заби за свои 5-ти гол на овој турнир и титула најдобар стрелец.

Конечниот резултат 3-2 го постави Лусио по корнерот на Елано во 84-та минута.

Американците потоа беа немоќни за нешто повеќе. Бразил ја контролираше играта и после изданието во вториот дел сосема заслужено ја освоија титулата. Сакаа на сличен начин со бункер како против Шпанија да ја освојат титулата, но сепак две победи по ред против славни репрезентации  на сличен начин ќе беше премногу за светскиот фудбал.

На крај сосема заслужено Бразил е шампион. 5 победи во исто толку натпревари. 4-3 со Египет, 3-0 со САД, 3-0 со Италија, 1-0 со Јужна Африка во полуфиналето и 3-2 со САД во финалето.

 

Во мечот за трето место Шпанија во продолженија го совлада домаќинот со 3-2 со голот на Чаби Алонсо во продолжението.